Filiponya 3:11 - Nouveau Testament bété de Gagnoa

¹¹ -Se 'ɛ kɛ 'bhɛle- ne, 'e "kɛ 'ɔnɛɛ sɛ gluzɔ 'wlo me.

Filiponya 3:11 Iomraidhean Croise

Luke 14:14

-E 'cɛ sɔbhɔ 'sa-, 'ŋwɛnɛ yi 'ce -lɔ -eyi 'lɔbhɔ "naa- 'wa "ne -bɛɛ' -kɛ -se 'wa 'cɛ 'beme "zo, -mɔ, Lagɔ "kɛ 'ce -lɔ -eyi 'ŋu 'pɔ, zle "meŋwinɛlenya "kɛ gluzɔ 'wlo.

Zezu Kli 'na 'Denaade ‑ye Zaa kɛle‑ ne lɛ 11:24

Mate nɛɛ: «-Ɛɛ, 'e -yi sɔbhɔ sɛ, -mɔ, -glukonya kɛ 'ce gluzɔ 'wlo ne, 'ɔ yi gluzɔ 'wlo me, 'be -bhiɛle -yli "me.»

Nonoli 23:6

-Mɔ, Pɔle -yi -sɛ nɛɛ: -Wa -ko yɔko -wɛ 'na -bedia -noɔ Saduseɛnya 'waa, "ne -bedia -noɔ Faliziɛnya 'waa, 'ɛnɛɛ za, "ne 'ɔ yi -lɔ "me "kpaa "yitɛ "ku 'wayi 'yliku, 'ɔ nɛɛ: «"Nowlia 'wanye, Faliziɛyu 'ye 'e -noɔ -lɔ, "ne 'e -noɔ 'le -lɔ Faliziɛnyɔ 'na yu yɔ; Zaa, -a 'to 'wɔ 'na 'dlekukɛlesɛ -wɛ 'ye "tɛle -me -lɔ 'dle nɛɛ: 'Nyɔkpɔ "kɛ -ku, 'ɔyi gluzɔ 'wlo 'ɛnɛɛ 'ylime za 'wa -nɛme -lɔ -ame -zejilɛ "ku.»

Nonoli 26:7

'Ɛyi -wɛ -ye -gligbɛ 'wli -kogbɔ "sɔ -wɛ -kɛle -me 'awɔ -lɔ 'dleku -gbɔ Lagɔ 'na bhulɛweli yi 'awɔ 'ce 'yli 'wlole, 'ɛza, 'wa lɔbhɔ -lɔ Lagɔ "ku zle 'oo -zle. -Klɔgbɔnyɔ Aglipa, -ame 'lelee, 'e -cɛ -me 'dleku. 'Ɛza -ame "nowlia zufonya 'gbli -lɔ -ame gbo 'wlime

Nonoli 27:12

-Dee bato 'nyegbe -wɛ "ne 'nɛne, wɔtlɔ 'na dɛku yɛ -lɔ zɛ, zaa, 'nyakpa 'klekle -wa -ko bato "me -wɛ nɛɛ -a 'bha- "ɛ -dɛne -se -a me -vidɛ, -se -a "kɛ Klɛte -glɔ "me 'na 'du -ye 'wa la Fenise "ne ylo bhlile- "bhle -wɛ 'na 'pɛɛ 'ce "ku mene. -Se -a "kɛ "bhle ko wɔtlɔ -yi dɛku.

Wlomɛnya 11:14

-Se "ɛ -ye 'e no ne "kɛ -a "nowlia "ne -a "nɔyoa zufonya 'ylime kamale-, -se "ɛ zufonya 'na -bedia "kɛ 'po.

1 Kolɛtenya 15:23

-Mɔ, -ɔkɔkokɔko -kɛ ɔnɛɛ 'dɛle 'na de 'ɔ -gɛ. Klise -noɔ -lɔ tɛtɛnyɔ -ɔ 'wlo- gluzɔ yɔ. "Ne wa -nyɛ Klise "bhaa 'wa -kole "ku -wɛ "kɛ 'ce -lɔ gluzɔ 'wlo -me, -sɔɔdɛku 'ɔ "kɛ 'ce 'yi -wɛ.

1 Kolɛtenya 9:22

'Klecɛnya 'na -wa" "ne "me 'tɛ- 'dlekukɛleɛ "me -wɛ "bhaa kɛ lɔbhɔ -ko ne, -see 'wa -ko -wɛ sɔbhɔ 'ye 'e -ko -me -lɔ -se 'wa "kɛ Zezu 'dleku kɛle-. -See 'ɛ "mɔ -ko "ne -see 'ɛ kɛ -ko, 'e "kɛ -kɛ 'wa yɛ 'fuɔ zɛ.

1 Kolɛtenya 9:27

-Ame Pɔle, 'e -su 'ayi 'dlekutamalesɛ -se 'e 'te 'neɛ 'dle 'na -ye 'ɛ 'yɔbhɔ -wɛ gɛlele-. -Se -ame 'mɔɔ 'sɛle- 'Denaade 'nyakpa -wɛ, Lagɔ te -kɛ -ame 'kwlɛ "me 'pɔ.

2 Kolɛtenya 11:3

-Mɔ, 'a luɔ -kɛ! 'Tɛbhɛ -no 'awɔ -kɛ Ɛvo ylo yowlɛ "me. Zaa, 'e "gu -gbɔ 'anyɛɛ 'dlepɔsɛ "namanɔ -ɛ -ko 'wlele -wɛ te kɛ kɔ 'bheliɔ, -se 'a te kɛ Klise "guɔ 'ylile-.

1 Tesalonikenya 3:5

'Ɛnɛɛ za, 'e "ne nɛ -da 'bhɛle- -se 'e "kɛ wo. "Ne 'e yi -lɔ Timote 'lebhe- -se 'ɔ "kɛ 'anyɛɛ 'dlekukɛleɛ 'na 'de -ame -sɛle. 'E gu nɛ -bɛɛ' -bholo -gɛ zɛ. "Mebeanyɔ -no -ka -lalɛce 'anye ylo, -a te nɛ -kɛ "fu kɔ ylɔ- zɛ.

2 Tesalonikenya 2:3

'Nyɔkpɔ te 'ce 'anye ylo no -visɛ, "naa-, 'yli -ye 'nyɔkpɔ "kɛ Lagɔ 'na lo -sɛ -wɛ "ne -mlɛ -dɛme -yiɔ. -Gblenyɔ -ɔ "kɛ -jiɛ plɛ -wɛ -namlɛ 'ɔyi 'nyakpa 'ylime tua- zɛ, -glɔ kɛ "me -zuzuɔ "yitɛ "ku "bhuɔ "ne Zezu "kɛ -lɔ yi.

2 Timote 4:8

-Dɛmeda 'neɛ 'peɛleɛ -ye Anyinɛnyɔ "kɛ -ame kɔ 'je -wɛ 'ye 'e -wo -da -lɔ. "Ɛ -zle -wɛ, 'ɔyi gbobhlenyɔ -ɔ ŋwinɛle- "me, gbobhlezle kɛ -yi ne, 'ɔ yi -ame 'neɛ kɔ 'je. "Ɛ "ne -kɛ 'ayikɔ yɔ, -mɔ, 'nyakpa 'klekle -wa -wo -me 'ŋwɛnɛsɛ "ku 'ɔnɛɛ yi -zle -wɛ, 'ɔ yua 'ce "nyɛ me.

Eblenya 11:35

'Ŋwenea -kɛle 'awɔ Lagɔ 'dleku. Sɔbhɔ za 'wa -yle 'awɔ 'wanɛɛ 'nyakpa -wa "ku- -wɛ, "naa- 'wa -glɔ 'awɔ. 'Nyakpa 'na -vinoa, 'wa -zua 'awɔ 'nyɛze, -mɔ, 'wa "ne 'awɔ 'ŋunu- -gbɔ 'wa 'fua. "Naa-, 'wa 'yɔbhɔ 'awɔ -gbɔ 'wa "kɛ 'awɔ gluzɔ 'wlo -se 'wa "kɛ zikpɛ 'na -namanɔ yle.

'Ylikloylɛleweli 20:5

'Waa- -noɔ -lɔ tɛtɛnoa -ye Lagɔ 'wloa- -glukonya 'glɛme zɔ 'waa, 'wayi -wɛ -ka -la gluzɔ 'wlo 'ylobɛ 'na -gɛmɛnɛ -wlulu -bholo (1.000) "mɔ -na 'wlizɔ 'bhiɛ ne.