Filiponya 3:6 - Nouveau Testament bété de Gagnoa

⁶ 'Ɛ dɛ -wɛ "ku, 'kwɛme 'tɛ- nɛ -ame gbligbli -Lɔ 'na "kɔkɛledɛ "ku, 'ɛza, 'e 'gbapea nɛ -lɔ Lagɔgligbɛ kpɛnyee. "Ne -Lɔ "me 'na -ye 'wa no -gbɔ 'wa no -se 'wa "kɛ "me ŋwinɛle- Lagɔ 'yliku -wɛ, 'e no nɛ 'tee, "ne 'e "ne nɛ 'nuɔsɔbhɔledɛ -kɛ.

Filiponya 3:6 Iomraidhean Croise

Matie 23:25

'Kpilɛkpilɛ 'ye 'a lale -kɛ -lɔ 'ayi "ku, -Lɔsloanya -nyɛ Faliziɛnya "bhaa, 'ylisiɛtɛlenya nye -lɛ! 'A 'wɛle 'slɔ -nyɛ 'baa "bhaa 'na keyi "ku, "ne 'ɛnɛɛ 'mene 'yiɛ 'wiylili "ne -ye 'a -sɛ 'nyakpa kɔ -wɛ "ku.

Matie 5:20

-Mɔ, gbɛklɛklɛ 'ye 'e bhulɛle -kɛ lɛ 'anye, 'anyɛɛ "meŋwinɛleɛ 'ɛ "mɔ -Lɔsloanya "ne Faliziɛnya -nɛ "ku -zi, 'a "ne 'bhɛle- "ne 'a "kɛ Lagɔ 'na 'Kamalezikpɛ "me plɛ.

Luke 1:6

Zakali -nyɛ 'ɔ "nɔŋɔ "bhaa 'wa ŋwinɛle- 'awɔ "me Lagɔ 'yliku "ne 'wa -gɛle 'awɔ Anyinɛnyɔ 'na gbagbɛ 'klekle, 'wa -kɛ 'awɔ kɔ, "ne 'wa "ne 'awɔ 'nuɔsɔbhɔledɛ -kɛ.

Nonoli 21:20

-Wa fo Pɔle 'yukwli -wɛ 'kwa 'awɔ -lɔ Lagɔ 'ŋlu, "ne 'wa yu nɛ -lɔ bhulɛle nɛɛ: «"Nɔwli, -e 'ye 'ylime, -see -wa "tɛle Lagɔ 'dle -zu, Zufonya 'glɛme "ne 'wa -kɛ Moyize 'na -Lɔ kɔ 'tee -wɛ.

Nonoli 22:5

Bɔbɔnyɔ "yitɔ -nyɛ -Gligbɛyitia "bhaa 'ye me 'ɛnɛɛ 'dɛ, "naa-, 'wa 'jea -lɔ -ame "bɔgo kɔ -gbɔ 'e kɔme -a "nowlia -wa -ko Damase -du "me-wɛ. Zaa, 'e kɛ "bhle -me ne, "ne "kɛ -lɔ 'klecɛnya "sa, "ne 'e "koa -lɔ Zeluzalɛme -nɛme, "ne 'e "koa -lɔ -jiɛ "me 'pɔ.»

Nonoli 26:5

'Wa -yi -ame lɔbhɔ 'gwlɛ "me, 'wa "kɛ 'yɔbhɔ 'wa yi -ame 'ŋunule-, -mɔ, faliziɛnya 'na -Lɔ 'na 'kɔkɛleɛ "me 'ye 'e bhoɔle- -lɔ.

Nonoli 8:3

'Ɛ kɛ Sɔle yɔ, 'ɔ -ko 'awɔ Lagɔgligbɛ 'na "ku bhia- -libhɔ "me: 'Ɔ plɛ 'awɔ -bhudu 'klekle "me, "ne 'ɔ sa 'awɔ -lɔ "bhle 'na 'dlekukɛlenya, 'widia- "ne 'ŋwenea, "ne 'ɔ 'poa 'awɔ -lɔ -jiɛ "me.

Wlomɛnya 7:9

-Watɔ -ce, -ye -Lɔ "ne 'awɔ -le -wɛ, 'e -yɛ 'awɔ 'gbligbli. -Mɔ, -ye gbagbɛ -yi -wɛ, 'nyinyonoli -yɛ -da -lɔ,

1 Kolɛtenya 10:32

'A te 'nyɔkpɔ 'nyinyonoli "me 'sile 'anyɛɛ nonoli 'klekle "me zufonya, glɛkenya "ne Lagɔgligbɛ 'nabhɛ.

1 Kolɛtenya 15:9

-Ame Pɔle, Zezu 'na "kɔlepɔnyɔ 'na 'tekeyi -nɔ 'ye 'e -noɔ -lɔ. 'Neɛ 'tɔ "ne -mlɛ -kɛ 'kɔle -tɔ 'nabhɛ "ku -ŋwa, sɛko -wɛ, 'e -gbapea -kɛ Lagɔgligbɛ kpɛnyee zɛ.

Filiponya 2:15

'Ɛɛ "kɛ -lɔ gbɔ "ne 'a -ka -lɔ 'nuɔsɔbhɔledɛ kɛle-, "ne 'a "kɛ -lɔ Lagɔ 'na yua -wa -ko lɛ -kpee "zo, dodo ne "ku 'na 'nyakpa -gbeyia 'glɛme. 'Wayi 'glɛme ne, 'a -ko sɛgbɛɛ "nɔgɔ "me 'na -zeli -ɛ le.

Filiponya 3:9

'E 'yɔbhɔ nɛ -gbɔ 'ɔyi "bhaa -a "kɛ "ku -kole gou, -mɔ 'ɛ "ne -kɛ 'neɛ 'bhɛloɛ "me yɛ, "ne 'ɛ "ne -kɛ 'lelee gbagbɛ 'na "kɔkɛleɛ "me yɛ, -mɔ, Zezu Kli 'na 'dlekukɛleɛ "me. "Meŋwinɛleɛ -ye Lagɔ 'je lɛ 'ɔnɛɛ -wa -kɔ 'dleku -wɛ kɔ "me.

1 Timote 1:13

-Mɔ, 'ɛ -ko sɔbhɔ "ne 'e 'ylu 'awɔ, "ne 'e -ziɔ 'awɔ 'nyɛze, "ne 'e -no 'awɔ kpokpo -li. -Mɔ, Lagɔ pɔ- 'na 'nyɛzedle. 'E no 'awɔ 'ɛ soɔ, -mɔ, 'e "ne 'awɔ -ye 'e no 'awɔ -wɛ -yi. "Naa-, 'e "ne 'awɔ Klise 'dleku -kɛ zɛ.