Filiponya 1:11 - Nouveau Testament bété de Gagnoa

¹¹ "Ɛ Zezu Kli yi 'anye kwɛle-, "ne 'anyɛɛ nonoli yi "me ŋwinɛle-, lɔbhɔ 'na dɛku, 'nyakpa yi Lagɔ 'ŋlu kwa, "ne 'wa yu bhlegbi "me "zo.

Filiponya 1:11 Iomraidhean Croise

Matie 5:16

"Ɛ sɛbhele -wɛ, 'anyɛɛ zle lea- -me 'nyakpa "ku, -se 'wa "kɛ 'anyɛɛ -li 'na -li -ye 'a no -wɛ 'ylime 'ye, -se 'wa "kɛ -a To Lagɔ -ɔ -ko "nɔgɔ "me -wɛ 'ŋlu kwa-.

Zezu Kli 'na 'Denaade ‑ye Zaa kɛle‑ ne lɛ 15:16

'Anye "ne -ame -tɔ, -mɔ -ame 'mɔɔ -tɔ -lɔ 'anye. 'E -lebhe 'anye -se 'a "kɛ bhi tlo, bhi 'na "namanɔ. Lɔbhɔ 'na dɛku, -li 'klekle -ye 'a "kɛ -ame To zlɛ- 'neɛ 'tɔ "me -wɛ, 'ɔ 'yi 'anye kɔ 'je.

Zezu Kli 'na 'Denaade ‑ye Zaa kɛle‑ ne lɛ 15:2

Klɛ 'klekle 'na -ɛ -glɛ -ame 'glɛ "ne 'ɛ "ne tlo bhi -wɛ, -ame To "ku 'ye 'ɔ 'di -lɔ. "Ne klɛ 'klekle 'na -ɛ tlo bhi -wɛ, 'ɔ tɛle 'tee -se 'ɛnɛɛ bhi "kɛ zimale- 'yiɛ-.

Zezu Kli 'na 'Denaade ‑ye Zaa kɛle‑ ne lɛ 15:8

-Ɛ kwa -ame To 'ŋlu -wɛ, 'ɛɛ -noɔ -lɔ -gbɔ 'a tlo 'bhi kwleyi, -se 'a "zo 'neɛ gɛlenya.

Wlomɛnya 15:28

'E kɛ Zeluzalɛme 'na Lagɔgligbɛ 'na 'dlasi kɔ 'je- "bhuɔ ne, 'e yi 'anyɛɛ moɔ -ylɛle, 'e kɛ Esepanye me ne.

Wlomɛnya 6:22

-Mɔ, -dɛmeda, 'anyɛɛ 'nyinyonoli 'na 'galu 'diɔ- "ne 'a yi -lɔ Lagɔ 'na "kulɔbhɔnya "zo-. 'Ɛza, 'a no -lɔ -li -ɛ labha Lagɔ 'ŋwɛnɛ -wɛ, 'ɛnɛɛ 'wlisɛledɛ -noɔ -lɔ zikpɛ 'na -ɛ -ka lɛ "kubhiɛ yɛ.

1 Kolɛtenya 10:31

Zaa, 'a kɛ li, "ne 'a kɛ "nɔmɔ, "ne -bɛɛ' 'na -ye 'a "kɛ no, 'a 'nole- 'ɛyi 'klekle Lagɔ 'na 'ŋlukwɛɛ "me.

2 Kolɛtenya 9:10

"Naa-, Lagɔ "nyɛ -lɔ 'gloglonyɔ 'yo 'na -ye 'ɔ "kɛ 'glo -wɛ, "ne 'ɔ "nyɛ mo 'lelee -lɔ lilɛ. Lagɔ yi 'lelee 'anye 'yo "nyɛ me. 'Ɔ 'yi "ku zimalea-, "ne 'ɔ yi 'gbɔ "ne 'ɛ yi mi. "Ɛ -soɔ 'ye 'anyɛɛ "nɛnekoɛ "kɛ -lɔ 'bhi 'na 'kwleyi tlo.

Efɛzenya 1:12

Zaa, -a 'dile Lagɔ lo keyi -se -a 'kwɔ 'ŋlu. -Anye -wa "zo- 'tɛtɛnya 'wa "tɛle- Klise 'dle -wɛ!

Efɛzenya 1:14

"Ɛ Zuzu Wlewle ne -noɔ -lɔ -li -ye Lagɔ "kɛ -anye kɔ 'je -wɛ 'na tɛtɛnɔ yɔ. -A 'yi 'ce slu -zle -a -kɛ 'ce "nyɛnye "me 'bha gou. Zaa, -a 'dile Lagɔ lo keyi -se -a 'kwɔ 'ŋlu.

Efɛzenya 2:10

'Diɛɛ, Lagɔ -no -lɔ -anye, 'ɔ 'wlɛ- -lɔ -anye, Klise Zezu "me, -se -a "kɛ -kɛ -li 'na -li no, -li 'na -li -ye 'ɔ -sɛ 'awɔ lɔbhɔ "kle -wɛ no.

Efɛzenya 5:9

Zle 'nɛme -lɔ "nɛnekoɛ, "meŋwinɛleɛ, "ne gbɛklɛklɛ.

Filiponya 4:17

-Li -nyɛɛ 'ye 'e -na nɛ 'siɛ 'tɛle- -tiaa! -Mɔ, -ye 'e 'tɛle 'siɛ 'pa- -lɔ nɛɛ: 'A kɛ -ame -li 'nyɛ ne, -ye 'a no 'na za -wɛ 'nɛme- 'anye -jɔlo "ku.

Kolɔsenya 1:10

Lɔbhɔ 'na dɛku, 'a yi 'ce Anyinɛnyɔ 'na -se 'ɔ 'yɔbhɔ -wɛ ko, "ne 'a yi 'ce -li 'na -ɛ 'nɛno -gɛ 'klekle -wɛ no, "ne 'a yi 'ce bhi tlo, "ne 'a yi 'ce Lagɔ yibhlele- 'yiɛ.

Kolɔsenya 1:6

"Ɛ 'Denaade ne tlo -lɔ bhi, "ne 'ɛ 'ŋwɛne -lɔ -glɔ 'klekle "ku. "Ɛ sɛbhele -wɛ 'ye 'ɛ -ko -me -lɔ 'anyɛɛ mɛce, -se 'wa "mɔ 'awɔ 'anye Lagɔ 'na -jɔlo -de -sɛle ne, "ne -se 'a "mɔ 'awɔ "me 'no -gbɔ Lagɔ -wa 'anye 'diɛɛ.

2 Tesalonikenya 1:12

"Ɛ soɔ 'na 'ylime, Anyinɛnyɔ Zezu 'na 'tɔ "kɛ 'ce -lɔ 'ŋlu me, "ne 'ɔyi, 'ɔ "kɛ 'ce 'lelee -lɔ 'anye 'ŋlumeɛ kɔ 'je. 'Ɛyi 'klekle -anyɛɛ Lagɔ "ne Anyinɛnyɔ Zezu Kli 'na -jɔlo yɛ -lɔ.

Tite 3:14

"Nowlia -nyɛ "nɔyoa 'wɔ -wa -noɔ 'klecɛnya -waa -wɛ, 'wa ciɛ -li 'na -li 'na nonoɛ, -se 'wa "kɛ 'walua kwɛle- 'wa kɛ kplɛkplɛɛ "me -ko ne, -mɔ, 'wa te "fu 'sɔ "me plaplalea-.

Eblenya 12:11

-Sɔɔdɛku, 'wa 'gbɔtɔle -anye "ku -wɛ 'ŋwɛnɛ "ne 'lɔbhɔ -anye, -a -nyɛne "klo. Lɔbhɔ kɛ "me -gwlɛ ne, "ɛ -ye 'wa 'gbɔtɔle "ɛ -soɔ "ku -wɛ, 'wa "zo "meŋwinɛlenya "ne "ɛ -soɔ za 'wa yle "kuwɛtɛ.

1 Piɛle 2:12

-Wa "ne Lagɔ -yi -wɛ -glɛme, 'a slu- 'ayi 'tee. Lɔbhɔ 'na dɛku, 'wa kɛ 'anyɛɛ "ku 'na weli -nyɛnye bhulɛ -gbɔ 'a no "nyɛnye ne, 'wa yi 'ce 'anyɛɛ -li -namanɔ -ye 'a no -wɛ 'ylime 'ye, "ne -zle Lagɔ -kɛ 'wanɛɛ zipkɛ "me -plɛ, 'wa yu 'ce 'ŋlu 'kwa-.

1 Piɛle 2:5

Zaa, 'a 'nyiɔ -mo yɔko. -See 'anye 'lelee, -yɛyɛ -tiyi 'nasɛ, 'a "kɛ Zuzu Wlewle 'na -bhudu sɔbhɔ. -Se 'a "kɛ bɔbɔnya 'wlewle 'na -gligbɛ -duku 'jilɛ, -nyɔ 'na bɔbɔli 'ye Lagɔ 'sa- kɔ Zezu Kli za -wɛ.

1 Piɛle 2:9

-Mɔ, 'anye, 'anye -noɔ -lɔ 'ɔnɛɛ 'nyakpa -ye 'ɔ -tɔ 'waa, 'anye -noɔ -lɔ -klɔgbɔnyɔ 'na bɔbɔnya 'na -gligbɛ 'waa. 'Anye -noɔ -lɔ 'nyakpa 'wlewle 'waa. 'Anye -noɔ -lɔ 'nyakpa 'ye Lagɔ -tɔ 'waa, -se 'a "kɛ -li 'na "yitɛ -ye 'ɔ no -wɛ 'na 'de -sɛ. 'Ɛza, 'ɔ la- -lɔ 'anye -gbɔ 'a 'bha- titiɛ "me, -se 'a "kɛ 'ɔnɛɛ zle -namanɔ "ku yi.

1 Piɛle 4:14

'Wa kɛ 'anye 'yli- Klise 'na gɛle -gbo "me, -ɛ -le bhɔ "ɛ 'ŋwana "ku! Lagɔ Zuzu, 'ŋlume Zuzu -ko 'anye "ku!