Efɛzenya 5:26 - Nouveau Testament bété de Gagnoa

²⁶ -se 'ɛ "kɛ 'wlewle -ko: 'Ɔ zoɛ 'wlele 'ŋu "ne bhulɛweli "me.

Efɛzenya 5:26 Iomraidhean Croise

Zezu Kli 'na 'Denaade ‑ye Zaa kɛle‑ ne lɛ 13:10

"Ne Zezu yu -lɔ bhulɛle- nɛɛ: «-Ɔ "bhudɔ- -wɛ, 'ɔ "ne -la "kusɔ 'bhudɔle- -nɔ yɔ. "Naa-, 'ɔ -ko 'wlele zɛ. 'Anye, 'a -ko 'wlele, -mɔ, 'ɛ "ne -kɛ 'anye 'klekle 'waa.»

Zezu Kli 'na 'Denaade ‑ye Zaa kɛle‑ ne lɛ 15:3

Weli -ye 'e -bhulɛle 'anye -wɛ, 'ɛ -tɛle 'anye 'tee "bhuɔ.

Zezu Kli 'na 'Denaade ‑ye Zaa kɛle‑ ne lɛ 15:8

-Ɛ kwa -ame To 'ŋlu -wɛ, 'ɛɛ -noɔ -lɔ -gbɔ 'a tlo 'bhi kwleyi, -se 'a "zo 'neɛ gɛlenya.

Zezu Kli 'na 'Denaade ‑ye Zaa kɛle‑ ne lɛ 17:7

-Dɛmeda 'wa -yibhlele sɛ -gbɔ -ye -e 'je- -ame kɔ 'klekle -wɛ, -eyi 'ye 'ɛ 'bhale -lɔ "me.

Zezu Kli 'na 'Denaade ‑ye Zaa kɛle‑ ne lɛ 3:5

"Ne Zezu yi -lɔ no nɛɛ: «Gbɛklɛklɛ 'ye 'e bhulɛle lɛ -eyi: 'Nyɔkpɔ "ne 'bhɛle- "ne 'ɔ "kɛ Lagɔ 'na 'Kamalezikpɛ "me bhɔlɔ-, 'ɔ "mɔ 'ŋu "ne Zuzu 'wlewle "me -gwɛleleɔ ne.

Nonoli 22:16

Sɔɔbɛɛza -e 'boɔ bhɔ? -A me! -Se -e "kɛ batɛme yle, -see -neɛ' 'nyinyonoli 'na 'gbo "kɛ "ku 'titliɔ- Anyinɛnyɔ Zezu 'na 'tɔ "me.

Nonoli 26:18

-Se -e "kɛ 'wanɛɛ 'yli "ku -vulu, -se 'wa "kɛ titiɛ "me 'bha, 'se 'wa "kɛ zle "ku 'sibhɔ. -Se 'wa te -kɛ -la Sata 'na 'bhɛloɛ "me ko, -se 'wa "kɛ Lagɔ lo 'yli. -Wa -kɛ -ame 'dleku -wɛ, 'wanɛɛ 'nyinyonoli 'na gbo yi "ku 'titliɔ-. "Ne 'wa yi Lagɔ 'na "gugbɛ 'na 'cibhɛ yle -me, -wa -kɛ -ame 'dleku -wɛ 'nasɛ.

Wlomɛnya 10:8

Zaa, -see Moyize bhulɛ "meŋwinɛleweli Lagɔbɔgo "me ne lɛ: Bhulɛweli -ko -eyi yɔko, -neɛ' nuɛgwe "me, "ne -neɛ' 'dlezɔ. "Ɛ bhulɛweli ne, 'dlekukɛleweli -ye -a sɛle 'nyakpa -wɛ yɛ -lɔ.

1 Kolɛtenya 6:11

Soɔ 'anye 'glɛme 'na -bedia -ko 'awɔ -lɔ bhlɛme. -Mɔ, Lagɔ -sɛ 'anye 'nyinyonoli "me, "ne 'a yi -lɔ 'wlele plɛ, "ne 'ɔ yi -lɔ 'anye "me ŋwinɛlenya "zoa- Anyinɛnyɔ Zezu Kli "ne Zuzu Wlewle 'na 'tɔ "me.

2 Kolɛtenya 11:2

'A -kɛ 'na 'dle kɔ, "ne 'e no 'anyɛɛ lɔbhɔzo. "Ɛ wamalesɛ "yitɛ -wɛ Lagɔ "me 'ye 'ɛ 'bhale -lɔ. "Naa-, 'widi -bholo -kpee 'ye 'e 'tebhe- -lɔ 'anye "ku: 'Ɔ -noɔ -lɔ Klise yɔ, 'ɔyi 'ye 'e "kɛ 'ce -lɔ 'anye 'ylime 'tua- sɛgbɛɛ 'ŋukoyulɔ -digbɔ 'na -ɔ "ne lɛ 'widi -yi "ne -ɔ -ko lɛ 'wlele.

Efɛzenya 6:17

'A 'libhi me 'popoɛ "ku sɛgbɛɛ togwedagbilɛ -ɛ 'fuɔ -wɛ, 'a 'libhi Lagɔ 'na weli "ku sɛgbɛɛ -jijigbɛlɛ 'ye Zuzu Wlewle 'nyɛ -wɛ.

Kolɔsenya 3:16

Klise 'na weli -ko 'anye 'glɛme, 'ɛ -nyɛ 'ɛnɛɛ -klɔgbɔ 'klekle "bhaa. 'A 'sloasloale 'ylimeyamalesɛ, -se 'a "zozole 'de "me. 'A 'bhɛle- Lagɔ 'anyɛɛ 'dle 'klekle zɔ, 'a bhle lo: Some, Lagɔ -lo 'na -ye 'a 'wɛlɛ- 'ayigɛsɛ -wɛ "ne lo -ye Zuzu Wlewle pɔ 'anye -gwe "ku -wɛ.

Tite 2:14

'Ɔ -ple 'ɔnɛɛ zikpɛ -anyɛɛ za, -se -anyɛɛ 'nyinyonoli 'na gbo "kɛ bhiɛ. 'Ɔ 'yɔbhɔ nɛ -gbɔ 'ɔ "kɛ nɛ -anye -zakpɛ -bholo "me 'wlewle "zoa-. 'Nyakpa -wa "kɛ 'ɔnoa "zo- -wɛ, -wa -ko lɔbhɔ -godogodo -se -wa "kɛ -li 'na -li no.

Eblenya 10:10

Zezu Kli -no -ye Lagɔ 'yɔbhɔ nɛ -wɛ. 'Ɔ 'bhale- 'ɔyi "me "ku -bholo -li 'klekle "me, -soɔ 'ye -a -plɛ -lɔ 'wlele.

Eblenya 10:14

"Ku -bholo 'na 'ye 'ɔ -bɔbɔ -wɛ -gbɔ "ne -wa -plɛ 'wlele -wɛ "ne 'nuɔsɔbhɔledɛ -kɛ -godogodo 'na dɛ.

Eblenya 10:22

'Wa -sɛ -anye -ɛ ylea- -anyɛɛ 'dle gbo 'klekle -wɛ "me, "ne -anyɛɛ ku -wɛleɔ 'ŋu 'wlewle "me. Zaa, -a 'nyiɔ- Lagɔ yɔko 'dle 'na -dle "ne 'dlekukɛleɛ "me.

Eblenya 10:29

'Ɛ "kɛ -da zi, -ɔ -ziɛ Lagɔ Yowli 'dii -wɛ, 'wa yu 'kle 'yea- "ne 'ɛ yi "ku zi. "Naa-, 'ɔyi -wɛ "ne 'mɛnenoɛ -dlu -ɛ "zoɔ- 'wlele 'nyinyonoli za -wɛ 'plome "zo- zɛ. Zuzu Wlewle -ɔ sloa -anye Lagɔ 'na 'nɛne -wɛ 'ye 'ɔ 'yli -lɔ.

Eblenya 13:12

-Ɛwɛza, Zezu, 'ɔyi 'lelee, 'ɔ "kule- -me -lɔ Zeluzalɛme 'na -pi keyi, -se 'ɔ "kɛ 'nyakpa 'na 'nyinyonoli 'na 'gbo "ku "titli 'ɔyigɛsɛ 'na dlu nu.

Eblenya 4:12

Lagɔ 'na weli -yɛ 'gbligbli, "ne 'ɛ 'tɛ- 'kwɛme klekle. 'Ɛ plɛ "ne 'ɛ -zi -jijigbɛlɛ "ku. Lagɔ 'na weli plɛ -anye "me "ne 'ɛ wlo bhle. 'Ɛ me -kaa -anyɛɛ 'dlezɔ, 'ɛ sibhɔ 'bhle -anyɛɛ 'jeleadɛ "me "ne 'ɛ wlo 'kwɛme 'na "mumlɛ "ku, "ne 'ɛ seselia -anyɛɛ 'wugɔŋo -nyɛ zuzu "bhaa 'ylime. 'Ɛ 'bhlele 'dlepɔsɛ "ne 'dlezɔ 'na -ɛ -ko "bhle -wɛ gbo.

Eblenya 9:14

-Ɛwɛ kɛ 'diɛɛ yɛ ne, Klise 'na dlu -kɛ 'bhɛloɛ "ne 'ɛ zi "ku. "Naa-, Zuzu Wlewle "me, Klise -bɔbɔle -lɔ, 'ɔ -plele 'ɔyi Lagɔ kɔ, sɛgbɛɛ bɔbɔ -li -ɛ "ne 'nuɔsɔbhɔledɛ -kɛ -wɛ. 'Ɔɔ "kɛ 'ce -lɔ -anyɛɛ 'dlezɔ -mee -plɛ 'fe -li -nyɛnye 'na nonoɛ "me -wɛ 'wlele "zoa-. Zaa, -a yi -da Lagɔ -ɔ -yɛ 'gbligbli -wɛ "ku lɔbhɔ-.

Zake 1:18

Lagɔ 'yɔbhɔ nɛ -gbɔ 'ɔ "kɛ -anye zikpɛ 'nyɛ 'ɔnɛɛ weli -ɛ -noɔ gbɛklɛklɛ yɛ -wɛ "me. "Naa-, -anye -noɔ -lɔ -li 'klekle -ye 'ɔ 'wlɛ- -wɛ 'na tɛtɛnoa 'waa zɛ.

1 Piɛle 1:2

To Lagɔ -tɔ 'anye "kle -see 'ɔ no -gbɔ 'ɛ -ko yɛ -lɔ. 'Ɔ "zoa- 'anye 'ɔnɛɛ -gligbɛnya 'wlewle 'ɔnɛɛ Zuzu Wlewle "me, -se 'a "kɛ Zezu Kli 'plome "zo, -se 'ɔnɛɛ 'dlu -ɛ slu- 'siɛ -wɛ 'a "kɛ -kɛ "me ko -me. Lagɔ 'pɔ 'anye 'ŋu, -se 'ɔ "nyɛ 'anye "kuwɛtɛ 'na -ɛ zi "ku -wɛ.

1 Piɛle 3:21

'Anye 'lelee, batɛme -ɛ 'fuɔ -zeka 'anye -wɛ 'na didale yɛ -lɔ -tiaa. Batɛme ku yɔko 'na 'fe 'ye 'ɛ -na -kɛ lɔbhɔ -sɛ, -mɔ, Batɛme 'na yleyleɛ, Lagɔ 'na laweli 'na "kuŋunuɛ 'dlewɔtɛ "me yɛ -lɔ. Batɛme 'fuɔ -lɔ 'anye, sɛko -wɛ Zezu Kli 'wlo- -glukonya 'glɛme zɔ zɛ.

2 Piɛle 1:9

-Mɔ, 'nyɔkpɔ "mɔ "ɛ -soɔ 'na kosɛ -namanɔ -wɛ -su ne, 'ɔ -ko -sɛgbɛɛ -kpelɔbhɔnyɔ. 'Ɔ 'dlu -gbɔ 'wa 'bhuduɔ- 'awɔ bhlɛme 'ɔnɛɛ 'nyinyonoli za.

1 Zaa 5:6

Zezu Kli, -nyɔ -nyɛ 'ŋu "ne 'dlu "bhaa -wa -yi yɔ -lɔ. -Ɔ -yi, -wɛ, 'ɛ "ne -kɛ 'ŋu 'ɛyikɔ "bhaa yɛ, -mɔ, 'ŋu "ne 'dlu "bhaa. Lagɔ 'na Zuzu -noɔ -lɔ 'ɛnɛɛ -ɔyeɛdɛ yɛ -gbɔ 'diɛɛ yɛ -lɔ. "Naa-, Lagɔ 'na Zuzu gbɛklɛklɛ yɔ -lɔ.

Zude 1:1

-Ame, Zude, Zezu Kli 'na "kulɔbhɔnyɔ "ne Zake -ɔ "nɔwli, 'e 'kɛle -ye -a To Lagɔ la- -wɛ "ku. 'Ɔ -woa "ne 'ɔ -suloa Zezu Kli "me.