Efɛzenya 6:9 - Nouveau Testament bété de Gagnoa

⁹ "Ne 'anye, "bhenya -wɛ, 'a 'slu -me "ɛ sɛbhele -wɛ 'anyɛɛ 'juyua. 'A 'toa 'ylime ko. 'Anye 'nabhɛ, 'a -yi sɛ: 'Wayi, "ne -anye "Bhenyɔ -bholo -wɛ 'ye 'a -kɛ -lɔ "nɔgɔ "me, "ne 'ɔyi, 'ɔɔ 'seselia -kɛ 'nyakpa "me.

Efɛzenya 6:9 Iomraidhean Croise

Matie 22:10

"Ne "ɛ "kulɔbhɔnya -wɛ yi -lɔ zɔ 'wlo "ne 'wa yi -lɔ -gwe -gbata "me me, "ne 'wa yi -lɔ -ye 'wa -ylele lɔbhɔ 'klekle -wɛ, "nyɛnyea -nyɛ "namanoa 'wɔ "bhaa 'wli "zo, "ne "ɛ -bhuducibhɛ -mee 'wa "kɛ -jajolilɛ lile- -wɛ yi -lɔ 'yiɛ -gwizi.

Matie 22:8

"Ne 'ɔ yi -lɔ 'ɔnɛɛ "kulɔbhɔnya bhulɛle- nɛɛ: Ŋukwɔjajo "ku 'na lilɛ -yli, -mɔ, -ye 'wa la- -wɛ ne "ɛ -jajo ne "ku 'na yisɛ -kɛ.

Matie 24:48

-Mɔ, "ɛ "kulɔbhɔnyɔ -wɛ kɛ "nyɛnye yɔ ne, sɛne 'ye 'ɔ "kɛ -lɔ no nɛɛ: 'Neɛ "bhenyɔ -dɛme 'ye 'ɔ -gba "kɛ yi,

Matie 24:51

'Ɔnɛɛ "bhenyɔ yu libhɔ "me 'kpeti-, 'nyakpa -wa -noɔ 'ylisiɛtɛlenya 'waa -wɛ 'glɛme -ye 'ɔ "kɛ -lɔ ko -me, "ɛ doɔ 'ye 'lugbu "ne glɛ nimiɛ "kɛ -lɔ 'bhale-.»

Matie 7:12

«-Ye 'a 'yɔbhɔ -gbɔ 'wa no 'anyɛɛ za -wɛ, 'a no -me sɔbhɔ 'alua za. -See Moyize 'na gbagbɛ "ne "guɔkwɔmenya 'wɔ lɛ -wɛ -lɔ.»

Luke 6:31

-Ye 'a 'yɔbhɔ -gbɔ 'wa no 'anyɛɛ za -wɛ, 'a no -me sɔbhɔ 'alua za.

Zezu Kli 'na 'Denaade ‑ye Zaa kɛle‑ ne lɛ 13:13

'A la -ame Anyinɛnyɔ, "ne "Bhenyɔ. -Ɛɛ, 'anyɛɛ weli 'nɛne; "Naa-, 'e -noɔ "ɛ Anyinɛnyɔ "ne "Bhenyɔ yɔ.

Nonoli 10:34

"Ne Piɛle yi -lɔ no- nɛɛ: «'E -yi -la -dɛme sɛ -gbɔ Lagɔ "ne 'gbezi 'nyakpa "me.

Wlomɛnya 2:11

"Naa-, Lagɔ "ne 'gbezi 'nyakpa "me zɛ.

1 Kolɛtenya 1:2

-anye kɛle- lɛ Lagɔgligbɛ -ɛ -ko Kolɛte -wɛ "ku, "ne Lagɔ "zoa- 'wlewle Zezu Kli "me -wɛ, "ne -ye Lagɔ la -se 'wa "kɛ 'wlewle ko, "ne -wa "tule Anyinɛnyɔ Zezu Kli 'na 'tɔ "me moɔ 'klekle -wɛ "bhaa, -ɔ -noɔ 'wanɛɛ "Bhenyɔ "ne -anyɛɛ "Bhenyɔ yɔ -wɛ,

1 Kolɛtenya 7:22

"Naa-, 'juyu -ye Anyinɛnyɔ la- -wɛ 'bha- 'galu 'yli, Anyinɛnyɔ -nɔ yɔ -lɔ. 'Nyɔkpɔ, -ɔ 'bha- 'galu 'yli "ne Lagɔ la- -wɛ "zo -lɔ Klise 'na 'juyu.

Kolɔsenya 3:25

'Nyɔkpɔ 'na -ɔ no "nyɛnye -wɛ, "nyɛnye -ye 'ɔ no 'na 'gbo 'ye 'ɔ "kɛ -lɔ yle. "Naa-, Lagɔ 'gbezi 'nyaka "me.

Kolɔsenya 4:1

"Bhenya 'nye, 'a slu 'anyɛɛ 'juyua 'klekle "me ŋwinɛlesɛ. 'Diɛɛ, 'a -yi sɛ -gbɔ 'anye 'lelee, 'a -kɛ -me "Bhenyɔ -bholo "nɔgɔ "me.

Zake 2:13

Sɛko -wɛ, 'gbobhle -zle -kɛ ylɛ-, 'nyɔkpɔ -ɔ "ne "pɔ 'ɔluyu 'na 'nyɛzedle -wɛ, Lagɔ -ka 'ɔnɛɛ 'nyɛzedle "pɔ. -Mɔ 'nyɛzedle -kɛleɛ zi gbobhleleɛ "ku.

Zake 2:8

Lagɔbɔgo nɛɛ: «-Wamale -eluyu, -see -e -wa -eyi -wɛ» 'a kɛ sɔbhɔ "zo ne, sɔbhɔ 'nɛne. "Ɛwɛ -noɔ -lɔ Lagɔ 'na 'kamale zikpɛ "me 'na -Lɔ yɛ.

Zake 5:4

'A gɛyli, 'anyɛɛ 'kwlɛ "me 'na libhɔnonya, 'a -su 'wanɛɛ 'peɛle -dlɛ, 'wanɛɛ "mekpaweli -ylɛ Anyinɛnyɔ -ɔ 'bhɛle- -li 'klekle "ku.