Efɛzenya 6:19 - Nouveau Testament bété de Gagnoa

¹⁹ 'A bhubhɔ -me 'lelee 'neɛ za, -se Lagɔ "kɛ -ame 'ɔnɛɛ weli nu "zo. -Se 'e "kɛ 'yliku "tamale- -se 'e "kɛ -ɛ -ko 'diɛɛ "me 'Denaade za -wɛ -sɛ.

Efɛzenya 6:19 Iomraidhean Croise

Nonoli 13:46

"Ne Pɔle -nyɛ Banabase "bhaa 'wa yua -lɔ 'dle -wɔtɛsɛ bhulɛle nɛɛ: «'Anye 'wa "kɛ nɛ -lɔ "ɛ Lagɔweli bhulɛle- tɛɛ! -Mɔ, 'a -sɛ 'ɛnɛɛ lo "ne 'a 'bhlele -lɔ 'ayigɛsɛ 'ayi gbo nɛɛ: 'A "ne 'bhɛle- "ne 'a "kɛ -zikpɛ 'na -ɛ -ka "kubhiɛ -wɛ yle. 'Ɛza, -a mele- -da -lɔ -wa "ne Lagɔ -yi -wɛ lo.

Nonoli 14:3

-Mɔ, Pɔle -nyɛ Banabase "bhaa -ko 'awɔ Ikoniɔme -du "me, 'wa -gwlɛ 'awɔ "bhle kpɛnyee. "Ne 'wa sɛle 'awɔ -lɔ "bhle Lagɔ 'na 'Denaade 'nyakpa, 'wa "ne "gu 'awɔ. "Ne Anyinɛnyɔ yua -lɔ 'ɔnɛɛ 'bhɛloɛ "nyɛ -se 'wa "kɛ zɛzɛ "pɔ 'ɛ -nyɛ -li 'na -ɛ -sɛ geji "ku "bhaa, 'wayi 'ye 'ɛ 'bhale -lɔ kɔ.

Nonoli 18:26

'Ɔ bhulɛ 'awɔ -gbaa Zufonya 'na "mebhubhɔlebhudu "me "ne 'ɔɔ "gu, -sɔɔdɛku Plisile "ne Akilase 'no- 'ɔnɛɛ bhulɛweli "me -wɛ, lɔbhɔ 'wa libhilo- -lɔ "ku "ne 'wa yu -lɔ sueme kɔme. "Ne 'wa yu -lɔ Lagɔ 'na -gwe 'na 'ye 'ɔ "kɛ -bhli -kpee -wɛ 'dɛ sloa-.

Nonoli 19:8

Pɔle me 'awɔ Zufonya 'na "mebhubhɔlebhudu "me 'yli 'oo -yli, 'ce ta 'na dɛ, 'dlekukɛlesɛ. 'Ɔ bhulɛloa 'awɔ Lagɔ 'na 'Kamalezikpɛ 'na weli, -se -wa 'fo 'yukwli -wɛ "kɛ kɔ "bheliɔ-.

Nonoli 2:4

"Ne 'wayi 'klekle Zuzu Wlewle yua -lɔ "ku 'yiɛ -gwizii, "ne -ɔkɔkokɔko yi -lɔ gbo 'na -vinɛ gbɔ -ye Zuzu Wlewle 'pɔ- 'nu -wɛ.

Nonoli 28:31

Pɔle -sɛle Lagɔ 'na 'Kamalezikpɛ "me 'na 'de -glɔnya, "ne 'ɔ -sloa nɛ -lɔ Anyinɛnyɔ Zezu Kli 'na "ku -kosɛ 'klekle 'nyakpa, 'ɔ "ne "gu nɛ "ne 'nyɔkpɔ "ne bhlu nɛ nuɔ "ku.

Nonoli 4:13

'Wa -gɛyli -gbɔ Piɛle -nyɛ Zaa "bhaa 'wa kɛ bhulɛ 'wa "ne 'gu "ne 'wa bhulɛ -wa -kɛ 'wayi 'dleku -wɛ 'nasɛ, "ne 'wa -yi sɛ -gbɔ 'wa "ne -suklu -plɛ, "ne 'nyakpa 'na -ye 'dlezɔ -ko foo 'waa -lɔ. "Ne 'ɛ yua -lɔ nyea-. "Ne 'wanɛɛ 'dle yi -lɔ lɔbhɔ 'sibhɔ -gbɔ Zezu 'na gɛlenya 'waa -lɔ.

Nonoli 4:29

Zaa, Anyinɛnyɔ, -Dɛmeda, 'wolo- -see 'wa no -gbɔ 'wa "kɛ 'anye gbo no -wɛ "ku, -se -e "kɛ -neɛ' "kulɔbhɔnya 'kwɛmetamalea-, 'wa te -kɛ "gu -se 'wa "kɛ -neɛ' weli -glɔnya -sɛle.

Nonoli 4:31

'Wa "kɛ bhubhɔ- "bhuɔ ne, "ɛ -bhudu -mee 'wa "zole- 'wli -wɛ yi -lɔ tɛtɛle-, "ne Zuzu Wlewle yua -lɔ "ku 'yiɛ "ne 'wa bhulɛ nɛ Lagɔ 'na weli 'dlekutɛnoɛ "me.

Nonoli 9:27

"Ne Banabase yi -lɔ Sɔle "kɔlepɔnya 'na ko -dɛ "me kɔme-. "Ne 'ɔ yua -lɔ bhulɛle-, -see 'ɛ -ylɛle 'klekle Damase 'na -gwe "ku -wɛ. -See Sɔle 'ye- Anyinɛnyɔ 'ylime, "ne -see Anyinɛnyɔ -bhulɛlo -wɛ. "Ne -see Damase 'na 'du "me, Sɔle -sɛ Zezu Kli 'na 'Denaade 'dlekukɛlesɛ "ne 'ɔ "ne nɛ gu-.

Nonoli 9:29

'Ɔ mele me 'awɔ 'lelee Zufonya -wa gbɔ glɛkegbo -wɛ lo, "ne 'wa lɛtɛ 'awɔ -lɔ. -Mɔ, 'wayi ne, 'wa 'yɔbhɔ nɛ -gbɔ 'wa "kɔ 'lɔbhɔ -se 'ɔ "kɛ "ku.

Wlomɛnya 15:30

-Nyɔsɔwanye, -a 'gwele- 'gɔme 'a "kɛ 'neɛ za Lagɔ bhubhɔ. 'E 'yɔbhɔle 'anye Anyinɛnyɔ Zezu Kli "ne -waleɛ -ye Zuzu Wlewle 'je -anye kɔ -wɛ "me.

Wlomɛnya 16:25

Lagɔ me 'ŋlu! 'Ɔ -kɛ 'bhɛloɛ -se 'ɔ "kɛ 'anye "me "tamalea- 'Denaade -ye 'e 'sɛle 'anye Zezu Kli za -wɛ "me. "Ɛ 'Denaade ne "me, Lagɔ 'sloa 'ɔnɛɛ diɛweli -ɛ zizɔ- nɛ "ku -godogodo -wɛ 'dɛ.

1 Kolɛtenya 1:5

"Naa-, 'ɔyi "me, Lagɔ 'nyɛ- 'anye -klɔgbɔ 'klekle, bhulɛweli 'klekle, "ne -li 'klekle 'na yibhlelesɛ.

1 Kolɛtenya 2:7

-Anye, -a -sloa Lagɔ 'na 'ylimeyamaleɛ -ɛ zizɔ- 'awɔ "ku -wɛ. -Mɔ, zikpɛ "ne 'awɔ -le, "ne Lagɔ 'sɛa -lɔ lɔbhɔ 'ɛ 'ylimeyamaleɛ ne -se 'ɛ -kɛ -anye 'ŋlu 'kwa.

1 Kolɛtenya 4:1

'Wa 'wolo- -anye "ku sɛgbɛɛ Klise 'na "kulɔbhɔnya. -Anyɛɛ libhɔ -noɔ -lɔ -gbɔ -a -sɛ Lagɔ 'na 'gbɛklɛklɛweli -ɛ zizɔ- "ku -wɛ 'na 'de.

2 Kolɛtenya 1:11

"Ne 'anye 'lelee, 'a kɛ -anyɛɛ za bhubhɔ ne, 'kwɛle -ye 'a kwɛle -lɔ -anye. 'Ɛɛ "kɛ -lɔ gbɔ "ne -a "kɛ -lɔ Lagɔ 'na -li 'na -li yle-, 'nyakpa -kwleyia 'na bhubhɔweli "me. 'Ɛza, 'nyakpa -kwleyia "kɛ 'lelee -lɔ Lagɔ 'ŋlu -kwa -anyɛɛ za.

2 Kolɛtenya 3:12

"Ɛ 'dletɛleɛ ne gbɔ -lɔ "ne -a "ne 'gu -lɔ 'Denaade 'na sɛsɛɛ -gɛ.

2 Kolɛtenya 6:11

'Anye Kolɛte 'na 'nyakpa -wɛ, -a bhulɛle- 'anye gbɛklɛklɛ, -a "ne 'anye -bɛɛ' 'ylime zizile-.

2 Kolɛtenya 7:4

'E -kɛ 'anye 'dleku "yitɛ "ku, "ne 'a -le -ame 'ŋwɛnɛ "ku kpɛnyee. 'Ɛza, 'gbapegbapeɛ 'klekle -ye 'e -yle -wɛ, 'kwɛme 'tɛ- -ame 'gbigbi, "ne 'ŋwɛnɛ miɛle- -ame 'wli "ku.

2 Kolɛtenya 8:7

'Anyɛɛ -ye 'a -kɛ -wɛ -zu kpɛnyee, "ne 'a -noɔ -lɔ 'dlekukɛlenya 'wa, "ne 'a bhulɛ 'tee. "Ne 'a -yi -li -kwleyi, "ne 'anyɛɛ -li "ne 'gwlɛ "me "ne 'a no cuu. "Ne 'a -kɛ -anyɛɛ 'ŋwɛnɛ "me. Zaa, 'a 'tua -me 'lelee 'nyakpa 'ylime -gbɔ 'a -ko 'nɛne kpɛnyee.

Efɛzenya 1:9

'Ɔ -tua -anye -ye 'ɔ "kɛ nɛ no "ne 'ɛ -ko -diɛɛ "me -wɛ 'ylime. 'Ɔnɛɛ "nɛnekoɛ "me, 'ɔ -sɛ nɛ lɔbhɔ "kle -ye 'ɔ no -gbɔ 'ɔ "kɛ no -wɛ Klise za.

Efɛzenya 3:9

'E -yle -me 'lelee -jɔlo -se 'e "kɛ -gbɛklɛklɛ 'nyakpa 'klekle 'sloa, -se Lagɔ 'wlolea 'ɔnɛɛ 'diɛɛ weli 'yli -wɛ. 'Ɔyi, Lagɔ, -ɔ noɔ -li 'klekle 'na 'wlɛnyɔ yɔ -wɛ zizi- 'awɔ 'ɔnɛɛ 'diɛɛ weli 'ɔyi "me -godogodo 'ce.

Kolɔsenya 2:2

'E 'yɔbhɔ -gbɔ 'wa "tamale 'dleku, -se 'wa -kole "ku 'ŋwɛnɛsɛ, -se 'wanɛɛ "nanoɛ 'kpɔmale-, -se 'wa "kɛ Lagɔ 'na -ɛ zizɔ- "ku -wɛ yibhlele-, Klise -noɔ -lɔ -ɛ zizɔ- "ku -wɛ yɔ,

Kolɔsenya 4:3

'A 'bhubhɔ -me 'lelee -anyɛɛ za, -se Lagɔ "kɛ -kɛ -gbɔ -se 'a "kɛ -kɛ 'ɔnɛɛ 'Denaade sɛ, -se 'a "kɛ 'ɔnɛɛ diɛweli gbɛklɛklɛ 'piɛ-. 'Ɛ diɛweli -wɛ Zezu Kli 'na "kukoweli yɛ -lɔ. 'Ɛ weli -wɛ za 'e -ko -lɔ -zeka -jiɛ "me.

1 Tesalonikenya 2:2

"Naa-, 'a -yi sɛ -see -a 'gbape-, "ne -see 'wa -yli -anye Filipodu "me, -mɔ, Lagɔ nyɛ- -anye 'kwɛmetamaleɛ "ne -a yi -lɔ 'anye 'ɔnɛɛ 'Denaade -sɛle 'gbapegbapeɛ "me.

1 Tesalonikenya 5:25

Zaa, -nyɔsɔwanye, 'a bhubhɔ- -me -kɛ -anyɛɛ za Lagɔ.

2 Tesalonikenya 3:1

Zaa, -Nyɔsɔwanye, 'a 'bhubhɔ -me -kɛ -anyɛɛ za, -se Anyinɛnyɔ 'na weli "kɛ -kɛ moɔ 'klekle ŋwɛne-, -se 'ɛ "kɛ 'plome ko, -see 'ɛ -ylɛle 'anye 'glɛme -wɛ.

1 Timote 3:16

-Ɛɛ, -diɛɛ yɛ -lɔ. Lagɔ 'na -diɛweli -ɛ zizɔ- 'Denaade "me "ne -a yibhlele- 'dlekukɛleɛ "me -wɛ 'kpɔ kpɛnyee. Klise tua- -anye 'ɔyi 'ylime 'nyɔkpɔ sɛ; 'Ɔ ŋwinɛle- "me, Zuzu Wlewle 'ŋunu -me "ku, "nɔgɔzilia 'yo- 'ylime, "Ne 'wa -tuɔ -glɔ 'klekle 'ylime, 'Wa -kɛlo 'dleku dodo ne "ku, "Ne "nɔgɔ "me, 'ɔ -me 'ŋlu.

Filemɔ 1:22

-Dɛme ne, -sɛ -kɛ lɔbhɔ 'neɛ -plɛdɛ. 'E 'pɔ 'dle -gbɔ 'anyɛɛ bhubhɔweli kɔ, 'e yi "kusɔ 'anyɛɛ moɔ yi.

Eblenya 13:18

'A bhubhɔ- -anyɛɛ za, -mɔ, -anye, -a -kɛ 'dleku -gbɔ -a "ne 'anye weli kɔ -nyimɔle, "naa-, -li 'na -li 'na nonoɛ 'ye -a 'tɛle -lɔ siɛ -godogodo.