Efɛzenya 5:4 - Nouveau Testament bété de Gagnoa

⁴ 'Ɛ "ne 'nɛne -se 'a "kɛ weli 'na -ɛ -le 'zu "ku -wɛ bhulɛ, 'kpetekli 'na bhulɛbhulɛ, "ne weli -nyɛnye. -Mɔ, 'a "kɛ bhulɛ ne, 'ɛ "zo Lagɔ 'na 'bhɛlebhɛleɛ.

Efɛzenya 5:4 Iomraidhean Croise

Malke 7:22

'Alua 'na ylonoɛ, gbozlɛɛ, lɔbhɔzonoɛ, bhabhɛ, gwlɛplɛɛ, -konyinɛplɛɛ, "nyɛnyenoɛ, 'kpɛtɛklinoŋoɛ, 'nyakpasɛɛ.

Zezu Kli 'na 'Denaade ‑ye Zaa kɛle‑ ne lɛ 6:23

'Wa 'na wolo ne, gɔlo 'na -vinɛ 'wɔ 'bhale Tibeliade "ne 'ɛ yi -lɔ -dee 'wa -lile "fɔlɔ -ye Anyinɛnyɔ Zezu 'pɔ- nɛ 'ŋu -wɛ yi.

Wlomɛnya 1:28

'Wa "ne 'yɔbhɔ -gbɔ 'wa "kɛ -kɛ 'se Lagɔ yibhlele- za, Lagɔ "taloa- 'yi "ne 'wa yi -lɔ 'wanɛɛ 'dlepɔsɛ -nyɛnye -wɛ gɛlele-, "ne 'wa no -lɔ -ye 'nyɔkpɔ -ka no -wɛ.

2 Kolɛtenya 1:11

"Ne 'anye 'lelee, 'a kɛ -anyɛɛ za bhubhɔ ne, 'kwɛle -ye 'a kwɛle -lɔ -anye. 'Ɛɛ "kɛ -lɔ gbɔ "ne -a "kɛ -lɔ Lagɔ 'na -li 'na -li yle-, 'nyakpa -kwleyia 'na bhubhɔweli "me. 'Ɛza, 'nyakpa -kwleyia "kɛ 'lelee -lɔ Lagɔ 'ŋlu -kwa -anyɛɛ za.

2 Kolɛtenya 9:15

-A 'bhɛle Lagɔ 'ɔnɛɛ yu -ye 'ɔ "nyɛ -anye -wɛ za, -ɛ "ne wɔkɔle -bɛɛ' -kɛ.

Efɛzenya 1:16

'e sɔbhɔle- -lɔ 'anyɛɛ 'tɔ 'e kɛ 'bhubhɔ, "ne 'e bhɛle -lɔ Lagɔ, "ne 'e "ne 'diɔle -lɔ 'anyɛɛ za.

Efɛzenya 4:29

Weli -nyɛnye 'na yɛ -bholo te -kɛ -la 'anye 'nu 'bhale-. 'A bhulɛ weli 'na -ɛ -kɛ bhulɛsɛ, "ne 'ɛ "kɛ -bedia kwɛle-, "ne 'wa "kɛ 'dlekukɛleɛ "me 'kpɔmale -wɛ, "ne 'ɛ no -wa -fo 'anye 'yukwli -li 'na -li 'wli -wɛ.

Filiponya 4:6

-Bɛɛ' 'na 'dlebhɛ te 'anye 'lɔbhɔ, -mɔ, -dee 'ɛ "mɛ -ko "ne -dee 'ɛ kɛ -ko, 'a zlɛ Lagɔ -ye 'a 'yɔbhɔ -wɛ, bhubhɔweli "me, "ne 'dle 'na -dle kɔ, -se 'a 'bhɔlo-.

Kolɔsenya 3:8

-Mɔ, -dɛmeda, 'a 'tale- "ɛwɛ 'klekle yi: 'Kɛle, 'kpokpo, -konyinɛ. "Ne 'slowli -nyɛ weli -nyɛnye -wɛ 'wɔ "bhaa te -la 'anye nu ylɛle!

1 Tesalonikenya 3:9

-See -a "kɛ bhɔ Lagɔ bhɛle- 'anyɛɛ za 'a? -See -a "kɛ bhɔ Lagɔ bhɛle- 'ŋwɛnɛ 'klekle -ɛ lɔbhɔ -anye 'anyɛɛ za Lagɔ 'yliku -wɛ 'a?

1 Tesalonikenya 5:18

-Dee 'a "mɔ -ko "ne -dee 'a kɛ -ko, 'a 'bhɛle- Lagɔ, "naa-, 'ɛyi 'ye Lagɔ 'yɔbhɔle -lɔ 'anye -wa -ko Zezu Kli "me -wɛ "me lo.

Filemɔ 1:8

'E 'yɔbhɔ -gbɔ 'e "kɛ -eyi -bɛɛ' 'yɔbhɔle. Zezu Kli "me 'e -yele kɔ -se 'e "kɛ -eyi -ye -e "kɛ no -wɛ sloa.

Eblenya 13:15

Zezu "me, -a 'nyɛ Lagɔ -anyɛɛ bɔbɔli, 'ŋlukwɛɛ "me, 'ɛ sɛ zɔ nɛɛ: -A 'dilo lo -ɛ 'yibhlelo -gbɔ 'ɔ -noɔ Anyinɛnyɔ yɔ -wɛ "me.

2 Piɛle 2:18

'Diɛɛ, 'wanɛɛ bhulɛweli mɛne- 'yukwli "me, -mɔ 'ɛ "ne -bɛɛ' "me -ko, "ne 'wa lale -lɔ 'wayi 'nyakpa -wa 'bha- zikpɛ -nyɛnye 'lele "ku 'beku "ku -wɛ lo. 'Ɛnɛɛ za, 'wanɛɛ nyɔkpɔsɛ 'na 'dlepɔsɛ -nyɛnye "me 'wa

2 Piɛle 2:7

Lɔte -ko 'awɔ 'nyakpa -wa -su 'wayi -gbeyi "ku -wɛ 'glɛme, -mɔ, 'ɔyi 'nabhɛ 'nyɔkpɔ 'na -ɔ ŋwinɛle- "me yɔ 'awɔ -lɔ. 'Wanɛɛ -kosɛ -nyɛnye 'gbapeɔ 'awɔ kpɛnyee.

Zude 1:10

"Ɛ 'nyakpa -gbeyia -wɛ 'yli- -ye 'wa "ne -yi -wɛ. "Ne -ɛ yua 'wlime -wɛ 'wa no -lɔ sɛgbɛɛ 'nɛmea 'wa "ne "nɛ- ne, 'ɛyi -wɛ 'nabhɛ 'bhua -lɔ "ku.

Zude 1:13

'Wa -ŋwenia 'wanɛɛ nonoli -ɛ -le 'zu "ku -wɛ moɔ 'klekle sɛgbɛɛ jinyɛ 'na -gbɔkɔle 'pɔ 'ɛnɛɛ 'fifli 'cicɛ "ku. 'Wa -ko sɛgbɛɛ -zeli -ɛ "ne me -dɛ -kɛ "ne Lagɔ -sɛ lɛ lɔbhɔ 'ɛnɛɛ 'glidɛ "gu titiɛ "me.