Efɛzenya 5:19 - Nouveau Testament bété de Gagnoa

¹⁹ 'A bhulɛ 'gɔme Some "me, Lagɔ 'na lo, Lagɔ 'na zozo lo -ɛ 'bhale Zuzu Wlewle "me -wɛ, 'a 'dile Anyinɛnyɔ lo keyi -se 'a 'kwɔ 'ŋlu 'anyɛɛ 'dle 'klekle "me.

Efɛzenya 5:19 Iomraidhean Croise

Matie 15:8

«'Nyakpa ne "zo -ame 'plome bhulɛweli 'ɛyikɔ "me. -Mɔ, 'wanɛɛ 'dle tlole- -ame 'dɛ kpɛnyee.

Matie 26:30

Zezu -nyɛ 'ɔnɛɛ gɛlenya "bhaa 'wa -bhle lɛ -jajolo "bhuɔ ne, "ne 'wa yi -lɔ olivietlo 'vli me.

Nonoli 16:25

Zle -jijɛku Pɔle -nyɛ Silase "bhaa yi -lɔ Lagɔ bhubhɔ, "ne 'wa yu -lɔ lo keyi 'dile. 'Walua -jiɛnya -foa nɛ 'yukwli.

1 Kolɛtenya 14:15

Zaa, -se 'e "kɛ bhɔ "zo 'a? 'E yi bhɔ 'neɛ 'dle "me bhubhɔle-, -mɔ, 'e yi bhɔ 'neɛ "nanoɛ "me bhubhɔle-. 'E yi bhɔ 'neɛ 'dle "me bhlele- -mɔ, 'e yi bhɔ 'neɛ "nanoɛ "me bhlele-.

1 Kolɛtenya 14:26

Zaa, -nyɔsɔwanye, -see 'ɛ "kɛ bhɔ "me ko 'a? 'A -kɛ 'wli "zo ne, 'anyɛɛ 'glɛme 'na -bholo 'bhɛle- -se 'ɔ "kɛ lo 'bhle, "ne -ɔwɛ yi sloa-, "ne 'ɔnɛɛ -ɔwɛ yi -ɛ zizɔ- "ku -wɛ "ku -wɛ 'nyakpa sloa-, "ne -ɔwɛ yi 'lelee -ye 'wa bhulɛ "ne 'ɛ "ne -yiɔ -wɛ zɔ -sɛ. -Mɔ, 'ɛyi 'klekle Lagɔ 'na -gligbɛnya 'na 'dlekukɛleɛ 'ye 'ɛ "tamalea- -lɔ "ku.

Kolɔsenya 3:16

Klise 'na weli -ko 'anye 'glɛme, 'ɛ -nyɛ 'ɛnɛɛ -klɔgbɔ 'klekle "bhaa. 'A 'sloasloale 'ylimeyamalesɛ, -se 'a "zozole 'de "me. 'A 'bhɛle- Lagɔ 'anyɛɛ 'dle 'klekle zɔ, 'a bhle lo: Some, Lagɔ -lo 'na -ye 'a 'wɛlɛ- 'ayigɛsɛ -wɛ "ne lo -ye Zuzu Wlewle pɔ 'anye -gwe "ku -wɛ.

Zake 5:13

'Anye 'glɛme, 'nyɔkpɔ "mɔ -yɛ, 'ɔ bhubhɔ- Lagɔ. 'Ŋwɛnɛ kɔ 'lɔbhɔ ne, 'ɔ 'dile Lagɔ lo keyi.

'Ylikloylɛleweli 5:9

'Wa 'di nɛ lo lele nɛɛ: -E -kɛ "bɔgo -wɛ 'na "ku libhisɛ, "ne 'ɛnɛɛ 'gwaledɛ 'na 'vulusɛ. "Naa-, 'wa 'lɔbhɔ- -eyi "ne -e "ku-. -Neɛ' dlu "me -e 'jeti- 'nyakpa. Gbɔgbɔgbo 'klekle, 'nyakpa 'klekle, -glɔ 'klekle, "ne 'dodo ne "ku 'na konya 'klekle, -e 'joa- Lagɔ kɔ.