Efɛzenya 5:21 - Nouveau Testament bété de Gagnoa

²¹ 'A "zozole 'plome -se -a "zo Klise 'plome -wɛ.

Efɛzenya 5:21 Iomraidhean Croise

1 Kolɛtenya 16:16

Zaa, 'a "zo 'ɛ -soɔ 'na 'nyakpa 'nyɔ 'wɔ "bhaa 'wa nole Lagɔ 'na libhɔ 'gɔme -wɛ 'plome.

2 Kolɛtenya 5:11

-A -yi -se Anyinɛnyɔ 'na 'plomezoɛ sɛ zɔ ne. 'Ɛza, -a 'tɛle -lɔ -se -a 'cɛ 'nyakpa "me "noa -wɛ 'siɛ. Lagɔ -yi -anye 'tee, "ne 'e -yi sɛ -gbɔ, 'anye 'lelee 'anyɛɛ 'dle -ce zɔ, 'a -yi -anye 'tee.

2 Kolɛtenya 7:1

'Titoa -awale 'wanye, Lagɔ -plele 'se -anye weli kɔ, za, -a 'gwegwele kɔ -se -anyɛɛ ku -nyɛ 'dle "bhaa "kɛ 'wlele plɛ. -A -ya 'gu Lagɔ -gɛ, -se -a "kɛ -anyɛɛ 'wleleplɛɛ kɔ bhiɛ.

Galatenya 5:13

-Nyɔsɔwanye, 'wa la- 'anye -gbɔ 'a "kɛ kɔ 'yele. -Mɔ, 'ɛ 'kɔyeleɛ -wɛ te -kɛ -gbɔ -se 'a te -kɛ 'ayi -se 'a 'pɔ "nyɛnye "ku 'dle -slu! -Ye 'a "kɛ no ne lɛ, 'a lɔbhɔlɔbhɔle- "ku -waleɛ "me.

Efɛzenya 5:22

'Ŋwenea 'nye 'a 'kwlialea- 'ayi "ku 'a "luwlia 'yliku -se 'a 'kwlialea 'ayi "ku Anyinɛnyɔ 'yliku -wɛ.

Efɛzenya 5:24

-See Lagɔgligbɛ "zo Klise 'plome -sɔbhɔ 'ye 'ŋwenea "kɛ -lɔ -li 'klekle "me, 'wa "luwlia 'plome "zo me.

Filiponya 2:3

'A kɛ -bɛɛ' no ne, 'a 'te lɔbhɔzowugɔŋ "me nole-, -se 'a 'te 'lelee "kuziwugɔŋ "me nole-. -Mɔ, 'a 'kwlialea- 'ayi "ku, -se 'a "pɔ 'dle -gbɔ 'alua 'kpɔ- "ne 'wa -zi 'anye "ku.

1 Timote 2:11

'Wa kɛ 'sloa dɛku -ko, 'ŋwenea -ko 'vlee, -se 'wa 'fo 'yukwli 'plomezosɛ.

1 Timote 3:4

'Ɔ yibhlele- -kɛ 'lelee 'ɔnɛɛ -bhudu "me 'na 'nyakpa 'na slusɛ. -Se 'ɔnɛɛ yua "zo -kɛ 'nyakpa 'plome, -se 'wa 'fo -kɛ 'ɔnɛɛ weli 'yukwli.

Eblenya 13:17

'A "zo 'anyɛɛ 'yukugɛlenya 'plome, -se 'a kwlilea- 'ayi "ku 'wayi 'yli "ku. "Naa-, 'waa- -kole -lɔ 'anye "klo, sɛko -wɛ, 'waa- "kɛ 'ce -lɔ Lagɔ 'de -sɛle. Zaa, 'a "koa 'plome "zo, 'wa yi 'wanɛɛ libhɔ 'ŋwɛnɛsɛ no. 'Ɛ "mɔ -kɛ sɔbhɔ yɛ, 'wa 'ŋuŋwɔŋuŋwɔle "me "ne 'wa "kɛ -lɔ "ɛ libhɔ -wɛ no, "ne 'a -ka "bhle -bɛɛ' ylele-.

1 Piɛle 2:13

'A "zo 'kamalenya 'plome Anyinɛnyɔ 'na 'ylime: -Se 'a 'kwililea- 'ayi "ku -klɔgbɔnyɔ 'yliku, "naa-, 'ɔɔ -noɔ -lɔ 'nyakpa 'klekle 'na "cifi yɔ zɛ.

1 Piɛle 2:17

'A "zo 'nyakpa 'klekle -bhlegbi "me. 'A wamale- 'a "nowlia "ne 'a "nɔyoa 'klecɛnya 'wɔ. 'A "gu Lagɔ -gɛ, -se 'a "zo -klɔgbɔnyɔ 'plome.

1 Piɛle 5:5

'Anye, 'teyigba, 'a "zo "yitia 'plome, "ne 'anye 'klekle, 'a 'kwlialea- 'ayi "ku 'nyakpa 'yliku. 'Naa-, Lagɔbɔgo nɛɛ: «Lagɔ "ne wolo- -wa bha -wɛ "ku 'tee, -mɔ, 'ɔ -ko 'nɛne, -wa 'kwlialea 'wayi "ku -wɛ za.»