Efɛzenya 6:12 - Nouveau Testament bété de Gagnoa

¹² 'Bhɔ, 'nyakpa "bhaa "ne -a -gba "kɛ -kɛ 'gwe. -Mɔ, zuzu -nyɛnyea 'na 'bhɛloɛ -ɛ -ŋnɛ kpɛnyee -wɛ "bhaa yɛ -lɔ. -Wa -kɛ 'bhɛloɛ "ne 'wa 'kamalea "ne -wa -su 'sabo -titiɛ "me zikpɛ -wɛ 'waa -lɔ, zuzu -nyɛnyea -wa -ko "nɔgɔ -nyɛ dodo "bhaa 'na gbanyede -wɛ "bhaa "ne -a 'gwe -lɔ.

Efɛzenya 6:12 Iomraidhean Croise

Matie 16:17

"Ne Zezu yi -lɔ "kusɔ weli "ku "libhile, 'ɔ nɛɛ: «'ŋwɛnɛ 'lɔbhɔ 'se -eyi Simɔ, Zonase yowli, "naa-, 'nyɔkpɔ "ne -eyi 'dleku 'pɔ-, -mɔ, -ame To -ɔ -ko "nɔgɔ "me -wɛ 'pɛ- -lɔ -eyi 'dleku.

Malke 4:19

-mɔ 'wanɛɛ 'wli -zu zikpɛ ne "ku 'na -li 'klekle 'na mɔ kpɛnyee: "Bhle 'na -klɔgbɔ -ɛ no ylo -wɛ, "ne 'wanɛɛ 'dle 'yɔbhɔ dodo ne "ku 'na -li 'klekle. -Ɛwɛ 'klekle ploa -lɔ "me "ne 'ɛ wale -lɔ Lagɔweli "ku. -Ɛwɛza Lagɔweli "ne 'bhɛle- "ne 'ɛ "kɛ bhi tlo.

Luke 13:24

«'A 'tɔtɔle- -kɛ 'ayi kɔ, -se 'a "kɛ -kɛ -gbanuɛgwe 'tekeyi "me ylɛle- -me, "naa-, 'e bhulɛle 'anye nɛɛ: 'Nyakpa -kwleyia yi 'ce "bhle 'na plɛplɛɛ siɛtɛle-, "ne 'wa -ka 'ce "bhle plɛ.

Luke 22:53

-Sɔɔdɛku zle o -zle 'anye 'wɔ "bhaa -a -ko nɛ "Mebɔbɔlebhudu "me -wɛ, 'a "ne -ame 'sa-, -mɔ, 'anyɛɛ 'gle -ylɛ -lɔ -dɛme ne, -dee Zuzu -nyɛnyea kamalea titiɛ "me -wɛ.»

Zezu Kli 'na 'Denaade ‑ye Zaa kɛle‑ ne lɛ 12:31

-Dɛmeda, lɔbhɔ 'ya ylɛ, -dee 'wa "kɛ lɛ dodo ne "ku 'na 'nyakpa 'gbobhlele. -Dɛmeda ne, "kɛ -da dodo ne "ku 'na "cifi -nyɛnye zikpɛ "ku "pɔ.

Zezu Kli 'na 'Denaade ‑ye Zaa kɛle‑ ne lɛ 14:30

'Ɛ 'bhale lɛ dɛne ne, 'e -ka -la 'anye weli 'na "kwleyi bhulɛle-. "Naa-, dodo ne "ku 'na "cifi -nyɛnye yi zɛ. 'Ɔ "ne -ame 'bhɛle-,

Zezu Kli 'na 'Denaade ‑ye Zaa kɛle‑ ne lɛ 16:11

"ne gbobhlelesɛ 'na dɛku, "na Sata -bhleleɔ gbo "klee.

Nonoli 26:18

-Se -e "kɛ 'wanɛɛ 'yli "ku -vulu, -se 'wa "kɛ titiɛ "me 'bha, 'se 'wa "kɛ zle "ku 'sibhɔ. -Se 'wa te -kɛ -la Sata 'na 'bhɛloɛ "me ko, -se 'wa "kɛ Lagɔ lo 'yli. -Wa -kɛ -ame 'dleku -wɛ, 'wanɛɛ 'nyinyonoli 'na gbo yi "ku 'titliɔ-. "Ne 'wa yi Lagɔ 'na "gugbɛ 'na 'cibhɛ yle -me, -wa -kɛ -ame 'dleku -wɛ 'nasɛ.

Wlomɛnya 8:38

"Naa-, 'diɛɛ, 'e -kɛ 'dleku gbligbli, -bɛɛ' 'na -vinɛ "ne 'bhɛle- "ne 'ɛ "kɛ -anye Lagɔ 'na -waleɛ -ye 'ɔ -tua -anye 'ylime Anyinɛnyɔ Zezu Kli "me 'ylime -seselia. 'Ɛ "zo 'kwiɛ, zikpɛ, "nɔgɔzilia, zuzu 'wɔ, -zeka "ne 'zegbɛ, -ye -a -gɛ 'yli, "ne -ye -a "ne 'yli -gɛ -wɛ, "ne -wa -kɛ 'bhɛloɛ -wɛ, "ne "nɔgɔ "me 'na 'bhɛloɛ, "ne dodo ne "ku 'na 'bhɛloɛ, 'ɛ -nyɛ 'wlɛwlɛli 'klekle "bhaa, -bɛɛ' "ne 'bhɛle "ne 'ɛ "kɛ -anye -nyɛ Lagɔ "bhaa 'na -waleɛ 'ylime -seselia!

1 Kolɛtenya 15:50

-Nyɔsɔwanye, 'ye 'e no -gbɔ 'e "kɛ bhulɛ ne lɛ: 'Ɛ -noɔ ku -nyɛ 'dlu "bhaa yɛ -wɛ -ka -kɛ Lagɔ 'na 'Kamalezikpɛ "me "mɔme. "Ne -ɛ "kɛ 'zu -wɛ "ne 'bhɛle "ne 'ɛ "kɛ zikpɛ 'na -ɛ -ka "kubhiɛ -wɛ yle -me.

2 Kolɛtenya 11:14

'Ɛ "ne 'nyea 'se: "Naa-, Sata 'nabhɛ zigbalea 'ɔyi "me sɛgbɛɛ "nɔgɔzilɔ -ɔ 'le "ku -wɛ.

2 Kolɛtenya 4:4

"ne -wa "ne Lagɔ 'na weli 'dleku -kɛ, Sata, dodo ne "ku 'na lagɔ gba- 'wanɛɛ "nɛnoɛ "ku. 'Ɛza, 'wa "ne zle -ɛ -ko 'Denaade "me, "ne 'ɛ -noɔ Klise 'na 'ŋlu 'na -ylo yɛ -wɛ 'yli -gɛ. 'Ɔyi, -ɔ -noɔ Lagɔ 'na 'wlole yɔ -wɛ.

Galatenya 1:16

"Ne 'ɔ yi -lɔ -ame 'ɔ yowli 'yliklo ylalea- -se 'e "kɛ 'ɔnɛɛ "ku 'na 'Denaade -wa "ne Zufonya 'waa -wɛ -sɛle. Zaa, 'e "ne 'se 'nyɔkpɔ lo 'yɔbhɔ- -gbɔ 'ɔ "zo -ame 'de "me.

Efɛzenya 1:21

"Cifia 'na 'kamaleɛ 'klekle, "ne 'bhɛloɛ 'klekle, 'kwɛmetamaleɛ 'klekle, 'kamalenya "yitia 'klekle, -soɔ 'ye Klise gblua- -lɔ 'wlime. 'Ɔ 'gbli- -ɛ -le "kle -wɛ 'kwlɛ 'wlime, 'ɛ "ne -kɛ -zeka 'na zikpɛ ne 'ɛyikɔ yɛ, -mɔ, zikpɛ 'na -ɛ "kɛ 'lelee yi -wɛ -ko -me -kɛ 'bhle.

Efɛzenya 1:3

-A 'kwa Lagɔ 'ŋlu Anyinɛnyɔ Zezu Kli 'ɔ To! 'Ɔ 'pɔ- -anye 'ŋu "ne 'ɔ 'nyɛ- -anye Zuzu Wlewle 'na 'ŋupɛɛ 'klekle, "nɔgɔ "me Klise "me.

Efɛzenya 2:2

'A -ko 'awɔ 'nyinyonoli "me -sɔɔdɛku 'a -gɛlele 'awɔ dodo ne "ku 'na kosɛ -wɛ. 'A "zo 'awɔ zuzu -nyɛnyea 'na "cifi -ɔ -ko dodo -nyɛ "nɔgɔ "bhaa 'na -jijɛku -wɛ 'plome. "Ɛ "cifi -wɛ, Sata, 'ɔɔ -ko -lɔ -dɛme 'na 'nyakpa -wa "ne "zo Lagɔ 'plome -wɛ 'na zikpɛ "me.

Efɛzenya 3:10

Zaa -Dɛmeda, Lagɔgligbɛ za, "nɔgɔ "me 'na "cifia "ne -wa -kɛ 'bhɛloɛ -wɛ yi Lagɔ 'na "nanoɛ yibhlele-. "Ɛ "nanoɛ -wɛ -see Lagɔ -sloɛ -wɛ -zu kpɛnyee.

Kolɔsenya 1:13

'Ɔ -sɛ -anye titiɛ "me, "ne 'ɔ yi -lɔ -anye 'ɔnɛɛ -wawayu 'na 'Kamalezikpɛ "me 'ylalea-.

Kolɔsenya 2:15

Lagɔ -sɛ zuzu -wɛ 'wɔ 'na 'bhɛloɛ -nyɛ 'wanɛɛ -kamaleɛ "bhaa kɔ. "Ne 'ɔ yua -lɔ -glɔnya 'ylime -tua sɛgbɛɛ -jiɛnya. 'Ɔ Yowli 'na gluzɔ -wlo "tɛnye -wɛ "me.

2 Timote 2:5

"Ɛ sɛbhele -wɛ, Sokwɛpanyɔ "kɛ no -gbɔ 'ɔ "kɛ -ye 'wa 'piɛ- -wɛ yle ne, "ɛ -gbagbɛ -ye 'wa "zo- lɔbhɔ -wɛ 'ye 'ɔ "kɛ -lɔ 'plome "zo.

Eblenya 12:1

'Nyakpa 'na -zakpɛ "yitɛ -ye 'dlekukɛleɛ -ko "me -wɛ -bli -anye. Zaa, -anye -bhele ne, -a "pɔ -li 'klekle -ɛ gbɔ "ne -a "ne 'nyiɔ 'yuku -wɛ 'kwlɛ "me, -a "pɔ 'nyinyonoli -ɛ -bubɔ -anye -fa -wɛ 'kwlɛ "me. -A 'pa- 'sokwɛ -se -a "kɛ -dee 'wa ga -ce ylɛ-.

Eblenya 12:4

'A gwegwele- kɔ -se 'a te -kɛ 'nyinyonoli no, -mɔ 'ɛ -namlɛ -kɛ dlu wlɛ-.

1 Piɛle 3:22

'Ɔ 'gblɛ- "nɔgɔ "me, 'ɔ 'gli- Lagɔ 'na lilikwlɛ -gbɔsɔ "ku. -Dɛmeda, 'ɔ -kɛ 'bhɛloɛ "ne 'ɔ zi "nɔgɔzilia 'klekle -nyɛ zuzu 'klekle -wa 'kamalea "ne -wa -kɛ 'bhɛloɛ -wɛ "bhaa "ku.