Efɛzenya 5:6 - Nouveau Testament bété de Gagnoa

⁶ 'Nyɔkpɔ te 'ce 'anye bhulɛweli -ɛ "ne -bɛɛ' "me -ko -wɛ "me ylo nole. 'Ɛwɛ 'klekle za, Lagɔ 'pɔle- -lɔ -wa 'sɛ 'ɔnɛɛ 'plome -zo -lo -wɛ 'kɛle yɔko.

Efɛzenya 5:6 Iomraidhean Croise

Matie 24:24

"Naa-, 'nyakpa yi 'wayi Ŋwlɛŋwlɛnya la, "ne "guɔkwɔmenya -gbeyia yi yi, "ne 'wa yi zɛzɛ "yitɛ "pɔ. "Ɛ zɛzɛ yi 'kpɔmale- kpɛnyee 'na 'ylime 'ɛnɛɛ 'bhɛloɛ 'ɛ yi nɛ -kɛ 'nyakpa -ye Lagɔ -sɛ lɔbhɔ 'nabhɛ -wɛ 'kwlɛ bhlia-.

Matie 24:4

"Ne Zezu yua -lɔ bhulɛle- nɛɛ: «'A 'luɔle- -kɛ 'ayi "ku! 'Nyɔkpɔ te -kɛ 'anye ylo no.

Malke 13:22

"Naa-, 'nyakpa yi 'wayi Ŋwlɛŋwlɛnya la, "guɔkwɔmenya -gbeyia yi yi, "ne 'wa yi zɛzɛ "yitɛ "pɔ. "Ɛ zɛzɛ yi 'kpɔmale- kpɛnyee 'na 'ylime 'ɛ kɛ nɛ -kɛ 'bhɛle-, 'ɛ yi nɛ -kɛ 'nyakpa -ye Lagɔ -sɛ lɔbhɔ -wɛ 'nabhɛ 'kwlɛ bhlia-.

Malke 13:5

"Ne Zezu yua -lɔ bhulɛle- nɛɛ: «'A 'luɔle- -kɛ 'ayi "ku, 'nyɔkpɔ te -kɛ 'anye 'kwlɛ bhlia-!

Wlomɛnya 1:18

Lagɔ -ko "nɔgɔ "me, "ne 'ɔ tua 'nyakpa 'ɔnɛɛ 'kɛle 'ylime, sɛko -wɛ, 'nyakpa, 'nyinyonolinonya 'waa -lɔ, "naa-, 'wa no "nyɛnye zɛ. 'Wanɛɛ nonolinyɛnye -wɛ za 'wa 'titi -lɔ gbɛklɛklɛ 'yliku.

Kolɔsenya 2:18

'Nyɔkpɔ te kɛ 'anye -see 'a "kɛ 'wli "ku -to -wɛ 'na 'gbo 'dleku -sɛ. 'E 'pɔ 'nyakpa 'na -wa 'kwlilea 'wayi "ku "nɔgɔzilia 'yliku "ne 'wa bɔboa -wɛ "ku 'dle. "Ɛ 'wayi -wɛ 'ylaylɛweli 'wa zia -lɔ "ku. Sɔbhɔ 'na 'nyakpa -wɛ, 'nyakpa sɛku 'wa 'pɔ -lɔ 'dle, "ne 'wa zia -lɔ 'wayi "ku 'bhabha -za.

Kolɔsenya 2:4

'E bhulɛle 'anye "ɛ -soɔ, -se 'nyakpa te "kɛ 'anye bhulɛweli "namanɔ "me ylo nole- zɛ.

Kolɔsenya 2:8

'A 'luɔ- -kɛ! 'Nyɔkpɔ te -kɛ 'anye bhulɛweli 'na -ɛ "ne -bɛɛ' "me -ko, "ne 'ɛ -noɔ 'nyakpasɛ "ku 'na "nanoɛ yɛ -wɛ 'na -gbotu 'anye cile-, -Lɔ -ye 'wa 'wlɛ- 'wayigɛsɛ -wɛ yo yɛ -lɔ, 'nyakpa 'na -Lɔ "me 'ye 'ɛ 'bhale -lɔ, -mɔ, Klise "me 'ye 'ɛ -na 'bhale-.

Kolɔsenya 3:6

-Ɛwɛ 'klekle gbɔ -lɔ "ne Lagɔ 'pɔ -lɔ 'kɛle, 'nyakpa 'na -wa no gbɔ 'wa -kɔ 'plome "zo -wɛ 'na dɛku.

2 Tesalonikenya 2:3

'Nyɔkpɔ te 'ce 'anye ylo no -visɛ, "naa-, 'yli -ye 'nyɔkpɔ "kɛ Lagɔ 'na lo -sɛ -wɛ "ne -mlɛ -dɛme -yiɔ. -Gblenyɔ -ɔ "kɛ -jiɛ plɛ -wɛ -namlɛ 'ɔyi 'nyakpa 'ylime tua- zɛ, -glɔ kɛ "me -zuzuɔ "yitɛ "ku "bhuɔ "ne Zezu "kɛ -lɔ yi.

Eblenya 13:9

'A te -kɛ "ku 'ŋunu-, -se 'wa te -kɛ 'anye ylo no, -se 'wa te -kɛ 'anye weli 'na -vinɛ 'na 'kwleyi 'wlime "zo. Lagɔ 'na "nɛnekoɛ kɛ -anye 'kwɛme "tamalea- ne, 'ɛ 'nɛne "ne 'ɛ -zi lilɛ 'na gbɛ "ku pɛɛ "ku. -Mɔ, lilɛ 'na gbɛ "ku pɛɛ -na 'ce -zɛ -wa -kɛ kɔ -wɛ -bɛɛ' no.

Eblenya 3:19

-Tiaa -ɛne 'ye -a 'ye- -lɔ 'ylime: 'Wa "ne Lagɔ 'na nyɔpɔledɛ "me -plɛ -me "naa- 'wa "ne 'dleku -kɛle zɛ.

1 Piɛle 2:8

"Ne -vidɛ ŋwɛnɛɛ: «'Tiyi 'na 'ye 'wa 'gɔzɔ, 'ɛɛ "zo- -lɔ 'tiyi 'na -ɛ 'bhle 'siɛ.» 'Nyakpa 'gɔzɔ, "naa-, 'wa -sɛ Lagɔ 'na weli 'na 'dleku -kɛle -lo, 'ɛwɛ "koa nɛ -lɔ yle.

1 Zaa 4:1

'Na 'dleglɛ -titoa nye, 'a te 'se -wa no nɛɛ: «Zuzu Wlewle -ko -anye "me» -wɛ 'dleku kɛle-. -Mɔ, 'a woloa -kɛ "me 'tee, -se 'a "kɛ -kɛ 'sɛ yibhlele- -gbɔ Lagɔ Zuzu -ko -diɛnadiɛ "ɛ 'nyakpa -wɛ "me. "Naa- "guɔkwɔmenya -gbeyia 'na 'kwleyia yiɛ- -kɛ zikpɛ ne "ku.