Filiponya 1:10 - Nouveau Testament bété de Gagnoa

¹⁰ Lɔbhɔ 'na dɛku 'a yi -ɛ -noɔ "namanɔ yɛ "ne -ɛ -noɔ "nyɛnye yɛ -wɛ yibhlele-. "Ne 'a -ka 'ce 'nuɔsɔbhɔledɛ kɛle-, Zezu Kli 'na yizle.

Filiponya 1:10 Iomraidhean Croise

Matie 16:23

Lɔbhɔ 'ye Zezu 'bheliɔ -lɔ kɔ, "ne 'ɔ yi -lɔ Piɛle bhulɛle- nɛɛ: «'ylile- -ame "guɔ Sata! -E 'yɔbhɔ -gbɔ -e "kɛ -ame zɔ "pɔ, 'yliku -e "titi -lɔ -ame. -E "ne 'pɔ Lagɔ 'nasɛ 'dle, -mɔ, 'nyakpa 'nasɛ 'ye -e 'pɔ -lɔ 'dle.»

Matie 26:33

"Ne Piɛle yi -lɔ weli "ku 'libhi nɛɛ: «-Wawɛ 'klekle yi -lalɛce -eyi keyi 'bha-, -mɔ, -ame, 'e -ka 'ce -eyi 'beku 'bha- gou.»

Zezu Kli 'na 'Denaade ‑ye Zaa kɛle‑ ne lɛ 1:47

Zezu "kɛ Natanayɛle 'na yiyinɔ 'ylime 'ye ne, 'ɔ yi -lɔ 'ɔnɛɛ "ku 'na weli bhulɛ- nɛɛ: «Izlayɛleyu -gbaa -ye yo "ne lɛ 'dlezɔ -ko -wɛ -lɔ.»

Zezu Kli 'na 'Denaade ‑ye Zaa kɛle‑ ne lɛ 3:20

"Naa-, 'nyɔkpɔ 'na -ɔ no "nyɛnye -wɛ, "ne -la zle -wa, "ne 'ɔ "ne 'sibhɔ -la zle "ku. "Ne 'ɔ gu -lɔ, 'wa te -kɛ 'ɔnɛɛ "nyɛnye -ye 'ɔ no -wɛ 'ylime 'ye zɛ.

Nonoli 24:16

-Ɛwɛza, 'e -su -lɔ 'ayi 'tee Lagɔ 'yliku "ne 'nyakpa 'yliku.

Wlomɛnya 12:2

'A te zikpɛ ne "ku 'na kosɛ -nyɛnye gɛlele-, -mɔ, 'a 'tale Lagɔ 'yi -se 'ɔ "kɛ 'anyɛɛ "nɛnoɛ -nyɛ zikpɛ "bhaa kɔ 'bhelia- gou. 'Ɛɛ "kɛ -lɔ -gbɔ "ne 'a "kɛ 'ce -lɔ -ye 'ɔ -wa -wɛ yibhlele-: 'Ɛ 'nɛne, 'ɛ lo 'ŋwɛnɛ "ku, "ne 'ɛ "ne 'nuɔsɔbhɔledɛ -kɛ gou.

Wlomɛnya 12:9

'Anyɛɛ 'nyakpa 'na wamalesɛ "me ko -kɛ gbaa. 'A 'ylile 'nyinyonoli 'guɔ gou! 'A -wamale -li 'na -li kpɛnyee.

Wlomɛnya 16:17

-Nyɔsɔwanye, -ye 'e 'yɔbhɔle 'anye "me lo ne lɛ: 'A 'luɔle- -kɛ 'nyakpa 'wa 'dlidlile Lagɔgligbɛ "me -wɛ "ku. 'Wa yi -kɛ 'dlekukɛlenya zɔ 'pɔ, -see 'wa -sɛ 'anyɛɛ -sloaweli -ye 'a -yle -wɛ 'bhulɛ "ku -wɛ za. 'A 'toa -kɛ -la gɛlele gou!

Wlomɛnya 2:18

-E -yi 'ɔnɛɛ -ye 'ɔ 'yɔbhɔ -wɛ, "ne -Lɔ 'na 'kwɛlekwɛleɛ "me -e 'bhɛle- -e "kɛ -ɛ 'nɛne -wɛ tɔ-.

Wlomɛnya 7:16

'E kɛ -ye 'e "ne 'yɔbhɔ -wɛ no ne, 'e 'ŋunule -Lɔ, "ne 'e yibhlele- sɛ -gbɔ -Lɔ 'nɛne.

Wlomɛnya 7:22

'Neɛ 'dlezɔ, Lagɔ 'na -Lɔ -le -ame 'ŋwana "ku.

Wlomɛnya 8:7

'Diɛɛ, 'nyakpa "kɛ 'wayigɛsɛ 'na 'dlepɔsɛ -gɛlele, Lagɔ 'na -gblenya 'waa -lɔ, 'wayi -wɛ, 'wa "ne "zo Lagɔ 'na -Lɔ 'plome, 'wanɛɛ -dɛku, 'ɛ "ne 'bhɛle gou.

1 Kolɛtenya 1:8

'Ɔɔ "kɛ -lɔ 'anye 'kwɛme "tamalea- -kaa "ne 'ɛnɛɛ 'wlisɛledɛ "kɛ -lɔ ylɛ. -Se Anyinɛnyɔ Zezu Kli 'na yizle, 'nyɔkpɔ 'te "kɛ 'anye 'nuɔ sɔbhɔ.

1 Kolɛtenya 10:32

'A te 'nyɔkpɔ 'nyinyonoli "me 'sile 'anyɛɛ nonoli 'klekle "me zufonya, glɛkenya "ne Lagɔgligbɛ 'nabhɛ.

1 Kolɛtenya 8:13

'Ɛza, 'e kɛ 'sɛ -yi -gbɔ "ɛ lilɛ -wɛ yi -ame "nowlia -nyɛ -ame "nɔyoa 'wɔ "bhaa 'siɛ 'bhle ne, 'e -ka nɛ 'ɛ nɛmɛ -wɛ li, -se 'e 'toa kɛ 'siɛ 'bhle.

2 Kolɛtenya 1:12

Sɔɔbɛɛza -a zia -ayi "ku -noɔ -lɔ nɛɛ -anyɛɛ 'dlepɔsɛ "me, -a -yi sɛ -gbɔ 'nyakpa 'glɛme, -mɔ, -tiaa 'anye 'yliku, -anyɛɛ 'nɔŋosɛ -ko gbɛklɛklɛ "ne 'ɛ ŋwinɛle- "me, -sɛko -wɛ, Lagɔ "me 'ye 'ɛ 'bhale- -lɔ, "ne 'ɔnɛɛ -jɔlo -su -lɔ -anye, -mɔ, 'nyakpa 'na "nɛnoɛ "me -ye 'ɛ -na 'bhale-.

2 Kolɛtenya 2:17

Lagɔ 'na 'Denaade -ye -a sɛ -wɛ, -a -na kɛ no -gbɔ 'wa "kɛ -anye 'dlasi "nyɛ -see 'nyakpa -kwleyia sɛ -wɛ. -Anye, 'gbaa 'ye -a bhulɛ -lɔ Lagɔ za, Lagɔ 'yliku, Klise 'na "kulɔbhɔnya 'nasɛ.

2 Kolɛtenya 6:3

-Anyɛɛ zikpɛ "me, -a "ne 'yɔbhɔ -gbɔ -a "kɛ -bɛɛ' 'na -ɛ "kɛ 'nyɔkpɔ "nyɛnye "me kɔme- -wɛ no -se -anyɛɛ libhɔ te kɛ 'nuɔsɔbhɔledɛ kɛle-.

2 Kolɛtenya 8:8

'E -na -kɛ -gbɔ 'a no klepaa. -Mɔ, Lagɔgligbɛ 'na -vinɛ -wɛ 'wɔ 'na 'se 'wa -zo 'wanɛɛ 'dlasi 'wli 'bhobhlo -wɛ 'na 'de 'ye 'e -sɛle -lɔ 'anye. -Se 'anye 'lelee 'a 'cɛ -anye 'ylime 'tua- -gbɔ 'ŋwɛnɛ 'sɛku 'a 'nyɛ.

Galatenya 5:11

-Nyɔsɔwanye, 'e 'sɛ -na bhɔ -zɛ 'ɛ "kudi weli 'na 'de yiɛ 'a? "Ne 'ɛ "kɛ -diɛɛ yɛ, sɔɔbɛɛza 'wa -gbapea -na bhɔ -zɛ -ame 'a? 'E 'cɛ bhulɛ, Zezu 'na klowa -wɛ -ka nɛ -la 'nyɔkpɔ 'gbapea!

Efɛzenya 4:15

-Mɔ, -a kɛ gbɛklɛklɛ bhulɛ -waleɛ "me ne, -a yi -li 'klekle "me 'kpɔmale Klise 'nasɛ, 'ɔyi -ɔ -noɔ ku 'na 'wli yɔ -wɛ za.

Efɛzenya 5:10

'A -tɛle -ɛ 'nɛne Anyinɛnyɔ -gɛ -wɛ 'siɛ.

Efɛzenya 5:27

'Ɔ 'yɔbhɔ -gbɔ 'ɔnɛɛ Lagɔgligbɛ 'ɛ me 'ŋlu 'ɔyi 'yliku, 'ɛ te 'fe -kɛle, -se 'ɛ te 'nyoɔ-, 'ɛ 'te slowli kɛle-. 'Ɔ 'yɔbhɔ -gbɔ 'ɛ ko 'wlewle -se 'ɛ te 'nuɔsɔbhɔledɛ kɛle- gou.

Efɛzenya 6:24

Lagɔ "pɔ 'nyakpa 'klekle -wa -wa Anyinɛnyɔ Zezu Kli -wɛ 'ŋu, -waleɛ 'na -ɛ "ne -bhiɛ lɛ "ku -wɛ "me!

Filiponya 1:16

"Ɛ -wa sɛle 'dlewɔtɔ "me -wɛ, Lagɔ 'na 'ŋwɛnɛ 'wa -kɛ -lɔ "me. Sɛko -wɛ, 'wa -yi 'sɛ -gbɔ "ɛ -jiɛ ne "me -mee 'e -ko ne, 'e "kɛ Klise 'na 'Denaade 'na gboziɛ za yɛ -lɔ.

Filiponya 1:6

'E -kɛ -bɛɛ' -bholo 'dleku, 'ɛɛ -noɔ -lɔ nɛɛ: Lagɔ -ɔ 'ci- "ɛ libhɔ "namanɔ 'anye 'glɛme "ku ne, 'ɔ 'yi no -kaa, "ne 'ɛ "kɛ 'ce -lɔ Zezu Kli 'na yizle 'wlizɔ bhiɛle-.

Filiponya 2:16

"Naa-, 'a bhulɛ Lagɔ 'na weli -ɛ 'nyɛ zikpɛ 'glɔnya zɛ. 'A 'cɛ soɔ 'sa ne, 'ɛ yi -gbɔ "ne Zezu Kli 'na yizle, 'anyɛɛ za 'e yi 'ce keyi "me 'lɛle, "naa-, 'e "ne "fu libhɔ -no, "ne 'e "ne "fu 'kpɛlɛ- zɛ.

1 Tesalonikenya 3:13

Sɔbhɔ 'ye 'ɛ "kɛ -ko, "ne Anyinɛnyɔ "kɛ 'ce -lɔ 'anye 'dleku 'tamalea. -Sɔɔdɛku Anyinɛnyɔ Zezu -nyɛ 'ɔnɛɛ 'nyakpa -wa -noɔ 'ɔnoa 'waa -wɛ "bhaa kɛ 'ce -yi, 'a yi 'ce 'wlewle ko -a To Lagɔ 'yliku, "ne -a -ka 'ce 'nuɔsɔbhɔledɛ -yle.

1 Tesalonikenya 5:21

'A 'pɔle "me 'dle 'tee, -se 'a "kɛ 'ɛnɛɛ -ɛ 'nɛne -wɛ lɔbhɔ -sɛ.

1 Tesalonikenya 5:23

"Kuwɔtɔ Lagɔ, 'ɔyigɛsɛ 'ɔ 'pla- 'anye 'wlele, -se 'anyɛɛ zuzu, 'anyɛɛ 'wugɔŋo, "ne 'anyɛɛ ku te -kɛ 'nuɔsɔbhɔledɛ kɛle-, Anyinɛnyɔ Zezu Kli 'na yizle.

1 Zaa 4:1

'Na 'dleglɛ -titoa nye, 'a te 'se -wa no nɛɛ: «Zuzu Wlewle -ko -anye "me» -wɛ 'dleku kɛle-. -Mɔ, 'a woloa -kɛ "me 'tee, -se 'a "kɛ -kɛ 'sɛ yibhlele- -gbɔ Lagɔ Zuzu -ko -diɛnadiɛ "ɛ 'nyakpa -wɛ "me. "Naa- "guɔkwɔmenya -gbeyia 'na 'kwleyia yiɛ- -kɛ zikpɛ ne "ku.

'Ylikloylɛleweli 2:2

'E -yi -neɛ' nonoli, 'e -yi -neɛ' 'kwɛmetamalesɛ, "ne -neɛ' 'dlebhlepiɛsɛ. 'E -yi sɛ -gbɔ -e "ne 'yɔbhɔ konyinɛnya 'na "ku koleɛ. -Wa no -gbɔ "kɔlepɔnya 'wa -noɔ, -mɔ, 'wa "ne 'wayi 'waa, -e 'boa- "me, "ne -e yibhlele- sɛ -gbɔ yowlɛnya 'waa -lɔ.