Filiponya 1:9 - Nouveau Testament bété de Gagnoa

⁹ -Se 'e bhubhɔ 'anyɛɛ za ne lɛ: 'Anyɛɛ -see 'a -kɛkɛle 'ŋwɛnɛ "me -wɛ, 'ɛ 'kpɔmale- 'yiɛ, -se 'a "kɛ -li 'na "me -seseliasɛ yibhlele-, -se 'a "kɛ -li "me 'no 'tee.

Filiponya 1:9 Iomraidhean Croise

1 Kolɛtenya 14:20

-Nyɔsɔwanye, 'a "kɛ 'dle 'pɔ ne, 'a te yua 'nasɛ 'dle 'pɔ. "Nyɛnye 'ye 'a -gba "kɛ no, 'a "zoa- 'ayi yua 'lelea, -mɔ 'dlepɔ dɛku, 'a "zoa- 'ayi "yitia.

2 Kolɛtenya 8:7

'Anyɛɛ -ye 'a -kɛ -wɛ -zu kpɛnyee, "ne 'a -noɔ -lɔ 'dlekukɛlenya 'wa, "ne 'a bhulɛ 'tee. "Ne 'a -yi -li -kwleyi, "ne 'anyɛɛ -li "ne 'gwlɛ "me "ne 'a no cuu. "Ne 'a -kɛ -anyɛɛ 'ŋwɛnɛ "me. Zaa, 'a 'tua -me 'lelee 'nyakpa 'ylime -gbɔ 'a -ko 'nɛne kpɛnyee.

Efɛzenya 5:17

Zaa, 'a te "kɛ -ko sɛgbɛɛ -wa "ne lɛ "nɛ-, -mɔ, Anyinɛnyɔ 'na -ye 'ɔ 'yɔbhɔ -wɛ, 'a 'no "me.

Kolɔsenya 1:9

'Ɛza, -anye 'lelee, -se -a "mɔ 'awɔ 'anyɛɛ "kukoweli yibhlele-, -a 'bhubhɔ 'anyɛɛ za "ne -a "ne 'diɔle-. "Ne -a zlɛ -lɔ Lagɔ -gbɔ 'ɔ 'nyɛ 'anye 'ylimeyamaleɛ "ne "nanoɛ 'klekle, "ne -bɛɛ' 'na -ɛ 'bhale 'ɔnɛɛ Zuzu "me -wɛ. Lɔbhɔ 'na dɛku, 'a yi -ye 'ɔ 'yɔbhɔle- 'anye "me -wɛ yibhlele- gou.

Kolɔsenya 3:10

"Ne 'ɛ -ko sɛgbɛɛ 'koti -lele 'ye 'a -pla "me. "Ne 'ɔ 'wlole -lɔ 'ɔnɛɛ 'wlɛnyɔ 'yiɛ. 'Ɛ "kɛ -lɔ -gbɔ "ne 'a "kɛ -lɔ Lagɔ yibhlele- -tiaa.

1 Tesalonikenya 3:12

Anyinɛnyɔ 'kpɔmalea- 'ŋwɛnɛ -ye 'a -kɛ 'alua za, "ne 'nyakpa 'klekle za "me -wɛ "ku 'yiɛ! "Ɛ -waleɛ -wɛ 'ɛ 'wlole- -kɛ -see -anye -a -wa 'anye -wɛ!

1 Tesalonikenya 4:1

-Nyɔsɔwanye, -a -sloa 'anye -see 'a "kɛ -ko "ne 'a "kɛ Lagɔ -gɛ 'namale- -wɛ, "ne "ɛ soɔ -see 'a -ko -wɛ 'nɛne-. -Dɛmeda, -a -bhulɛle 'anye "ne -a "zo- 'anye 'de "me Anyinɛnyɔ Zezu 'na 'tɔ "me, 'a 'ple -na lɔbhɔ.

2 Tesalonikenya 1:3

-Nyɔsɔwanye, -a yi 'ce 'anyɛɛ za Lagɔ bhɛle- 'yiɛ, "ne -a -ka 'diɔle-. 'Ɛ -ŋwa sɔbhɔ, sɛko -wɛ, 'anyɛɛ 'dlekukɛleɛ "tamale- "me 'yiɛ, "ne -waleɛ -ye -ɔkɔkokɔko -kɛ 'ɔluyu za "me -wɛ 'kpɔmale-.

Filemɔ 1:6

'E 'bhubhɔ Lagɔ -se 'dlekukɛleɛ -ye -a -gbɔle "ku -wɛ, -ɛ tlo 'bhi -na -bhi. 'Tua -anye 'nɛne 'klekle 'ylime -ye -a 'bhɛle- "ne -a "kɛ no, "ne -a "kɛ Klise "ku lɔbhɔ -wɛ.

Eblenya 5:14

-Mɔ, "yitia, lilɛ 'na -ɛ 'tɛ- "ku -wɛ 'wa li -lɔ, 'wa -yi -bɛɛ' 'nasɛ, 'wanɛɛ 'dlepɔsɛ -sua "ne 'wa ciɛ- -li 'na -ɛ 'nɛne "ne -ɛ "ne 'nɛne -wɛ 'na "me -seselia -sɛ.

1 Piɛle 1:22

Gbɛklɛklɛ 'plome -zo za, 'a "zo- 'wlele, -se 'a "kɛ 'a "nowlia -wa -noɔ 'klecɛ 'waa -wɛ 'wamale-. 'A wama- -wamale kpɛnyee 'dle 'na 'dle kɔ.

2 Piɛle 3:18

Zezu Kli 'na wamaleɛ "ne 'ɔnɛɛ yibhleleɛ, Anyinɛnyɔ, -anyɛɛ 'Fuɔnyɔ, 'kpɔmale- 'anye "me. 'Ɔɔ 'bhe- -lɔ 'ŋlu -dɛme ne "ne -godogodo! Amɛn!