Filiponya 2:3 - Nouveau Testament bété de Gagnoa

³ 'A kɛ -bɛɛ' no ne, 'a 'te lɔbhɔzowugɔŋ "me nole-, -se 'a 'te 'lelee "kuziwugɔŋ "me nole-. -Mɔ, 'a 'kwlialea- 'ayi "ku, -se 'a "pɔ 'dle -gbɔ 'alua 'kpɔ- "ne 'wa -zi 'anye "ku.

Filiponya 2:3 Iomraidhean Croise

Luke 18:14

Zezu nɛɛ : 'E bhulɛle 'anye, -sɔɔdɛku "ɛ -lɛposanyɔ -wɛ "kɛ sueme 'wlizɔ zi ne, 'ɔɔ ŋwinɛle- -lɔ "me Lagɔ 'yliku. Falizienyɔ 'na 'nyinyonoli -tuɔle 'ɛnɛɛ sɛku. 'Nyɔkpɔ 'na -ɔ 'kwlialea 'ɔyi "ku -wɛ yi 'wli "ku libhiɔ-. 'Nyɔkpɔ 'na -ɔ libhi 'ɔyi 'wli "ku -wɛ yi 'ce "ku 'kwlialeɔ-.

Wlomɛnya 12:10

'A -wale -anyɛɛ 'dle 'klekle zɔ -see "nowlia -nyɛ "nɔyoa "bhaa -wale -wɛ. 'Anye -na "zo 'ce 'alua 'plome tɛɛ.

Wlomɛnya 13:13

-A slu -anyɛɛ zikpɛ 'tee, sɛgbɛɛ zlegɛ: -A te li kpɛnyee, -se -a te "nɔmɔ kpɛnyee. -A -nyɛ "fu 'na 'nyɔ "bhaa -a te go, -a te -ayi -se -a 'yɔbhɔ -wɛ slu, -a te 'slɛ, -se -a te lɔbhɔzo no.

Wlomɛnya 2:8

-Mɔ, -wa 'ciciɔlo 'ylime -wɛ, "ne -wa "ne "zo -gbɛklɛklɛ 'plome -wɛ, "ne 'wa no "nyɛnye -wɛ, "ɛ 'wayi -wɛ, Lagɔ yua 'ce 'ɔnɛɛ 'kɛle "yitɛ 'ylime tua.

1 Kolɛtenya 15:9

-Ame Pɔle, Zezu 'na "kɔlepɔnyɔ 'na 'tekeyi -nɔ 'ye 'e -noɔ -lɔ. 'Neɛ 'tɔ "ne -mlɛ -kɛ 'kɔle -tɔ 'nabhɛ "ku -ŋwa, sɛko -wɛ, 'e -gbapea -kɛ Lagɔgligbɛ kpɛnyee zɛ.

1 Kolɛtenya 3:3

Sɛko -wɛ, 'a -namlɛ "me "tamale- zɛ. "Naa-, lɔbhɔzonoɛ, yɔkotɛkpɔtɛkpɔleɛ -ko 'anye 'glɛme. 'Ɛ kɛ soɔ -ko ne, 'nyakpa 'na -wa "ne "me 'tɛ- 'na -li 'ye 'a -na bhɔ no 'a? 'Anyɛɛ kosɛ "ne -na bhɔ -zɛ dodo ne "ku 'na 'nyakpa 'nasɛ -ko bha?

2 Kolɛtenya 12:20

-Ye 'e "gu -gɛ ne lɛ: 'E yi -kɛ 'anyɛɛ moɔ yi. 'E "kɛ 'anyɛɛ moɔ -yi -lalɛce, 'e -ka 'anye -see 'ɛ -ko -ame 'dleku -wɛ ylele-. "Ne -ame 'lelee, 'a -ka -lalɛce, -ame -see 'a 'yɔbhɔ -wɛ ylele-. 'E "gu -gbɔ 'e te 'anye -ɛne 'glɛme ylele-: Gbonoɛ, lɔbhɔzonoɛ, kɛle, 'nyakpa 'na 'keyiglɛglɛleɛ 'wɔ, 'alua 'na 'yliyliɛ, 'wanɛɛ -sɛsɛɛ -wɛ 'wɔ, 'ylisiɛtɛleɛ, 'bidiglagli 'na kosɛ. Li ne 'klekle 'na 'dlebhɛ lɔbhɔ nɛ -lɔ -ame 'anyɛɛ moɔ 'na yi dɛku.

Galatenya 5:15

-Mɔ, 'a kɛ niminimile-, "ne 'a "kɛ 'dlu yɔko 'ylaylale- ne, 'a 'luɔ- -kɛ, 'wli 'a "kɛ -kɛ -lɔ bhiabhiale-!

Galatenya 5:26

-A te 'yli 'sie 'tɛle. -Ayi 'glɛme -a te gbo no, -ayi 'glɛme -a te lɔbhɔzo no.

Efɛzenya 4:2

'A 'kwliale- 'ayi "ku, 'a wɔtɔ- 'dle, -se -a 'piɛ "bhle 'dle, 'a -sluslule 'ŋwɛnɛsɛ.

Efɛzenya 5:21

'A "zozole 'plome -se -a "zo Klise 'plome -wɛ.

Filiponya 2:14

Zaa, -ye 'a no 'klekle -wɛ, 'a te "me 'ŋuŋwɔŋuŋwɔle-, -se 'a te 'ciciɔ-.

Kolɔsenya 3:12

Lagɔ -tɔ 'anye, 'ɔ 'yɔbhɔ -gbɔ 'a "zo 'ɔnoa, "ne 'ɔ -wa 'anye. Zaa, 'a 'piɛ "bhle 'dle -se 'a 'kɛle- 'nyɛze 'dle, -se 'dlezɔ ko 'anye foo, 'ɛ "zo -zigbadle, -bɔŋodle.

Kolɔsenya 3:8

-Mɔ, -dɛmeda, 'a 'tale- "ɛwɛ 'klekle yi: 'Kɛle, 'kpokpo, -konyinɛ. "Ne 'slowli -nyɛ weli -nyɛnye -wɛ 'wɔ "bhaa te -la 'anye nu ylɛle!

1 Timote 6:4

Bhabha -za, 'wanɛɛ 'yli "ne le -da. "Ɛ 'nyakpa -wɛ "ne -bɛɛ' -yi, 'wa "ne -yɛ, "ne 'wa 'kpɛle -lɔ, "ne 'wa slɛ -lɔ. "Ɛwɛ 'wɔ nɛme -lɔ lɔbhɔzonoɛ, 'slɛslɛɛ, 'yliyliɛ "ne 'dlepɔsɛ -nyɛnye -wɛ 'wɔ.

1 Piɛle 3:8

'A kole- "ku, -se 'a 'pɔ sɛbhele 'dle. 'A wale- "nowlia 'nasɛ. 'A komale- 'nɛne, 'a 'kwlialea- 'ayi "ku 'alua 'yliku.

1 Piɛle 5:5

'Anye, 'teyigba, 'a "zo "yitia 'plome, "ne 'anye 'klekle, 'a 'kwlialea- 'ayi "ku 'nyakpa 'yliku. 'Naa-, Lagɔbɔgo nɛɛ: «Lagɔ "ne wolo- -wa bha -wɛ "ku 'tee, -mɔ, 'ɔ -ko 'nɛne, -wa 'kwlialea 'wayi "ku -wɛ za.»