Filiponya 2:22 - Nouveau Testament bété de Gagnoa

²² 'Anye 'nabhɛ, 'a -yi sɛ, -see Timote lɔbhɔ Lagɔ "ku 'tee: -See yu no 'ɔ 'to yɔko libhɔ -wɛ, sɔbhɔ 'ɔ -nyɛ 'wɔ "bhaa -a -lɔbhɔ -lɔ Lagɔ "ku "ne -a -blia -lɔ Lagɔ 'na 'Denaade -glɔ.

Filiponya 2:22 Iomraidhean Croise

Nonoli 16:2

'Ɔnɛɛ nonoli 'nɛne 'awɔ kpɛnyee za Lagɔnya -wa -ko 'awɔ Lisetle "ne Ikoniɔme -du "me -wɛ, 'wa -sɛ 'awɔ 'ɔnɛɛ 'denaade.

Wlomɛnya 5:4

"ne 'dle 'na 'bhle 'piɛ 'nɛme -lɔ 'dlekutamaleɛ, "ne 'dlekutamaleɛ 'nɛme -lɔ 'dletɛleɛ "ne

1 Kolɛtenya 16:10

Zaa, Timote kɛ -yi, 'a "sɔ 'tee -se nyanɔ 'to kɛ ku "me ko. "Naa-, Anyinɛnyɔ 'na libhɔ 'ye 'ɔ no "me -lɔ 'neɛ sɛ.

1 Kolɛtenya 4:17

'Ɛnɛɛ 'ylime za 'e -lebhele -lɔ 'anye 'neɛ -wawayu Timote, -ɔ tɛle- Anyinɛnyɔ 'dle -wɛ "ku. -Se 'ɔ "kɛ 'anye 'dle 'luɔle, -see 'e -su 'neɛ zikpɛ "ku Klise "me -wɛ. 'Soɔ 'e sloa -lɔ moɔ 'klekle, Lagɔgligbɛ 'klekle "me.

2 Kolɛtenya 2:9

"Naa- 'e kɛle- 'anye "ɛ "bɔgo ne "ku -see 'e "kɛ 'anye "mebea-, 'a kɛ -kɛ 'neɛ 'demezoweli 'plome "zo ne.

2 Kolɛtenya 8:22

-Ye -wa 'lebhe -wɛ 'glɛme 'ye -a "zo -me -lɔ -a "nɔwli, 'ɔ 'yɔbhɔ -gbɔ 'ɔ "kɛ lɔbhɔ-, 'ɛyi -wɛ 'ye -a 'kabha -lɔ 'yli -tiaa -li 'klekle "me, -mɔ, -dɛmeda; 'Ɔ zɛkɛ ne 'ɛ 'ple- -watɔ nɛ -ce yɔko "me, "naa-, 'ɔ "kɛ -anye 'dleku kpɛnyee zɛ.

2 Kolɛtenya 8:24

Zaa, 'a 'tua- 'ayi 'ylime -gbɔ 'a -woa -diɛɛ -na -diɛɛ', -se Lagɔgligbɛ "kɛ 'sɛ yibhlele- -gbɔ -a kɛ -ayi "ku zia 'anyɛɛ za ne, 'ɛ "ne yo yɛ.

2 Kolɛtenya 8:8

'E -na -kɛ -gbɔ 'a no klepaa. -Mɔ, Lagɔgligbɛ 'na -vinɛ -wɛ 'wɔ 'na 'se 'wa -zo 'wanɛɛ 'dlasi 'wli 'bhobhlo -wɛ 'na 'de 'ye 'e -sɛle -lɔ 'anye. -Se 'anye 'lelee 'a 'cɛ -anye 'ylime 'tua- -gbɔ 'ŋwɛnɛ 'sɛku 'a 'nyɛ.

Filiponya 1:12

"Nowlia 'wanye, 'anye -wa -noɔ 'kleceɛ 'waa -wɛ, 'e "kɛ 'anye weli -cibhɛ bhulɛle-: 'Diɛɛ, -ɛ yle dɛ -ame ne, 'ɛ "ne -bɛɛ' 'na "nyɛnye yɛ, -mɔ, 'ɛ -gbɔ "ne Lagɔ 'na 'Denaade yi -lɔ 'yuku me.

Filiponya 1:16

"Ɛ -wa sɛle 'dlewɔtɔ "me -wɛ, Lagɔ 'na 'ŋwɛnɛ 'wa -kɛ -lɔ "me. Sɛko -wɛ, 'wa -yi 'sɛ -gbɔ "ɛ -jiɛ ne "me -mee 'e -ko ne, 'e "kɛ Klise 'na 'Denaade 'na gboziɛ za yɛ -lɔ.

Filiponya 1:5

Sɛko -wɛ, tɛtɛ -yli "me 'na -ye 'e -sloa 'anye Lagɔ 'na 'Denaade -wɛ, 'a -kwɛle -ame -kaa "ne 'ɛ -ylɛ lɛ -dɛme.

Filiponya 1:7

'Ɛ -ŋwa sɔbhɔ, -se 'e "kɛ soɔ 'anye 'klekle 'na 'ŋwɛnɛ "me 'kɛle- -wɛ. "Naa-, 'e "zo- 'anye 'neɛ 'dlezɔ. Sɛko -wɛ, Lagɔ 'na libhɔ -ye 'ɔ 'je- -ame kɔ -jɔlosɛ -wɛ, 'anye 'klekle 'a -no me. -Dɛme 'na -dee 'e -ko -jiɛ "me ne, 'a no "ɛ Lagɔ 'na libhɔ -wɛ "yiɛ. -Dee 'e -yele nɛ kɔ "ne 'e me nɛ Lagɔ 'na 'Denaade 'na 'gboziɛka -zejilɛku -wɛ, 'e -yi sɛ -gbɔ 'a -ko nɛ -ame keyi.

Filiponya 2:20

'Ɛ "mɔ Timote yɔ ne, 'nyɔkpɔ 'na 'ɔ "kɛ 'neɛ sɛne 'dle 'pɔ -wɛ, "ne -ye 'dlebhɛ "kɛ 'lɔbhɔ -dudu 'anyɛɛ za -wɛ "ne -le.

1 Timote 1:18

Zaa, -ame yowli Timote, -see -e "kɛ sloa, "ne -ye 'e 'je- -eyi kɔ -wɛ -lɔ. "Guɔkwɔmenya 'na -ye 'wa -bhulɛ 'awɔ -neɛ' dɛku -wɛ "bhaa -bhele yɛ -lɔ. 'Ɛ weli -wɛ 'wɔ yi -eyi 'kwɛme "tamalea-, "ne -e "kɛ -lɔ to 'na -to gwe.

1 Timote 1:2

Zaa, Timote, -eyi -mɔɔ -noɔ neɛ' yu gbaa yɔ 'dlekukɛleɛ "me -wɛ, -eyi 'ye 'e 'kɛle lɛ "ku. To Lagɔ "ne Zezu Kli -ɔ -noɔ Anyinɛnyɔ yɔ -wɛ "pɔ -eyi 'ŋu, -se 'ɔ 'tua- -eyi 'ɔnɛɛ 'ŋwɛnɛ 'ylime, -se 'ɔ 'nyɛ -eyi "kuwɛtɛ!

1 Timote 4:6

'Sloa -kɛ -ɛwɛ 'wɔ -e "nowlia -nyɛ -e "nɔyoa 'wɔ -wa -noɔ 'klecɛnya 'waa -wɛ 'ɛyi 'klekle. Lɔbhɔ 'na dɛku, -e yi Zezu Kli 'na "kulɔbhɔnyɔ 'na "namanɔ "zo, -see -e "koa 'ylime 'tua -gbɔ -e 'gɔbhɔle- Lagɔweli -ɛ 'nyɛ 'dlekukɛleɛ, "ne sloasɛ -ɛ ŋwinɛle- "me -wɛ "bhaa "me, 'ɛɛ "kɛ -lɔ gbɔ "ne 'wa "kɛ -lɔ 'sɛ yibhlele- -gbɔ -e tɛle- Lagɔ 'dle.

2 Timote 1:2

'Na -wawayu Timote, -eyi 'ye 'e 'kɛle lɛ "ku. To Lagɔ "ne Anyinɛnyɔ Zezu Kli 'pɔ -eyi 'ŋu. 'Wa sloa -eyi 'wanɛɛ 'ŋwɛnɛ, -se 'wa 'nyɛ -eyi "kuwɛtɛ!

2 Timote 3:10

-Mɔ -eyi -li 'klekle "me -e gɛle -ame, 'neɛ sloaweli -e no- "me, -e -fo me 'yukwli, -e -didale 'neɛ -kosɛ, -e -yi 'neɛ -ye 'e "kɛ no, 'neɛ 'dlekukɛleɛ, 'dlebhlepiɛ, -e -yi -see 'e -waa 'nyakpa, "ne -e "tɛle- Lagɔ 'dle.

Tite 1:4

Tite, -eyi 'ye 'e 'kɛle lɛ "ku. 'Neɛ yu 'gbaa 'ye -e -noɔ -lɔ 'dlekukɛleɛ -ɛ -gbɔ "ne -a -kole "ku -wɛ "me: Zaa, To Lagɔ "ne -anyɛɛ 'Fuɔnyɔ Zezu Kli 'na 'tɔ "me, yle -jɔlo "ne "kuwɛtɛ.