Filiponya 2:7 - Nouveau Testament bété de Gagnoa

⁷ -Mɔ, 'ɔ 'bhale- 'ɔyi "me, "ne 'ɔ yi -lɔ 'ɔyi "kulɔbhɔnyɔ "zoa- "ne 'ɔ yi -lɔ 'ɔyi 'nyɔkpɔ 'nasɛ slu-. "Ne 'nyakpa yu -lɔ 'ylime 'ye -gbɔ 'ɔ -ko 'diɛɛ 'nyɔkpɔ 'nasɛ.

Filiponya 2:7 Iomraidhean Croise

Matie 12:18

Lagɔ nɛɛ: 'Neɛ "kulɔbhɔnyɔ -ye 'e -sɛ lɔbhɔ ne lɛ, 'neɛ -wawayu -ɔ -kɛ 'neɛ 'dle kɔ ne lɛ. 'Ɔyi 'ye 'e -sɛ -lɔ lɔbhɔ 'ŋwɛnɛsɛ. 'E yu 'neɛ Zuzu Wlewle "ku 'kwlialea-, -se 'ɔ "kɛ -glɔnya "meŋwinɛleɛ sloa-.

Matie 20:28

'Wa "kɛ 'Nyɔkpɔ Yowli "ku lɔbhɔ- za 'ɔ "ne zikpoku -yi, -mɔ, 'ɔ "kɛ 'lɔbhɔ- za 'ɔ -yi -lɔ, -se 'ɔ "kɛ 'ɔnɛɛ zikpɛ "me 'bhale-, 'nyakpa -kwleyia 'na zeti -za.»

Malke 9:12

Zezu -bhulɛloa nɛɛ: «-Tiasɛku Eli "kɛ -lɔ yi tɛɛ -se 'ɔ "kɛ -li 'wli jijalea-. -Mɔ sɔɔbɛɛza Lagɔbɔgo no me bhɔ 'lelee nɛɛ 'Nyɔkpɔ Yowli yi 'gbape kpɛnyee, "ne 'wa yu 'ce 'nyɛze ziɛ- 'a?

Luke 22:27

'Anyɛɛ dɛku, -ɔ -noɔ bhɔ "yitɔ yɔ 'a? -Ye 'wa 'nɛme lilɛ -wɛ bha, -mɔ -ɔ nɛme -wɛ bha? 'Ɛ "ne bhɔ -ye 'wa 'nɛme lilɛ -wɛ yɔ? 'Ɛ kɛ -ame yɔ, 'e -ko 'anye 'glɛme "kulɔbhɔnyɔ 'nasɛ.

Zezu Kli 'na 'Denaade ‑ye Zaa kɛle‑ ne lɛ 1:14

"Ne "ɛ weli yi -lɔ 'nyɔkpɔ "me yili-, "ne 'ɔ -nyɔ "bhaa -a yi -lɔ "ku kole-, "ne -a yi -lɔ 'ɔnɛɛ 'ŋlu 'ylime 'ye. "Ɛ 'ŋlu -wɛ, To 'jo- -lɔ kɔ. Lagɔ Yowli -bholo -kpee, -ɔ yiɛ- -jɔlo "ku, "ne -ɔ bhulɛ gbɛklɛklɛ 'na 'ŋlu yɛ -lɔ.

Wlomɛnya 1:3

'Ɛ bhulɛ 'ɔ Yowli 'na weli, 'nyɔkpɔ sɛku, 'ɔ 'to 'ɔ 'to Davide 'na -gligbɛ "ku 'wa 'gwɛlelo -lɔ.

Wlomɛnya 15:3

"Naa-, 'ɔyi, Klise, -ɛ 'nɛno -gɛ -wɛ 'ye 'ɔ "ne 'siɛ -tɛle. -Mɔ, Lagɔbɔgo nɛɛ: -Ye 'wa 'yli nɛ -eyi -wɛ, -ame -ye "ɛ weli -wɛ mele nɛ -lɔ "ku.

Wlomɛnya 15:8

'Anye 'ye 'e bhulɛle -lɔ, weli -ye Lagɔ -ple -wɛ, 'ɔ "ne 'bhɛ -kɛ "ku. 'Ɛza, Klise "zo- -lɔ zufonya 'na "kulɔbhɔnyɔ. -Se weli -ye Lagɔ -plele 'awɔ -a 'to 'wa 'to 'wɔ kɔ -wɛ "kɛ 'yli 'wlole.

Wlomɛnya 8:3

Moyize 'na -Lɔ "ne nɛ 'bhɛle- "ne 'ɛ "kɛ -ɛwɛ no, sɛko -wɛ, 'nyɔkpɔ 'na kosɛ "ne "me 'tɛ-, -mɔ, Lagɔ -no. 'Ɔ 'lebhe- 'ɔ Yowli, "ne 'ɔ yi -lɔ 'nyinyonolinonya 'na ku "ku 'libhi, -se 'ɔ "kɛ 'wanɛɛ 'nyinyonoli 'na 'galu 'di. Lɔbhɔ 'ye Lagɔ -luale -lɔ 'nyinyonoli -ɛ ko 'nyɔkpɔ "me -wɛ gbo.

2 Kolɛtenya 13:4

'Diɛɛ yɛ -lɔ, "naa-, 'wa -kole Klise klowa "klo -se 'ɔ "ne "me 'tɛ- -wɛ za, -mɔ, 'ɔ -yɛ 'gbligbli, Lagɔ 'na 'bhɛloɛ "me. "Ne -anye 'lelee, -a "zo- -bholo 'ɔyi "bhaa -anyɛɛ 'kwɛmeyɔleɛ "me, -mɔ, -a -yɛ 'ɔyi "bhaa, Lagɔ 'na 'bhɛloɛ "me, -se -a "kɛ 'anye "ku lɔbhɔ.

2 Kolɛtenya 8:9

"Naa-, 'a -yi Anyinɛnyɔ Zezu Kli 'na -jɔlo. 'Ɔyi, -klɔgbɔnyɔ, 'ɔ "zoa- 'ɔyi 'poɛnyɔ 'anyɛɛ za, -se 'ɔnɛɛ 'poɛ -wɛ "me, 'a "kɛ -klɔgbɔnya "zo.

Galatenya 4:4

-Sɔɔdɛku, "tɛnye -ylɛ lɛ ne, Lagɔ -lebhe 'ɔ Yowli. 'Ŋɔnɔ -gwɛlo -lɔ "ne 'ɔ "zo me nɛ Moyize 'na -Lɔ 'plome.

Filiponya 2:6

'Ɔyi Zezu, Lagɔ 'nasɛ 'ye 'ɔ -ko -lɔ -godogodo, -mɔ, 'ɔyi -ɔ -ko Lagɔ 'na ko "me -wɛ, 'ɔ "ne 'ce mamale.

Eblenya 12:2

-A wolo- Zezu "ku 'yiɛ. 'Ɔɔ gbɔ "ne -a kɛle -lɔ 'dleku, 'ɔɔ "kɛ -lɔ gbɔ "ne -anyɛɛ 'dlekukɛleɛ "kɛ -lɔ "me "tamale-. Zezu 'ŋunu- "ku -gbɔ 'ɔ yi klowa "klo kule, zu "no lɔbhɔ-. "Naa-, 'ɔ -gɛ nɛ "kle 'ŋwɛnɛ -ɛ "kɔ 'lɔbhɔ -wɛ 'yli, "ne -dɛmeda, 'ɔ gli- Lagɔ 'na lilikwlɛ -gbɔsɔ "ku.

Eblenya 13:3

'A "pɔ -jiɛnya "ku 'dle sɛgbɛɛ -jiɛ "me 'wayi 'wɔ "bhaa 'a kole- 'gɔme. 'A "pɔ -ye 'wa ziɛ 'nyɛze -wɛ "ku 'dle sɛgbɛɛ 'anye 'wa ziɛ 'nyɛze.

Eblenya 4:15

Sɛko -wɛ -a -kɛ bɔbɔnyɔ "yitɔ, -ɔ 'bhɛle- "ne 'ɔ "kɛ -anyɛɛ sɛ 'gbape -me -anyɛɛ 'kwɛme-yɔleɛ 'na za. "Naa- -anyɛɛ sɛ, 'wa 'beɔ- -li 'klekle za "me, -mɔ 'ɔyi, 'ɔ "ne 'nyinyonoli -no.