Filiponya 1:26 - Nouveau Testament bété de Gagnoa

²⁶ -Se 'e kɛ 'ce "kusɔ 'anye 'glɛme -yi, "ɛ 'neɛ yiyiɛ -wɛ "kɛ gbɔ -se 'ŋwɛnɛ "kɛ 'ce 'anye 'lɔbhɔ "yiɛ, 'anye -nyɛ Zezu Kli "bhaa 'na "kukoleɛ "me.

Filiponya 1:26 Iomraidhean Croise

Zezu Kli 'na 'Denaade ‑ye Zaa kɛle‑ ne lɛ 16:22

'Anye 'lelee, -dɛmeda, soɔ 'dle 'gbapele -lɔ 'anye "me, -mɔ, 'e yi 'ce 'anyɛɛ za "kusɔ yili-, "ne 'ŋwɛnɛ yi 'ce 'anye 'lɔbhɔ, "ne "ɛ 'ŋwɛnɛ -wɛ, 'nyɔkpɔ -cɛ 'ce 'anye 'dlezɔ -sɛ.

Zezu Kli 'na 'Denaade ‑ye Zaa kɛle‑ ne lɛ 16:24

'A -na 'ce -zɛ -bɛɛ' zlɛ- 'neɛ 'tɔ "me. 'A zlɛ-, -mɔ 'a 'yi yle, lɔbhɔ 'na dɛku 'anyɛɛ 'ŋwɛnɛ yi 'wli 'yiɛ.»

2 Kolɛtenya 1:14

-Ye 'a 'no- "me 'cibhɛ "ku -noɔ -lɔ -gbɔ Anyinɛnyɔ Zezu Kli 'na yizle, 'a yi 'ce 'ayi "ku zia -anyɛɛ za, "ne -anye 'lelee, -a yi 'ce -ayi "ku zia 'anyɛɛ za.

2 Kolɛtenya 5:12

-A -na no -gbɔ -a "kɛ 'anye -ayi "kusɔ 'ylime tua. -A "kɛ -sɔbhɔ 'gbɔ ne, 'a "kɛ 'ayi "ku zia -anyɛɛ za. -Se 'a "kɛ -wa zia 'wayi "ku zikpɛ -ko -li za -wɛ bhulɛlesɛ yibhlele-. -Mɔ, 'ɛ "ne -kɛ -ɛ -ko 'dlezɔ -wɛ yɛ.

2 Kolɛtenya 7:14

"Naa-, 'ɔyi 'yliku 'a -sɛ -ame zu "klo "me, za, zu "ne 'lɔbhɔ -ame, sɛko -wɛ, -a bhulɛle nɛ 'ce 'anye gbɛklɛklɛ yiɛ, 'ɛza, -se 'a -sɛ -ame zu "klo "me Tite 'yliku -wɛ "namaleɛ -lɔ -tiaa.

2 Kolɛtenya 7:4

'E -kɛ 'anye 'dleku "yitɛ "ku, "ne 'a -le -ame 'ŋwɛnɛ "ku kpɛnyee. 'Ɛza, 'gbapegbapeɛ 'klekle -ye 'e -yle -wɛ, 'kwɛme 'tɛ- -ame 'gbigbi, "ne 'ŋwɛnɛ miɛle- -ame 'wli "ku.

2 Kolɛtenya 7:6

-Mɔ, Lagɔ -ɔ 'nyɛ 'nyakpa -ye gbo -bhiɛ 'dleku 'kwɛmetamaleɛ -wɛ, -dɛpe -lɔ -anye Tite 'na 'duylɛ "me.

Galatenya 6:4

-Ɔkɔkokɔko yi -ye 'ɔ no -wɛ "ku wolo 'tee. 'Ɔ kɛ sɛ -yi -gbɔ -ye 'ɔ no -wɛ 'nɛno -gɛ ne, 'ɛnɛɛ 'ŋwɛnɛ 'lɔbhɔlo 'dlezɔ 'ɔyikɔ. -Se 'ɔ te kɛ 'ɔyi 'ɔlua 'wɔkɔle-.

Filiponya 3:1

-Dɛmeda, "nowlia 'wanye, Anyinɛnyɔ za, 'a no 'ŋwɛnɛ! 'E yi 'ce 'anye "ɛ sɛbhele -wɛ "ku kɛle, "ne 'ɛ -ka -ame 'gbapea-. 'Ɛ "kɛ 'anye 'kwɛme "tamalea- za yɛ -lɔ -tiaa.

Filiponya 3:3

-Mɔ, 'wa kɛ no -gbɔ -wa 'diɔ- "ku -wɛ, -anye 'wa ga -lɔ -tiaa. "Naa-, -anye, -a lɔbhɔ Lagɔ "ku Zuzu Wlewle "me zɛ, "ne -anye -wa -ko Zezu Kli "me -wɛ, -anye zia -lɔ -ayi "ku, "ne dodo ne "ku 'na -li "me 'ye -anyɛɛ 'dlekukɛleɛ -na 'bhale-.

Filiponya 4:10

'Ŋwɛnɛ 'lɔbhɔ 'ce -ame Anyinɛnyɔ Zezu Kli "me, -ye 'a "zolea- "kusɔ -ame 'yliku -wɛ za. 'E -yi sɛ -gbɔ 'a 'yɔbhɔ nɛ -gbɔ 'a "kɛ nɛ sɛne -ame -li 'nyɛ, -mɔ, 'a "ne nɛ -see 'a 'cɛ "sa -yi.

Filiponya 4:4

'Ɛza, 'e bhulɛle -lɔ 'anye nɛɛ: 'Ŋwɛnɛ 'lɔbhɔ 'ce 'anye -godogodo -see 'a -nyɛ Anyinɛnyɔ "bhaa 'a kole- "ku -wɛ za! 'E bhulɛle 'ce 'anye 'yiɛ, 'ŋwɛnɛ 'lɔbhɔ 'ce 'anye!