Filiponya 2:8 - Nouveau Testament bété de Gagnoa

⁸ 'Ɔ 'kwlialea- 'ɔyi "ku, "ne 'ɔ 'nɔŋole- 'plomezoɛ "me -kaa "ne 'ɔnɛɛ "kwiɛ 'na dɛ yi -lɔ ylɛ, klowa "klo 'wa -kolo -lɔ, "ne 'ɔ yi -lɔ "ku.

Filiponya 2:8 Iomraidhean Croise

Matie 17:2

"Ne 'wayi 'yliku 'ɔ yi -lɔ zizlɔle-, 'ɔnɛɛ "klo 'lelele nɛ "me sɛgbɛɛ ylo, "ne 'ɔnɛɛ "meplakoti yi -lɔ lele- 'buu sɛgbɛɛ zle.

Matie 26:39

'Ɔ -me 'yuku 'tekeyi, "ne 'ɔ yi -lɔ -kokomini "pɔ, "ne 'ɔ yi -lɔ Lagɔ bhubhɔ- nɛɛ: «-A To, 'ylilea- -ame 'gbapegbapeɛ ne "guɔ, 'ɛ kɛ -kɛ 'bhɛle-. -Mɔ te -kɛ -ye 'e 'yɔbhɔ -wɛ no, -mɔ, -neɛ' -ye 'e 'yɔbhɔ -wɛ, 'ɛɛ -na 'tole- -kɛ sɔbhɔ.»

Matie 26:42

Zezu -yliloa "kusɔ guɔ, "ne 'ɔ yi -lɔ bhubhɔ- nɛɛ: «-A To, -e "kɛ 'sɛ -yi -gbɔ -e -ka -ame "ɛ 'leylislɔne "guɔ 'ylilea- ne, -neɛ' -see -e 'yɔbhɔ -na tole- lɔbhɔ!»

Luke 9:29

Zezu -ko bhubhɔ- dɛku "ne 'ɔnɛɛ 'klo yi -lɔ "me zigbaleɔ-, "ne 'ɔnɛɛ 'koti yi -lɔ 'buu 'plɛ.

Zezu Kli 'na 'Denaade ‑ye Zaa kɛle‑ ne lɛ 10:18

'Nyɔkpɔ "ne -ame 'neɛ -zikpɛ kɔ -sɛ. -Mɔ "mɔ 'bhale- -lɔ -ayigɛsɛ "me. "Naa-, 'e -kɛ 'bhɛloɛ -se 'e 'cɛ "me 'bhale-, "ne 'e -kɛ 'bhɛloɛ -se 'e 'cɛ "kusɔ "kulibhile. -Ame To 'na -ye 'ɔ no -gbɔ 'e no yɛ -lɔ.»

Zezu Kli 'na 'Denaade ‑ye Zaa kɛle‑ ne lɛ 14:31

-mɔ 'ɔ yi -se -glɔnya "kɛ sɛ yibhlele- -gbɔ 'e -wa -ame To, "ne -ye 'ɔ 'yɔbhɔ -wɛ 'ye 'e no -lɔ. 'A -sɔ "ku -se -a me!

Zezu Kli 'na 'Denaade ‑ye Zaa kɛle‑ ne lɛ 15:10

'A kɛ 'neɛ gbagbɛ 'plome "zo 'a yi 'neɛ -waleɛ "me ko -see 'e "zo -a To 'na gbagbɛ 'plome "ne 'e -ko 'ɔnɛɛ -waleɛ "me -wɛ.

Zezu Kli 'na 'Denaade ‑ye Zaa kɛle‑ ne lɛ 4:34

"Ne Zezu yua -lɔ bhulɛle- nɛɛ: «'Neɛ lilɛ -noɔ -lɔ -gbɔ 'e no -ɔ -lebhe -ame 'na -ye 'ɔ 'yɔbhɔ, "ne 'e no 'ɔnɛɛ libhɔ -se 'ɛ bhiɛ 'wlizɔ.

Nonoli 8:33

'Wa 'lɔbhɔ- 'ce zu, "ne -ɔ "kɛ 'ce 'ɔnɛɛ gbo bhle "ne 'ce -yleɔ. -Ɔ "kɛ 'ce bhɔ 'ɔnɛɛ yua 'na yua 'na 'de -sɛ 'a? "Naa-, 'wa -sɔ 'ce zikpɛ "ku.»

Wlomɛnya 5:19

-Watɔ -ce 'na dɛku, 'nyɔkpɔ -bholo -sɛ -lɔ Lagɔ 'plome, "ne 'nyakpa -kwleyia yi 'awɔ -lɔ 'nyinyonolinonya "zo. "Ɛ sɛbhele -wɛ, 'nyɔkpɔ -bholo 'na 'plome -zo -za, 'nyakpa -kwleyia "zo -lɔ "meŋwinɛlenya.

2 Kolɛtenya 8:9

"Naa-, 'a -yi Anyinɛnyɔ Zezu Kli 'na -jɔlo. 'Ɔyi, -klɔgbɔnyɔ, 'ɔ "zoa- 'ɔyi 'poɛnyɔ 'anyɛɛ za, -se 'ɔnɛɛ 'poɛ -wɛ "me, 'a "kɛ -klɔgbɔnya "zo.

Galatenya 3:13

"Ne "kubhleɛ -ye -Lɔ 'nɛme -anye "ku -wɛ, Klise 'di- 'ɛnɛɛ 'galu "yitɛ "ku. -Anyɛɛ za 'wa -bholo -lɔ "ku. "Naa-, Lagɔbɔgo "me sɛne 'ye 'ɛ 'kɛleɔ- -lɔ: «'Nyɔkpɔ -ye 'wa -gbɛtele su 'vli -wɛ, 'ɔyi 'ye- "kubhleɛ 'sa -lɔ kɔ.»

Tite 2:14

'Ɔ -ple 'ɔnɛɛ zikpɛ -anyɛɛ za, -se -anyɛɛ 'nyinyonoli 'na gbo "kɛ bhiɛ. 'Ɔ 'yɔbhɔ nɛ -gbɔ 'ɔ "kɛ nɛ -anye -zakpɛ -bholo "me 'wlewle "zoa-. 'Nyakpa -wa "kɛ 'ɔnoa "zo- -wɛ, -wa -ko lɔbhɔ -godogodo -se -wa "kɛ -li 'na -li no.

Eblenya 12:2

-A wolo- Zezu "ku 'yiɛ. 'Ɔɔ gbɔ "ne -a kɛle -lɔ 'dleku, 'ɔɔ "kɛ -lɔ gbɔ "ne -anyɛɛ 'dlekukɛleɛ "kɛ -lɔ "me "tamale-. Zezu 'ŋunu- "ku -gbɔ 'ɔ yi klowa "klo kule, zu "no lɔbhɔ-. "Naa-, 'ɔ -gɛ nɛ "kle 'ŋwɛnɛ -ɛ "kɔ 'lɔbhɔ -wɛ 'yli, "ne -dɛmeda, 'ɔ gli- Lagɔ 'na lilikwlɛ -gbɔsɔ "ku.

Eblenya 12:4

'A gwegwele- kɔ -se 'a te -kɛ 'nyinyonoli no, -mɔ 'ɛ -namlɛ -kɛ dlu wlɛ-.

1 Piɛle 2:24

Klowa "klo, 'ɔnɛɛ ku "me 'ɔ 'libhi- 'ɔyigɛsɛ -anyɛɛ 'nyinyonoli "ku. 'Ɛza, -a "kɛ -lɔ 'nyinyonoli 'na nonoku 'nyɔkɔ-. "Ne -a "kɛ -lɔ zikpɛ 'na -ɛ 'nɛne Lagɔ -gɛ -wɛ "ku -ko. "Naa-, 'ɔnɛɛ 'gbapegbapeɛ "me 'ye -a -yamale -lɔ zɛ.

1 Piɛle 3:18

"Naa-, Klise 'ɔyigɛsɛ "ku- "ku -bholo, 'nyakpa 'na 'nyinyonoli za. 'Ɔyi, -ɔ "ne 'nyinyonoli -no -wɛ "ku- -wa -no "nyɛnye -wɛ 'na 'ylime, -se 'ɔ "kɛ 'anye Lagɔ 'na -gwe "ku 'sibha-. Klise, 'wa 'lɔbhɔ- "ne 'ɔ "ku-, "ne Zuzu Wlewle yu -lɔ golia-.