Filiponya 2:15 - Nouveau Testament bété de Gagnoa

¹⁵ 'Ɛɛ "kɛ -lɔ gbɔ "ne 'a -ka -lɔ 'nuɔsɔbhɔledɛ kɛle-, "ne 'a "kɛ -lɔ Lagɔ 'na yua -wa -ko lɛ -kpee "zo, dodo ne "ku 'na 'nyakpa -gbeyia 'glɛme. 'Wayi 'glɛme ne, 'a -ko sɛgbɛɛ "nɔgɔ "me 'na -zeli -ɛ le.

Filiponya 2:15 Iomraidhean Croise

Matie 10:16

«'A 'fo -kɛ -ame 'yukwli, 'e 'lebhe 'anye -see 'wa sibha lɛ wlia 'slukua 'glɛme, zaa, 'a yibhlele- -kɛ "nɔŋɔ sɛ sɛgbɛɛ tɛbhɛ, -se 'a wɔtɔ- -kɛ 'dle sɛgbɛɛ -kobhlele.

Matie 17:17

Zezu nɛɛ: «'Anye -dɛme 'na 'nyakpa 'dlekukɛleɛ "ne 'anye "me -ko, 'nyakpa -gbeyia 'ye 'a -noɔ -lɔ. 'Yli zɔŋ 'e "kɛ bhɔ 'anye yɔko -sɛ 'a? "Ku zɔŋ 'e "kɛ bhɔ 'anye slule- 'a? 'A -nɛme -ame "ɛ yu -wɛ dɛne.»

Matie 5:45

'A 'cɛ -kɛ soɔ 'sa 'ye 'a "kɛ -lɔ -diɛnadiɛ 'a To Lagɔ -ɔ -ko "nɔgɔ "me -wɛ 'na yua "zo, "naa-, sɛko -wɛ, 'ɔ 'poa 'ɔnɛɛ ylo -konyinɛnya "ne 'nɛnekonya za. "Ne 'ɔ labha 'ŋu 'nɛnekonya "ne konyinɛnya za.

Matie 5:48

Zaa, 'anye, 'a ko -kpee, -see 'a To -ɔ -ko "nɔgɔ "me -ko -kpee -wɛ.

Luke 1:6

Zakali -nyɛ 'ɔ "nɔŋɔ "bhaa 'wa ŋwinɛle- 'awɔ "me Lagɔ 'yliku "ne 'wa -gɛle 'awɔ Anyinɛnyɔ 'na gbagbɛ 'klekle, 'wa -kɛ 'awɔ kɔ, "ne 'wa "ne 'awɔ 'nuɔsɔbhɔledɛ -kɛ.

Luke 6:35

Zaa, 'a wamale- 'anyɛɛ -gblenya. -Se 'a 'noa 'nɛne 'wli. -Ye 'wa bho 'anye -wɛ, 'wa 'wlɛ- -se 'a te lebhe gwele keyi "zo. 'Anyɛɛ peɛloɛ yi 'ce 'kpɔmale-. "Ne 'wa "kɛ -lɔ 'anye "ku zi Lagɔ 'na yua la. "Naa- 'ɔ -ko 'nɛne konyinɛnya za, "ne -wa "ne yibhlele- 'nɛne -wɛ za.

Zezu Kli 'na 'Denaade ‑ye Zaa kɛle‑ ne lɛ 5:35

Zaa Batise -ko 'awɔ sɛgbɛɛ "napɛ 'na -ye 'wa 'di 'yli "ne 'ɛ le -wɛ, "ne 'anye 'a yi -lɔ "ku 'ŋunu- -gbɔ 'a "kɛ 'ɛnɛɛ zle "ku 'ŋwɛnɛ no -le 'tekeyi.

Nonoli 2:40

Piɛle -bhulɛ -me 'lelee weli -kwleyi 'na -vinɛ, 'ɔ titliloa- weli 'yukwli "me, "ne 'ɔ "tamaloa- 'kwɛme. 'Ɔ nɛɛ: «-Dɛme 'na 'nyakpa, 'nyakpa -gbeyia 'waa -lɔ, zaa, 'a 'bhoa- 'beku -se Lagɔ "kɛ 'anye 'fuɔ.»

Nonoli 20:30

"Ne 'anye 'glɛme 'na -bedia yi 'ce yowlɛ. "Ne gɛlenya 'na -bedia yua 'ce 'beku bhli.

Wlomɛnya 16:19

'Diɛɛ, 'nyakpa 'klekle -yi -se 'a "zo 'plome, 'ŋwɛnɛ 'lɔbhɔ -ame 'anyɛɛ za. -Mɔ, 'e 'yɔbhɔ -gbɔ 'a yamale- 'ylime kpɛnyee, -se 'a "kɛ -li 'na -li no, -se 'a "kɛ "nyɛnye 'guɔ 'ylile-.

1 Kolɛtenya 1:8

'Ɔɔ "kɛ -lɔ 'anye 'kwɛme "tamalea- -kaa "ne 'ɛnɛɛ 'wlisɛledɛ "kɛ -lɔ ylɛ. -Se Anyinɛnyɔ Zezu Kli 'na yizle, 'nyɔkpɔ 'te "kɛ 'anye 'nuɔ sɔbhɔ.

2 Kolɛtenya 6:17

-Soɔ za Anyinɛnyɔ no -lɔ nɛɛ: 'A 'ylile "ɛ 'nyakpa -wɛ 'guɔ -se 'a 'tlomaloa 'dɛ 'fɛfɛ! 'A te -ɛ "ne 'wlele -ko -wɛ kɔ "sa. -Se -ame Lagɔ, 'e "kɛ kɛ -anyɛɛ za sɔ "me 'lɛle.

Efɛzenya 5:27

'Ɔ 'yɔbhɔ -gbɔ 'ɔnɛɛ Lagɔgligbɛ 'ɛ me 'ŋlu 'ɔyi 'yliku, 'ɛ te 'fe -kɛle, -se 'ɛ te 'nyoɔ-, 'ɛ 'te slowli kɛle-. 'Ɔ 'yɔbhɔ -gbɔ 'ɛ ko 'wlewle -se 'ɛ te 'nuɔsɔbhɔledɛ kɛle- gou.

Filiponya 1:10

Lɔbhɔ 'na dɛku 'a yi -ɛ -noɔ "namanɔ yɛ "ne -ɛ -noɔ "nyɛnye yɛ -wɛ yibhlele-. "Ne 'a -ka 'ce 'nuɔsɔbhɔledɛ kɛle-, Zezu Kli 'na yizle.

Filiponya 3:6

'Ɛ dɛ -wɛ "ku, 'kwɛme 'tɛ- nɛ -ame gbligbli -Lɔ 'na "kɔkɛledɛ "ku, 'ɛza, 'e 'gbapea nɛ -lɔ Lagɔgligbɛ kpɛnyee. "Ne -Lɔ "me 'na -ye 'wa no -gbɔ 'wa no -se 'wa "kɛ "me ŋwinɛle- Lagɔ 'yliku -wɛ, 'e no nɛ 'tee, "ne 'e "ne nɛ 'nuɔsɔbhɔledɛ -kɛ.

1 Tesalonikenya 5:23

"Kuwɔtɔ Lagɔ, 'ɔyigɛsɛ 'ɔ 'pla- 'anye 'wlele, -se 'anyɛɛ zuzu, 'anyɛɛ 'wugɔŋo, "ne 'anyɛɛ ku te -kɛ 'nuɔsɔbhɔledɛ kɛle-, Anyinɛnyɔ Zezu Kli 'na yizle.

1 Timote 3:10

'Wa -gba "koa dlinya "zoa ne, 'wa gɛleloa -kɛ 'yli 'be, -se 'wa te -kɛ 'nuɔsɔbhɔledɛ kɛle-, -se 'wa "koa -kɛ -la dlinya "zoa.

1 Timote 3:2

"Ɛ -soɔ 'na 'nyɔkpɔ -wɛ, 'ɔ te -kɛ 'nuɔsɔbhɔledɛ kɛle- "kpɛɛ. 'Ɔ kɛle- -kɛ 'ŋɔnɔ bholo -kpee. -Se 'ɔ yibhlele- -kɛ 'ɔyi 'na "ku piɛle -sɛ. -Se 'ɔnɛɛ 'dlepɔsɛ 'namale- -kɛ, -se 'ɔ 'sa 'nyakpa 'na -wa yu "ku plɛ -ka -wɛ 'tee. -Se 'ɔ 'bhɛle -kɛ slosloɛ.

1 Timote 5:14

'E 'yɔbhɔ -gbɔ "kwiziŋwenea 'na -digbianoa -wɛ 'wa 'kwɔle- "kusɔ 'widia -se 'wa "kɛ yua 'gwɛle-, -se 'wa "kɛ 'wanɛɛ 'suɛ tee slu -se -anyɛɛ 'gblenya te -kɛ -anye weli -nyɛnye bhulɛle-.

1 Timote 5:20

'Nyakpa -wa "ne 'diɔle- 'nyinyonoli -no -za -wɛ, 'wa 'diloa -zejilɛ "me gbo. 'Ɛ dɛku -wa -ko lɔbhɔ -wɛ "kɛ -lɔ "nyɛnyenoɛ -gɛ "gu.

1 Timote 5:7

Zaa, titlile "ɛ "kwiziŋwenea -wɛ weli 'yukwli "me, -se 'wa te -kɛ 'nuɔsɔbhɔledɛ kɛle-.

Tite 1:6

'Nyɔkpɔ 'na -ɔ -gɛ lagɔgligbɛ 'yuku -wɛ, 'ɔ te -kɛ nuɔsɔbhɔledɛ -kɛle gou, 'ɔ kɛle -kɛ 'ŋɔnɔ -bholo, -se 'ɔnɛɛ yua "zo -kɛ 'klecɛnya, -se 'wa te -kɛ 'gbeyi "ku ko, -se 'wa te -kɛ 'nyakpa 'plome -sɛ.

Tite 2:10

'Wa te -kɛ 'wiyli, -se 'wa ko -kɛ -kpee -godogodo, -see 'wanɛɛ "bhenya "koa -kɛ 'dleku -kɛle -wɛ 'nasɛ. -Se nonoli 'klekle "me, 'wa "kɛ -kɛ 'Fuɔnyɔ Lagɔ 'na sloaweli 'ŋlu kwa-.

Tite 2:15

Soɔ 'ye -e "kɛ -lɔ bhulɛ, 'titliloa- -kɛ 'yukwli "me, te "gu, -mɔ, bhulɛloa -ye 'wa no "ne 'ɛ "ne 'nɛne -wɛ 'na weli. -Se te 'nyɔkpɔ 'yi 'tale, -se 'ɔ te -kɛ -eyi yua sɛ slu.

Eblenya 7:26

Zezu -noɔ -lɔ bɔbɔnyɔ "yitɔ 'na 'ɔ "kɛ nɛ -anye 'yliku -ko -wɛ yɔ. 'Ɔ -ko 'wlewle, 'ɔ "ne gbo 'wlime -kɛ, "ne 'ɔ "ne 'nyinyonoli 'wlime -kɛ, 'ɔ -ylile 'nyinyonolinonya "guɔ, "ne Lagɔ yu -lɔ "nɔgɔ "ku jilɛ-.

1 Piɛle 2:12

-Wa "ne Lagɔ -yi -wɛ -glɛme, 'a slu- 'ayi 'tee. Lɔbhɔ 'na dɛku, 'wa kɛ 'anyɛɛ "ku 'na weli -nyɛnye bhulɛ -gbɔ 'a no "nyɛnye ne, 'wa yi 'ce 'anyɛɛ -li -namanɔ -ye 'a no -wɛ 'ylime 'ye, "ne -zle Lagɔ -kɛ 'wanɛɛ zipkɛ "me -plɛ, 'wa yu 'ce 'ŋlu 'kwa-.

1 Piɛle 2:9

-Mɔ, 'anye, 'anye -noɔ -lɔ 'ɔnɛɛ 'nyakpa -ye 'ɔ -tɔ 'waa, 'anye -noɔ -lɔ -klɔgbɔnyɔ 'na bɔbɔnya 'na -gligbɛ 'waa. 'Anye -noɔ -lɔ 'nyakpa 'wlewle 'waa. 'Anye -noɔ -lɔ 'nyakpa 'ye Lagɔ -tɔ 'waa, -se 'a "kɛ -li 'na "yitɛ -ye 'ɔ no -wɛ 'na 'de -sɛ. 'Ɛza, 'ɔ la- -lɔ 'anye -gbɔ 'a 'bha- titiɛ "me, -se 'a "kɛ 'ɔnɛɛ zle -namanɔ "ku yi.

2 Piɛle 3:14

-Ɛwɛza, 'dle -glɛ 'titoa nye, -dee 'a -wo -mlɛ "ɛ 'yli -wɛ, 'a 'gwele- kɔ -se 'a "kɛ 'wlele ko, -se 'a te -kɛ 'nuɔsɔbhɔledɛ kɛle- Lagɔ 'yliku, "kuwɛtɛ "me.

'Ylikloylɛleweli 2:5

-E 'ci- "ku 'tee "ne -e 'yi -lɔ "ku 'bha-, zaa 'bhelia- -neɛ' -kosɛ kɔ, -ye -e no nɛ "kle -wɛ 'no. -E "mɔ -kɛ kɔ 'bheliɔ-, 'e yi -eyi lo yile- "ne 'e yi -neɛ' 'napɛ 'glidɛ "ku -sɛ.

'Ylikloylɛleweli 3:9

'Nyakpa -wa no Sata 'na -zakpɛ -wɛ, -ye 'e "koa 'wli no ne lɛ. Ŋwɛnɛɛ zufonya 'wa -noɔ, -mɔ, 'wa "ne 'wayi 'waa, zaa yo 'wa 'wlɛ -lɔ. 'E yua 'kpokposɛ -kokomini 'pa- -eyi 'yli "ku -se 'wa "kɛ -eyi "zo, -se 'wa "kɛ 'lelee 'sɛ yibhlele- -gbɔ 'e -wa -eyi.