Filiponya 2:25 - Nouveau Testament bété de Gagnoa

²⁵ -Mɔ, 'e 'ye- -la lɛ 'ylime ne, 'ɛ -leɛ -a "nɔwli Epaflodiite, 'neɛ libhɔnonyɔ, 'neɛ kwɛlenyɔ, 'ye 'e "kɛ -la -lɔ 'anye -nɛme. 'Ɔyi 'ye 'a 'pɔ- -lɔ -ame -gwe "ku -ye 'e 'tɛle nɛ kwɛlenyɔ 'siɛ -wɛ.

Filiponya 2:25 Iomraidhean Croise

Zezu Kli 'na 'Denaade ‑ye Zaa kɛle‑ ne lɛ 13:16

-Ɛɛ, gbɛklɛklɛ 'ye 'e bhulɛle lɛ 'anye nɛɛ: "Kulɔbhɔnyɔ "ne -la 'kpɔ "ne 'ɔ "kɛ 'ɔnɛɛ "Bhenyɔ "ku -zi. "Ne "Kɔlepɔnyɔ "ne 'kpɔ "ne 'ɔ "kɛ -ɔ -lobho -wɛ "ku -zi.

Zezu Kli 'na 'Denaade ‑ye Zaa kɛle‑ ne lɛ 17:18

-See -e -lebhele -ame dodo ne "ku ne, sɔbhɔ 'ye -ame 'e lebhele 'moa 'lelee -lɔ dodo ne "ku.

Wlomɛnya 16:3

'A bhɛle- Plisile "ne Akilase nyɔ 'wɔ "bhaa, 'e no Zezu Kli 'na libhɔ -wɛ.

Wlomɛnya 16:9

'A bhɛle- Ylubɛ, -nyɔ "bhaa, -a -no Klise 'na libhɔ -wɛ, "ne -a 'tito Satakise.

1 Kolɛtenya 3:9

"Naa-, 'gɔme 'ye -a nole -lɔ Lagɔ 'na libhɔ. "Ne 'anye -noɔ -lɔ Lagɔ 'na 'lɛɛ 'waa. 'Anye -noɔ 'lelee -lɔ Lagɔ 'na -bhudu 'waa.

2 Kolɛtenya 2:13

-Mɔ, 'dlebhɛ lɔbhɔ nɛ -kɛ -ame, "naa-, 'e "ne nɛ -ame "nɔwli Tite "bhle ylele-. -Ɛwɛza, 'e 'bha- -lɔ Tloase, "ne 'e yi -lɔ Masedoane me.

Filiponya 2:26

"Naa-, 'ɔ 'yɔbhɔ -gbɔ 'ɔ "kɛ 'anye 'ylime 'ye klepaa, 'ɛnɛɛ za 'dlebhɛ 'lɔbhɔ, "naa- 'a 'no- 'awɔ 'ɔnɛɛ gulɔbhɔde zɛ.

Filiponya 4:18

-Ye 'e 'yɔbhɔ -wɛ, 'e -kɛ, "ne 'ɛ -zu! -Dɛme 'lelee, 'e -yle -ye 'a -slua Epaflodiite 'na za -wɛ. 'Ɛ -li -wɛ -ko sɛgbɛɛ bɔbɔli -nyɔ 'na 'ŋoni -ko sɛgbɛɛ lasiklɔ. 'Ɛ -soɔ 'na bɔbɔli -wɛ 'ye Lagɔ -wa -lɔ "ne 'ɔ 'sa -lɔ kɔ.

Filiponya 4:3

"Ne -eyi, 'neɛ 'diɛɛ 'na -gwebhlinyɔ, 'e 'yɔbhɔ -gbɔ kwɛle- "ɛ 'ŋwenea "sɔ -wɛ. "Naa-, 'wayi 'wɔ "bhaa -a -gwele kɔ 'Denaade za, 'ɛ -nyɛ Klema "ne "nowlia -nyɔ 'wɔ "bhaa -a -nole libhɔ 'gɔme -wɛ. 'Wanɛɛ 'tɔ 'kɛleɔ- zikpɛbɔgo "me.

Kolɔsenya 1:7

Epaflase, -ɔ -noɔ -a 'tito yɔ, "ne 'ɔyi "bhaa -a -no libhɔ -wɛ, 'ɔ sloɛ -lɔ 'anye. 'Ɔɔ -ko -lɔ -anyɛɛ 'bhulɛ "me 'anye yɔko sɛgbɛɛ Klise 'na "kulɔbhɔnyɔ -ye 'a "kɛ 'dle "tɛle.

Kolɔsenya 4:11

Zezu, -ye 'wa la Zutuse -wɛ 'bhɛle -me 'lelee 'anye. Zufonya 'glɛme 'na -wa "zo- 'klecɛnya -wɛ, 'wayikɔ "bhaa "ne 'a no -lɔ Lagɔ 'na 'kamale zikpɛ "me 'na libhɔ. 'Wa "tamalea- -ame 'kwɛme.

1 Tesalonikenya 3:2

-A -lebhele 'anye Timote -a "nɔwli, -ɔ -nyɛ Lagɔ "bhaa 'wa nole 'gɔme libhɔ -wɛ "ku, -se 'ɔ "kɛ Klise 'na 'Denaade -sɛ. -A -lebho -se 'ɔ "kɛ 'anyɛɛ 'dlekukɛleɛ "me "tamalea-, -se 'ɔ "kɛ 'anye 'kwɛme "tamalea-,

Filemɔ 1:24

Malke, Alisetake, Demase "ne Luke -nyɔ 'wɔ "bhaa -a no libhɔ -wɛ bhɛle 'anye.

Eblenya 3:1

-Nyɔsɔwanye, Lagɔ la- 'anye, zaa, 'a wolo- Zezu "ku 'tee. Lagɔ -lobho -lɔ, 'ɔ -noɔ -lɔ bɔbɔnyɔ "yitɔ nyɔ 'na Denaade -a -sɛle -glɔnya yɔ.