Filiponya 1:1 - Nouveau Testament bété de Gagnoa

¹ -Ame, Pɔle -nyɛ Timote "bhaa, Zezu Kli 'na "kulɔbhɔnya 'ye -a -noɔ -lɔ. Lagɔ 'na yua 'klekle -wa -ko Filipo -du "me -wɛ, 'wa -nyɛ "ɛ Lagɔgligbɛ 'na 'yukugɛlenya -nyɛ 'wanɛɛ 'kwɛlekwɛlenya -wɛ 'wɔ "bhaa 'wayi 'ye -a kɛle lɛ "ku.

Filiponya 1:1 Iomraidhean Croise

Malke 13:34

Sɛgbɛɛ, 'nyɔkpɔ 'na -ɔ me 'lowlime "ne -ɔ tle 'ɔnɛɛ -bhudu 'ɔnɛɛ "kulɔbhɔnya yɔko, "ne 'ɔ 'joa -lɔ libhɔ kɔ -bholo -bholo, "ne 'ɔ bhulɛle -lɔ 'ɔnɛɛ -bhudu 'na "klokolenyɔ nɛɛ: 'Gɛle- -kɛ 'ylime.

Zezu Kli 'na 'Denaade ‑ye Zaa kɛle‑ ne lɛ 12:26

'Nyɔkpɔ 'na -ɔ kɛ no -gbɔ 'ɔ yi -ame "ku lɔbhɔ- ne, 'ɔ gɛlele- -ame. "Naa-, -dee 'e -ko -wɛ, lɔbhɔ 'ye 'neɛ "kulɔbhɔnyɔ "kɛ -lɔ ko -me. "Ne, -ɔ lɔbhɔ -ame "ku -wɛ, -ame To -kɔ 'ce "ku dlu.

Nonoli 1:20

-Sɛne 'ye 'ɛ kɛleɔ- -lɔ: Lagɔ 'na 'ŋlukwa -bɔgo "me -gbɔ: 'Ɔnɛɛ -bhudu -wɛ "gbɛ 'ce -godogodo, -se 'nyɔkpɔ te 'ce "me ko. 'Ɛ 'kɛleɔ- -me 'lelee -sɛne nɛɛ: 'Nyɔkpɔ 'na -vinɔ "kɛ -la -lɔ 'ɔnɛɛ libhɔ 'ylime "plele.

Nonoli 20:28

Zaa, 'a 'slu "kɛ 'ayi 'tee, -se 'a 'slu -me "kɛ 'lelee Zuzu Wlewle 'na wlia 'ye 'ɔ -kulɛle 'anye "ku -wɛ 'tee, -se Lagɔ -gligbɛ 'ye 'ɔ sɔbhɔ- 'ɔyigɛsɛ 'ɔ yowli 'na dlu nu -wɛ "kɛ -kɛ 'anye 'fuɔ.

Nonoli 9:13

Ananiase nɛɛ: «Anyinɛnyɔ, 'nyakpa -kwleyia -bhulɛle -ame "ɛ Sɔle -wɛ 'na "nyɛnye -ye 'ɔ -no Zeluzalɛme 'na yua 'wli -wɛ 'na weli.

Wlomɛnya 1:1

-Ame, Pɔle, Zezu Kli 'na "kulɔbhɔnyɔ, 'e 'kɛle 'anye "ku, Lagɔ la- -lɔ -ame -se 'e "kɛ Zezu 'na "kɔlepɔnyɔ "zo, "ne 'ɔ "zo- -ame 'neɛ -tiaa 'dɛ, -se 'e "kɛ 'Denaade -sɛ.

Wlomɛnya 1:7

'Anye 'klekle -wa -ko Wlɔmo -wɛ, Lagɔ -wa 'anye, "ne 'ɔ la- 'anye -se 'a "kɛ 'wlewle ko. -A To Lagɔ "ne Anyinɛnyɔ Zezu Kli 'pɔ 'anye 'ŋu, -se 'ɔ "nyɛ 'anye "kuwɛtɛ!

1 Kolɛtenya 16:10

Zaa, Timote kɛ -yi, 'a "sɔ 'tee -se nyanɔ 'to kɛ ku "me ko. "Naa-, Anyinɛnyɔ 'na libhɔ 'ye 'ɔ no "me -lɔ 'neɛ sɛ.

2 Kolɛtenya 1:1

-Ame Pɔle, Zezu Kli 'na "kɔlepɔnyɔ 'ye 'e -noɔ -lɔ, sɛko -wɛ, Lagɔ 'ŋunu- -lɔ "ku zɛ. 'Ɛza, 'e -nyɛ -a "nɔwli Timote "bhaa -a kɛle -lɔ Lagɔgligbɛ -ɛ -ko Kolɛte -du "me -wɛ "ku. 'E kɛle -me 'lelee -wa -noɔ Lagɔ -noa 'waa 'klekle "ne -wa -ko Akayi -du "me -wɛ "ku.

Galatenya 1:10

'Nyakpa 'na "kukoleɛ, -mɔ, Lagɔ -nɛ 'ye 'e 'tɛle bhɔ 'siɛ, -mɔ, 'nyakpa 'na -gɛnamaleɛ 'ye 'e 'tɛle bhɔ siɛ -a? 'Bhɔ. 'E kɛ nɛ no -gbɔ 'e "kɛ nɛ 'nyakpa -gɛ namale- ne, 'e -ka nɛ Klise 'na "kulɔbhɔnyɔ "zo.

Galatenya 3:26

"Naa-, Lagɔ 'na yua 'ye 'a -noɔ -lɔ 'klekle, 'a -kɛ Zezu Kli 'dleku zɛ.

Galatenya 3:28

-Dɛmeda, "meseseliɛ "ne -da -le, Zufonyɔ 'oo, Glɛkeyu 'oo, 'juyu 'oo, -ɔ "ne 'juyu yɔ 'oo, 'widi "ne 'ŋɔnɔ 'oo, 'anye 'klekle -bholo 'ye 'a -zo -da -lɔ Klise Zezu "me.

Efɛzenya 1:1

-Ame, Pɔle, Zezu Kli 'na "kɔlepɔnyɔ 'ye 'e -noɔ -lɔ, sɛko -wɛ, Lagɔ 'yɛbhɛ -lɔ zɛ. 'Wlewlea "ne -wa tɛle- Zezu Kli 'dle Efɛze -wɛ 'ye 'e 'kɛle lɛ "ku.

Efɛzenya 1:15

-Ye 'e 'ciɛ- ne lɛ: 'A -kɛ Anyinɛnyɔ Zezu 'dleku, "ne 'a -wa 'ɔnɛɛ 'nyakpa 'klekle -wa -kɔ 'dleku -wɛ. 'Ɛnɛɛ za, 'e -yibhlele 'awɔ 'bhle sɛ 'ce,

Efɛzenya 6:24

Lagɔ "pɔ 'nyakpa 'klekle -wa -wa Anyinɛnyɔ Zezu Kli -wɛ 'ŋu, -waleɛ 'na -ɛ "ne -bhiɛ lɛ "ku -wɛ "me!

Filiponya 2:19

Anyinɛnyɔ Zezu Kli kɛ "ku 'ŋunu- ne, 'e yi bhliji "me 'anye Timote "ku lebhele-, -se 'ɔ "kɛ -kɛ -ame 'anyɛɛ 'de -sɛle, -se 'kwɛme "kɛ -kɛ -ame "tamale-.

Filiponya 2:5

'Ayi 'glɛme, 'a slu 'ayi "ɛ -soɔ, -see 'nyɔkpɔ kɛ Zezu Klise "me -ko 'na -see 'ɔ -su 'ɔyi "ku -wɛ.

Filiponya 3:12

'E -na -kɛ no -gbɔ 'e -ylɛ 'du "bhuɔ, 'e -na -kɛ no -gbɔ "nyɛnye "ne -da -ame "me -ko, -mɔ, 'e 'tɔtɔle "kɛ 'ayi "kɔ, "ne 'e guɔ -na -kɛ "yiɛ, -se 'e "kɛ -kɛ 'ye 'wa 'piɛ- -wɛ yle, "naa-, -ame 'nabhɛ, Zezu Kli 'sa- 'na 'dle kɔ zɛ.

Filiponya 3:3

-Mɔ, 'wa kɛ no -gbɔ -wa 'diɔ- "ku -wɛ, -anye 'wa ga -lɔ -tiaa. "Naa-, -anye, -a lɔbhɔ Lagɔ "ku Zuzu Wlewle "me zɛ, "ne -anye -wa -ko Zezu Kli "me -wɛ, -anye zia -lɔ -ayi "ku, "ne dodo ne "ku 'na -li "me 'ye -anyɛɛ 'dlekukɛleɛ -na 'bhale-.

Filiponya 3:8

"Ɛ -ɛwɛ 'klekle ne, 'ɛ -ko -ame 'yliku sɛgbɛɛ -bɛɛ' 'na -ye 'e 'pɔ- 'kwlɛ "me Anyinɛnyɔ Zezu Kli za -wɛ. "Ɛ -ye 'e -yibhlele Anyinɛnyɔ Zezu Kli -wɛ, 'ɛ 'kpɔ- "ne 'ɛ -zi -li 'klekle "ku. Zezu Kli za, 'e 'bhale- -li 'klekle "me. 'E 'wolo -da "ku sɛgbɛɛ -didi, -se Klise 'ɔyikɔ "kɛ -bɛɛ' 'na 'ye 'e "kɛ yle -wɛ "zo.

1 Tesalonikenya 1:1

-Ame, Pɔle -nyɛ Silase "ne Timote "bhaa, -a 'kɛle Tesalonikenya 'na Lagɔgligbɛ -ɛ -noɔ To Lagɔ "ne Anyinɛnyɔ Zezu Kli -nɛ yɛ -wɛ "ku. Zaa, Lagɔ "pɔ 'anye 'ŋu -se 'ɔ 'nyɛ 'anye "kuwɛtɛ!

1 Tesalonikenya 2:2

"Naa-, 'a -yi sɛ -see -a 'gbape-, "ne -see 'wa -yli -anye Filipodu "me, -mɔ, Lagɔ nyɛ- -anye 'kwɛmetamaleɛ "ne -a yi -lɔ 'anye 'ɔnɛɛ 'Denaade -sɛle 'gbapegbapeɛ "me.

2 Tesalonikenya 1:1

-Ame Pɔle, Silase -nyɛ Timote "bhaa, -anye 'kɛle lɛ Tesalonike 'na Lagɔgligbɛ -ɛ -noɔ -a To Lagɔ "ne Anyinɛnyɔ Zezu Kli -nɛ yɛ -wɛ, "bɔgo ne "ku.

2 Tesalonikenya 1:10

Zle Anyinɛnyɔ "kɛ 'ce -yi -wɛ, "ne 'ɛ "kɛ 'ce -lɔ sɔbhɔ ylɛle-. "Ne -wa -noɔ 'ɔnoa 'waa -wɛ kɔ 'ce -lɔ 'ŋlu 'kwa-, "ne -wa -kɔ 'dleku -wɛ kɔ 'ce -lɔ -bhlegbi "me "zo. 'A yua 'ce 'glɛme ko, sɛko -wɛ, 'a -kɛle -ye -a -bhulɛle 'anye -wɛ 'dleku zɛ.

1 Timote 1:2

Zaa, Timote, -eyi -mɔɔ -noɔ neɛ' yu gbaa yɔ 'dlekukɛleɛ "me -wɛ, -eyi 'ye 'e 'kɛle lɛ "ku. To Lagɔ "ne Zezu Kli -ɔ -noɔ Anyinɛnyɔ yɔ -wɛ "pɔ -eyi 'ŋu, -se 'ɔ 'tua- -eyi 'ɔnɛɛ 'ŋwɛnɛ 'ylime, -se 'ɔ 'nyɛ -eyi "kuwɛtɛ!

1 Timote 3:8

Sɛbhele -wɛ, Dlinya "zo -kɛ 'nyakpa 'na -wa -ko 'plome 'tee 'walua 'glɛme -wɛ. Dlinya te -kɛ nogbinɔmɔnya "zo. -Se 'wa te -kɛ 'lelee 'dlasi 'na 'siɛtɛleɛ 'gbeyi "ku mamale.

Tite 1:1

-Ame Pɔle, Lagɔ 'na "kulɔbhɔnyɔ "ne Zezu Kli 'na "kɔlepɔnyɔ 'ye 'e -noɔ -lɔ. 'Ɔ -sɛ -lɔ -ame lɔbhɔ -se 'e "kɛ Lagɔ 'na 'nyakpa -ye 'ɔ -tɔ -wɛ 'dlekukɛleɛ kɔme- -se 'wa "kɛ gbɛklɛklɛ yibhlele-, -se 'wa "kɛ Lagɔ 'dle 'tɛle.

Tite 1:7

"Naa-, -ɔ -gɛ Lagɔgligbɛ 'yuku -wɛ, 'ɔ "ne kɛle- -da nuɔsɔbhɔledɛ kplokplo, -see 'ɔ -gɛ Lagɔgligbɛ 'yuku -wɛ za: 'Ɔ te -kɛ "bhabhanyɔ, "kɛlenyɔ, nogbinɔmɔnyɔ, 'gɔlegwenyɔ "zo, -se 'ɔ te "kɛ 'lelee 'dlasi -vi "me "ku libhile.

Filemɔ 1:1

-Ame Pɔle, Zezu Kli 'na -jiɛnyɔ, "ne Timote -a "nɔwli "bhaa, -eyi, Filemɔ -a -wale, -nyɔ "bhaa -a nole libhɔ "ku ne, 'ye -a 'kɛle lɛ "bɔgo ne "ku,

Eblenya 13:23

'E bhulɛle 'anye -gbɔ 'wa 'tale- -a "nɔwli Timote 'yi. 'Ɔ kɛ 'bhobhlo -yi ne, 'ɔyi "bhaa -a yi 'anye 'ylime 'ye ka yi.

Zake 1:1

-Ame Zake, 'mɔɔ -noɔ Lagɔ "ne Anyinɛnyɔ Zezu Kli 'na "kulɔbhɔnyɔ yɔ -wɛ, 'e bhɛle Lagɔ 'na -gligbɛnya -wa -ŋwɛne dodo -kpɛtɛ ne "ku 'klekle -wɛ.

1 Piɛle 2:25

'Diɛɛ, 'a -ko 'awɔ sɛgbɛɛ wlia 'na -wa -bhli 'kwlɛ, -mɔ -dɛmeda, 'a 'ylile- wliagɛlenyɔ 'na -ɔ "kɛ 'anyɛɛ zikpɛ -slu -wɛ lo.

2 Piɛle 1:1

-Ame, Simɔ Piɛle, Zezu Kli 'na "kulɔbhɔnyɔ "ne 'ɔnɛɛ "kɔlepɔnyɔ, 'e kɛle -wa -yle -me 'dlekukɛleɛ -ɛ 'tɛ- 'kpɛ "ku sɛgbɛɛ -anye nɛ ne, Zezu Kli, -anyɛɛ Lagɔ "ne -anyɛɛ Fuɔnyɔ 'na 'dlewɔtɛ "me.

Zude 1:1

-Ame, Zude, Zezu Kli 'na "kulɔbhɔnyɔ "ne Zake -ɔ "nɔwli, 'e 'kɛle -ye -a To Lagɔ la- -wɛ "ku. 'Ɔ -woa "ne 'ɔ -suloa Zezu Kli "me.

'Ylikloylɛleweli 1:1

"Ɛ "bɔgo ne "me, -li 'na -ye Zezu Kli -tua 'nyakpa 'ylime -ko -lɔ "bhle. Lagɔ -kwilɛlo -lɔ "ku -se 'ɔ "kɛ 'ɔnɛɛ "kulɔbhɔnya -ɛ "kɛ yi -wɛ 'na weli 'ylime 'tua-. Klise -lebhe -lɔ 'ɔnɛɛ "nɔgɔzilɔ 'ɔnɛɛ "kulɔbhɔnyɔ Zaa "ku, -se 'ɔ "kɔ "ɛ weli -wɛ 'ylime 'tua-.

'Ylikloylɛleweli 1:20

-Zeli gbɔɔsɔ -ye -e 'yele- 'neɛ lilikwlɛ -sɔ "me 'ylime, "ne -badlɛ -napɛ 'na 'glɛdɛ gbɔɔsɔ -wɛ, 'na zɔsɛsɛ ne lɛ: -Zeli gbɔɔsɔ -wɛ, Lagɔgligbɛ gbɔɔsɔ 'na "nɔgɔzilia gbɔɔsɔ 'waa -lɔ, "ne "ɛ 'napɛ 'na 'glɛdɛ gbɔɔsɔ -wɛ, Lagɔgligbɛ gbɔɔsɔ yɛ -lɔ.

'Ylikloylɛleweli 19:10

"Ne 'e yi -lɔ "nɔgɔzilɔ -kokomini 'yli "ku "pɔle, -se 'e "kɔ "zo. ''Ne 'ɔ yi -lɔ no nɛɛ: Te -kɛ 'soɔ no. "Kulɔbhɔnyɔ 'ye 'e -noɔ -me -lɔ -neɛ' sɛ, sɛgbɛɛ "nowlia -nyɛ -e "nɔyoa 'wɔ "bhaa -wa tɛle- Zezu Kli 'na bhulɛweli -ɛ -ko gbaa 'dle, "ne 'ɔ -tua 'nyakpa 'ylime -wɛ. Lagɔ 'ye -e "kɛ -lɔ "zo. Zezu 'na bhulɛweli -ye 'ɔ -tua 'nyakpa 'ylime -wɛ "me 'ye "guɔkwɔmenya 'na bhuleweli 'bhale -lɔ.

'Ylikloylɛleweli 2:12

«"Kɛle "nɔgɔzilɔ -ɔ -ko Pɛlegamedu "me 'na Lagɔgligbɛ "me -wɛ "ku nɛɛ: -Ɔ -su -jijigbɛlɛ -ɛ 'nɔ- -wɛ 'na bhulɛweli ne lɛ.

'Ylikloylɛleweli 2:8

«"Kɛle "nɔgɔzilɔ -ɔ -ko Similenedu "me 'na Lagɔgligbɛ "me -wɛ "ku nɛɛ: 'Tɛtɛnyɔ, "ne 'bebhiɛlenyɔ, -ɔ "ku- 'awɔ, "ne -ɔ 'wlo- gluzɔ -wɛ 'na -ye 'ɔ bhulɛ ne lɛ.

'Ylikloylɛleweli 22:9

-Mɔ, "nɔgɔzilɔ -bhulɛle -ame nɛɛ: "Luɔ -kɛ, te -kɛ sɔbhɔ no. "Kulɔbhɔnyɔ 'ye 'e -noɔ -me -lɔ -neɛ' sɛ, sɛgbɛɛ -e "nowlia -nyɛ -e "nɔyoa 'wɔ, "guɔkwɔmenya 'wɔ 'nasɛ, "ne -wa "zo -ɛ -ko "ɛ "bɔgo ne "me 'plome -wɛ 'nasɛ. Lagɔ 'ye -e "kɛ -lɔ "zo.