Efɛzenya 5:3 - Nouveau Testament bété de Gagnoa

³ Lagɔ 'bhe- -lɔ 'anye za, 'anyɛɛ moɔ 'wa te -la weli 'na -bedi 'no, sɛgbɛɛ 'wiyliɛ, "tutuliɛ "ne -kosɛ -nyɛnye 'klekle "ne gwlɛplɛɛ.

Efɛzenya 5:3 Iomraidhean Croise

Matie 15:19

"Naa-, 'dlepɔsɛ -nyɛnye 'klekle 'dlezɔ 'ye 'ɛ 'bhale -lɔ, 'ɛɛ gbɔ -lɔ "ne 'nyakpa 'lɔbhɔ -lɔ 'walua, gbozɛlɛ, "kpɛtɛklinɔŋoɛ, 'wiyliɛ, 'alua 'na gbo 'wlime -gbliɛ, 'tɔnyimɛ -le -lɔ.

Luke 12:15

"Ne 'ɔ yi -lɔ 'wayi 'klekle bhulɛle- nɛɛ: «'A 'luɔ- -kɛ! 'A te -kɛ -li 'momale- kpɛnyee, "naa- 'nyɔkpɔ 'na zikpɛ, 'ɔ yi nɛ 'se -klɔgbɔnyɔ "zo -cɛ, 'ɔnɛɛ lɛ za 'ɛ "ne -kɛ lɔbhɔ -ko.»

Luke 16:14

Faliziɛnya -wa -wa nɛ 'dlasi -fo nɛ Zezu 'na -ye 'ɔ bhulɛ nɛ 'klekle 'yukwli "ne 'wa silo nɛ -lɔ.

Nonoli 15:20

-Mɔ, -a "kɛloa "ku -gbɔ 'wa te -kɛ -nɛmɛ 'na -ye 'wa bɔbɔle "fu 'na Lagɔ -wɛ li. -Se 'a te -kɛ 'ayi 'kpetekli -slu, "ne -nɛmɛ 'ye 'wa "ne 'wli "ku 'di-, "ne 'ɛ -ko dlu "me -wɛ li.

Nonoli 20:33

'Ɛ "zo 'dlasi, -badlɛ "ne "mepla-koti "ne 'ce -ame 'dle "me -gbaa.

Wlomɛnya 1:29

-Li 'klekle -ɛ "ne 'nɛne -wɛ -koa "me. 'Wa no "nyɛnye. -Ɛ -noɔ 'walua -nɛ yɛ -wɛ 'wa 'yɔbhɔ -lɔ, 'wa -ko konyinɛ "me, lɔbhɔzɔnoɛ yua- "ku -kpakpa. 'Wa 'lɔbhɔ 'nyakpa "ne 'wa "ku, 'wa no gbo, 'wa no 'walua ylo, 'wa no -ye 'wa 'yɔbhɔ -wɛ. 'Wa wlɛle 'nyakpa yo yɔko.

Wlomɛnya 16:2

'A 'sɔ 'tee Anyinɛnyɔ 'na 'tɔ "me, sɛgbɛɛ Lagɔnya 'na -ye 'wa "kɛ no -wɛ. 'A kwɛlo- 'ɔ kɛ 'anye -bɛɛ' 'yɔbhɔle- 'yiɛ ne. 'Ɔyi, 'nabhɛ, 'ɔ -kwɛle 'nyakpa -kwleyia, "ne 'ɔ -kwɛle me 'lelee -ame.

Wlomɛnya 6:13

'Anyɛɛ ku te -kɛ -la 'nyinyonoli "ku lɔbhɔ- sɛgbɛɛ "nyɛnye 'na nonoɛ. -Wa 'bha- 'kwiɛ "me "ne 'wa -yɛ -wɛ 'nasɛ, 'a lɔbhɔ- Lagɔ "ku. 'A 'libhi 'anyɛɛ ku "ku se 'a "kɛ -ɛ ŋwinɛle- "me -wɛ no.

1 Kolɛtenya 10:8

-A te 'se -wa -li "tutu -wɛ 'na soɔ ko, -see 'wanɛɛ 'glɛme 'na -bedia sɛ- -wɛ. 'Ɛza, -wa "kule- 'kɔsɛku 'yli -bholo -kpee -wɛ -yle -lɔ -gɛmɛnɛ -wlulu -glo -bholo 'wlulu ta (23.000).

1 Kolɛtenya 5:1

-Nyɔsɔwanye, -a 'no- moɔ 'klekle "me -gbɔ 'anyɛɛ moɔ, -bedia -su 'wanɛɛ zikpɛ 'kpɛtɛkli, "ne -see 'wa -su 'wanɛɛ zikpɛ "ku -wɛ -noɔ "nyɛnye yɛ, soɔ -noa, 'wa -koa -kɛ -wa "ne "zo Lagɔ -wɛ 'na zoku ylele- gou. -A 'no -me -kɛ "me -gbɔ 'anye 'glɛme 'na -bholo -sɛ 'ɔ 'to 'ŋɔnɔ kɔ.

1 Kolɛtenya 6:13

"Ne 'a no 'lelee -lɔ nɛɛ: «Lilɛ, 'go -nɛ yɛ -lɔ, "ne 'go -noɔ -lɔ lilɛ -nɛ yɛ.» 'Ɛyi -wɛ, 'diɛɛ yɛ -lɔ. -Mɔ, Lagɔ yi 'go -nyɛ lilɛ "bhaa "ku bhia-. 'Nyɔkpɔ 'na ku "ne lɔbhɔ ko 'tutu li za. Ku -le Anyinɛnyɔ za. "Ne Anyinɛnyɔ -le ku za.

1 Kolɛtenya 6:18

'A 'ylilea- 'anyɛɛ ku 'tutuliɛ "guɔ. 'Nyinyonoli 'na -vinɛ -wɛ 'klekle -ye 'nyakpa 'bhɛle- 'wa "kɛ no -wɛ, 'wanɛɛ ku "me 'ye 'ɛ -na -noɔ leɔ-. -Mɔ, -eyi -mɔɔ -su -neɛ' ku 'tutuliɛ "me -wɛ, -bɛɛ' 'na "nyɛnye 'ye -e no -lɔ doɔ -neɛ' ku 'wli. "Naa-, -neɛ' ku "me 'ye 'ɛ no leɔ -lɔ.

2 Kolɛtenya 12:21

-Bɛɛ' -bholo -ye 'e "gu -gɛ ne lɛ: -Zle 'e "kɛ 'anyɛɛ moɔ -yi ne, Lagɔ yi -lalɛce -ame zu 'labha- 'anye 'yliku. 'E yi -lalɛce 'tu, 'anye 'glɛme 'na -bedia no -nazɛ 'nyinyonoli bhlɛme 'nasɛ, 'e yi 'tu. "Naa-, -dɛme -nazɛ 'yiɛ, 'wa "ne 'wanɛɛ -kosɛ -gɔgɔ 'yi 'tale, 'e yi 'tu, "ne 'wa zlɛ -lɔ gbo, "ne 'wa -su 'wayi 'bidiglagli.

Efɛzenya 5:12

'Nyakpa -wɛ 'na -ye 'wa no 'diɛɛ "me -wɛ, 'ɛnɛɛ bhulɛbhulɛ -le 'zu "ku.

Efɛzenya 5:5

-Ye 'a "kɛ yibhlele- ne lɛ: 'Wiylinyɔ, "tutulinyɔ "ne gwlɛplɛnyɔ, "ne 'bhɛle- "ne 'wa "kɛ Klise -nyɛ Lagɔ "bhaa 'na -klɔgbɔzikpɛ "me -plɛ -me. "Naa-, -e kɛ no -gbɔ -e "kɛ -eyi 'dle "me 'gugwɔle ne, 'ɛ -ko sɛgbɛɛ "fu 'na Lagɔ -wɛ 'wɔ 'ye -e bɔbɔ.

Filiponya 1:27

Zaa, 'a ko -see Klise 'na 'Denaade 'yɔbhɔ -gbɔ 'a ko -wɛ. -Se 'e -kɛ -yi, 'e "kɛ 'ce 'anye 'ylime 'ye, "ne 'e "mɔ 'ce -yi, 'e yi 'ce "fu 'anyɛɛ weli "me 'no. "Ne 'e yi 'lelee 'sɛ yibhlele- -gbɔ 'a -kole "ku "ne 'a -wale. 'Denaade 'na -ye 'dlekukɛleɛ -nɛme -wɛ 'a -su 'tee "ne 'a nole 'lelee Lagɔlibhɔ 'dle -wɔtɔ "me.

Kolɔsenya 3:5

-Ɛwɛza, -ɛ -noɔ dodo ne "ku -nɛ yɛ, "ne 'ɛ -ko 'anye "me -wɛ, 'a lɛbhɛ -se 'ɛ ku: Sɛgbɛɛ 'kpeteklinya "bhaa 'na gogoɛ, -li -nyɛnye 'na nonoɛ, -li -ɛ -le 'zu "ku "ne 'ɛ "ne 'nɛne 'na -wamaleɛ, 'dle "me 'gugwaleɛ, 'ɛ -ko sɛgbɛɛ "fu 'na Lagɔ 'na "zozoɛ.

1 Tesalonikenya 4:3

Lagɔ 'yɔbhɔ -gbɔ 'a ko 'wlewle 'ɔyi 'yliku. Zaa, 'a te -kɛ gbo zlɛ.

1 Tesalonikenya 4:7

"Naa-, Lagɔ "ne 'se -anye la- -gbɔ -a "kɛ -ayi 'fe 'pla-, -mɔ, 'ɔ 'yɔbhɔ -gbɔ -a ko 'wlewle.

1 Timote 2:10

-Mɔ, 'wanɛɛ -kosɛ "me 'ye 'wa "kɛ -lɔ 'wanɛɛ "nanoɛ yibhlele-, "ne 'wa "kɛ -lɔ 'ŋwenea 'na 'wa -kɛ Lagɔ 'na 'ŋwɛnɛ "me -wɛ yibhlele- -me 'lelee.

1 Timote 3:3

-Se 'ɔ te -kɛ nogbinɔmɔnyɔ "zo. -Se 'ɔ te -kɛ 'lelee kpokponyɔ "zo, -se 'ɔ no 'ɔnɛɛ -li 'dlekɛlesɛ. -Se 'ɔ te -kɛ 'gbononyɔ "zo, -se 'ɔ te 'dlasi mamale!

1 Timote 6:10

'Kpilɛkpilɛ 'klekle 'na 'bhaledɛ -noɔ -lɔ 'dlasi 'na 'ŋwɛnɛmekɛleɛ yɛ. 'Nyakpa -wa "kɛ soɔ "ɛ 'dlasi 'na 'ŋwɛnɛ "me -wɛ 'kwlɛ 'wa bhli -lɔ, "ne 'wa "ne -la Lagɔ 'dleku -kɛ. 'Wa 'gbape "yitɛ "ku, -ye 'wa -tɛle 'siɛ yɛ -lɔ.

2 Timote 3:2

'Nyakpa -ka -kɛ 'walua "ku 'dlepɔ. 'Wa yi 'dlasi mamale, 'wa yi 'yli siɛ tɛle-, 'wa yi bha, 'wa yi Lagɔ 'yli, 'wa yi 'wa 'to 'wɔ 'plome -sɛ. 'Wa -ka "nɛne yibhlele-. 'Wa -ka -kɛ -la Lagɔ 'na -li 'plome "zo.

Tite 1:11

Zaa, 'a "gba 'se 'wanɛɛ nuɛ "ku. "Naa-, -gligbɛnya 'wa sɛ -lɔ 'dlekukɛleɛ 'na -gwe "ku, "ne 'wa sloa -lɔ -ye 'wa -ka no -wɛ, -se 'wa "kɛ -kɛ -vi "me 'dlasi "ku libhile.

Tite 1:7

"Naa-, -ɔ -gɛ Lagɔgligbɛ 'yuku -wɛ, 'ɔ "ne kɛle- -da nuɔsɔbhɔledɛ kplokplo, -see 'ɔ -gɛ Lagɔgligbɛ 'yuku -wɛ za: 'Ɔ te -kɛ "bhabhanyɔ, "kɛlenyɔ, nogbinɔmɔnyɔ, 'gɔlegwenyɔ "zo, -se 'ɔ te "kɛ 'lelee 'dlasi -vi "me "ku libhile.

Tite 2:3

'Ɛ ko me "ɛ sɛbhele -wɛ, 'ŋwenea 'na 'wa gɔ- -wɛ 'na dɛku, 'wa slu 'wanɛɛ zikpɛ 'tee -see 'ɛ "kɛ Lagɔ -gɛ 'namale -wɛ, 'wa te 'walua 'na weli -nyɛnye bhulɛ, 'wa te no 'na 'juyua "zo, 'wa sloa -ɛ 'nɛne -wɛ.

Eblenya 12:16

'A luɔ- -kɛ! 'Kpɛtɛklinya "bhaa 'a te -kɛ go-! 'A te -li -ɛ -ko 'wlewle -wɛ 'plome -sɛ, sɛgbɛɛ Ezayu, lilɛslɔ -bholo za, 'ɔ 'pɔ- 'awɔ 'ɔnɛɛ "yitɔzoɛ 'pɔlo "ku!

1 Piɛle 5:2

'A slu- -kɛ 'nyakpa -ye Lagɔ -kulɛle 'anye "ku -wɛ 'tee -see wliagɛlenyɔ -su 'ɔnɛɛ wlia 'tee -wɛ. 'Ɛ "ne -kɛ "klepaa yɛ, -mɔ, 'dlewɔtɛ "me, -see Lagɔ 'yɔbhɔ -wɛ. 'A 'cɛ no, 'ɛ te -kɛ 'dlasi za "zo, -mɔ, 'dle 'na 'dle kɔ.

2 Piɛle 2:10

-Ye 'ɔ "kɛ 'ce 'kle 'yea- -tiaa -noɔ -lɔ -wa -gɛlele 'dlepɔsɛ -nyɛnye 'wanɛɛ ku "me -wɛ 'waa. "Ɛ 'wayi -wɛ 'tɛle -lɔ nonoli -ɛ -le 'zu "ku -wɛ 'ɛyikɔ 'siɛ, 'wanɛɛ gbo "ne -lɔ Anyinɛnyɔ 'na -kamaleɛ "klo -ko. 'Ɛ -soɔ 'na -sloanya -gbeyia -wɛ -kɛ 'wayi 'dleku kpɛnyee. 'Wa zia -lɔ 'wayi "ku "ne 'wa "ne "gu 'ŋlu me Zuzu 'wa -ko "nɔgɔ "me -wɛ 'na 'diziɛ -gɛ.

2 Piɛle 2:14

'Wa biɛ 'yli gbo -zlɛ -za, 'wanɛɛ 'dle "ne bɔ 'nyinyonoli -nodɛ. "Ne 'wa 'tetile -lɔ -wa "ne 'dlekukɛleɛ "me tɛle- -wɛ 'wayi lo. 'Nyakpa 'na -wa -kɛ 'dlasi 'na 'ŋwɛnɛ "me kpɛnyee 'waa -lɔ. -Kpilɛkpilɛnya 'waa -lɔ!

2 Piɛle 2:3

"Ne 'wa 'yɔbhɔ -gbɔ 'wa "kɛ -kɛ 'se 'dlasi yle cuu za, 'wa yi 'ce 'anye bhulɛweli -ye 'wa -sɛ 'wayi 'wlime -wɛ "me ylo nole-. -Mɔ, -ɛ "ne 'awɔ -la -dɛme yɛ, 'wanɛɛ 'gbobhleleɛ -ko 'awɔ lɔbhɔ "kle, "ne 'wa yi -kpilɛkpilɛ sibhɔle- cuu.

'Ylikloylɛleweli 2:14

-Mɔ, -ɛ "ne -ame -gɛ 'nɛne -neɛ' dɛku ne lɛ, 'ɛyi 'e "kɛ -lɔ -eyi bhulɛle-: -Neɛ' moɔ, -wa -gɛlele Balaame 'na -sloaweli -wɛ -ko "bhle. "Ɛ Balaame -wɛ "zo- 'awɔ -lɔ Balake 'de "me -gbɔ 'ɔ 'cile- Izlayɛleyua -gbotu. 'Ɔ 'yɔbhɔ 'awɔ -gbɔ 'wa li nɛmɛ -ye 'wa -bɔbɔle "fu 'na lagɔ -wɛ -se 'ŋwenea "kɛ 'widia -seselia "ne 'widia "kɛ 'ŋwenea -seselia

'Ylikloylɛleweli 2:21

'E 'talo- 'yi, "ne 'e 'piɛ- "bhle 'dle -se 'ɔ "kɛ -kɛ 'ɔnɛɛ zikpɛ kɔ 'bhelia, -mɔ, 'ɔ "ne kɔ -bheliɔ gbo 'ŋunu-, "ne 'ɔ -su 'ɔyi 'kpetekli 'yiɛ.

'Ylikloylɛleweli 21:8

-Mɔ, -wa gu, -wa "ne Lagɔ 'dleku -kɛ, -wa no -li 'na "nyɛnye, 'nyakpalɔbhɔnya, 'gbozlɛnya, "gunya, -wa bɔbɔ "fu 'na Lagɔ, "ne yowlɛnya 'klekle, 'wayi -wɛ, -kosugbagbo "me -dee -biŋu -ɛ siɛ yɔko -ko -wɛ, 'wa "kɛ -lɔ 'gbapele-. 'Ɛɛ -noɔ -lɔ 'kwiɛ 'na ''sɔnɛ yɛ.

'Ylikloylɛleweli 22:15

-Mɔ, -wa "kɛ 'du keyi 'to- -wɛ ne lɛ: -Wa no -li -ɛ sɛ geji "ku, "gunya "ne -wa me 'ŋwenea lo 'kpɛtɛkli, 'nyakpalɔbhɔnya "ne -wa "zo "fu 'na lagɔ, "ne -wa -wa yowlɛɛ "ne -wa 'wlɛ yo.

'Ylikloylɛleweli 9:21

"Ɛ 'nyakpa -wɛ, 'wa "ne 'wanɛɛ 'nyakpalɛbhɛɛ 'yi 'tale-, "ne 'wa bɔbɔ -nazɛ "gu, "ne 'wa -su -lɔ 'wanɛɛ zikpɛ 'kpetekli "ne 'wa 'yli -lɔ 'wi.