Filiponya 1:23 - Nouveau Testament bété de Gagnoa

²³ "Ɛ -ɛne "sɔ ne 'na -gwegba "me 'ye 'e -ko lɛ. -Ame 'neɛ dɛku ne, 'e 'yɔbhɔ nɛ -gbɔ 'e "kɛ nɛ zikpɛ ne "ku 'bha- -se Zezu Kli "bhaa -a "kɛ nɛ "ku 'glile-, "naa-, 'neɛ dɛku 'ɛyi -wɛ, 'ɛɛ 'nɛne -lɔ.

Filiponya 1:23 Iomraidhean Croise

Luke 12:50

-Mɔ, 'ɛyi batɛme yle "bhuɔ "ne 'e yi 'gbape kpɛnyee, 'e mana mɛnɛ yle ne, 'neɛ 'dle -ka -duku 'gli.

Luke 23:43

Zezu nɛɛ: «Gbɛklɛklɛ 'ye 'e bhulɛle- -lɔ -eyi, -zeka ne "me 'e -nyɛ -eyi "bhaa -a -ko Lagɔ yɔko.»

Luke 8:38

"Ne 'nyɔkpɔ -ye zuzu -nyɛnyea 'bha- keyi -wɛ 'kwɔ 'awɔ 'ŋlu "ne 'ɔ yu -lɔ bhulɛle- nɛɛ: 'E "kɛ 'se -eyi 'gɛle- -me. -Mɔ, Zezu nɛɛ 'ɔ 'bhɔ. "Ne 'ɔ yu -lɔ bhulɛle- nɛɛ:

Zezu Kli 'na 'Denaade ‑ye Zaa kɛle‑ ne lɛ 12:26

'Nyɔkpɔ 'na -ɔ kɛ no -gbɔ 'ɔ yi -ame "ku lɔbhɔ- ne, 'ɔ gɛlele- -ame. "Naa-, -dee 'e -ko -wɛ, lɔbhɔ 'ye 'neɛ "kulɔbhɔnyɔ "kɛ -lɔ ko -me. "Ne, -ɔ lɔbhɔ -ame "ku -wɛ, -ame To -kɔ 'ce "ku dlu.

Zezu Kli 'na 'Denaade ‑ye Zaa kɛle‑ ne lɛ 13:1

'Ɛ -to "bhle 'yli -bholo -se Paake 'na -jajo 'na 'yli "kɛ ylɛ. Zezu -yi 'awɔ sɛ -gbɔ lɔbhɔ -ylɛ -se 'ɔ "kɛ dodo ne "ku 'bha, -se 'ɔ "kɛ 'ɔ To Lagɔ yle -ka me. 'Ɔyi, 'ɔ -wamale dodo ne "ku 'na 'nyakpa, "ne 'ɔ -wamaloa -kaa, "ne 'ɔ -sɛ 'wli.

Zezu Kli 'na 'Denaade ‑ye Zaa kɛle‑ ne lɛ 14:3

-Se 'e kɛ lɔbhɔ 'wli -jijalea "bhuɔ ne, 'e "kɛ 'anye 'yukwɔ yi. -Se 'neɛ -dee 'e ko -wɛ 'a "kɛ lɔbhɔ ko -me.

Zezu Kli 'na 'Denaade ‑ye Zaa kɛle‑ ne lɛ 17:24

To, 'e 'yɔbhɔ -gbɔ -dee 'e -ko -wɛ, 'nyakpa 'na -ye -e 'je- -ame kɔ -wɛ 'wɔ "bhaa -a "kɛ lɔbhɔ 'gɔme -kole. -Se 'wa "kɛ -neɛ' 'ŋlu -ye -e 'je- -ame kɔ -wɛ 'ylime 'ye. "Naa-, -e -na nɛ -mlɛ zikpɛ 'wlɛ-, "ne -e -wamale 'awɔ lɛ -ce -ame.

Nonoli 7:59

-Sɔɔdɛku 'wa -lo nɛ 'tiyi "pɔ dɛku -wɛ, Etiɛne yi -lɔ bhubhɔ- nɛɛ: Anyinɛnyɔ Zezu, libhi 'na "wugɔŋo "ku.

2 Kolɛtenya 5:8

-Ɛɛ, -anyɛɛ 'kwɛme 'tɛ- 'klekle "ne -a 'yɔbhɔ nɛ kpɛnyee -gbɔ -a "kɛ "ɛ ku ne "me 'bha-, -se -a "kɛ Anyinɛnyɔ yɔko -ko.

2 Kolɛtenya 6:12

'Anyɛɛ za, -a -vulu -anyɛɛ 'dle "ku, -mɔ, 'anye, 'anye "ne -lɔ -anye -see 'a -wa -anye -wɛ 'ylime tua-.

Filiponya 1:24

-Mɔ, 'e kɛ 'lelee "ɛ dodo ne "ku -ko, 'e "kɛ 'anye 'kwɛle za 'ɛ 'nɛne 'lelee kpɛnyee.

1 Tesalonikenya 2:1

"Nowlia 'wanye, 'anye 'nabhɛ 'a -yi sɛ -gbɔ "fu 'ye 'a "ne -anye 'tee 'sa-.

1 Tesalonikenya 2:13

'A -gɛ 'yli, sɔɔbɛɛza -a 'bhɛle Lagɔ -godogodo -wɛ, -noɔ -lɔ nɛɛ: -Sɔɔdɛku -a -sloa 'anye Lagɔweli -wɛ, 'a no- "me. 'A "ne -kɛ 'nyɔkpɔsɛ "ku "me no-, -mɔ, Lagɔweli 'nasɛ 'ye 'a no- -lɔ "me, "naa-, Lagɔweli yɛ -lɔ 'diɛɛ, 'ɛ nole -lɔ 'anye libhɔ "me.

1 Tesalonikenya 4:17

"Ne -anye -wa -yɛ, "ne -a -to lɔbhɔ -wɛ, 'wayi 'wɔ "bhaa, -a "kɛ -da -lɔ "nɔgɔzlu "me Anyinɛnyɔ 'sibhɔle- -ka me, soɔ 'ye Anyinɛnyɔ "bhaa, -a "kɛ -lɔ "ku 'glile- -godogodo 'na dɛ.

2 Timote 4:6

-Ame, 'neɛ -dɛ -ylɛ, 'neɛ zikpɛ 'e -plele Lagɔ kɔ sɛgbɛɛ bɔbɔle -bɛɛ'. "Ne 'neɛ "ku dɛku ylɛ- "bhuɔ.

'Ylikloylɛleweli 14:13

"Ne 'e yi -lɔ weli -ɛ 'bhale "nɔgɔ "me -wɛ "no, 'ɛ nɛɛ: "Kɛle, -dɛmeda, 'ŋwɛnɛ 'lɔbhoa -mlɛ, -wa -nyɛ Anyinɛnyɔ "bhaa 'wa -kole "ku "ne 'wa "ku- -wɛ. Zuzu Wlewle nɛɛ: 'Diɛɛ, 'wa yi 'nyɔpɔ-, "naa-, 'wanɛɛ nonoli -gɛleloa zɛ.