Filiponya 2:9 - Nouveau Testament bété de Gagnoa

⁹ 'Ɛza, Lagɔ 'lubhu- -lɔ 'wli "ku, "ne 'ɔ yu -lɔ 'bhulɛ 'na -ɛ 'kpɔ- "ne 'ɛ zi "ku -wɛ "ku 'jilɛ-, "ne 'ɔ yu -lɔ 'tɔ 'na -ɛ zi 'tɔ 'klekle "ku -wɛ ziɛle-.

Filiponya 2:9 Iomraidhean Croise

Matie 11:27

-Ame To 'je- -ame -li 'klekle kɔ. 'Nyɔkpɔ "ne yu -yi, 'ɛ "mɔ To yɔ, "ne 'nyɔkpɔ "ne To -yi, 'ɛ "mɔ yu yɔ, "ne 'ɛ "mɔ -ye yu 'yɔbhɔ -gbɔ 'ɔ "kɛ 'ɔ To 'ylime tua -wɛ yɔ.

Matie 28:18

Zezu 'nyua- yɔko, 'ɔ nɛɛ: «'E -yle 'bhɛloɛ 'klekle "nɔgɔ "me "ne dodo ne "ku.

Luke 10:22

-Ame To 'je- -ame -li 'klekle kɔ. 'Nyɔkpɔ "ne yu -yi, 'ɛ "mɔ To yɔ, "ne 'nyɔkpɔ "ne To -yi, 'ɛ "mɔ yu yɔ, "ne 'ɛ "mɔ -ye yu 'yɔbhɔ -gbɔ 'ɔ "kɛ 'ɔ To 'ylime tua -wɛ yɔ.

Zezu Kli 'na 'Denaade ‑ye Zaa kɛle‑ ne lɛ 13:3

Zezu -yi 'awɔ sɛ -gbɔ 'ɔ To Lagɔ 'jo- -lɔ -li 'klekle kɔ, "ne Lagɔ "me 'ye 'ɔ 'bhale -lɔ, "ne "ɛ Lagɔ yɔko 'ye 'ɔ me 'awɔ -lɔ.

Zezu Kli 'na 'Denaade ‑ye Zaa kɛle‑ ne lɛ 17:11

-Dɛmeda ne, 'e "ne -kɛ -la dodo ne "ku -nɔ yɔ, -mɔ, 'wayi, 'wa -ko -na -mlɛ dodo ne "ku, "ne -ame, -eyi 'ye 'e mele -lɔ lo. To -ɔ -ko 'wlewle, 'sluloa- -neɛ' 'tɔ "me, 'tɔ -ye -e 'je- -ame kɔ -wɛ. -Se 'wa "kɛ -bholo yle-, -see -eyi "bhaa -a -yle -bholo -wɛ.

Zezu Kli 'na 'Denaade ‑ye Zaa kɛle‑ ne lɛ 17:12

-Sɔɔdɛku 'e -koa nɛ 'glɛme -wɛ, 'e -slua nɛ -neɛ' 'tɔ 'na "me tamaleɛ "me. Tɔ 'na -ye -e 'je- -ame kɔ -wɛ. 'E -koloa "klo, "ne 'wanɛɛ 'glɛme 'na -bholo "ne "kwlɛ -bhli, 'ɛ "mɔ -ɔ "kɛ nɛ "kwlɛ bhli -wɛ yɔ. -Se -ɛ 'kɛleɔ- Lagɔbɔgo "me -wɛ "kɛ 'yli 'wlole.

Zezu Kli 'na 'Denaade ‑ye Zaa kɛle‑ ne lɛ 17:5

-Dɛmeda, To gbɔ -se -eyi "me 'e "kɛ 'ŋlu me, 'ŋlu 'na -ye 'e -kɛ nɛ -eyi yɔko, -dee zikpɛ -na nɛ "kuci -wɛ.

Nonoli 5:31

"Ne 'ɔ yu -lɔ 'ɔyi lilikwlɛ -gbɔsɔ "ku -jilɛ. "Ne 'ɔ yu -lɔ Kamalenyɔ "ne 'Fuɔnyɔ "zoa-. -Se Izlayɛleyua "kɛ kɔ 'bheliɔ-, -se Lagɔ "kɛ 'wanɛɛ 'nyinyonoli 'na gbo 'yi 'tale-.

Efɛzenya 1:10

-Ɛ "kɛ -noɔ -wɛ, Lagɔ 'yɔbhɔ nɛ -gbɔ 'ɔ 'cɛ yli -ye 'ɔ -sɛ lɔbhɔ -wɛ "me nole. 'Ɔ "kɛ -ɛ -ko "nɔgɔ "me 'klekle, "ne dodo ne "ku 'wli 'yabha-, "cifi -bholo -kpee, Klise zɔ.

Kolɔsenya 1:18

'Ɔ -noɔ 'lelee -lɔ 'ɔnɛɛ ku 'na 'wli yɔ, 'ɛ sɛ zɔ nɛɛ: Lagɔgbibgɛ. 'Ɔ -noɔ -lɔ "kucileɛ yɔ, 'ɔ -noɔ -lɔ tɛtɛ 'nyɔkpɔ -ɔ 'wlo- gluzɔ yɔ. -Se 'ɔ "kɛ 'wayi 'klekle 'yuku 'gɛle-, -moɔ 'klekle, "ne -godogodo.

2 Tesalonikenya 1:12

"Ɛ soɔ 'na 'ylime, Anyinɛnyɔ Zezu 'na 'tɔ "kɛ 'ce -lɔ 'ŋlu me, "ne 'ɔyi, 'ɔ "kɛ 'ce 'lelee -lɔ 'anye 'ŋlumeɛ kɔ 'je. 'Ɛyi 'klekle -anyɛɛ Lagɔ "ne Anyinɛnyɔ Zezu Kli 'na -jɔlo yɛ -lɔ.

Eblenya 1:4

"Ɛ Yu -zi "nɔgɔzilia "ku. "Naa-, Lagɔ -ziɛlo 'tɔ -ɛ 'kpɔ "ne 'ɛ -zi 'wanɛɛ 'tɔ "ku.

Eblenya 1:9

-E -wa -ɛ ŋwinɛle- "me -wɛ, -e "ne "nyɛnye -wa. 'Ɛnɛɛ za Lagɔ, -neɛ' Lagɔ -tɔ -lɔ -eyi 'ɔnɔ "ku, "ne 'ɔ yi -lɔ -eyi -jajo 'na 'ŋwɛnɛ -kpe 'wli slu-. 'Ɔ -wamale -eyi -elua 'glɛme "ne 'ɛ -zi "ku.

Eblenya 12:2

-A wolo- Zezu "ku 'yiɛ. 'Ɔɔ gbɔ "ne -a kɛle -lɔ 'dleku, 'ɔɔ "kɛ -lɔ gbɔ "ne -anyɛɛ 'dlekukɛleɛ "kɛ -lɔ "me "tamale-. Zezu 'ŋunu- "ku -gbɔ 'ɔ yi klowa "klo kule, zu "no lɔbhɔ-. "Naa-, 'ɔ -gɛ nɛ "kle 'ŋwɛnɛ -ɛ "kɔ 'lɔbhɔ -wɛ 'yli, "ne -dɛmeda, 'ɔ gli- Lagɔ 'na lilikwlɛ -gbɔsɔ "ku.

Eblenya 2:9

-Mɔ, -anye -ye -a -gɛ -me bhɔ 'lelee 'yli 'a? Zezu kwlilea- 'ɔyi "ku "tɛnye 'tekeyi 'na dɛ "nɔgɔzilia 'yliku. -Mɔ, -dɛmeda, 'ɔ me 'ŋlu "ne 'ɔ 'pɔ -klɔbgɔ. Sɔɔbɛɛza bhɔ? Sɛko -wɛ, 'ɔ 'gbape-, "ne 'ɔ "ku-. "Ne Lagɔ 'na 'nɛne -ko -ylime, Zezu "ku- 'nyakpa 'klekle za.

1 Piɛle 3:22

'Ɔ 'gblɛ- "nɔgɔ "me, 'ɔ 'gli- Lagɔ 'na lilikwlɛ -gbɔsɔ "ku. -Dɛmeda, 'ɔ -kɛ 'bhɛloɛ "ne 'ɔ zi "nɔgɔzilia 'klekle -nyɛ zuzu 'klekle -wa 'kamalea "ne -wa -kɛ 'bhɛloɛ -wɛ "bhaa "ku.

2 Piɛle 1:17

'Diɛɛ, 'ɔ -yle -bhlegbi "ne To Lagɔ 'na 'ŋlu, -sɔɔdɛku "me Tamale- Lagɔ 'na bhulɛ -weli -ɛ 'bhale- "nɔgo "me -no nɛɛ: «-Ɔne, 'neɛ yu -ye 'e -wa kpɛnyee yɔ -lɔ, 'ɔyi 'ye 'e -sɛ -lɔ lɔbhɔ 'ŋwɛnɛsɛ.»

3 Zaa 1:7

"Naa-, Klise 'na 'tɔ "me 'wa -bhli -lɔ "ɛ -gwe -wɛ, "ne 'wa "ne -wa "ne Lagɔ -yi -wɛ -bɛɛ' 'yɔbhɔle-.

'Ylikloylɛleweli 1:5

Zezu Kli -ɔ -noɔ -ɔyeɛdɛ 'na 'dletɛlenyɔ yɔ, 'ɔ "nyɛ 'anye -jɔlo -nyɛ "kuwɛtɛ "bhaa. 'Ɔɔ -noɔ tɛtɛnyɔ 'na -ɔ 'wlo- -glukonya 'glɛme zɔ yɔ. 'Ɔɔ -noɔ -me 'lelee dodo ne "ku 'na -klɔgbɔnya 'na "cifi yɔ. Zezu Kli -wamale -anye "ne 'ɔ -sɛ -anye -anyɛɛ 'nyinyonoli 'na gbo 'wlime, 'ɔnɛɛ dlu 'na suɛsluɛ "me.

'Ylikloylɛleweli 11:15

"Nɔgɔzilɔ 'na gbɔɔsɔnɔ 'dia- 'ɔnɛɛ lɛglɛ gbo, weli "yitɛ 'bhale "nɔgɔ "me, 'ɛ nɛɛ: -Dɛmeda, dodo ne "ku 'na 'kamaleɛ Anyinɛnyɔ Lagɔ "ne 'ɔnɛɛ Klise 'ye 'ɛ 'bhale -lɔ kɔ. 'Ɔɔ "kɛ 'ce -lɔ -klɔgbɔnyɔ "zo -godogodo.

'Ylikloylɛleweli 19:16

'Tɔ kɛleɔ- 'ɔnɛɛ "koti -nyɛ bhɔgo "bhaa yɔko: -Klɔgbɔnya 'na -Klɔgbɔnyɔ, Anyinɛnya 'na Anyinɛnyɔ.

'Ylikloylɛleweli 3:21

-See -ame, 'e 'to- 'wli "ku "ne 'e yi -a To yɔko 'gli -ka me 'ɔnɛɛ -klɔgbɔ-gbɔglo "ku -wɛ, sɔbhɔ 'ye -ɔ -to 'wli "ku -wɛ, 'e "kɔ 'ce 'lelee -lɔ -ayi yɔko 'jilɛ 'neɛ -klɔgbɔ-gbɔglo "ku.

'Ylikloylɛleweli 5:12

'Wanɛɛ lobhleweli 'tɛ- "me, 'ɛ nɛɛ: 'Bhlɛbhlɛyu -ye 'wa 'di- 'wli "ku bɔbɔ -za -wɛ -kɛ 'bhɛloɛ, -klɔgbɔ, 'ylimeyamaleɛ, 'kwɛmetamaleɛ, "kuwezeleɛ, 'ŋlumeɛ "ne 'ŋlukwɛɛ 'na yle -sɛ.