Filiponya 3:18 - Nouveau Testament bété de Gagnoa

¹⁸ 'E -bhulɛle 'awɔ sɛne 'anye, "ne 'e bhulɛle -na zɛ -dɛme 'anye "yiɛ 'lugbutuɛ "me, sɛko -wɛ, 'nyakpa 'na -bedia -su 'wayi Klise 'na klowa 'na -gblenya 'nasɛ, -see Zezu Kli 'ye- 'kle klowa "klo -wɛ, 'wanɛɛ gbo "ne "klo -ko. "Ne 'wa "ne 'yɔbhɔ -gbɔ 'wa "kɛ 'ɔnɛɛ sɛ 'gbape.

Filiponya 3:18 Iomraidhean Croise

Luke 19:41

-Sɔɔdɛku Zezu 'nyiɔ- Zeluzalɛme yɔko ne, 'ɔ 'cɛ 'ylime 'ye ne, 'tu 'ye 'ɔ 'tu- -lɔ 'ɛnɛɛ za.

Nonoli 20:19

'E -lɔbhɔ Anyinɛnyɔ "ku, -ayi 'na "kukwlialeɛ "me 'kplɛkplɛɛ "me "ne 'tutuɛ "me Zufonya 'nabhɛ 'yɔbhɔ 'awɔ -gbɔ 'wa "kɛ 'awɔ -ame "nyɛnye 'wli no-.

Wlomɛnya 9:2

'Dle 'yiɛ -ame 'nuɔ "ne 'e 'gbapele kɔ yiɛ.

1 Kolɛtenya 1:18

"Naa-, klowa 'na weli, 'nyakpa 'na -wa -bhli 'kwlɛ -wɛ 'na dɛku "kukwɛ yɛ -lɔ. -Mɔ, -anye -ye Lagɔ 'fuɔ- -wɛ 'na dɛku, Lagɔ 'na 'bhɛloɛ yɛ -lɔ.

1 Kolɛtenya 6:9

'Nyakpa -wa no "nyɛnye -wɛ -ka 'ce 'glidɛ yle Lagɔ 'na 'kamale zikpɛ "me. 'A "ne bhɔ sɔbhɔ za 'sɛ -yi 'a? 'A 'no -kɛ welicibhɛ ne "me 'tee: 'Nyakpa 'na -wa -nyɛ 'kpeteklinya "bhaa 'wa go -wɛ, 'nyakpa 'na -wa "zo "fu 'na Lagɔ -wɛ, 'nyakpa 'na -wa zlɛ gbo, "ne 'nyakpa -wa -nyɛ 'walua "bhaa 'wa go -wɛ,

2 Kolɛtenya 11:13

"Kɔlepɔnya 'na -gbeyia 'waa -lɔ, "ne 'wa -noɔ 'lelee -lɔ libhɔnonya -nyɔ 'na sɔ -ko -gwe "me -wɛ 'waa. "Ne 'wa no -lɔ sɛgbɛɛ Klise 'na "kɔlepɔnya 'wa -noɔ.

2 Kolɛtenya 11:29

'Nyɔkpɔ 'na 'dlekukɛlesɛ kɛ "me yɔle- ne, 'ɛ zloa me -ame, "ne -bholo kɛ 'nyinyonoli -no ne, 'ɛ 'gbapea me 'lelee -ame kpɛnyee.

2 Kolɛtenya 2:4

"Naa-, miɛ -ko 'awɔ -ame 'ylime "ne 'e kɛle 'awɔ -lɔ 'anye "ku, 'dle 'yiɛ 'awɔ -ame nuɔ "ne 'dlebhɛ 'lɔbhɔ 'awɔ -ame. 'E -na -kɛ -gbɔ 'a "kɛ "klo 'nyɛne za yɛ, 'e kɛle -se 'e "kɛ 'anye -see 'e -wa 'anye kpɛnyee -wɛ 'ylime tua za yɛ -lɔ.

Galatenya 1:7

'E -na -kɛ no -gbɔ 'Denaade 'na -vinɛ -le, 'bhɔ! -Mɔ, 'nyakpa 'na -wa nyimɔ -li -wɛ -ko 'anye 'glɛme, "ne 'wa no -lɔ -gbɔ 'wa "kɛ Klise 'na 'Denaade kɔ 'bhelia-.

Galatenya 2:14

'E yoa- 'ylime -gbɔ 'wa "ne 'Denaade 'na gbɛklɛklɛ "ku nɔŋo. "Ne 'e yi -lɔ Sefase bhulɛle- -glɔnya 'yliku nɛɛ: «-Eyi Zufonyɔ, -e "ne nɛ 'se -eyi Zufonyɔ 'na sɛku -su ne, -e "ne nɛ 'se Moyize 'na -Lɔ -gɛlele ne, -dɛmenadɛ "ku, -e 'yɔbhɔ "klepaa -gbɔ 'wa "ne Zufonya 'waa -wɛ, 'wa "zo Zufonya, sɔɔbɛɛza?»

Galatenya 2:21

'E -ka Lagɔ 'na -jɔlo 'kwlɛ "me 'pɔ. -Lɔ "me 'ye -a "kɛ nɛ "meŋwinɛlenya "zole ne, 'ɛ dɛ -wɛ "ku, Klise "fu 'ye 'ɔ "ku- -lɔ.

Galatenya 5:21

"Ne 'walua 'na -ye 'wa -kɛ -wɛ, 'ɛyi 'wa 'yɔbhɔ -lɔ, "ne 'wa 'nɔmɔ -lɔ no gbi, "ne 'wa -noɔ -lɔ 'mlɛmlɛnya 'waa, "ne 'wa no 'lelee -lɔ -li 'na -bedi -ɛ 'wlole- -wɛ. 'Luɔ 'ye 'e luɔ -mlɛ -kɛ -lɔ 'anye, "ne 'e yɛ nɛ -kɛ bhulɛ- "klee, -wa no "ɛ -soɔ 'na -li -wɛ, 'wa -ka 'ce Lagɔ 'na 'Kamalezikpɛ "me 'bhulɛ ylele.

Galatenya 6:12

'Nyakpa 'na -wa no -gbɔ 'a "di 'ayi "ku klepaa -wɛ, 'wayi -wɛ, 'wa 'yɔbhɔ -gbɔ 'wa -soa 'tɔ 'nyakpasɛ "ku. "Naa-, 'wa 'toa -kɛ Klise 'na klowa za 'gbapea- -za 'wa no -lɔ "ɛ -soɔ.

Galatenya 6:14

-Ame Pɔle, 'e yi 'ayi "kuzia -bɛɛ' -bholo za: Anyinɛnyɔ Zezu Kli 'na klowa -wɛ za. Klowa "klo zikpɛ ne "ku 'na -li kule- -lɔ 'neɛ za, -ame 'lelee, 'e "ku- -me -lɔ zikpɛ ne "ku 'na -li za.

Efɛzenya 4:17

'Ɛnɛɛ za, 'e bhulɛle lɛ 'anye -ɛne, "ne 'e 'totole -lɔ lɔbhɔ "me Anyinɛnyɔ 'na 'tɔ "me: 'A te 'ayi -slu sɛgbɛɛ -wa "ne "zo Lagɔ -wɛ 'nasɛ. 'Wanɛɛ 'dlepɔsɛ "ne -nɛmoa -bɛɛ' "ku.

Filiponya 1:4

-Se 'e bhubhɔ 'ce 'anyɛɛ za 'yiɛ- -wɛ, 'ŋwɛnɛsɛ 'ye 'e bhubhɔ 'ce -lɔ.

1 Tesalonikenya 4:6

"Ɛ weli ne kɔ, 'nyɔkpɔ te 'ɔ "nɔwli "nyɛnye no -se 'ɔ 'to gbo 'wlime 'gbli. "Naa-, Anyinɛnyɔ ziɛ -kɛ -ɛwɛ 'klekle 'na gbo, sɛko -wɛ, -a -bhulɛle nɛ 'anye "ne -a "pleplele- nɛ lɔbhɔ "me.

2 Tesalonikenya 3:11

-A 'no- "me -gbɔ 'anye 'glɛme 'na -bedia -su 'wayi bidibidi, 'wa "ne no -bɛɛ' -mɔ, weli 'na -ɛ -noɔ 'walua -nɛ yɛ -wɛ 'wa 'di -lɔ.

2 Piɛle 2:10

-Ye 'ɔ "kɛ 'ce 'kle 'yea- -tiaa -noɔ -lɔ -wa -gɛlele 'dlepɔsɛ -nyɛnye 'wanɛɛ ku "me -wɛ 'waa. "Ɛ 'wayi -wɛ 'tɛle -lɔ nonoli -ɛ -le 'zu "ku -wɛ 'ɛyikɔ 'siɛ, 'wanɛɛ gbo "ne -lɔ Anyinɛnyɔ 'na -kamaleɛ "klo -ko. 'Ɛ -soɔ 'na -sloanya -gbeyia -wɛ -kɛ 'wayi 'dleku kpɛnyee. 'Wa zia -lɔ 'wayi "ku "ne 'wa "ne "gu 'ŋlu me Zuzu 'wa -ko "nɔgɔ "me -wɛ 'na 'diziɛ -gɛ.

Zude 1:13

'Wa -ŋwenia 'wanɛɛ nonoli -ɛ -le 'zu "ku -wɛ moɔ 'klekle sɛgbɛɛ jinyɛ 'na -gbɔkɔle 'pɔ 'ɛnɛɛ 'fifli 'cicɛ "ku. 'Wa -ko sɛgbɛɛ -zeli -ɛ "ne me -dɛ -kɛ "ne Lagɔ -sɛ lɛ lɔbhɔ 'ɛnɛɛ 'glidɛ "gu titiɛ "me.