Filiponya 1:15 - Nouveau Testament bété de Gagnoa

¹⁵ 'Diɛɛ, -bedia sɛle Klise 'na 'Denaade lɔbhɔzonosɛ "ne gbosɛ "ku, -mɔ, 'ɛ -ko sɔbhɔ "ne -wawɛ sɛle 'dlewɔtɔ "me.

Filiponya 1:15 Iomraidhean Croise

Matie 23:5

-See 'wa "koa ylɛ -wɛ 'na -li 'wa no -lɔ. "Klokwɛ 'jeyuɛ -ye 'wa 'piɛ "klo "ne wa 'piɛ sɔ yɔko -wɛ, 'wa 'kpɔmalea 'wanɛ "ne 'wa 'tlomalea -lɔ 'wanɛɛ "koti 'na glu 'na -yabhɛ.

Nonoli 10:36

"Naa-, Zezu Kli "me 'ye Lagɔ -ylɛle -lɔ, "ne 'ɔ yi -lɔ Izlayɛleyua "kuwɛtɛ 'na 'Denaade -sɛle, 'ɔyi, -ɔ -noɔ 'nyakpa 'klekle 'na Anyinɛnyɔ yɔ -wɛ.

Nonoli 11:20

"Ne 'wanɛɛ 'glɛme 'na -bedia 'bha- 'awɔ 'du -ye 'wa la Siple "ne Silɛne -wɛ, "ne yi 'awɔ -lɔ 'du -ye 'wa la Atiɔse -wɛ plɛ. "Ne 'wa 'sɛle 'awɔ -lɔ Anyinɛnyɔ Zezu Kli 'na 'Denaade 'glɛkenya 'wayikɔ.

Nonoli 5:42

Zle 'oo -zle, 'wa me 'awɔ "Mebɔbɔlebhudu "me, "ne 'wa me 'awɔ sueme, "ne 'wa sloa 'awɔ "ne 'wa sɛle 'awɔ ŋwɛnɛŋwɛnɛyu Zezu Kli 'na 'Denaade -glɔnya.

Nonoli 8:35

"Ne Filipo yi -lɔ bhulɛweli "ku 'libhi, "ne 'ɔ 'bhale- "ɛ Lagɔweli -ye "ɛ Etiopiɛyu -wɛ zɛle nɛ "me -wɛ "ku "ne 'ɔ yu -lɔ Zezu Kli 'na 'Denaade 'na weli bhulɛle-.

Nonoli 8:5

Sɔbhɔ "ku 'ye Filipo -me 'awɔ -lɔ Samali -glɔ "me 'na 'du "yitɛ -bholo "me, "ne 'ɔ -sɛle 'awɔ -lɔ "bhle 'na -konya Zezu Kli 'na 'Denaade.

Nonoli 9:20

"Ɛ doɔ cuu ne, 'ɔ 'ci- Lagɔweli 'na -sloa -ku, "mebhubhɔlebhudu "me. -Sɛne 'ye 'ɔ no 'awɔ -lɔ nɛɛ: Zezu -noɔ -lɔ Lagɔ Yowli yɔ.

Wlomɛnya 2:8

-Mɔ, -wa 'ciciɔlo 'ylime -wɛ, "ne -wa "ne "zo -gbɛklɛklɛ 'plome -wɛ, "ne 'wa no "nyɛnye -wɛ, "ɛ 'wayi -wɛ, Lagɔ yua 'ce 'ɔnɛɛ 'kɛle "yitɛ 'ylime tua.

1 Kolɛtenya 1:23

-Mɔ, -anye, Klise -ye 'wa -kole klowa "klo 'na 'de 'ye -a 'sɛ -lɔ -gbɔ 'ɔ -noɔ -lɔ 'Fuɔnyɔ yɔ. "Ɛ weli -wɛ 'ye zufonya "ne -lɔ "ku 'ŋunu-, "ne -wa "ne zufonya 'wa -wɛ -no -lɔ -gbɔ "kukwɛ weli yɛ.

1 Kolɛtenya 13:3

'E 'bhɛle- 'e "kɛ 'neɛ -li 'klekle 'nyakpa 'na -ye ŋɔŋo lɔbhɔ -wɛ 'dlialea-, "ne 'e 'bhɛle- 'e "kɛ 'neɛ ku -kosu 'glɛ 'tle-. -Mɔ, 'e "mɔ 'nyakpa 'na 'ŋwɛnɛ "me -kɛ, 'e -cɛ -bɛɛ' "me ylele-!

2 Kolɛtenya 1:19

Silase, Timote, "ne -ame, Lagɔ Yowli, Zezu Kli 'na "kukoweli 'na 'de 'ye -a -sɛle -lɔ 'anye. "Naa-, Zezu "ne «-Ɛɛ» yɔ "ne 'ɔ "ne «'Bhɔ» yɔ, -mɔ, «-Ɛɛ 'ye 'ɔ -noɔ 'ce -lɔ -godogodo.»

2 Kolɛtenya 11:13

"Kɔlepɔnya 'na -gbeyia 'waa -lɔ, "ne 'wa -noɔ 'lelee -lɔ libhɔnonya -nyɔ 'na sɔ -ko -gwe "me -wɛ 'waa. "Ne 'wa no -lɔ sɛgbɛɛ Klise 'na "kɔlepɔnya 'wa -noɔ.

2 Kolɛtenya 12:20

-Ye 'e "gu -gɛ ne lɛ: 'E yi -kɛ 'anyɛɛ moɔ yi. 'E "kɛ 'anyɛɛ moɔ -yi -lalɛce, 'e -ka 'anye -see 'ɛ -ko -ame 'dleku -wɛ ylele-. "Ne -ame 'lelee, 'a -ka -lalɛce, -ame -see 'a 'yɔbhɔ -wɛ ylele-. 'E "gu -gbɔ 'e te 'anye -ɛne 'glɛme ylele-: Gbonoɛ, lɔbhɔzonoɛ, kɛle, 'nyakpa 'na 'keyiglɛglɛleɛ 'wɔ, 'alua 'na 'yliyliɛ, 'wanɛɛ -sɛsɛɛ -wɛ 'wɔ, 'ylisiɛtɛleɛ, 'bidiglagli 'na kosɛ. Li ne 'klekle 'na 'dlebhɛ lɔbhɔ nɛ -lɔ -ame 'anyɛɛ moɔ 'na yi dɛku.

2 Kolɛtenya 4:5

'Bhɔ, 'de -ye -a sɛ -wɛ, -ayigɛsɛ 'na 'de 'ye -a -na -sɛ, -mɔ, Zezu Kli -ɔ -noɔ Anyinɛnyɔ yɔ -wɛ 'na 'de 'ye -a sɛ -lɔ. "Ne -anye, -a no -lɔ -gbɔ 'anyɛɛ "kulɔbhɔnya 'ye -a -noɔ -lɔ Zezu 'na 'tɔ "me.

Galatenya 2:4

"Ne 'wa no -gbɔ "nowlia 'waa -noɔ -wɛ 'ŋunu me nɛ 'ɔnɛɛ "kudiɛ "ku. "Naa-, 'wa -yi nɛ -anye 'glɛme sɛgbɛɛ 'dedededenya. -See 'wa "kɛ 'anyɛɛ 'kɔyeleɛ 'na -se 'a -su -wɛ 'ylime 'ye, 'kɔyeleɛ 'na -ɛ 'bhale Zezu Kli "me -wɛ. "Naa-, 'wa 'yɔbhɔ nɛ -gbɔ 'wa "kɛ -anye 'juyua "zoa- zɛ.

Filiponya 2:3

'A kɛ -bɛɛ' no ne, 'a 'te lɔbhɔzowugɔŋ "me nole-, -se 'a 'te 'lelee "kuziwugɔŋ "me nole-. -Mɔ, 'a 'kwlialea- 'ayi "ku, -se 'a "pɔ 'dle -gbɔ 'alua 'kpɔ- "ne 'wa -zi 'anye "ku.

1 Timote 3:16

-Ɛɛ, -diɛɛ yɛ -lɔ. Lagɔ 'na -diɛweli -ɛ zizɔ- 'Denaade "me "ne -a yibhlele- 'dlekukɛleɛ "me -wɛ 'kpɔ kpɛnyee. Klise tua- -anye 'ɔyi 'ylime 'nyɔkpɔ sɛ; 'Ɔ ŋwinɛle- "me, Zuzu Wlewle 'ŋunu -me "ku, "nɔgɔzilia 'yo- 'ylime, "Ne 'wa -tuɔ -glɔ 'klekle 'ylime, 'Wa -kɛlo 'dleku dodo ne "ku, "Ne "nɔgɔ "me, 'ɔ -me 'ŋlu.