Efɛzenya 5:2 - Nouveau Testament bété de Gagnoa

² 'A -kɛle 'ŋwɛnɛ "me, Klise 'nasɛ: 'Ɔ -wamale -anye, "ne -ɔ 'bhale- 'ɔnɛɛ zikpɛ "me 'anyɛɛ za, sɛgbɛɛ 'nyɛnyɛ -bɛɛ' "ne bɔbɔle -bɛɛ' -ɛnɛɛ 'ŋoni -le lɛ Lagɔ 'ŋwɛnɛ "ku ne.

Efɛzenya 5:2 Iomraidhean Croise

Matie 20:28

'Wa "kɛ 'Nyɔkpɔ Yowli "ku lɔbhɔ- za 'ɔ "ne zikpoku -yi, -mɔ, 'ɔ "kɛ 'lɔbhɔ- za 'ɔ -yi -lɔ, -se 'ɔ "kɛ 'ɔnɛɛ zikpɛ "me 'bhale-, 'nyakpa -kwleyia 'na zeti -za.»

Zezu Kli 'na 'Denaade ‑ye Zaa kɛle‑ ne lɛ 13:34

'E 'je 'anye gbagbɛ -lele kɔ: 'A wawale-. -See 'e -wa 'anye -wɛ, 'a wamale- -me sɔbhɔ 'alua.

Zezu Kli 'na 'Denaade ‑ye Zaa kɛle‑ ne lɛ 6:51

'Mɔɔ -noɔ -lɔ -yɛyɛ -fɔlɔ -ɛ 'bhale "nɔgɔ "me -wɛ yɔ. 'Nyɔkpɔ 'cɛ -li, 'ɔ yi 'ce zikpɛ 'na -ɛ -ka lɛ "kubhiɛ yle. "Ne, "fɔlɔ -ye 'e "kɔ kɔ 'je -wɛ, 'neɛ ku yɛ -lɔ; 'Ɛyi 'ye 'e 'je -lɔ -glonya kɔ, -se 'wa "kɛ zikpɛ -ɛ -ka "kubhiɛ yle.»

Wlomɛnya 15:16

'ɔ "zoa- -ame Anyinɛnyɔ Zezu Kli 'na "kulɔbhɔnyɔ, -wa "ne zufonya 'waa -wɛ za. 'Ɔ "zo- -ame 'neɛ 'dɛ, -se 'e "kɛ 'Denaade -glɔnya -sɛle. -Se -wa "ne zufonya 'waa -wɛ "kɛ bɔbɔli -ɛ "nɛne Lagɔ -gɛ -wɛ "zo, "ne Zuzu Wlewle gbɔ -lɔ "ne "ɛ bɔbɔli -wɛ "namale -lɔ Lagɔ -gɛ.

Wlomɛnya 4:25

'Wa -ple 'awɔ Zezu -anyɛɛ 'nyinyonoli 'na gbo "me, -mɔ, Lagɔ -sɔ -glukonya 'glɛme -se 'ɔ "kɛ -anye "meŋwinɛlenya "zoa-.

Wlomɛnya 8:3

Moyize 'na -Lɔ "ne nɛ 'bhɛle- "ne 'ɛ "kɛ -ɛwɛ no, sɛko -wɛ, 'nyɔkpɔ 'na kosɛ "ne "me 'tɛ-, -mɔ, Lagɔ -no. 'Ɔ 'lebhe- 'ɔ Yowli, "ne 'ɔ yi -lɔ 'nyinyonolinonya 'na ku "ku 'libhi, -se 'ɔ "kɛ 'wanɛɛ 'nyinyonoli 'na 'galu 'di. Lɔbhɔ 'ye Lagɔ -luale -lɔ 'nyinyonoli -ɛ ko 'nyɔkpɔ "me -wɛ gbo.

Wlomɛnya 8:37

-Mɔ, -ɛ yle -anye 'klekle -wɛ, -anye zi -lɔ "ku -ɔ -wamale -anye -wɛ za.

1 Kolɛtenya 16:14

-Se -ye 'a no 'klekle -wɛ, 'a no -walesɛ.

1 Kolɛtenya 5:7

Sɔbhɔ za, 'a -sɛ 'ayi 'nyinyonoli 'glɛme, 'ɛ -ko sɛgbɛɛ manyɔ -gɔgɔ. 'A kɛ sɔbhɔ "zo, 'a yi 'wlele ko. 'A yi ko sɛgbɛɛ 'tatagonyi -lele -ɛ "ne lɛ manyɔ "me -ko, -see 'a -ko nɛ "kle -wɛ. "Naa-, Klise -ye 'wa -kole klowa "klo -wɛ "zo -lɔ -anyɛɛ Paake 'na Zɛbhlɛbhlɛyu.

2 Kolɛtenya 2:14

-A bhɛle Lagɔ! "Naa-, 'ɔnɛɛ 'tɔ "me 'ye 'a zi -lɔ "ku Zezu Kli "me. 'Ɔyi, 'ɔ ylɛle- -lɔ -anye "me "ne -a biɛ -lɔ 'ɔnɛɛ yibhleyibhleleɛ -glɔ sɛgbɛɛ lasiklɔ 'na 'ŋoni 'ŋwɛne moɔ 'klekle.

2 Kolɛtenya 2:15

Lagɔ 'na dɛku Klise 'na 'ŋoni "namanɔ -ye -a -noɔ -lɔ, -wa 'nɔŋo 'popoɛ 'na -gwe "ku "ne -wa me 'lelee 'kwlɛ -bhli -ka -wɛ 'na dɛku.

2 Kolɛtenya 8:9

"Naa-, 'a -yi Anyinɛnyɔ Zezu Kli 'na -jɔlo. 'Ɔyi, -klɔgbɔnyɔ, 'ɔ "zoa- 'ɔyi 'poɛnyɔ 'anyɛɛ za, -se 'ɔnɛɛ 'poɛ -wɛ "me, 'a "kɛ -klɔgbɔnya "zo.

Galatenya 1:4

"Naa-, Anyinɛnyɔ Zezu 'bhale- 'ɔnɛɛ zikpɛ "me -se 'ɔ "kɛ -anye 'fuɔ -anyɛɛ 'nyinyonoli za. 'Ɛza, 'ɔ -sɛ -lɔ -anye zikpɛ ne "ku 'na "nyɛnye "me, -se -a To Lagɔ 'yɛbhɛ -wɛ.

Galatenya 2:20

'E -yɛ, -mɔ, -ame, "mɔ "ne -la -yɛ, Klise -yɛ -la -lɔ -ame "me. -Dɛmenadɛ "ku, 'neɛ zikpɛ -ye 'e -ko -la -dɛme "ku ne, Lagɔ 'na 'Yu 'na 'dlekukɛleɛ "me 'ye 'e -sule -lɔ 'neɛ zikpɛ, 'ɔyi -ɔ -wa -ame, "ne -ɔ -ple 'ɔnɛɛ zikpɛ 'neɛ za -wɛ.

Efɛzenya 1:4

-Sɔɔdɛku zikpɛ -namlɛ 'wlɔ- -wɛ, Lagɔ -tɔ -anye Zezu Kli "me, -se -a "kɛ 'wlewle ko, -se 'ɔyi 'yliku, -a te -kɛ 'nuɔsɔbhɔledɛ kɛle-, -se -a "kɛ 'ɔnɛɛ -waleɛ "me ko.

Efɛzenya 3:17

Klise 'ko 'anye 'dlezɔ 'dlekukɛleɛ "me! 'E 'yɔbhɔ -gbɔ 'a mi -kpulu -se 'a kɛlekɛlele kɔ -se 'anyɛɛ -waleɛ "tamale- "me.

Efɛzenya 3:19

'A yi 'ce Klise 'na -waleɛ, -ɛ -ple -li 'klekle -ye 'wa "kɛ yibhlele- -wɛ yɔko "me, yibhlele-. 'A yi 'ce Lagɔ 'na zikpɛ 'klekle -yle, "ne 'ɔ yi 'ce 'anye "me 'glile- gou.

Efɛzenya 4:15

-Mɔ, -a kɛ gbɛklɛklɛ bhulɛ -waleɛ "me ne, -a yi -li 'klekle "me 'kpɔmale Klise 'nasɛ, 'ɔyi -ɔ -noɔ ku 'na 'wli yɔ -wɛ za.

Efɛzenya 4:2

'A 'kwliale- 'ayi "ku, 'a wɔtɔ- 'dle, -se -a 'piɛ "bhle 'dle, 'a -sluslule 'ŋwɛnɛsɛ.

Efɛzenya 5:15

'A 'luɔle- -kɛ 'anyɛɛ 'nɔŋosɛ "ku, -mɔ, 'a te -kɛ 'ayi -slu sɛgbɛɛ -wa "ne "nɛ, 'a -slu "kɛ 'ayi 'ylimeyamalenya 'na sɛku.

Efɛzenya 5:25

'Widia 'nye, 'a wamale 'anyɛɛ 'ŋwenea -see Klise -wa 'ɔnɛɛ Lagɔgligbɛ, "ne 'ɔ 'bhale- 'ɔnɛɛ zikpɛ "me 'ɛnɛɛ za -wɛ,

Filiponya 4:18

-Ye 'e 'yɔbhɔ -wɛ, 'e -kɛ, "ne 'ɛ -zu! -Dɛme 'lelee, 'e -yle -ye 'a -slua Epaflodiite 'na za -wɛ. 'Ɛ -li -wɛ -ko sɛgbɛɛ bɔbɔli -nyɔ 'na 'ŋoni -ko sɛgbɛɛ lasiklɔ. 'Ɛ -soɔ 'na bɔbɔli -wɛ 'ye Lagɔ -wa -lɔ "ne 'ɔ 'sa -lɔ kɔ.

Kolɔsenya 3:14

-Mɔ, 'a -wale -tiaa: -Waleɛ gbɔ -lɔ "ne 'nyakpa 'kole -lɔ "ku 'tee.

1 Tesalonikenya 4:9

'Ɛ -ko sɔbhɔ, -mɔ, 'wa -ka 'se 'anye "ku 'kɛle "ne 'wa "kɛ 'anye -see 'a "kɛ wamalewamale -wɛ sloa. "Naa-, Lagɔ -sloɛ 'anye.

1 Timote 2:6

Lagɔ 'na 'yli -ye 'ɔ di- -wɛ ylɛ lɛ ne, 'ɔ -ple 'ɔnɛɛ zikpɛ, -se 'ɔ "kɛ 'nyakpa 'klekle 'na 'nyinyonoli 'na gbo fle. Klise 'na 'desɛweli "tɛnye 'na -ye Lagɔ -sɛ lɔbhɔ "me -wɛ -lɔ.

1 Timote 4:12

'Nyɔkpɔ te -eyi 'dii ziɛ-, -se -e -noɔ 'teyigbɔ yɔ za. Zaa, -eyi, tua 'se 'dlekukɛlenya -neɛ' bhulɛweli "me, 'neɛ zikpɛ "me, -neɛ' 'ŋwɛnɛ "me, -neɛ' 'dlekukɛleɛ "me, -neɛ' 'wlewle -koɛ "me -se 'nyakpa "kɛ -neɛ' -gbudu gɛle.

Tite 2:14

'Ɔ -ple 'ɔnɛɛ zikpɛ -anyɛɛ za, -se -anyɛɛ 'nyinyonoli 'na gbo "kɛ bhiɛ. 'Ɔ 'yɔbhɔ nɛ -gbɔ 'ɔ "kɛ nɛ -anye -zakpɛ -bholo "me 'wlewle "zoa-. 'Nyakpa -wa "kɛ 'ɔnoa "zo- -wɛ, -wa -ko lɔbhɔ -godogodo -se -wa "kɛ -li 'na -li no.

Eblenya 8:3

Bɔbɔnyɔ "yitɔ, 'wa -sɔ lɔbhɔ -se 'ɔ "kɛ -li -ye 'wa "nyɛ -wɛ Lagɔ 'ylime tua -se 'ɔ "kɛ bɔbɔ-. Zezu, 'ɔyi 'lelee, 'ɔ yi Lagɔ 'na 'nyɛ "nyɛ -bɛɛ' slu-.

Eblenya 9:14

-Ɛwɛ kɛ 'diɛɛ yɛ ne, Klise 'na dlu -kɛ 'bhɛloɛ "ne 'ɛ zi "ku. "Naa-, Zuzu Wlewle "me, Klise -bɔbɔle -lɔ, 'ɔ -plele 'ɔyi Lagɔ kɔ, sɛgbɛɛ bɔbɔ -li -ɛ "ne 'nuɔsɔbhɔledɛ -kɛ -wɛ. 'Ɔɔ "kɛ 'ce -lɔ -anyɛɛ 'dlezɔ -mee -plɛ 'fe -li -nyɛnye 'na nonoɛ "me -wɛ 'wlele "zoa-. Zaa, -a yi -da Lagɔ -ɔ -yɛ 'gbligbli -wɛ "ku lɔbhɔ-.

Eblenya 9:23

Soɔ 'ye 'wa kɛ "nɔgɔ "me 'na -li 'na 'didale 'wlele pla- ne, lɔbhɔ 'na dɛku "nɔgɔ "me 'na -li 'na 'wlelezoɛ 'na bɔbɔli yi "ku zi.

Eblenya 9:26

'Ɛ "mɔ nɛ -soɔ yɛ ne, Klise yi nɛ 'gbape "ku -vu 'na dɛ, -se zikpɛ "mɔ 'awɔ 'wlo-. "Naa-, -dɛmeda, 'bebhiɛle -yli ne "me, Klise -tua 'ɔyi "ku -bholo -kpee 'na dɛ. 'Ɔ "zoa- 'ɔyi bɔbɔle -bɛɛ', -se 'ɔ "kɛ 'nyinyonoli "ku bhia-.

1 Piɛle 4:8

-Li 'klekle "me, 'a wale- 'dle 'na -dle kɔ, "naa- «-walewaleɛ 'wale -lɔ 'nyinyonoli 'na 'gbagbo "ku.»

1 Zaa 3:16

Sɛne 'ye -a -yibhlele -lɔ -waleɛ: Zezu 'bhale- 'ɔnɛɛ zikpɛ "me -anyɛɛ za. Zaa, -anye 'lelee, -a yi -anyɛɛ zikpɛ "me 'bhale- -me -a "nowlia 'wɔ za.

1 Zaa 3:23

-Ye Lagɔ 'yɔbhɔ -gbɔ -a no ne lɛ: -A kɛle- 'ɔ Yowli, Zezu Kli 'na 'tɔ "me 'dleku, -se -a wawale- -see Klise 'yɛbhɛle -anye -wɛ.

'Ylikloylɛleweli 1:5

Zezu Kli -ɔ -noɔ -ɔyeɛdɛ 'na 'dletɛlenyɔ yɔ, 'ɔ "nyɛ 'anye -jɔlo -nyɛ "kuwɛtɛ "bhaa. 'Ɔɔ -noɔ tɛtɛnyɔ 'na -ɔ 'wlo- -glukonya 'glɛme zɔ yɔ. 'Ɔɔ -noɔ -me 'lelee dodo ne "ku 'na -klɔgbɔnya 'na "cifi yɔ. Zezu Kli -wamale -anye "ne 'ɔ -sɛ -anye -anyɛɛ 'nyinyonoli 'na gbo 'wlime, 'ɔnɛɛ dlu 'na suɛsluɛ "me.

'Ylikloylɛleweli 5:9

'Wa 'di nɛ lo lele nɛɛ: -E -kɛ "bɔgo -wɛ 'na "ku libhisɛ, "ne 'ɛnɛɛ 'gwaledɛ 'na 'vulusɛ. "Naa-, 'wa 'lɔbhɔ- -eyi "ne -e "ku-. -Neɛ' dlu "me -e 'jeti- 'nyakpa. Gbɔgbɔgbo 'klekle, 'nyakpa 'klekle, -glɔ 'klekle, "ne 'dodo ne "ku 'na konya 'klekle, -e 'joa- Lagɔ kɔ.