Filiponya 3:12 - Nouveau Testament bété de Gagnoa

¹² 'E -na -kɛ no -gbɔ 'e -ylɛ 'du "bhuɔ, 'e -na -kɛ no -gbɔ "nyɛnye "ne -da -ame "me -ko, -mɔ, 'e 'tɔtɔle "kɛ 'ayi "kɔ, "ne 'e guɔ -na -kɛ "yiɛ, -se 'e "kɛ -kɛ 'ye 'wa 'piɛ- -wɛ yle, "naa-, -ame 'nabhɛ, Zezu Kli 'sa- 'na 'dle kɔ zɛ.

Filiponya 3:12 Iomraidhean Croise

Matie 5:48

Zaa, 'anye, 'a ko -kpee, -see 'a To -ɔ -ko "nɔgɔ "me -ko -kpee -wɛ.

Nonoli 9:15

"Ne Anyinɛnyɔ yi -lɔ Ananiase bhulɛle- nɛɛ: «Me, yle "bhle "ɛ 'nyɔkpɔ -wɛ, "naa- 'mɔɔ -sɔ -lɔ lɔbhɔ -dudu, -se 'ɔ "kɛ 'na 'tɔ -glɔ -ɛ "ne -ame -yi -wɛ "ne "bhle 'na -klɔgbɔnya -nyɛ Izlayɛleyua" "bhaa sloa-.

1 Kolɛtenya 13:10

-Mɔ, 'ɛ kɛ 'ce "klo -ŋwɛne 'klekle ne, -ɛ "ne "klo -ŋwɛne -wɛ yi 'ce "kubhiɛ.

1 Kolɛtenya 13:12

-Dɛmeda, -a "ne 'ye -li 'ylime 'tee, -a -gɛ 'yli sɛgbɛɛ 'pepleyi -ɛ "ne 'ye 'siɛ -wɛ "me 'ye -a 'wolo, -mɔ, lɔbhɔ kɛ "me -gwlɛ ne, -a yi 'ce 'ylime 'ye 'klo -nyɛ 'klo "bhaa. -Dɛme ne, 'e "ne -li 'klekle -yi, -mɔ, lɔbhɔ kɛ "me -gwlɛ, 'e 'yi 'ce yibhlele-, -see Lagɔ -yi -ame -wɛ.

1 Kolɛtenya 9:24

'A 'kplɛkplɛle yɔkɔ -se 'ɔ 'to 'wli "ku -wɛ "kɛ -ye 'wa 'piɛ- -wɛ "ku 'libhi. 'A "ne bhɔ sɔbhɔ 'se -yi -a? Zaa, 'a pa- -se 'a "kɛ -ye 'wa 'piɛ- -wɛ "ku 'libhi!

2 Kolɛtenya 13:9

'Diɛɛ, 'a kɛ "me 'tɛ-, "ne -anye, -a "ne "me 'tɛ- ne, 'ɛɛ -le -lɔ -anye 'ŋwɛnɛ "ku. -Mɔ, -ye -a 'yɔbhɔle -anyɛɛ bhubhɔweli "me -noɔ -lɔ -gbɔ 'anyɛɛ 'dlekukɛleɛ 'kpɔmale- -se 'ɛ ko -kpee.

2 Kolɛtenya 7:1

'Titoa -awale 'wanye, Lagɔ -plele 'se -anye weli kɔ, za, -a 'gwegwele kɔ -se -anyɛɛ ku -nyɛ 'dle "bhaa "kɛ 'wlele plɛ. -A -ya 'gu Lagɔ -gɛ, -se -a "kɛ -anyɛɛ 'wleleplɛɛ kɔ bhiɛ.

Galatenya 5:17

"Naa-, 'nyɔkpɔ 'na 'dlepɔsɛ -nyɛnye -nyɛ Zuzu Wlewle "bhaa 'gwe 'wa 'gwe -lɔ, "ne Zuzu Wlewle -nyɛ 'nyɔkpɔ 'na 'dlepɔsɛ -nyɛnye "bhaa 'gwe 'wa 'gwe -lɔ, 'wayi 'glɛme to yɛ -kɛ -lɔ, 'ɛnɛɛ 'wlisɛledɛ -noɔ -lɔ -gbɔ, -ye 'a 'yɔbhɔ -gbɔ 'a "kɛ no -wɛ, 'a -cɛ no.

Efɛzenya 1:4

-Sɔɔdɛku zikpɛ -namlɛ 'wlɔ- -wɛ, Lagɔ -tɔ -anye Zezu Kli "me, -se -a "kɛ 'wlewle ko, -se 'ɔyi 'yliku, -a te -kɛ 'nuɔsɔbhɔledɛ kɛle-, -se -a "kɛ 'ɔnɛɛ -waleɛ "me ko.

Efɛzenya 4:12

"Ɛ 'nyɛnyɛ -bɛɛ' -wɛ "me, Klise 'yɔbhɔ -gbɔ 'ɔ "kɛ -wa -noɔ Lagɔ -noa 'waa -wɛ -sloa. 'Ɛ -kɛ -soɔ -ko, 'wa "kɛ 'klecɛ libhɔ no -se Lagɔgligbɛ -ɛ -noɔ Klise -nɛ yɛ -wɛ "kɛ 'yuku "me.

Filiponya 1:1

-Ame, Pɔle -nyɛ Timote "bhaa, Zezu Kli 'na "kulɔbhɔnya 'ye -a -noɔ -lɔ. Lagɔ 'na yua 'klekle -wa -ko Filipo -du "me -wɛ, 'wa -nyɛ "ɛ Lagɔgligbɛ 'na 'yukugɛlenya -nyɛ 'wanɛɛ 'kwɛlekwɛlenya -wɛ 'wɔ "bhaa 'wayi 'ye -a kɛle lɛ "ku.

Filiponya 3:16

Zaa, -dɛne -dee -a -ylɛ ne, -a -ya bhli "ɛ -gwe -bhele ne "yiɛ -se -a 'cɛ 'wli sɛ!

Filiponya 3:3

-Mɔ, 'wa kɛ no -gbɔ -wa 'diɔ- "ku -wɛ, -anye 'wa ga -lɔ -tiaa. "Naa-, -anye, -a lɔbhɔ Lagɔ "ku Zuzu Wlewle "me zɛ, "ne -anye -wa -ko Zezu Kli "me -wɛ, -anye zia -lɔ -ayi "ku, "ne dodo ne "ku 'na -li "me 'ye -anyɛɛ 'dlekukɛleɛ -na 'bhale-.

Filiponya 3:8

"Ɛ -ɛwɛ 'klekle ne, 'ɛ -ko -ame 'yliku sɛgbɛɛ -bɛɛ' 'na -ye 'e 'pɔ- 'kwlɛ "me Anyinɛnyɔ Zezu Kli za -wɛ. "Ɛ -ye 'e -yibhlele Anyinɛnyɔ Zezu Kli -wɛ, 'ɛ 'kpɔ- "ne 'ɛ -zi -li 'klekle "ku. Zezu Kli za, 'e 'bhale- -li 'klekle "me. 'E 'wolo -da "ku sɛgbɛɛ -didi, -se Klise 'ɔyikɔ "kɛ -bɛɛ' 'na 'ye 'e "kɛ yle -wɛ "zo.

1 Tesalonikenya 5:15

-Se 'a kɛ lɔbhɔ -ko ne, 'kpɛsɛdɛ te 'ce 'anye 'dlezɔ ko, -mɔ, 'a tɛle- -li 'na -li 'na nonoɛ 'siɛ 'anye 'glɛme "ne 'nyakpa 'klekle 'glɛme.

2 Tesalonikenya 2:13

'Ɛ kɛ -anye 'waa, -a yi -godogodo Lagɔ bhɛle 'anyɛɛ za, Anyinɛnyɔ 'na -wawayuanye, "naa- Lagɔ -sɛ 'awɔ 'anye lɔbhɔ -dee zikpɛ 'ci 'awɔ "ku -ce, 'a 'po-, "naa-, Zuzu Wlewle -wɛle 'anye, sɛko -wɛ 'a -kɛle gbɛklɛklɛ 'dleku zɛ.

1 Timote 5:10

-Glɔnya -yibhlele sɛ -gbɔ 'nɛne -ko 'ŋɔnɔ yɔ -lɔ. 'Ɔ bhoa- 'ɔnɛɛ yua 'tee. -Wa yu "ku plɛ ka -wɛ, 'ɔ soa- 'tee. 'Ɔ -wɛle 'klecɛnya 'bho yɔko. 'Ɔ -kwɛle "nyɛzenya, "ne 'ɔ -no -li 'klekle -ɛ 'nɛne -wɛ.

1 Timote 6:19

'Wa 'cɛ sɔbhɔ 'sa, 'wanɛɛ "nɔgɔklɔgbɔ 'na "namanɔ 'wa "zo -lɔ 'gbo "me, 'ɛ -ka 'ce "kubhiɛ "ne 'ɛ -ka 'ce nyimɔ. 'Wa yi 'ce -watɔ 'wanɛɛ zikpɛ 'na 'ɛ -ka "kubhiɛ yle.

Eblenya 12:14

'A tɛle- "kuwɛtɛ siɛ 'nyakpa 'klekle yɔko, 'anyɛɛ kosɛ 'namale- Lagɔ -gɛ. 'Ɛ "mɔ -soɔ -ko ne, 'nyɔkpɔ -ka Anyinɛnyɔ 'ylime 'ye.

Eblenya 12:23

"ne 'anye, 'a nyiɔ- Lagɔ 'na tɛtɛyua -ye 'ɔ -gwɛle 'na -zakpɛ yɔko -nyɔ 'na 'tɔ kɛleɔ- "nɔgɔ "me -wɛ. 'A nyiɔ- Lagɔ -ɔ 'bhlele -glɔ 'klekle gbo -wɛ yɔko. 'A nyiɔ- 'nyakpa -wa ŋwinɛle- "me "ne 'wa "ku- "ne 'wa "zo- wlewle -wɛ yɔko.

Eblenya 13:21

"Ɛ Lagɔ -wɛ, 'ɔ gbɔ -se -a "kɛ -godogodo -li 'na -li no, -see 'ɔ 'yɔbhɔ -wɛ! Lagɔ ylɛle- Zezu Kli "me, -se -a "kɛ -ye 'ɔ 'yɔbhɔ -wɛ no, Zezu 'bhe- -lɔ 'ŋlumeɛ -godogodo! Amɛn!

Zake 3:2

-Anye 'klekle -a 'to 'gbi. 'Nyɔkpɔ 'na -ɔ bhulɛ "ne 'ɔ "ne 'to 'gbi -wɛ, 'ɔɔ -ko -lɔ 'tee. "Ne 'ɔ -yi 'lelee -lɔ 'ɔyi 'na slu sɛ.

1 Piɛle 5:10

'Anyɛɛ 'gbapeɛ -ka "me 'gwlɛ. -Mɔ, Lagɔ -ɔ -wa 'anye -wɛ, 'ɔ la- -lɔ 'anye -se 'a "kɛ 'ɔnɛɛ 'ŋlu -ɛ "ne "nenidɛ -kɛ -wɛ 'na dɛ 'ye, Zezu Kli "bhaa 'na "kukoleɛ "me. "Naa-, 'ɔ yi gbɔ "ne 'a -ka 'nuɔsɔbhɔledɛ kɛle-, "ne 'a yi "me "tamale-, "ne 'a yi 'kwɛme "tamale-, "ne 'wa -ka 'ce -la 'anye 'siɛ 'bhle.

2 Piɛle 3:18

Zezu Kli 'na wamaleɛ "ne 'ɔnɛɛ yibhleleɛ, Anyinɛnyɔ, -anyɛɛ 'Fuɔnyɔ, 'kpɔmale- 'anye "me. 'Ɔɔ 'bhe- -lɔ 'ŋlu -dɛme ne "ne -godogodo! Amɛn!