Efɛzenya 6:18 - Nouveau Testament bété de Gagnoa

¹⁸ 'A bhubhɔ -se 'a te -kɛ 'diɔle. 'Anyɛɛ bhubhɔweli "ne 'anyɛɛ zlɛweli 'klekle 'a -ylɛle Zuzu Wlewle "me! 'A 'luɔ- -kɛ, -se 'a bhubhɔ -godogodo 'wlewlea 'klekle za, -se 'a te 'diɔle.

Efɛzenya 6:18 Iomraidhean Croise

Matie 17:21

Bhubhɔweli "ne nuɛteɛ "me 'ɛyikɔ 'ye 'wa 'kpetile -lɔ soɔ 'na zuzu -nyɛnye.»

Matie 26:41

'A 'ple yli, -se 'a bhubhɔ-, 'a te -kɛ "mebeamɔ 'bhlile-, -mɔ, 'nyɔkpɔ 'yɔbhɔ -gbɔ 'ɔ "kɛ 'nɛne no, -mɔ, 'kwɛme "no 'tɛ- -se 'ɔ "kɛ 'nyinyonoli "guɔ 'ylile-.»

Malke 13:33

Zaa, 'a te -kɛ ŋɔŋo, -se 'a te -kɛ 'ayi "ku 'dlule-. "Naa-, 'a "ne -sɔɔdɛku 'ɛ "kɛ yi -wɛ -yi zɛ.

Malke 14:38

'A 'ple yli, -se 'a bhubhɔ-, 'a te -kɛ "mebeamɔ 'bhlile-, -mɔ, 'nyɔkpɔ 'yɔbhɔ -gbɔ 'ɔ "kɛ 'nɛne no, -mɔ, 'kwɛme "no 'tɛ- -se 'ɔ "kɛ 'nyinyonoli "guɔ 'ylile-.»

Luke 21:36

'A 'ple 'yli -se 'a ko lɔbhɔ, 'a bhubhɔ- 'yiɛ -se "ɛ -li -nyɛnye -wɛ 'klekle te -kɛ 'anye yle. 'Nyɔkpɔ Yowli kɛ -yi 'a "kɔ 'yliku 'nyegbe -me.

Luke 22:46

"Ne 'ɔ yua -lɔ bhulɛle- nɛɛ: «'Anye, 'ylɛ 'ye 'a klu bha! 'A -sɔ "ku, 'a bhubhɔ- -se 'a te -kɛ "mebeamɔ 'bhlile-!»

Luke 3:26

Nagayi, 'ɔ 'to 'pa- Maate. Maate, 'ɔ 'to 'pa- Matatiase. Matatiase, 'ɔ 'to 'pa- Semeyine. Semeyine, 'ɔ 'to 'pa- Zosɛke. Zosɛke, 'ɔ 'to 'pa- Zoda.

Luke 3:37

Lemɛke 'ɔ 'to 'pa- Matuzalɛme. Matuzalɛme 'ɔ 'to 'pa- Enɔke. Enɔke 'ɔ 'to 'pa- Yelɛde. Yelɛde 'ɔ 'to 'pa- Malaleɛle. Malaleɛle 'ɔ 'to 'pa- Kenane.

Nonoli 1:14

'Wayi 'klekle, 'gɔme- 'wa bhubhɔle 'awɔ -lɔ kpɛnyee nuɛ -bholo "me. 'Wa -nyɛ Zeluzalɛme 'na 'ŋwenea 'na yɛ "bhaa, Zezu 'ɔ "nɔ Mali -ko -moa 'awɔ 'glɛme, 'ɔ -nyɛ Zezu 'ɔ "nowlia "bhaa.

Nonoli 10:2

'Ɔ tɛle- Lagɔ 'dle "ne 'ɔ gu Lagɔ -gɛ, 'ɔ -nyɛ 'ɔnɛɛ -bhudu "me 'na -konya "bhaa. 'Ɔ 'kwɛle "nyɛzenya, "ne 'ɔ bhubhɔ Lagɔ zle 'klekle "me.

Nonoli 12:5

Piɛle -ko -jiɛ "me 'yiɛ. 'Ɔnɛɛ za, Lagɔgligbɛ "me 'na 'nyakpa bhubhɔ nɛ Lagɔ 'yiɛ.

Nonoli 6:4

-se -anye -a "kɛ bhubhɔweli -nyɛ Lagɔweli "bhaa 'na libhɔ "me ko 'ɛyikɔ.»

Wlomɛnya 12:12

'Ŋwɛnɛ 'lɔbhɔ 'anye, -see 'a "tɛle- 'dle -wɛ za. "Nyɛnye "kɛ 'anye -yle ne, 'a 'piɛ- "bhle 'dle -vlee, -se 'a bhubhɔ 'yiɛ.

Wlomɛnya 8:15

"Ne Zuzu 'na -ye 'a -yle -wɛ, "ne 'anye 'juyua 'na -wa -gu -namlɛ 'yiɛ "zoa-, -mɔ, 'ɔ "zoa- 'anye Lagɔ 'na yua. "Ne "ɛ Zuzu -wɛ "me, 'ye 'a 'kpale -lɔ Lagɔ "me "ne 'a no -lɔ: «-Abba! To!»

Galatenya 4:6

"Naa-, 'ɔnɛɛ yua 'ye -a -noɔ -lɔ -diɛɛ, 'ɛ -noɔ -lɔ nɛɛ: Lagɔ -nɛme -anye 'ɔ Yowli 'na Zuzu 'dlezɔ, "ɛ Zuzu -wɛ -gbɔ -lɔ "ne -a no -lɔ: -Abba Lagɔ!

Efɛzenya 1:16

'e sɔbhɔle- -lɔ 'anyɛɛ 'tɔ 'e kɛ 'bhubhɔ, "ne 'e bhɛle -lɔ Lagɔ, "ne 'e "ne 'diɔle -lɔ 'anyɛɛ za.

Efɛzenya 2:22

Klise "bhaa 'na "kukoleɛ "me, 'anye 'lelee, 'wa 'sɔbhɔle- -me 'anye "ɛ -bhudu -wɛ. "Ne -wawɛ 'klekle 'wɔ "bhaa, 'a "zo- -lɔ -bhudu -dee Lagɔ -ko -wɛ, Zuzu Wlewle za.

Efɛzenya 3:18

Sɔbhɔ za, 'a 'bhɛle -se 'a "kɛ Klise 'na -waleɛ 'na -se 'ɛ -le "klo, -se 'ɛ tlo, -se 'ɛ -to "ku "ne -se 'ɛ tlo "me -wɛ "me 'no 'wlewlea 'klekle "bhaa.

Efɛzenya 3:8

-Ame Pɔle, 'mɔɔ -noɔ -lɔ 'klecɛnya 'klekle 'na 'glɛme 'na yu yɔ. -Mɔ 'ɛ -ko "ɛ -soɔ "ne 'e -yle lɛ -jɔlo ne: 'E "kɛ -wa "ne zufonya 'waa -wɛ Klise 'na -klɔgbɔ -ɛ "ne "nenidɛ -kɛ -wɛ 'na 'de -sɛle.

Efɛzenya 6:19

'A bhubhɔ -me 'lelee 'neɛ za, -se Lagɔ "kɛ -ame 'ɔnɛɛ weli nu "zo. -Se 'e "kɛ 'yliku "tamale- -se 'e "kɛ -ɛ -ko 'diɛɛ "me 'Denaade za -wɛ -sɛ.

Filiponya 1:4

-Se 'e bhubhɔ 'ce 'anyɛɛ za 'yiɛ- -wɛ, 'ŋwɛnɛsɛ 'ye 'e bhubhɔ 'ce -lɔ.

Filiponya 4:6

-Bɛɛ' 'na 'dlebhɛ te 'anye 'lɔbhɔ, -mɔ, -dee 'ɛ "mɛ -ko "ne -dee 'ɛ kɛ -ko, 'a zlɛ Lagɔ -ye 'a 'yɔbhɔ -wɛ, bhubhɔweli "me, "ne 'dle 'na -dle kɔ, -se 'a 'bhɔlo-.

Kolɔsenya 1:3

-A kɛ bhubhɔ ne, -a bhɛle 'ce 'anyɛɛ za Lagɔ -godogodo, Anyinɛnyɔ Zezu Kli 'ɔ To.

Kolɔsenya 1:4

-Ye -a 'no- 'anyɛɛ dɛku ne lɛ: 'A -kɛ Zezu Kli 'dleku, "ne 'a -wa -wa -noɔ Lagɔ -noa 'waa 'klekle -wɛ.

Kolɔsenya 4:2

'A 'bhubhɔ -godogodo, 'a 'kwa Lagɔ 'ŋlu -se 'a te 'diɔle.

1 Tesalonikenya 5:17

-Se 'a bhubhɔ- 'yiɛ.

1 Timote 2:1

-Ye 'e 'yɔbhɔle 'anye "me lo -noɔ -lɔ nɛɛ -li kleklee "me, 'a -zlɛ Lagɔ, -se 'a bhubhɔ, 'a "pɔlo kokomini yɔko, -se 'a bhɔlo 'nyakpa 'klekle za.

2 Timote 1:3

-Se titiɛ yi "ne zle ze -wɛ, 'e "kɛ bhubhɔ 'e 'di 'ce 'neɛ -tɔ 'yiɛ. "Ne 'e bhɛle Lagɔ -ye -e lɔbhɔ "ku 'dle -wɔtɛ "me -wɛ, -se -a 'to 'wa 'to 'wɔ 'sɛ- -wɛ.

Filemɔ 1:5

'Naa-, 'e no -see -e -kɛ 'wlewlea 'klekle 'na 'ŋwɛnɛ "me, "ne -see -e -kɛ Anyinɛnyɔ Zezu 'dleku.

Eblenya 5:7

-Sɔɔdɛku Klise -ko dodo ne "ku -wɛ, 'ɔyi, 'ɔ -bhubhɔ Lagɔ, 'ɔ 'tulo- "me, 'ɔ "kpa- "me "yitɛ "ku "ne miɛ 'kwli- -lɔ. 'Ɔ bhubhɔ Lagɔ -ɔ -kɛ 'bhɛloɛ -se 'ɔ "kɔ nɛ 'kwiɛ 'yli -sɛ -wɛ. "Ne Lagɔ 'no- "me, sɛko -wɛ 'ɔ 'tɛlo- 'dle zɛ.

1 Piɛle 4:7

Zikpɛ 'na "kubhiɛzle "ne -la dɛtlo. Zaa, 'a 'yamale- 'ylime, 'a te kɛ nonoli "me 'diɔle-, -se 'a "kɛ -kɛ bhubhɔ.

Zude 1:20

-Mɔ, 'anye, 'dleglɛtitoa nye, 'anyɛɛ zikpɛ 'ɛ 'gli 'anyɛɛ 'dlekukɛleɛ 'wlewle "me. 'A bhubhɔ- -se Zuzu Wlewle "kɛ 'anye kwɛle-.