Efɛzenya 6:20 - Nouveau Testament bété de Gagnoa

²⁰ 'Na 'jɛ -ko -jiɛ "me ne, 'mɔɔ -noɔ -lɔ Zezu Kli 'na -lebhelebhenyɔ yɔ, "ɛ 'Denaade ne za. 'A bhubhɔ -se 'kwɛme "kɛ -ame "tamale -se 'e 'cɛ no -wɛ.

Efɛzenya 6:20 Iomraidhean Croise

Nonoli 21:33

"Slojayu "yitɔ -wɛ "kɛ lɔbhɔ 'nyiɔ ne, Pɔle 'ye 'ɔ 'sa -lɔ, "ne 'ɔ yi -lɔ no -gbɔ 'wa 'gbɛtelo 'gɔgɔ "sɔ nu, "ne 'ɔ yi -lɔ lo 'yɔbhɔ -gbɔ: «sɔɔnyɔ yɔ bhɔ? "Ne 'ye 'ɔ -no bhɔ?»

Nonoli 26:29

"Ne Pɔle yi -lɔ -klɔgbɔnyɔ Aglipa bhulɛle- nɛɛ: «-E kɛ nɛ 'klecɛnya "zo- zle "me "ne 'watɔ, 'e bhubhɔ Lagɔ -gbɔ 'ɛ te "kɛ -eyikɔ "zo, -mɔ -wa 'fo -ame 'yukwli -zeka -wɛ, 'wa "zo -me 'klecɛnya 'neɛ -sɛne. 'E -sɛ "kɛ "bhle 'gɔgɔ -ye 'wa 'gbɛtele -ame nu 'na weli!»

Nonoli 28:20

-Ɛwɛza, 'e la -lɔ 'anye, -se -a "kɛ 'de "ku "zolea-. -Diɛɛ- yɛ -lɔ. 'A -yi -se Izlayɛleyua 'na 'Fuɔnyɔ 'ye 'wa "tɛle 'dle -noɔ -lɔ Zezu 'ye 'wa 'wo yɔ. 'Ɛnɛɛ za, 'wa 'gbɛtele -lɔ -ame 'gɔgɔ nu.»

Nonoli 28:31

Pɔle -sɛle Lagɔ 'na 'Kamalezikpɛ "me 'na 'de -glɔnya, "ne 'ɔ -sloa nɛ -lɔ Anyinɛnyɔ Zezu Kli 'na "ku -kosɛ 'klekle 'nyakpa, 'ɔ "ne "gu nɛ "ne 'nyɔkpɔ "ne bhlu nɛ nuɔ "ku.

Nonoli 5:29

Lɔbhɔ 'ye Piɛle -nyɛ "kɔlepɔnya "bhaa 'di- -lɔ gbo nɛɛ: «'Ɛ 'nɛne -se 'nyɔkpɔ "kɛ Lagɔ 'plome "zo -se 'ɛ "kɛ 'nyakpa "ku zi.

2 Kolɛtenya 3:12

"Ɛ 'dletɛleɛ ne gbɔ -lɔ "ne -a "ne 'gu -lɔ 'Denaade 'na sɛsɛɛ -gɛ.

2 Kolɛtenya 5:20

Zaa, Klise 'na 'tɔme 'ye -a libhi -lɔ weli "ku. 'Diɛɛ, -anye "me 'ye Lagɔ, 'ɔyigɛsɛ la -lɔ 'anye, Klise 'na 'tɔ "me, 'a 'ŋunu "ku -se 'a 'seliɔ gbo 'a -nyɛ Lagɔ "bhaa. -Ɛwɛ, 'ye -a 'yɔbhɔle -lɔ 'anye 'kwɛmetamaleɛ "me.

Efɛzenya 3:1

-Ame, Pɔle, Zezu Kli 'na -jiɛnyɔ 'ye 'e -noɔ -lɔ, 'anye -wa "ne Zufonya 'waa -wɛ 'na 'ylime.

Efɛzenya 4:1

-Ye 'e 'yɔbhɔle 'anye lo "ne 'e piɛle "ku ne lɛ, -ame 'mɔɔ -ko -jiɛ "me Anyinɛnyɔ za -wɛ: Anyinɛnyɔ 'na 'laweli -ye 'a 'no- "me -wɛ, 'a 'nɔŋo "ku.

Efɛzenya 6:19

'A bhubhɔ -me 'lelee 'neɛ za, -se Lagɔ "kɛ -ame 'ɔnɛɛ weli nu "zo. -Se 'e "kɛ 'yliku "tamale- -se 'e "kɛ -ɛ -ko 'diɛɛ "me 'Denaade za -wɛ -sɛ.

Filiponya 1:20

-Ye 'e 'yɔbhɔ -gbɔ 'ɛ 'wlole 'yli "ne 'e -kɛ 'dleku gbigbi -wɛ za, 'neɛ 'klo -ka 'ce 'wli 'kpi zu za. -Mɔ, -dɛme "ne -godogodo, 'neɛ ku "me, 'e -yɛ 'oo, "ne 'e "ku- 'oo, Klise yi 'ce 'ŋlu me "yiɛ.

Filiponya 1:7

'Ɛ -ŋwa sɔbhɔ, -se 'e "kɛ soɔ 'anye 'klekle 'na 'ŋwɛnɛ "me 'kɛle- -wɛ. "Naa-, 'e "zo- 'anye 'neɛ 'dlezɔ. Sɛko -wɛ, Lagɔ 'na libhɔ -ye 'ɔ 'je- -ame kɔ -jɔlosɛ -wɛ, 'anye 'klekle 'a -no me. -Dɛme 'na -dee 'e -ko -jiɛ "me ne, 'a no "ɛ Lagɔ 'na libhɔ -wɛ "yiɛ. -Dee 'e -yele nɛ kɔ "ne 'e me nɛ Lagɔ 'na 'Denaade 'na 'gboziɛka -zejilɛku -wɛ, 'e -yi sɛ -gbɔ 'a -ko nɛ -ame keyi.

Kolɔsenya 4:3

'A 'bhubhɔ -me 'lelee -anyɛɛ za, -se Lagɔ "kɛ -kɛ -gbɔ -se 'a "kɛ -kɛ 'ɔnɛɛ 'Denaade sɛ, -se 'a "kɛ 'ɔnɛɛ diɛweli gbɛklɛklɛ 'piɛ-. 'Ɛ diɛweli -wɛ Zezu Kli 'na "kukoweli yɛ -lɔ. 'Ɛ weli -wɛ za 'e -ko -lɔ -zeka -jiɛ "me.

Kolɔsenya 4:4

Zaa, 'a 'bhubhɔ, -se 'e "kɛ 'ɔnɛɛ "kukoweli bhulɛ gbɛklɛklɛ.

1 Tesalonikenya 2:2

"Naa-, 'a -yi sɛ -see -a 'gbape-, "ne -see 'wa -yli -anye Filipodu "me, -mɔ, Lagɔ nyɛ- -anye 'kwɛmetamaleɛ "ne -a yi -lɔ 'anye 'ɔnɛɛ 'Denaade -sɛle 'gbapegbapeɛ "me.

2 Timote 1:16

Zaa, Anyinɛnyɔ 'tua 'ɔnɛɛ "nɛnekoɛ Onezifɔle 'na -gligbɛnya 'ylime. "Naa-, 'ɔ "tamalea nɛ -ame 'kwɛme 'yiɛ, "ne -ame "mɔ -ko -jiɛ "me -wɛ ne, 'e no 'zu "ku -lele.

2 Timote 2:9

"Ɛ 'Denaade ne za 'e gbape -lɔ, "ne 'wa -gwale -lɔ -ame gɔgɔ nu sɛgbɛɛ 'nyɔkpɔ -gbeyi. -Mɔ, Lagɔweli "ne 'gwɔ-!

Filemɔ 1:10

'e zlɛ -eyi Onezime za, 'ɔ "zo- -ame Yowli 'mɛne -jiɛ "me.

Filemɔ 1:9

-Mɔ, -waleɛ 'na 'ylime, 'e 'yɔbhɔ -gbɔ 'e "kɛ -eyi zlɛ. Sɛko -dɛme ne, -diɛɛ, -ame Pɔle, -nyɛbhlogɔgɔ 'mɔɔ -ko -dɛme -jiɛ "me Zezu Kli za ne,

1 Zaa 3:16

Sɛne 'ye -a -yibhlele -lɔ -waleɛ: Zezu 'bhale- 'ɔnɛɛ zikpɛ "me -anyɛɛ za. Zaa, -anye 'lelee, -a yi -anyɛɛ zikpɛ "me 'bhale- -me -a "nowlia 'wɔ za.

Zude 1:3

-A 'tito -awale, 'e 'yɔbhɔ nɛ kpɛnyee -gbɔ 'e "kɛ 'anye "ku 'kɛle 'popoɛ -ɛ -noɔ -anye 'klekle nɛ yɛ -wɛ za. -Mɔ, -dɛmeda, 'e yi 'kɛle klepaa, -se 'e "kɛ 'anye 'kwɛme "tamalea-. 'A 'gwele- 'ayi kɔ, 'dlekukɛleɛ 'ye Lagɔ 'je- -godogodo 'na dɛ -wa -noɔ 'ɔnoa 'waa -wɛ kɔ za.