Filiponya 3:14 - Nouveau Testament bété de Gagnoa

¹⁴ 'E guɔ -se 'e "kɛ -ye 'wa 'piɛ- -wɛ yle, -se 'e "kɛ -ye Lagɔ lale -anye "ku "nɔgɔ "me, Zezu Kli 'na 'tɔ "me -wɛ yle.

Filiponya 3:14 Iomraidhean Croise

Luke 16:16

'Moyize 'na -Lɔ "ne "guɔkwɔmenya 'na "bɔgo 'na "tɛnye -gwlɛ -kaa "ne 'ɛ yi -lɔ Zaa Batise "ku sibhɔ. 'Ɛ 'bhale- lɔbhɔ -ce, Lagɔ 'na 'Kamalezikpɛ "me 'na 'Denaade 'wa -sɛ "ne -ɔkɔkokɔko tɛle -lɔ 'kpokposɛ "bhle 'na plɛplɛɛ 'siɛ.

Wlomɛnya 11:29

"Naa-, Lagɔ "ne libhile 'ɔnɛɛ -jɔlo -ye 'ɔ 'je kɔ -wɛ "kusɔ "ku, "ne 'ɔ "ne 'pɔ -ye 'ɔ la- -wɛ 'kwlɛ "me.

1 Kolɛtenya 9:24

'A 'kplɛkplɛle yɔkɔ -se 'ɔ 'to 'wli "ku -wɛ "kɛ -ye 'wa 'piɛ- -wɛ "ku 'libhi. 'A "ne bhɔ sɔbhɔ 'se -yi -a? Zaa, 'a pa- -se 'a "kɛ -ye 'wa 'piɛ- -wɛ "ku 'libhi!

2 Kolɛtenya 4:17

-Ɛɛ, -anyɛɛ -dɛme 'na 'gbapeɛ "ne "me 'tɛ-, "ne 'ɛ "ne gwlɛ "me, -mɔ, 'ŋlu -ɛ 'ple 'ŋlu 'klekle yɔko "me -wɛ -wo -lɔ -anye. "Ɛ 'ŋlu -wɛ gwlɛ "me, "ne 'ɛ 'kpɔ- kpɛnyee, "ne 'ɛ -zi -anyɛɛ 'gbapeɛ "ku.

Filiponya 3:3

-Mɔ, 'wa kɛ no -gbɔ -wa 'diɔ- "ku -wɛ, -anye 'wa ga -lɔ -tiaa. "Naa-, -anye, -a lɔbhɔ Lagɔ "ku Zuzu Wlewle "me zɛ, "ne -anye -wa -ko Zezu Kli "me -wɛ, -anye zia -lɔ -ayi "ku, "ne dodo ne "ku 'na -li "me 'ye -anyɛɛ 'dlekukɛleɛ -na 'bhale-.

Kolɔsenya 2:18

'Nyɔkpɔ te kɛ 'anye -see 'a "kɛ 'wli "ku -to -wɛ 'na 'gbo 'dleku -sɛ. 'E 'pɔ 'nyakpa 'na -wa 'kwlilea 'wayi "ku "nɔgɔzilia 'yliku "ne 'wa bɔboa -wɛ "ku 'dle. "Ɛ 'wayi -wɛ 'ylaylɛweli 'wa zia -lɔ "ku. Sɔbhɔ 'na 'nyakpa -wɛ, 'nyakpa sɛku 'wa 'pɔ -lɔ 'dle, "ne 'wa zia -lɔ 'wayi "ku 'bhabha -za.

1 Tesalonikenya 2:12

'Ɛza, -a "zo- -lɔ 'anye 'de "me, "ne -a "tamalea- -lɔ 'anye 'kwɛme. "Ne -a yi -lɔ 'anye kɔ 'titli- -gbɔ 'a ko -see Lagɔ 'yɔbhɔ -wɛ, 'ɔyi 'ɔɔ la- -lɔ 'anye -gbɔ 'a "kɛ 'ɔnɛɛ 'Kamalezikpɛ "me plɛ, -se 'a "kɛ 'ɔnɛɛ 'ŋlumeɛ 'na 'didi "me ko -me.

2 Timote 1:9

Lagɔ 'fuɔ- -anye, "ne 'ɔ yi -lɔ -anye la- -se -a "kɛ 'ɔnoa "zo. -Anyɛɛ -ye -a no -wɛ za 'ɛ "ne -kɛ -noɔ, -mɔ, 'ɔyigɛsɛ 'yɛbhɛ -lɔ -gbɔ 'ɛ ko sɔbhɔ. Fu 'ye 'ɔ 'je- -lɔ -anye kɔ Zezu Kli "me, -sɔɔdɛku 'wa -na zikpɛ 'wlɛ- -wɛ.

Eblenya 3:1

-Nyɔsɔwanye, Lagɔ la- 'anye, zaa, 'a wolo- Zezu "ku 'tee. Lagɔ -lobho -lɔ, 'ɔ -noɔ -lɔ bɔbɔnyɔ "yitɔ nyɔ 'na Denaade -a -sɛle -glɔnya yɔ.

Eblenya 6:1

-Ɛwɛza, -a -tle -ayi 'beme tɛtɛ -sloasɛ -ɛ -noɔ Klise 'na "kukoweli yɛ -wɛ, -a 'nyiɔ 'yuku -se 'a "kɛ "yitia "zo. -A te -kɛ sloaweli 'na -kpulu -wɛ 'tole: Nonoli -ɛ kɔme 'nyɔkpɔ 'kwiɛ "me -wɛ, Lagɔ 'na 'dlekukɛleɛ,

1 Piɛle 1:13

'Ɛnɛɛ za, 'a 'luɔ- -kɛ! 'A 'fo 'yukwli! -Se 'a "zo 'anyɛɛ 'dletɛleɛ 'nyɛnyɛ -bɛɛ' -ye 'a "kɛ yle -wɛ "me, -sɔɔdɛku Zezu Kli "kɛ 'anye 'yliku 'sibhɔ.

1 Piɛle 5:10

'Anyɛɛ 'gbapeɛ -ka "me 'gwlɛ. -Mɔ, Lagɔ -ɔ -wa 'anye -wɛ, 'ɔ la- -lɔ 'anye -se 'a "kɛ 'ɔnɛɛ 'ŋlu -ɛ "ne "nenidɛ -kɛ -wɛ 'na dɛ 'ye, Zezu Kli "bhaa 'na "kukoleɛ "me. "Naa-, 'ɔ yi gbɔ "ne 'a -ka 'nuɔsɔbhɔledɛ kɛle-, "ne 'a yi "me "tamale-, "ne 'a yi 'kwɛme "tamale-, "ne 'wa -ka 'ce -la 'anye 'siɛ 'bhle.

2 Piɛle 1:3

'Ɔnɛɛ 'bhɛloɛ "me, Lagɔ 'je- -anye -li 'klekle -ye -a "kɛ slu, "ne -a "kɔ 'dle 'tɛle, "ne -a "kɛ yamale- -wɛ kɔ. "Naa-, 'ɔ -sloa -anye -ɔ la- -anye -gbɔ -a "kɛ 'ɔnɛɛ 'ŋlu "ne 'ɔnɛɛ "nɛnekoɛ 'na dɛ 'ye.

'Ylikloylɛleweli 3:21

-See -ame, 'e 'to- 'wli "ku "ne 'e yi -a To yɔko 'gli -ka me 'ɔnɛɛ -klɔgbɔ-gbɔglo "ku -wɛ, sɔbhɔ 'ye -ɔ -to 'wli "ku -wɛ, 'e "kɔ 'ce 'lelee -lɔ -ayi yɔko 'jilɛ 'neɛ -klɔgbɔ-gbɔglo "ku.