Filiponya 3:15 - Nouveau Testament bété de Gagnoa

¹⁵ -Anye 'klekle, -anye 'gɔbhɔle- 'dlekukɛleɛ "me ne, -soɔ 'ye -a "kɛ -lɔ 'dle "pɔ. -Mɔ, 'a kɛ 'lelee -visɛ 'dle 'pɔ- ne, Lagɔ yi gbɔ "ne -a 'yi "me 'no.

Filiponya 3:15 Iomraidhean Croise

Matie 5:48

Zaa, 'anye, 'a ko -kpee, -see 'a To -ɔ -ko "nɔgɔ "me -ko -kpee -wɛ.

Luke 11:13

'Anye, -wa -noɔ 'nyakpanyɛnyea 'waa -wɛ, 'a 'na "nyɛ 'se 'anyɛɛ yua -li 'na "namanɔ ne. Zaa 'ɛ "kɛ -la zi 'a To -ɔ -ko "nɔgɔ "me -wɛ, 'ɔyi 'ye 'a "kɛ zlɛ "ne 'ɔ -ka bhɔ 'anye Zuzu Wlewle "nyɛ 'a?

Zezu Kli 'na 'Denaade ‑ye Zaa kɛle‑ ne lɛ 6:45

"Guɔkwɔmenya 'na "bɔgo "me sɛne 'ye 'ɛ 'kɛleɔ- -lɔ: Lagɔ "kɛ 'ce -lɔ dodo ne "ku 'na 'nyakpa 'klekle 'cia-. 'Nyakpa 'klekle -wa -fo To 'yukwli, "ne -ye 'ɔ 'cia- -wɛ, 'wayi 'klekle yi 'ce 'neɛ za yi.

Zezu Kli 'na 'Denaade ‑ye Zaa kɛle‑ ne lɛ 7:17

-Ɔ "kɛ no -gbɔ 'ɔ "kɛ Lagɔ 'na -ye 'ɔ 'yɔbhɔ -wɛ no, 'ɔ yi 'ce sɛ yibhlele- -gbɔ -neɛ' sloasɛ -wɛ Lagɔ 'ye 'ɛ 'bhale -lɔ "me, -mɔ, -ame 'ye 'ɛ -na "me 'bhale-.

Wlomɛnya 15:1

-Anye 'tɛ- "me 'dlekukɛleɛ "me ne, -anye "kɛ -lɔ -wa "ne "me 'tɛ- 'dlekukɛleɛ "me -we kwɛle-, -a te -ɛ 'nɛne -anye -gɛ -wɛ 'siɛ tɛle-.

1 Kolɛtenya 14:20

-Nyɔsɔwanye, 'a "kɛ 'dle 'pɔ ne, 'a te yua 'nasɛ 'dle 'pɔ. "Nyɛnye 'ye 'a -gba "kɛ no, 'a "zoa- 'ayi yua 'lelea, -mɔ 'dlepɔ dɛku, 'a "zoa- 'ayi "yitia.

1 Kolɛtenya 2:6

"Naa-, 'ɛ soɔ 'na 'ylimeyamaleɛ -wɛ 'ye -a sloa -lɔ 'klecɛnya 'na -wa 'ya 'klecɛzoɛ "me 'gwlɛ 'dlekukɛleɛ "me -wɛ. -Mɔ, "ɛ 'ylimeyamaleɛ ne, 'ɛ "ne dodo ne "ku 'na 'ylimeyamaleɛ yɛ, "ne 'ɛ "ne dodo ne "ku 'na "yitia 'na 'ylimeyamaleɛ -ye 'wa "kɛ 'ce "ku 'bhia -wɛ yɛ.

Galatenya 5:10

'Ɛ -ko sɔbhɔ, "ne Anyinɛnyɔ "zo- -lɔ -ame 'dlekukɛleɛ 'dlezɔ 'anyɛɛ za: Zaa, 'e -kɛ 'dleku -gbɔ 'anyɛɛ 'dlepɔsɛ -nyɛ 'neɛ "bhaa "bhle yɛ -lɔ. -Mɔ, 'nyɔkpɔ 'na -ɔ -nyimɔ 'anye 'wlime -wɛ, Lagɔ yu 'ce 'kleyea, "ne 'nyɔkpɔ -ka 'ce "ku to-.

Efɛzenya 1:17

'E 'yɔbhɔle Anyinɛnyɔ Zezu Kli 'na Lagɔ, To -ɔ 'bhe- lɛ 'ŋlumeɛ -gbɔ 'ɔ 'nyɛ 'anye 'ylimeyamaleɛ. -Se 'ɔ "kɛ 'anye Lagɔ 'ylime -tua, -se 'a "kɔ -diɛnadiɛ yibhlele-.

Kolɔsenya 1:28

"Ɛ Klise ne 'na 'de 'ye -a sɛ -lɔ. "Ne -a "zo -lɔ -ɔkɔkokɔko 'de "me, "ne -a 'sloɛ -lɔ "nane sɛku, -see 'wayi 'klekle "kɛ Klise "me "gɔbhɔle.

Kolɔsenya 4:12

Epaflase, -ɔ -noɔ 'anyɛɛ moɔ -nɔ yɔ -wɛ 'bhɛle 'anye. Zezu Kli 'na "kulɔbhɔnyɔ, -ɔ bhubhɔ 'anyɛɛ za, "ne 'ɔ "ne 'diɔle -wɛ yɔ -lɔ. 'Ɔ 'yɔbhɔ -gbɔ 'anyɛɛ Lagɔ zikpɛ me "klo "ku -se 'a "kɛ Lagɔ 'na -ye 'ɔ 'yɔbhɔ -wɛ yibhlele-, 'ɛɛ "kɛ -lɔ gbɔ "ne 'a "kɛ -lɔ "me "tamale-.

1 Tesalonikenya 4:9

'Ɛ -ko sɔbhɔ, -mɔ, 'wa -ka 'se 'anye "ku 'kɛle "ne 'wa "kɛ 'anye -see 'a "kɛ wamalewamale -wɛ sloa. "Naa-, Lagɔ -sloɛ 'anye.

2 Timote 3:17

Lagɔbɔgo gbɔ -lɔ "ne Lagɔnyɔ no -lɔ -li 'klekle -ɛ "ne 'nuɔsɔbhɔledɛ -kɛ -wɛ.

Eblenya 5:14

-Mɔ, "yitia, lilɛ 'na -ɛ 'tɛ- "ku -wɛ 'wa li -lɔ, 'wa -yi -bɛɛ' 'nasɛ, 'wanɛɛ 'dlepɔsɛ -sua "ne 'wa ciɛ- -li 'na -ɛ 'nɛne "ne -ɛ "ne 'nɛne -wɛ 'na "me -seselia -sɛ.

1 Zaa 2:5

-Mɔ, -ɔ "zo Lagɔ 'na weli 'plome -wɛ, 'ɔnɛɛ 'ŋwɛnɛ -ye 'ɔ -kɛ Lagɔ za "me -wɛ "ne 'nuɔsɔbhɔledɛ -kɛ. -Soɔ 'ye -a yibhlele -lɔ 'sɛ -gbɔ Lagɔ "bhaa -a -kole "ku.