Filiponya 2:16 - Nouveau Testament bété de Gagnoa

¹⁶ "Naa-, 'a bhulɛ Lagɔ 'na weli -ɛ 'nyɛ zikpɛ 'glɔnya zɛ. 'A 'cɛ soɔ 'sa ne, 'ɛ yi -gbɔ "ne Zezu Kli 'na yizle, 'anyɛɛ za 'e yi 'ce keyi "me 'lɛle, "naa-, 'e "ne "fu libhɔ -no, "ne 'e "ne "fu 'kpɛlɛ- zɛ.

Filiponya 2:16 Iomraidhean Croise

Matie 10:27

'Ɛza, -ye 'e -bhulɛle 'anye titiɛ "me -wɛ, 'a bhulɛle- zle "ku, "ne -ye 'wa 'ŋuŋwale 'anye -wɛ, 'a 'nyegbe -bhuduwliji, -se 'a "kpa "me -se 'a "kɛ 'ɛnɛɛ 'de -sɛ.

Luke 12:8

'E bhulɛle lɛ 'anye nɛɛ: 'Nyɔkpɔ 'na -ɔ no 'ɔlua 'yliku -gbɔ 'e -nyɔ "bhaa -a 'plele- -wɛ, 'Nyɔkpɔ Yowli yu 'ce 'ɔ -neɔ la "nɔgɔzilia 'yliku.

Zezu Kli 'na 'Denaade ‑ye Zaa kɛle‑ ne lɛ 6:63

Zuzu Wlewle 'nyɛ -lɔ zikpɛ. 'Nyɔkpɔ 'ɔyikɔ "ne 'bhɛle- "ne 'ɔ "kɛ -bɛɛ' no. Weli -ye 'e -bhulɛle 'anye -wɛ -noɔ -lɔ Zuzu 'wlewle "ne zikpɛ "bhaa yɛ.

Zezu Kli 'na 'Denaade ‑ye Zaa kɛle‑ ne lɛ 6:68

Simɔ Piɛle nɛɛ: «Anyinɛnyɔ, zaa, -ye -a yle bhɔ "bhle 'a? -Mɔ, -eyi -mɔɔ -kɛ 'se zikpɛ 'na -ɛ -ka "kubhiɛ 'na weli ne.

Nonoli 13:26

"Nowlia 'wanye -lɛ, 'anye 'bhale Ablame 'na -gligbɛ "ku "ne 'anye -ko -dɛne "ne 'a 'gu Lagɔ -gɛ -wɛ, 'anye 'wa -nɛme -lɔ 'popoɛ ne 'na 'de.

1 Kolɛtenya 1:8

'Ɔɔ "kɛ -lɔ 'anye 'kwɛme "tamalea- -kaa "ne 'ɛnɛɛ 'wlisɛledɛ "kɛ -lɔ ylɛ. -Se Anyinɛnyɔ Zezu Kli 'na yizle, 'nyɔkpɔ 'te "kɛ 'anye 'nuɔ sɔbhɔ.

1 Kolɛtenya 9:26

-Ɛwɛza, -ame, 'e kɛ 'pa -dee 'e "kɛ 'ylɛ -wɛ 'neɛ 'yli 'pe -lɔ. -Ame, 'e -ko sɛgbɛɛ -kwligwenyɔ, 'e "ne "pɔ "fu 'neɛ -kulɛ.

2 Kolɛtenya 1:14

-Ye 'a 'no- "me 'cibhɛ "ku -noɔ -lɔ -gbɔ Anyinɛnyɔ Zezu Kli 'na yizle, 'a yi 'ce 'ayi "ku zia -anyɛɛ za, "ne -anye 'lelee, -a yi 'ce -ayi "ku zia 'anyɛɛ za.

Galatenya 2:2

'E -sɔbhɔle 'awɔ 'bhle 'wli, "naa-, Lagɔ no 'awɔ -lɔ -gbɔ 'e no. Zeluzalɛme -du "me, 'e -tua 'awɔ "bhle 'na 'klecɛnya 'Denaade -ye 'e -sɛle 'nyakpa 'na 'wa "ne Zufonya 'waa -wɛ 'ylime. 'E 'tuɛ -me 'lelee Lagɔgligbɛ 'na 'yuku gɛlenya 'ylime, 'e -nyɛ 'wanɛɛ -zakpɛ -wɛ "bhaa. Naa, 'e "ne nɛ 'yɔbhɔ -gbɔ 'neɛ -zeka 'na libhɔ, "ne 'zegbɛ -nɛ "bhaa bhli -kɛ "kwlɛ zɛ.

Galatenya 4:11

'Dlebhɛ lɔbhɔ -ame 'ɛ lea "fu 'ye 'e -ylɔ kɔ 'anyɛɛ za!

Filiponya 1:10

Lɔbhɔ 'na dɛku 'a yi -ɛ -noɔ "namanɔ yɛ "ne -ɛ -noɔ "nyɛnye yɛ -wɛ yibhlele-. "Ne 'a -ka 'ce 'nuɔsɔbhɔledɛ kɛle-, Zezu Kli 'na yizle.

Filiponya 1:6

'E -kɛ -bɛɛ' -bholo 'dleku, 'ɛɛ -noɔ -lɔ nɛɛ: Lagɔ -ɔ 'ci- "ɛ libhɔ "namanɔ 'anye 'glɛme "ku ne, 'ɔ 'yi no -kaa, "ne 'ɛ "kɛ 'ce -lɔ Zezu Kli 'na yizle 'wlizɔ bhiɛle-.

1 Tesalonikenya 2:19

-Ɛɛ, -anyɛɛ 'dletɛleɛ, -anyɛɛ 'ŋwɛnɛ, "ne -anyɛɛ 'peɛleɛ, 'anye 'waa -lɔ. -Sɔɔdɛku -anyɛɛ "Bhenyɔ Zezu "kɛ 'ce yi -wɛ, 'anyɛɛ za, -anyɛɛ "klo "kɛ -lɔ gbɛklɛklɛ 'pe 'ɔyi 'yliku.

1 Tesalonikenya 3:5

'Ɛnɛɛ za, 'e "ne nɛ -da 'bhɛle- -se 'e "kɛ wo. "Ne 'e yi -lɔ Timote 'lebhe- -se 'ɔ "kɛ 'anyɛɛ 'dlekukɛleɛ 'na 'de -ame -sɛle. 'E gu nɛ -bɛɛ' -bholo -gɛ zɛ. "Mebeanyɔ -no -ka -lalɛce 'anye ylo, -a te nɛ -kɛ "fu kɔ ylɔ- zɛ.

Eblenya 4:12

Lagɔ 'na weli -yɛ 'gbligbli, "ne 'ɛ 'tɛ- 'kwɛme klekle. 'Ɛ plɛ "ne 'ɛ -zi -jijigbɛlɛ "ku. Lagɔ 'na weli plɛ -anye "me "ne 'ɛ wlo bhle. 'Ɛ me -kaa -anyɛɛ 'dlezɔ, 'ɛ sibhɔ 'bhle -anyɛɛ 'jeleadɛ "me "ne 'ɛ wlo 'kwɛme 'na "mumlɛ "ku, "ne 'ɛ seselia -anyɛɛ 'wugɔŋo -nyɛ zuzu "bhaa 'ylime. 'Ɛ 'bhlele 'dlepɔsɛ "ne 'dlezɔ 'na -ɛ -ko "bhle -wɛ gbo.

1 Piɛle 1:23

Lagɔ 'na weli -gwɛlelea 'anye "kusɔ. "Ne "ɛ weli -wɛ "ne -ko sɛgbɛɛ -gloglo yɛ 'ɛ "ku lɛ ne. 'Ɛ yɛ, 'ɛ 'gwlɛ -godogodo 'na dɛ.

1 Zaa 1:1

Weli -ɛ 'nyɛ zikpɛ, "ne 'ɛ -le 'awɔ "kle zikpɛ 'na "kucidɛku 'ye -a 'sɛle -lɔ 'anye. -A no- "me, "ne -anyɛɛ 'yli 'ye- 'ylime, -a -wolo "ku 'tee, "ne -a sɛ- kɔ.

'Ylikloylɛleweli 22:17

Lagɔ zuzu "ne 'ŋuyu-digbɔ -ɔ -kwɔ 'widi -wɛ nɛɛ: Yi! -Ɔ kɛ "ɛ weli ne 'no-, 'ɔ no -gbɔ yi! -Ye 'ŋuto 'lɔbhɔ -wɛ, 'ɔ yi. -Ɔ 'cɛ 'yɔbhɔ ne, 'ɔ yi 'ŋu 'na -ɛ 'nyɛ zikpɛ -wɛ "fu -yle.