Filiponya 1:18 - Nouveau Testament bété de Gagnoa

¹⁸ -Mɔ -ame, 'ɛ -na -ame -bɛɛ' no! 'Wanɛɛ 'dlepɔsɛ -ko 'tee 'oo, 'ɛ "ne 'tee -ko 'oo, 'neɛ dɛku Klise 'na 'Denaade -wɛ, 'ɛ -sɔɔ. 'Ɛyi 'ye 'e -yi. 'Ɛyi -wɛ -le -lɔ -ame 'ŋwɛnɛ "ku. "Ne "ɛ 'ŋwana -wɛ yi 'ce -ame 'lɔbhɔ 'yiɛ.

Filiponya 1:18 Iomraidhean Croise

Matie 23:13

'Kpilɛkpilɛ 'ye 'a lale -kɛ -lɔ 'ayi "ku -Lɔsloanya -nyɛ Faliziɛnya "bhaa, 'ylisiɛtelenya nye -lɛ! "Naa- 'a 'gba -lɔ Lagɔ 'na 'Kamalezikpɛ "me 'na -gbulɛ 'alua 'yliku. 'Anye 'nabhɛ 'a -ka "bhle plɛ, "ne -wa 'yɔbhɔ -gbɔ 'wa "kɛ "bhle plɛ -wɛ, 'a nɛɛ 'wa te "bhle 'plɛ.

Malke 12:40

'Wa -sɛ 'kwiziŋwenea 'lɛɛ "me. 'Wanɛɛ bhubhɔweli 'tloma "me kpɛnyee, -ɛwɛza, 'gbobhle dɛku kɛ 'ce -yi, 'wa -nɛ yi 'ce "me "tamale- kpɛnyee.»

Luke 9:45

-Mɔ gɛlenya "ne -see 'ɔ 'bhulɛloa -wɛ "me -nyini. 'Ɛ zizɔ- "ku -se 'wa te -kɛ "ɛ zɔsɛsɛ yibhlele- zɛ. 'Wa gu -se 'wa "kɔ lo 'yɔbhɔ.

Luke 9:50

Zezu nɛɛ: «'A 'to 'yli "ku 'titi, "naa-, -ɔ "ne -anye -gble -wɛ, -anye -nɔ yɔ -lɔ.»

Wlomɛnya 3:9

-Mɔ, -se 'a "kɛ -da lɛ? -Anye, zufonya, -anye zi bhɔ -wawɛ 'wɔ "ku 'a? 'Ɛ "ne sɔbhɔ yɛ! 'E -tua nɛ -bɛɛ' -bholo 'anye 'ylime: Zufonya ko, -wa "ne zufonya 'waa -wɛ ko, 'wayi 'klekle 'nyinyonoli 'na 'wawe 'gbhlua- -lɔ 'wlime.

Wlomɛnya 6:15

-Mɔ, -se -a "kɛ -da lɛ 'a? -A "ne -la -Lɔ 'na zikpɛ "ku 'nɔŋo, "naa-, Lagɔ 'na -jɔlo -zikpɛ "ku -ye -a -ko -da -lɔ, 'ɛza, -a "kɛ bhɔ 'nyinyonoli no 'yiɛ? 'Bhɔ gou!

1 Kolɛtenya 10:19

-Se 'e no bhɔ -gbɔ 'e "kɛ lɛ 'a? Sɛne 'e no bhɔ -gbɔ nɛmɛ -ye 'wa -bɔbɔle gu -wɛ -ko bhɔ -bɛɛ' "me 'a? -Mɔ, "ɛ gu -wɛ 'wɔ -ko bhɔ -bɛɛ' "me 'a?

1 Kolɛtenya 14:15

Zaa, -se 'e "kɛ bhɔ "zo 'a? 'E yi bhɔ 'neɛ 'dle "me bhubhɔle-, -mɔ, 'e yi bhɔ 'neɛ "nanoɛ "me bhubhɔle-. 'E yi bhɔ 'neɛ 'dle "me bhlele- -mɔ, 'e yi bhɔ 'neɛ "nanoɛ "me bhlele-.

1 Kolɛtenya 15:11

-Lalɛce, -ame 'ye 'ɛ 'bhale "me 'o, 'wayi 'ye 'ɛ 'bhale "me 'o, -mɔ, 'Denaade -ye -a -sɛle 'anye "ne 'a 'kɛle- 'dleku -wɛ -lɔ.

Filiponya 1:19

"Naa-, 'e -yi sɛ -gbɔ 'anyɛɛ bhubhɔweli "me, "ne Zezu Kli 'na Zuzu Wlewle 'na kwɛlekwɛleɛ "me 'ye 'e 'cɛ 'ce -lɔ 'nu "po.