Filiponya 2:2 - Nouveau Testament bété de Gagnoa

² Zaa, 'a 'wale -se 'ŋwɛnɛ -ɛ ko -ame 'dlezɔ -wɛ "kɛ 'kpɔmale-. 'Anyɛɛ 'ŋwɛnɛ yle -bholo, -se 'anyɛɛ 'dlepɔsɛ yle -bholo, -se 'a kɛle- 'dle -bholo.

Filiponya 2:2 Iomraidhean Croise

Zezu Kli 'na 'Denaade ‑ye Zaa kɛle‑ ne lɛ 3:29

-Ɔ -kwɔ 'ŋɔnɔ -wɛ, -ɔɔ -noɔ -lɔ 'ɔ "luwli yɔ. -Mɔ, "ɛ 'ŋukwanyɔ 'ɔ 'tito, yɔko 'ye 'ɔ -ko -lɔ. 'Ɔ 'fo 'yukwli, "ne 'ŋwɛnɛ 'lɔbhɔ -lɔ 'ɔnɛɛ lɛtɛweli za. "Ɛ soɔ 'na 'ŋwɛnɛ -wɛ 'ɛɛ 'lɔbhɔ -lɔ -ame. -Dɛmeda, 'ɛ "miɛle- -ame 'wliku.

Nonoli 1:14

'Wayi 'klekle, 'gɔme- 'wa bhubhɔle 'awɔ -lɔ kpɛnyee nuɛ -bholo "me. 'Wa -nyɛ Zeluzalɛme 'na 'ŋwenea 'na yɛ "bhaa, Zezu 'ɔ "nɔ Mali -ko -moa 'awɔ 'glɛme, 'ɔ -nyɛ Zezu 'ɔ "nowlia "bhaa.

Nonoli 2:1

-Sɔɔdɛku patekɔte 'na 'yli -ylɛ -wɛ, 'dlekukɛlenya "zole- 'awɔ dɛbhele 'wli 'klekle.

Nonoli 2:46

Zle 'klekle "me, 'wa "zole 'awɔ "Mebɔbɔlebhudu "me 'wli, "ne 'dlekukɛlesɛ "ku, 'wa lile 'awɔ -lɔ 'gɔme sueme, 'ŋwanasɛ "ne 'dlezɔ foo "ku.

Nonoli 5:12

Lagɔ ylɛle 'awɔ "Kɔlepɔnya "me "ne 'wa 'pɔ 'awɔ zɛzɛ -kwleyi; "ne 'wa no 'awɔ -lɔ -li 'na "yiti -ɛ 'nyea 'awɔ -wɛ Lagɔ 'na yua 'glɛme. 'Wa "zo 'awɔ 'wli 'klekle -Klɔgbɔnyɔ Salomɔ 'na -glidɛ 'na -dee 'wa -ziɛlo -wɛ.

Wlomɛnya 12:16

'A 'nonole- "ku "me 'ayi 'glɛme, 'a te -ɛ 'kpɔ- -wɛ 'siɛ tɛle-, -mɔ -ɛ -ko foo -wɛ 'ye 'a -na tɛle- 'siɛ. 'A te 'ayi 'ylimeyamalenya la.

1 Kolɛtenya 1:10

-Nyɔsɔwanye, 'e 'bhubhɔ 'anye Anyinɛnyɔ Zezu Kli 'na 'tɔ "me -gbɔ 'a bhulɛ- sɛbhele 'klekle. -Se 'a te "me 'dliɔdliɔle-! -Mɔ 'a kole "ku, -se 'a kɛle "wugɔŋo -bhele, 'ɛ -nyɛ 'dlepɔsɛbhele "bhaa.

2 Kolɛtenya 13:11

Zaa, -dɛmeda, -nyɔsɔwanye -wa -noɔ 'klecɛnya 'waa -wɛ, 'ŋwɛnɛ 'lɔbhɔ 'anye. -Se 'a tɛle- -see 'a "kɛ "zo "ne 'a "kɛ -kpee ko -wɛ siɛ. 'A "tamale- 'kwɛme, -se 'a 'nonole- "ku "me. "Kuwɔtɛ 'ko- 'anye 'glɛme, -se Lagɔ -ɔ -wa 'nyakpa, "ne -ɔ -noɔ "kuwɛtɛ yɔ -wɛ "bhaa 'a "kɛ "ku 'kole-.

2 Kolɛtenya 2:3

Sɔɔbɛɛza, 'e kɛle- 'anye "ku -noɔ -lɔ -gbɔ 'e kɛ 'anyɛɛ moɔ -du -ylɛ ne, 'anye -wa "kɛ -ame 'ŋwɛnɛ labha- -wɛ, 'a te -kɛ "klo 'nyɛne-. 'E -kɛ 'anye 'dleku -gbɔ 'neɛ 'ŋwɛnɛ 'anye 'klekle -nɛ yɛ me -lɔ.

2 Kolɛtenya 7:7

Tite 'na 'duylɛ 'ɛyikɔ "ne -kɛ -anye -dɛpe, -mɔ, 'kwɛme -ye 'a "tamaleɔ 'lelee -wɛ za yɛ -lɔ. 'Ɔ -bhulɛle -anye -gbɔ -neɛ' to lɔbhɔ 'anye, "ne 'ɔ -bhulɛle -anye 'anyɛɛ "klo -ye 'a -nyɛne -wɛ 'na weli, 'kwɛme -ye 'a 'tɛ- "ne 'a "kɛ -ame 'beme 'sibhɔ -wɛ 'na weli. 'Ɛza, 'neɛ 'ŋwɛnɛ 'kpɔmale- kpɛnyee.

Filiponya 1:4

-Se 'e bhubhɔ 'ce 'anyɛɛ za 'yiɛ- -wɛ, 'ŋwɛnɛsɛ 'ye 'e bhubhɔ 'ce -lɔ.

Filiponya 2:16

"Naa-, 'a bhulɛ Lagɔ 'na weli -ɛ 'nyɛ zikpɛ 'glɔnya zɛ. 'A 'cɛ soɔ 'sa ne, 'ɛ yi -gbɔ "ne Zezu Kli 'na yizle, 'anyɛɛ za 'e yi 'ce keyi "me 'lɛle, "naa-, 'e "ne "fu libhɔ -no, "ne 'e "ne "fu 'kpɛlɛ- zɛ.

Filiponya 2:20

'Ɛ "mɔ Timote yɔ ne, 'nyɔkpɔ 'na 'ɔ "kɛ 'neɛ sɛne 'dle 'pɔ -wɛ, "ne -ye 'dlebhɛ "kɛ 'lɔbhɔ -dudu 'anyɛɛ za -wɛ "ne -le.

Filiponya 4:2

Evodi "ne Sɛtiike, 'e 'yɔbhɔ -gbɔ 'a 'nonole- "ku "me, -se Anyinɛnyɔ "bhaa 'a kole- "ku.

Kolɔsenya 2:5

'A kɛle- 'dleku, 'e 'tlole 'anye 'dɛ, -mɔ, 'neɛ 'dle -ko 'anye "ku. 'Ŋwɛnɛ lɔbhɔ -ame -ye 'e 'ye 'anyɛɛ moɔ 'na -li -ɛ -ko -kpee 'ylime -wɛ "ne 'anyɛɛ Klise 'na 'dlekukɛleɛ -nyenyi klekle -wɛ za.

2 Tesalonikenya 2:13

'Ɛ kɛ -anye 'waa, -a yi -godogodo Lagɔ bhɛle 'anyɛɛ za, Anyinɛnyɔ 'na -wawayuanye, "naa- Lagɔ -sɛ 'awɔ 'anye lɔbhɔ -dee zikpɛ 'ci 'awɔ "ku -ce, 'a 'po-, "naa-, Zuzu Wlewle -wɛle 'anye, sɛko -wɛ 'a -kɛle gbɛklɛklɛ 'dleku zɛ.

2 Timote 1:4

'Neɛ 'dle kɛ -neɛ' -see -e 'tu nɛ -wɛ "ku sibhɔ -dee -a 'bhabhale- yɔko -wɛ, 'ɛ -leɛ 'e 'ye -eyi 'ylime -se 'ŋwɛnɛ "kɛ -ame 'lɔbhɔ-.

Filemɔ 1:20

Zaa, "nɔwli, 'e bhubhɔ -eyi, kwɛle- -ame Anyinɛnyɔ 'na 'ylime. "Tamalea- -ame 'dleku Klise 'na "ku -koleɛ "me.

2 Zaa 1:4

'Ŋwɛnɛ lɔbhɔ- -ame kpɛnyee, -ye 'e -ylele 'neɛ yua 'na -bedia gbɛklɛklɛ "me -wɛ, -see To no -gbɔ -a "zo -wɛ yɛ -lɔ.

3 Zaa 1:4

-Ye 'e 'no- "me -gbɔ -neɛ' yua 'nɔŋo gbɛklɛklɛ "me -wɛ, -ɛ "zo- -lɔ 'neɛ 'ŋwɛnɛ "yitɛ.