Filiponya 3:2 - Nouveau Testament bété de Gagnoa

² 'A luɔle- -kɛ 'nyakpa 'na -wanɛɛ nonoli -ko sɛgbɛɛ gwea, "ne libhɔnonya -nyɛnyea, "ne 'wa "zo "ku -diɛ "plome -wɛ "ku.

Filiponya 3:2 Iomraidhean Croise

Matie 24:10

"Ne 'nyakpa -kwleyia 'na -wa -kɛ nɛ Lagɔ 'dleku -wɛ, yi 'ce 'ɔ lo -sɛ. 'Wa yi 'ce ylo 'nonole-, "ne 'wa yi 'ce 'gblegblele-.

Matie 7:15

«'A 'luɔle- -kɛ "guɔkwɔmenya -gbeyia "ku! 'Wa -pla -kɛ wliaku "me "ne 'wa yile -kɛ -lɔ 'anye lo. -Mɔ, 'wanɛɛ 'mene -ko -kɛ sɛgbɛɛ 'slukua.

Matie 7:6

«'A te 'se -ɛ -noɔ Lagɔ -nɛ yɛ -wɛ gwea 'yliku "pɔ, -mɔ, 'wa yi -kɛ 'anye "ku yile- "ne 'wa yi -kɛ 'anye "me ylɛylɛle-. 'A te 'anyɛɛ 'leyligɔgɔ -kokotia 'yliku "pɔ. 'Wa 'yi -kɛ bhozɔ yole-.»

Wlomɛnya 2:28

'Bhɔ, 'nyɔkpɔ 'na -ɔ -su 'ɔyi Zufonyɔ 'nasɛ -wɛ, 'ɔ "ne "klepaa zufonyɔ gbaa yɔ. "Ne "kudiɛ gbaa "ne -kɛ 'be -ye 'wa 'tli yɔko -wɛ yɛ.

2 Kolɛtenya 11:13

"Kɔlepɔnya 'na -gbeyia 'waa -lɔ, "ne 'wa -noɔ 'lelee -lɔ libhɔnonya -nyɔ 'na sɔ -ko -gwe "me -wɛ 'waa. "Ne 'wa no -lɔ sɛgbɛɛ Klise 'na "kɔlepɔnya 'wa -noɔ.

Galatenya 5:13

-Nyɔsɔwanye, 'wa la- 'anye -gbɔ 'a "kɛ kɔ 'yele. -Mɔ, 'ɛ 'kɔyeleɛ -wɛ te -kɛ -gbɔ -se 'a te -kɛ 'ayi -se 'a 'pɔ "nyɛnye "ku 'dle -slu! -Ye 'a "kɛ no ne lɛ, 'a lɔbhɔlɔbhɔle- "ku -waleɛ "me.

Galatenya 5:15

-Mɔ, 'a kɛ niminimile-, "ne 'a "kɛ 'dlu yɔko 'ylaylale- ne, 'a 'luɔ- -kɛ, 'wli 'a "kɛ -kɛ -lɔ bhiabhiale-!

Galatenya 5:6

'Nyɔkpɔ -nyɛ Klise Zezu "bhaa 'wa "kɛ "ku -kole ne, 'ɔ 'diɔ- "ku 'oo, 'ɔ "ne "ku 'diɔ- 'oo, 'ɛ "ne -bɛɛ' "me -ko! -Mɔ, 'ɛnɛɛ 'ɛ zi lɛ "ku -noɔ -lɔ -gbɔ -a 'tua -anyɛɛ 'dlekukɛleɛ 'na -se -a -wɔ -wɛ 'ylime.

Filiponya 3:19

'Wa yi 'ce "kwlɛbhli, "naa- lilɛliɛ -noɔ -lɔ 'wanɛɛ Lagɔ yɔ. -Ɛ -le 'zu "ku -wɛ -noɔ -lɔ 'wanɛɛ 'ŋlumeɛ yɛ, "ne 'wa "tɛle- -lɔ dodo ne "ku 'na -li 'dle.

Filiponya 3:3

-Mɔ, 'wa kɛ no -gbɔ -wa 'diɔ- "ku -wɛ, -anye 'wa ga -lɔ -tiaa. "Naa-, -anye, -a lɔbhɔ Lagɔ "ku Zuzu Wlewle "me zɛ, "ne -anye -wa -ko Zezu Kli "me -wɛ, -anye zia -lɔ -ayi "ku, "ne dodo ne "ku 'na -li "me 'ye -anyɛɛ 'dlekukɛleɛ -na 'bhale-.

1 Timote 1:19

'Dlekukɛleɛ "me, "ne 'dlepɔsɛ -namanɔ "me, -bedia "ne 'wanɛɛ 'dlepɔsɛ 'na 'yukwli fo gbo 'ŋunu-, sɔbhɔ za, 'wa "ne -la 'dleku -kɛ.

Tite 1:16

'Wa no -lɔ -gbɔ 'wa -yi Lagɔ, -mɔ, 'wanɛɛ nonoli "me, 'wa "ne lagɔnya 'wlole-. 'Wa "ne "klo wolo -sɛ -kɛ, 'wa "ne "zo 'plome "ne 'wa "ne no -li 'na -li.

2 Piɛle 2:22

-Dɛmeda, -ɛ -yloa ne 'sibhale -lɔ 'anye "ɛ nunɛ ne zɔ gbɛklɛklɛ: «'Gwe lile 'ɔnɛɛ gwɛsɛli "kusɔ» "ne «'kokoti 'na -ye 'wa 'bha- -bhudoa -ka -wɛ -bhlile "kusɔ 'paple "me.»

Zude 1:4

'E 'kɛle 'anye "ku sɛko -wɛ 'nyakpa -gbeyia -yi 'diɛɛ "me 'anye 'glɛme. 'Wa -cicia -anyɛɛ Lagɔ 'na 'ŋwɛnɛ -de kɔ, -se 'wa "kɛ -kɛ -se 'wa 'yɔbhɔ -wɛ 'wayi "ku slu, "ne 'wa 'pɔ -lɔ Zezu Kli 'kwlɛ "me, -anyɛɛ -sloanyɔ -bholo -kpee, -anyɛɛ "Bhenyɔ "ne Anyinɛnyɔ. -Dɛme 'ye 'ɛ "ne 'awɔ -noɔ, Lagɔbɔgo -bhulɛ 'awɔ 'wanɛɛ 'gbapeweli "kle.

'Ylikloylɛleweli 2:9

'E -yi -neɛ' 'gbapegbapeɛ "ne -neɛ' 'poɛkɛlesɛ, 'ɛ -ko sɔbhɔ "ne -e -noɔ lɛkɛlenyɔ yɔ! -Wa la 'wayi Zufonya "ne -wa "ne 'wayi 'waa -wɛ 'na -slowli -ye 'wa 'pɔ -eyi "ku -wɛ, 'e -yi. Sata 'na -zakpɛ 'waa -lɔ.

'Ylikloylɛleweli 21:8

-Mɔ, -wa gu, -wa "ne Lagɔ 'dleku -kɛ, -wa no -li 'na "nyɛnye, 'nyakpalɔbhɔnya, 'gbozlɛnya, "gunya, -wa bɔbɔ "fu 'na Lagɔ, "ne yowlɛnya 'klekle, 'wayi -wɛ, -kosugbagbo "me -dee -biŋu -ɛ siɛ yɔko -ko -wɛ, 'wa "kɛ -lɔ 'gbapele-. 'Ɛɛ -noɔ -lɔ 'kwiɛ 'na ''sɔnɛ yɛ.

'Ylikloylɛleweli 22:15

-Mɔ, -wa "kɛ 'du keyi 'to- -wɛ ne lɛ: -Wa no -li -ɛ sɛ geji "ku, "gunya "ne -wa me 'ŋwenea lo 'kpɛtɛkli, 'nyakpalɔbhɔnya "ne -wa "zo "fu 'na lagɔ, "ne -wa -wa yowlɛɛ "ne -wa 'wlɛ yo.

'Ylikloylɛleweli 3:9

'Nyakpa -wa no Sata 'na -zakpɛ -wɛ, -ye 'e "koa 'wli no ne lɛ. Ŋwɛnɛɛ zufonya 'wa -noɔ, -mɔ, 'wa "ne 'wayi 'waa, zaa yo 'wa 'wlɛ -lɔ. 'E yua 'kpokposɛ -kokomini 'pa- -eyi 'yli "ku -se 'wa "kɛ -eyi "zo, -se 'wa "kɛ 'lelee 'sɛ yibhlele- -gbɔ 'e -wa -eyi.