Efɛzenya 6:23 - Nouveau Testament bété de Gagnoa

²³ To Lagɔ "ne Anyinɛnyɔ Zezu Kli -nyɛ "nowlia "ne "nɔyoa 'klecɛ 'wɔ "kuwɛtɛ, -waleɛ "ne 'dlekukɛleɛ!

Efɛzenya 6:23 Iomraidhean Croise

Zezu Kli 'na 'Denaade ‑ye Zaa kɛle‑ ne lɛ 14:27

'E tle 'anye "kuwɛtɛ yɔko. 'E 'nyɛ 'anye 'neɛ "kuwɛtɛ. 'E -nɛ -kɛ 'anye "nyɛ -see dodo ne "ku 'na 'nyakpa 'nyɛ -wɛ. 'Dlebhɛ te -kɛ 'anye 'lɔbhɔ, -se 'a te "gu.

Wlomɛnya 1:7

'Anye 'klekle -wa -ko Wlɔmo -wɛ, Lagɔ -wa 'anye, "ne 'ɔ la- 'anye -se 'a "kɛ 'wlewle ko. -A To Lagɔ "ne Anyinɛnyɔ Zezu Kli 'pɔ 'anye 'ŋu, -se 'ɔ "nyɛ 'anye "kuwɛtɛ!

Wlomɛnya 15:33

Lagɔ -ɔ 'nyɛ "kuwɛtɛ "bhaa 'a 'kole- "ku 'klekle! Amɛn.

1 Kolɛtenya 1:3

-a To Lagɔ "ne Anyinɛnyɔ Zezu Kli "pɔ 'anye 'ŋu, -se 'ɔ "nyɛ 'anye "kuwɛtɛ!

2 Kolɛtenya 13:11

Zaa, -dɛmeda, -nyɔsɔwanye -wa -noɔ 'klecɛnya 'waa -wɛ, 'ŋwɛnɛ 'lɔbhɔ 'anye. -Se 'a tɛle- -see 'a "kɛ "zo "ne 'a "kɛ -kpee ko -wɛ siɛ. 'A "tamale- 'kwɛme, -se 'a 'nonole- "ku "me. "Kuwɔtɛ 'ko- 'anye 'glɛme, -se Lagɔ -ɔ -wa 'nyakpa, "ne -ɔ -noɔ "kuwɛtɛ yɔ -wɛ "bhaa 'a "kɛ "ku 'kole-.

Galatenya 5:6

'Nyɔkpɔ -nyɛ Klise Zezu "bhaa 'wa "kɛ "ku -kole ne, 'ɔ 'diɔ- "ku 'oo, 'ɔ "ne "ku 'diɔ- 'oo, 'ɛ "ne -bɛɛ' "me -ko! -Mɔ, 'ɛnɛɛ 'ɛ zi lɛ "ku -noɔ -lɔ -gbɔ -a 'tua -anyɛɛ 'dlekukɛleɛ 'na -se -a -wɔ -wɛ 'ylime.

Galatenya 6:16

'Nyakpa -wa "zo 'na -sloaweli ne 'plome -wɛ, 'e nɛɛ: "Kuwɔtɛ -nyɛ Lagɔ 'na "nɛnekoɛ "bhaa "koa "ku. 'Ɛ -ko -me Izlayɛleyua 'klekle "ku.

Efɛzenya 6:24

Lagɔ "pɔ 'nyakpa 'klekle -wa -wa Anyinɛnyɔ Zezu Kli -wɛ 'ŋu, -waleɛ 'na -ɛ "ne -bhiɛ lɛ "ku -wɛ "me!

1 Tesalonikenya 5:8

Zaa, -anye -wa -noɔ zle "ku -noɔ 'waa -wɛ, -a 'slu- -ayi 'tee, -se 'dlekukɛleɛ -nyɛ 'ŋwɛnɛmekɛleɛ "bhaa "zo -anyɛɛ "meplakoti, -se -a 'gbli 'dletɛleɛ 'na dagbulɛ 'wlime, -se -a "kɛ -kɛ 'po me.

2 Tesalonikenya 1:3

-Nyɔsɔwanye, -a yi 'ce 'anyɛɛ za Lagɔ bhɛle- 'yiɛ, "ne -a -ka 'diɔle-. 'Ɛ -ŋwa sɔbhɔ, sɛko -wɛ, 'anyɛɛ 'dlekukɛleɛ "tamale- "me 'yiɛ, "ne -waleɛ -ye -ɔkɔkokɔko -kɛ 'ɔluyu za "me -wɛ 'kpɔmale-.

2 Tesalonikenya 3:16

Anyinɛnyɔ -ɔ -noɔ lɛ "kuwɛtɛ yɔ, 'ɔ 'nyɛ 'anye "kuwɛtɛ 'ɔyigɛsɛ -godogodo, -se 'ɔyi "bhaa 'a kole- "ku 'klekle!

1 Timote 1:14

-Mɔ, 'neɛ -dɛku, Anyinɛnyɔ 'na 'dlekunamaleɛ 'kpɔmale- "yitɛ "ku. Zaa, -Dɛmeda, 'e -kɛ 'dleku, "ne 'e -kɛ 'lelee 'ŋwɛnɛ -ɛ 'bhale Zezu Kli "me -wɛ "me.

1 Timote 1:3

'Ɛza, -ye 'e me nɛ Masedoane -glɔ "me -wɛ, 'e -bhulɛle nɛ -lɔ -eyi -gbɔ to- Efɛze -du "me. -Se 'e "kɛ "bhle 'na 'nyakpa 'na -bedia -wa sloa "gbitosɛ -wɛ bhulɛle -gbɔ 'wa te -la sɔbhɔ sloa.

1 Timote 5:8

'Nyɔkpɔ 'na -ɔ "ne wlo 'ɔnɛɛ -gligbɛnya 'klo -wɛ, "ne 'ɔ "ne 'lele -tiaa 'ɔnɛɛ -bhudu "me 'na -konya -su me -wɛ, 'ɔyi -wɛ, 'dlekukɛleɛ 'na -gwe "ku 'ye 'ɔ 'bha- -lɔ, 'nyɔkpɔ -gbeyi yɔ -lɔ, 'ɔ -zi -ɔ "ne 'dleku -kɛ -wɛ "ku.

1 Piɛle 5:14

'A bhɛlebhɛlele-, 'a tutule- -nayuasɛ "ku. "Kuwɔtɛ ko 'anye 'klekle "ku, 'anye -wa -kole lɛ "ku Klise "me ne.

3 Zaa 1:14

'E -kɛ 'dleku nɛɛ: 'E "kɛ -eyi 'ylime 'ye 'na dɛ "ne -la "me tlo, -se -a "kɛ -duku gli- -se -a "kɛ lɛtɛ.

'Ylikloylɛleweli 1:4

-Ame Zaa, 'mɔɔ 'kɛle lɛ Lagɔgligbɛ gbɔɔsɔ -ɛ -ko Azi -glɔ "me -wɛ "ku. -Jɔlo "ne "kuwɛtɛ yi 'anye "ku, -ɛ 'bhale lɛ Lagɔ -ɔ -le, -ɔ -le 'awɔ "ne -ɔ "kɛ yi -wɛ "me! 'Ɛ 'bhale me zuzu gbɔɔsɔ -wa -ko 'ɔnɛɛ 'leyli-gbɔglo 'yli "ku -wɛ "me!