Filiponya 1:25 - Nouveau Testament bété de Gagnoa

²⁵ 'E -yi sɛ -gbɔ 'e yi 'ce 'anye yɔko -ko "ne 'anye 'wɔ "bhaa -a yi 'ce "ku 'glile-, -se 'e "kɛ 'anye kwɛle -se 'ŋwɛnɛ "kɛ 'anye 'lɔbhɔ 'yiɛ 'dlekukɛleɛ "me.

Filiponya 1:25 Iomraidhean Croise

Luke 22:32

-Mɔ, 'e -bhubhɔ -neɛ' za, -se -neɛ' 'dlekukɛleɛ te -kɛ 'wlimɔnɔ. -Se -eyi, -zle -e kɛ 'ce "kusɔ -ame lo -yli, 'e "kɛ -kɛ 'e "nowlia 'na 'dlekukɛleɛ "me "tamalea-.»

Nonoli 11:23

-Sɔɔdɛku, 'ɔ -ylɛ 'du -wɛ, 'ɔ -na 'wolo Lagɔ 'na -jɔlo -ko 'awɔ Atiɔse -du "me 'na 'klecɛnya "ku, "ne 'ŋwɛnɛ yu -lɔ 'lɔbhɔ-, lɔbhɔ 'ye 'ɔ "tamaloa- -lɔ 'kwɛme, 'ɔ nɛɛ: 'A kɛle- Anyinɛnyɔ 'dleku -godogodo 'anyɛɛ 'dle 'klekle "me.

Nonoli 14:22

"Ne 'wa yi -lɔ gɛlenya bhulɛle -gbɔ 'wa -kɛle Lagɔ 'dleku, 'kwɛme "tamaleɛ "me, "ne 'wa yi 'lelee -lɔ no nɛɛ: «-A yi -gbape kpɛnyee "ne -a "kɛ -lɔ Lagɔ 'na 'Kamalezikpɛ "me plɛ.»

Nonoli 20:25

-Dɛmeda, 'e -yi -sɛ -gbɔ 'a -ka 'ce -la 'na "klo 'ylime 'ye, 'anye 'klekle 'ye 'e -ylɛle 'glɛme "ne -sloa 'Kamalezikpɛ "me 'na weli -wɛ.

Wlomɛnya 15:13

-Se, 'Dletɛle Lagɔ, 'ɔ 'yiɛ- 'anye "kuwɛtɛ -nyɛ 'ŋwɛnɛ "bhaa "ku 'anyɛɛ 'dlekukɛle za! -Se 'anyɛɛ 'dletɛleɛ "kɛ lɔbhɔ 'ple Zuzu Wlewle 'na 'bhɛloɛ "me.

Wlomɛnya 15:18

"Naa-, 'e "kɛ -bɛɛ' 'na weli bhulɛ ne, -ye Klise -nole 'ɛyikɔ -ame "me -wɛ -se -wa "ne zufonya 'waa -wɛ "kɛ Lagɔ 'plome "zo. 'Ɔ -nole bhulɛweli "me, "ne nonoli "me,

Wlomɛnya 15:29

"Ne 'e -yi -sɛ -gbɔ -zle 'e "kɛ 'anyɛɛ moɔ -yi, 'e -su Klise 'na 'ŋupɛɛ 'klekle.

Wlomɛnya 5:2

Zezu "me, -a -kɛ 'dleku, -a yi Lagɔ 'na -jɔlo yle. "Ɛ -jɔlo -wɛ "me 'ye -a -ko -lɔ. -Ɛ -le -anye 'ŋwana "ku -noɔ -lɔ nɛɛ -a -kɛ 'dleku -gbɔ -a yi Lagɔ 'na 'ŋlu yle -me.

2 Kolɛtenya 1:24

-A -na 'se -ye -a "kɛ 'anye bhulɛle "ne 'a 'cɛ 'dleku -kɛle -wɛ siɛ tɛle. "Naa-, 'anyɛɛ 'dlekukɛleɛ 'tɛ- "me, 'ɛza, -a 'yɔbhɔ -lɔ -gbɔ 'anye 'wɔ "bhaa -a "kɛ libhɔ 'gɔme nole- 'ŋwɛnɛsɛ.

Filiponya 1:24

-Mɔ, 'e kɛ 'lelee "ɛ dodo ne "ku -ko, 'e "kɛ 'anye 'kwɛle za 'ɛ 'nɛne 'lelee kpɛnyee.

Filiponya 2:24

"Ne -ame 'nabhɛ 'e -kɛ 'dleku, Anyinɛnyɔ 'na 'tɔ "me, -gbɔ, 'e yi 'bhobhlo 'anye 'ylime 'ye ka yi.

Filemɔ 1:22

-Dɛme ne, -sɛ -kɛ lɔbhɔ 'neɛ -plɛdɛ. 'E 'pɔ 'dle -gbɔ 'anyɛɛ bhubhɔweli kɔ, 'e yi "kusɔ 'anyɛɛ moɔ yi.

1 Piɛle 1:8

Zezu, 'a 'no 'ylime 'ye, 'ɛ -ko sɔbhɔ "ne 'a -wɔ. 'A -kɔ -na -dɛme 'ylime 'ye, -mɔ 'ɛ -ko sɔbhɔ "ne 'a -kɔ 'dleku. 'Ɛnɛɛ za, 'ŋwɛnɛ "yitɛ 'yiɛ- -lɔ 'anye "ku, 'ŋwɛnɛ "yitɛ -ɛnɛɛ' weli "ne 'bhulɛ -sɛ -kɛ -wɛ.