Filiponya 3:19 - Nouveau Testament bété de Gagnoa

¹⁹ 'Wa yi 'ce "kwlɛbhli, "naa- lilɛliɛ -noɔ -lɔ 'wanɛɛ Lagɔ yɔ. -Ɛ -le 'zu "ku -wɛ -noɔ -lɔ 'wanɛɛ 'ŋlumeɛ yɛ, "ne 'wa "tɛle- -lɔ dodo ne "ku 'na -li 'dle.

Filiponya 3:19 Iomraidhean Croise

Matie 16:23

Lɔbhɔ 'ye Zezu 'bheliɔ -lɔ kɔ, "ne 'ɔ yi -lɔ Piɛle bhulɛle- nɛɛ: «'ylile- -ame "guɔ Sata! -E 'yɔbhɔ -gbɔ -e "kɛ -ame zɔ "pɔ, 'yliku -e "titi -lɔ -ame. -E "ne 'pɔ Lagɔ 'nasɛ 'dle, -mɔ, 'nyakpa 'nasɛ 'ye -e 'pɔ -lɔ 'dle.»

Matie 25:41

«"Ne -wa -ko 'ɔnɛɛ kɔpɛ "ku -wɛ, 'ɔ "koa 'ce -lɔ bhulɛle- nɛɛ: 'A 'ylile- -ame "guɔ, 'kpilɛkpilɛnyanye -lɛ, 'a me -kosu 'na -ɛ -ka "ku 'nyimɔ "ne Lagɔ -sɛ lɔbhɔ zuzu -nyɛnyea -nyɛ 'ɔnɛɛ -zilia 'wɔ "bhaa -wɛ za "me.

Luke 12:19

"Ne 'e "kɛ -la -lɔ sɛne 'ayi bhulɛle- nɛɛ : -E -gɛ 'yli -see -neɛ' -li -zu, 'ɛ yi -na lɔbhɔ ko 'ylobɛ -kwleyi 'na dɛ. 'Nyɔpɔ-, li -se "nɛmɔ, -se 'bhlile kɔ.

Luke 16:19

«-Klɔgbɔnyɔ -bholo -ko 'awɔ -lɔ lɔbhɔ. 'Ɔ -pla 'awɔ gblɛgblɛzɛ, "ne 'ɔ wuɔ 'awɔ gblɛgblɛzɛ. "Ne -se zle ze 'awɔ -wɛ, 'ɔ plɔkɔ 'awɔ -lɔ.

Luke 18:4

-Godogodo lo 'ye 'ɔ sɛ 'ce -lɔ yi zɛ. -Zlewɛ "kɛ yi ne, "ne 'ɔ yi -lɔ 'dlezɔ bhulɛle- nɛɛ: «'E "ne 'gu -kɛ 'diɛɛ Lagɔ -gɛ, "ne 'e "ne la -kɛ 'nyɔkpɔ 'nyɔkpɔ.»

Wlomɛnya 16:18

"Naa-, "ɛ soɔ 'na 'nyakpa -wɛ, 'wa "ne lɔbhɔ Anyinɛnyɔ Klise "ku, 'wanɛɛ 'mene 'na libhɔ 'ye 'wa no -lɔ! 'Wanɛɛ 'ŋu -jibhiweli "ne 'wanɛɛ bhulɛweli "namanɔ -wɛ 'wɔ 'wa nole -lɔ 'nyakpa -wa -ko foo -wɛ "me ylo.

Wlomɛnya 6:21

Lɔbhɔ 'na dɛku, -ye 'a -ylele bhɔ "me -tiaa? -Zeka, zu 'lɔbhɔ 'anye, "naa-, 'ɛnɛɛ 'wlisɛledɛ, 'kwiɛ yɛ -lɔ.

1 Kolɛtenya 3:3

Sɛko -wɛ, 'a -namlɛ "me "tamale- zɛ. "Naa-, lɔbhɔzonoɛ, yɔkotɛkpɔtɛkpɔleɛ -ko 'anye 'glɛme. 'Ɛ kɛ soɔ -ko ne, 'nyakpa 'na -wa "ne "me 'tɛ- 'na -li 'ye 'a -na bhɔ no 'a? 'Anyɛɛ kosɛ "ne -na bhɔ -zɛ dodo ne "ku 'na 'nyakpa 'nasɛ -ko bha?

1 Kolɛtenya 5:2

"Ne 'anye 'a zia 'ayi "ku, -mɔ, "klo 'ye 'a "kɛ nɛ -lɔ 'nyɛne -tia, "ne 'a "kɛ nɛ -lɔ 'ɛ soɔ 'na 'nyɔkpɔ -ɔ -su 'ɔnɛɛ zikpɛ 'ɛ soɔ "ku -wɛ, 'anyɛɛ -zakpɛ "me 'kpeti-.

1 Kolɛtenya 5:6

'A "ne nɛ 'bhɛle- "ne 'a "kɛ nɛ 'ayi "ku 'kpɔmalea-. 'A "ne bhɔ 'sɛ -yi -gbɔ manyɔ 'tekeyi 'yolia 'tatagonyi "ne 'ɛ 'flu?

2 Kolɛtenya 11:12

-Ye 'e no ne, 'e 'yi 'ce no 'yiɛ. -Se -wa no -gbɔ libhɔ -bhele 'ye -a no -wɛ, 'e 'toa kɛ -gwe "nyɛ, -se 'wa te -kɛ 'kekle 'gbɔtɔ.

2 Kolɛtenya 11:15

'Ɛ -ka nɛ 'se 'lelee 'anye nyea: "Naa-, -wa no Sata 'na libhɔ -wɛ kɛ 'wayi "me zigbalea- sɛgbɛɛ 'nyakpa -wa no Lagɔ -ɔ ŋwinɛle- "me 'na -li 'na -li. 'Wa yi -ye 'wa -no -wɛ 'na 'peɛleɛ yle 'bebhiɛle dɛku.

Galatenya 6:13

"Ɛ 'nyakpa -wa "di doɔ 'wayi "ku -wɛ, 'wa "ne "zo "ɛ -Lɔ -wɛ 'plome! "Ne 'ɛ -ko sɔbhɔ, "ne 'wa 'yɔbhɔ -gbɔ 'a "di 'ayi "ku "klepaa -se 'wa "kɛ 'anyɛɛ "kudiɛ -wɛ "me 'wayi "ku ziale.

Filiponya 2:21

-Wawɛ 'klekle, 'wayi 'wa gugwɔle -lɔ 'dle "me, -mɔ, 'wa "ne gbɔ Zezu Kli 'na gbo.

Kolɔsenya 3:2

'Anyɛɛ zikpɛ 'na 'wlisɛledɛ, "nɔgɔ "me yɛ -lɔ, -mɔ, 'ɛ "ne dodo ne "ku yɛ.

2 Tesalonikenya 1:9

"Ɛ 'nyakpa ne 'na -jiɛ ne lɛ: 'Wa yua 'ce "ku 'bhia- -godogodo 'na dɛ, "ne 'wa yua 'ce Anyinɛnyɔ -nyɛ 'ɔnɛɛ 'bhɛloɛ -nyɛ 'ŋlumeɛ "bhaa guɔ 'ylialea-.

2 Tesalonikenya 2:12

-Mɔ, Lagɔ yi 'ce -wa "ne gbɛklɛklɛ 'dleku -kɛ, "ne -wa no "nyɛnye -wɛ -jiɛ "me "pɔ.

2 Tesalonikenya 2:8

Lɔbhɔ 'ye "ɛ -gblenyɔ -wɛ "kɛ -lɔ 'ylime 'yeɔ-, "ne Anyinɛnyɔ Zezu kɛ -yi ne 'ɔnɛɛ nu 'na -pepe "ne 'ɔnɛɛ 'bhɛloɛ 'na 'dɛle "kɔ -lɔ "ku bhia.

1 Timote 6:5

'Kpɛlekpɛleɛ -ɛ "ne nenidɛ -kɛ, 'nyakpa 'wa "ne "nɛ -wɛ 'glɛme. 'Wanɛɛ 'dlepɔsɛ "ne 'tee -ko. 'Wa "ne -ɛ -ko gbaa -yi. 'Wa "pɔ 'dle -gbɔ Lagɔ 'na 'dlekukɛleɛ "koa -lɔ -klɔgbɔnya "zoa-.

2 Timote 3:4

'Wa yi 'walua ylo no. 'Wa yi "kpokponya "zo. Bhabha -za, 'wa -ka 'nyɔkpɔ, 'nyɔkpɔ la. 'Wa yi zikpɛ ne "ku 'na -li mamale "ne 'wa -ka Lagɔ wamale.

Zake 4:16

-Mɔ 'bhɔ. 'A zia 'ayi "ku -bhulɛweli "me. -Soɔ 'na bhabhɛ -wɛ "nyɛnye yɛ -lɔ.

2 Piɛle 2:1

-Watɔ, "guɔkwɔmenya -gbeyia -ko 'awɔ -glɔnya 'glɛme. 'Anye 'glɛme, 'a yi 'ce 'lelee -sloanya -gbeyia yle -me. 'Wa yi 'anye -glɛme -plɛ 'diɛɛ "me, "ne 'wa yi 'anye ylo no -sloa -weli -nyɛnye "me. "Ne 'wa yi "Bhenyɔ 'nabhɛ -ɔ 'fua- -wɛ 'na lo sɛ. -Soɔ 'wa "kɛ -lɔ 'wayi -kpilɛkpilɛ -ɛ -koa "ku -bhia -wɛ "ku lale- cuu.

2 Piɛle 2:13

'Kleyeɛ -ye 'wa "kɛ yle- 'wanɛɛ nonoli -nyɛnye za yɛ -lɔ. 'Wa -wa -se 'wa "kɛ 'wanɛɛ 'dlepɔsɛ -nyɛnye zlegɛ no. 'Wa -nyɔ 'wɔ "bhaa 'a "kɛ -jajo no ne, 'ɛyi 'wa ylɛle -lɔ "me "ne 'wa wlɛle -lɔ 'anye 'yo yɔko, "ne "ɛ 'wanɛɛ lɔbhɔ -koɛ -wɛ -le 'zu "ku.

2 Piɛle 2:3

"Ne 'wa 'yɔbhɔ -gbɔ 'wa "kɛ -kɛ 'se 'dlasi yle cuu za, 'wa yi 'ce 'anye bhulɛweli -ye 'wa -sɛ 'wayi 'wlime -wɛ "me ylo nole-. -Mɔ, -ɛ "ne 'awɔ -la -dɛme yɛ, 'wanɛɛ 'gbobhleleɛ -ko 'awɔ lɔbhɔ "kle, "ne 'wa yi -kpilɛkpilɛ sibhɔle- cuu.

Zude 1:10

"Ɛ 'nyakpa -gbeyia -wɛ 'yli- -ye 'wa "ne -yi -wɛ. "Ne -ɛ yua 'wlime -wɛ 'wa no -lɔ sɛgbɛɛ 'nɛmea 'wa "ne "nɛ- ne, 'ɛyi -wɛ 'nabhɛ 'bhua -lɔ "ku.

Zude 1:16

"Ɛ 'nyakpa -wɛ 'ŋwɛnɛ "ne 'lɔbhoa me 'ce. 'Wanɛɛ "meŋwuŋwaleɛ "ne "nenidɛ -kɛ, "ne 'wa -gɛlele -lɔ 'dlepɔsɛ -nyɛnye. "Ne -ɛ 'bhaloa "me -wɛ "ne 'nɛne, "ne 'wa 'kwa -lɔ -ye 'wa "kɛ "ku li -wɛ 'ŋlu.

Zude 1:4

'E 'kɛle 'anye "ku sɛko -wɛ 'nyakpa -gbeyia -yi 'diɛɛ "me 'anye 'glɛme. 'Wa -cicia -anyɛɛ Lagɔ 'na 'ŋwɛnɛ -de kɔ, -se 'wa "kɛ -kɛ -se 'wa 'yɔbhɔ -wɛ 'wayi "ku slu, "ne 'wa 'pɔ -lɔ Zezu Kli 'kwlɛ "me, -anyɛɛ -sloanyɔ -bholo -kpee, -anyɛɛ "Bhenyɔ "ne Anyinɛnyɔ. -Dɛme 'ye 'ɛ "ne 'awɔ -noɔ, Lagɔbɔgo -bhulɛ 'awɔ 'wanɛɛ 'gbapeweli "kle.

'Ylikloylɛleweli 18:7

'Ɔ -wamale 'ŋlu -nyɛ -klɔgbɔ "bhaa kpɛnyee. 'A 'gbapeɔ- sɔbhɔ, -see 'a ziɔ- 'nyɛze. "Naa-, sɛne 'ye 'ɔ lɛ -lɔ 'dlezɔ nɛɛ: 'E 'gli- sɛgbɛɛ -klɔgbɔŋɔnɔ "ne 'e "ne 'kwiziŋɔnɔ yɔ, 'e -ka 'ce -gbudu 'wuɔ.

'Ylikloylɛleweli 19:20

'Wa 'sa- "ɛ nɛmɛ -wɛ -nyɛ "guɔkwɔmenyɔ -gbeyi "bhaa, "ɛ "guɔkwɔmenyɔ -gbeyi ne 'pɔle nɛ "ɛ nɛmɛ -wɛ 'yli "ku zɛzɛ. -Se 'ɔ "kɛ 'wa -yle "ɛ nɛmɛ -wɛ 'na 'be, "ne -wa "zo- nɛ 'ɔnɛɛ 'yuslokpo -wɛ ylo no. 'Wa 'pɔ- "ɛ nɛmɛ -wɛ "ne "guɔkwɔmenyɔ -gbeyi -kosu -gbagbo -dee -biŋu 'siɛle yɔko -wɛ "me.

'Ylikloylɛleweli 21:8

-Mɔ, -wa gu, -wa "ne Lagɔ 'dleku -kɛ, -wa no -li 'na "nyɛnye, 'nyakpalɔbhɔnya, 'gbozlɛnya, "gunya, -wa bɔbɔ "fu 'na Lagɔ, "ne yowlɛnya 'klekle, 'wayi -wɛ, -kosugbagbo "me -dee -biŋu -ɛ siɛ yɔko -ko -wɛ, 'wa "kɛ -lɔ 'gbapele-. 'Ɛɛ -noɔ -lɔ 'kwiɛ 'na ''sɔnɛ yɛ.

'Ylikloylɛleweli 22:15

-Mɔ, -wa "kɛ 'du keyi 'to- -wɛ ne lɛ: -Wa no -li -ɛ sɛ geji "ku, "gunya "ne -wa me 'ŋwenea lo 'kpɛtɛkli, 'nyakpalɔbhɔnya "ne -wa "zo "fu 'na lagɔ, "ne -wa -wa yowlɛɛ "ne -wa 'wlɛ yo.