Efɛzenya 5:15 - Nouveau Testament bété de Gagnoa

¹⁵ 'A 'luɔle- -kɛ 'anyɛɛ 'nɔŋosɛ "ku, -mɔ, 'a te -kɛ 'ayi -slu sɛgbɛɛ -wa "ne "nɛ, 'a -slu "kɛ 'ayi 'ylimeyamalenya 'na sɛku.

Efɛzenya 5:15 Iomraidhean Croise

Matie 10:16

«'A 'fo -kɛ -ame 'yukwli, 'e 'lebhe 'anye -see 'wa sibha lɛ wlia 'slukua 'glɛme, zaa, 'a yibhlele- -kɛ "nɔŋɔ sɛ sɛgbɛɛ tɛbhɛ, -se 'a wɔtɔ- -kɛ 'dle sɛgbɛɛ -kobhlele.

Matie 25:2

'Wanɛɛ 'glɛme 'na 'umgbu "ne "nɛ-, "ne 'umgbu 'na -wawɛ "nɛ-.

Matie 27:24

Pilate -gɛ 'yli -gbɔ "fu 'ye 'ɔ bhulɛ -lɔ, -mɔ, nonoli 'kpɔ "ne 'ɛ -zi "ku, "ne 'ɔ yi -lɔ 'ŋu "ku 'libhi, "ne 'ɔ yi -lɔ kɔ 'wɛle- "ɛ 'nyakpa 'na zakpɛ -wɛ 'yliku. 'Ɔ nɛɛ: «'E "ne -kɛ 'nyɔkpɔ ne 'na 'kwiɛ "me -ko -me gou, -mɔ, 'anyɛɛ gbo yɛ -lɔ.»

Matie 27:4

"Ne 'ɔ yua -lɔ bhulɛle- nɛɛ: «'E -no 'nyinyonoli, "ne 'e -ple 'nyɔkpɔ 'na -ɔ "ne gbo -nyimɔ -wɛ.» Ŋwɛnɛɛ: «'Ɛ "ne -anyɛɛ gbo yɛ, -mɔ, -neɛ' yɛ -lɔ!»

Matie 8:4

"Ne Zezu yu -lɔ kɔ 'titli nɛɛ: «Te -kɛ 'nyɔkpɔ 'de -sɛle, -mɔ, me -se -e "kɛ -eyi bɔbɔnyɔ 'ylime tuɔ-, -se bɔbɔli -ye Moyize no -gbɔ 'wa -sɛ -wɛ, 'wlɛ-. 'Ɛɛ "kɛ -lɔ 'de -sɛ nɛɛ -e -yamale.»

Luke 24:25

"Ne Zezu yua -lɔ sɛne bhule- nɛɛ: «'Wli "me -ko 'anye foo. "Ne 'dlezɔ -ko 'anye -bhetlii, 'ye "guɔkwɔmenya -bhulɛ 'klekle -wɛ 'a "ne 'dleku -kɛle!

1 Kolɛtenya 14:20

-Nyɔsɔwanye, 'a "kɛ 'dle 'pɔ ne, 'a te yua 'nasɛ 'dle 'pɔ. "Nyɛnye 'ye 'a -gba "kɛ no, 'a "zoa- 'ayi yua 'lelea, -mɔ 'dlepɔ dɛku, 'a "zoa- 'ayi "yitia.

Galatenya 3:1

'Anye Galate 'na 'nyakpa -wa "ne "nɛ- 'kplokplo, -ɔ 'pɔ- 'bhɔ 'anye "ɛwɛ 'wlime 'a? "Ne 'anye, 'wa 'tua- 'se 'anye -see Zezu Kli -kule klowa "klo -wɛ 'ylime ne!

Galatenya 3:3

'Wli "me -nyimɔ bhɔ 'anye -a! "Kucidɛku, Zuzu Wlewle 'ye 'a tɛle- nɛ "kɛ -lɔ 'dle, -Dɛmeda, 'ayi 'ye 'a "kɛ -la -lɔ 'dle 'tɛle -a?

Efɛzenya 5:2

'A -kɛle 'ŋwɛnɛ "me, Klise 'nasɛ: 'Ɔ -wamale -anye, "ne -ɔ 'bhale- 'ɔnɛɛ zikpɛ "me 'anyɛɛ za, sɛgbɛɛ 'nyɛnyɛ -bɛɛ' "ne bɔbɔle -bɛɛ' -ɛnɛɛ 'ŋoni -le lɛ Lagɔ 'ŋwɛnɛ "ku ne.

Efɛzenya 5:33

-Soɔ 'ye 'ɛ -ko -me 'lelee -lɔ 'anyɛɛ dɛku: -Ɔkɔkokɔko yi 'ɔnɛɛ 'ŋɔnɔ wamale- -se 'ɔ -wa 'ɔyigɛsɛ 'ɔyi -wɛ "ne 'ŋɔnɔ yi 'ɔnɛɛ 'widi 'plome "zo.

Filiponya 1:27

Zaa, 'a ko -see Klise 'na 'Denaade 'yɔbhɔ -gbɔ 'a ko -wɛ. -Se 'e -kɛ -yi, 'e "kɛ 'ce 'anye 'ylime 'ye, "ne 'e "mɔ 'ce -yi, 'e yi 'ce "fu 'anyɛɛ weli "me 'no. "Ne 'e yi 'lelee 'sɛ yibhlele- -gbɔ 'a -kole "ku "ne 'a -wale. 'Denaade 'na -ye 'dlekukɛleɛ -nɛme -wɛ 'a -su 'tee "ne 'a nole 'lelee Lagɔlibhɔ 'dle -wɔtɔ "me.

Kolɔsenya 1:9

'Ɛza, -anye 'lelee, -se -a "mɔ 'awɔ 'anyɛɛ "kukoweli yibhlele-, -a 'bhubhɔ 'anyɛɛ za "ne -a "ne 'diɔle-. "Ne -a zlɛ -lɔ Lagɔ -gbɔ 'ɔ 'nyɛ 'anye 'ylimeyamaleɛ "ne "nanoɛ 'klekle, "ne -bɛɛ' 'na -ɛ 'bhale 'ɔnɛɛ Zuzu "me -wɛ. Lɔbhɔ 'na dɛku, 'a yi -ye 'ɔ 'yɔbhɔle- 'anye "me -wɛ yibhlele- gou.

Kolɔsenya 4:5

-Wa "ne Klise -gɛle -wɛ 'na dɛku, 'a slu 'ayi 'ylimeyamalesɛ. Lagɔ 'na "tɛnye -ye 'ɔ 'nyɛ 'anye -wɛ, 'a 'sɛ kɔ.

1 Tesalonikenya 5:15

-Se 'a kɛ lɔbhɔ -ko ne, 'kpɛsɛdɛ te 'ce 'anye 'dlezɔ ko, -mɔ, 'a tɛle- -li 'na -li 'na nonoɛ 'siɛ 'anye 'glɛme "ne 'nyakpa 'klekle 'glɛme.

1 Timote 6:9

-Mɔ, 'nyakpa 'na -wa no -gbɔ 'wa "kɛ -klɔgbɔ "pɔ -wɛ, "mebeamɔ 'wa bhlile -lɔ. Nonoli -kwleyi -nyɛnye soa- -gbotu 'nasɛ, "ne 'ɛ nyimoa -lɔ, "ne 'ɛ 'kɔmoa -lɔ 'kwiɛ 'na -gwe "ku.

Eblenya 12:25

'A luɔ- -kɛ! -Ɔ bhulɛle 'anye -wɛ, 'a 'fo 'yukwli! Dodo ne "ku, Moyize -sɛ 'awɔ -kɛ Izlayɛleyua 'yukwli fete, -mɔ, 'wa "no 'awɔ -kɛ 'yukwli -fo "ne -ɛ "kɛ 'awɔ lɔbhɔ ylɛ -wɛ -ylɛle 'awɔ lɔbhɔ. -Anye, "nɔgɔ "me, Lagɔ -ɔ bhulɛle -anye -wɛ -ko -lɔ. -A kɔ keyi -glɛ ne, -a -cɛ nu "po, -a kɛle- 'dleku!

Zake 3:13

'Nyɔkpɔ 'na -ɔ "nɛ- -wɛ -ko bhɔ 'anye 'glɛme 'a? 'Nyɔkpɔ 'na -ɔ -yi 'dlepɔsɛ -wɛ -ko bhɔ 'anye 'glɛme 'a? Zaa, 'ɔnɛɛ nonoli "me, -ɔ 'tua 'se -anye 'ɔnɛɛ "nanoɛ "ne 'ɔnɛɛ 'dlewɔtɛsɛ 'ylime.

1 Piɛle 1:22

Gbɛklɛklɛ 'plome -zo za, 'a "zo- 'wlele, -se 'a "kɛ 'a "nowlia -wa -noɔ 'klecɛ 'waa -wɛ 'wamale-. 'A wama- -wamale kpɛnyee 'dle 'na 'dle kɔ.

'Ylikloylɛleweli 19:10

"Ne 'e yi -lɔ "nɔgɔzilɔ -kokomini 'yli "ku "pɔle, -se 'e "kɔ "zo. ''Ne 'ɔ yi -lɔ no nɛɛ: Te -kɛ 'soɔ no. "Kulɔbhɔnyɔ 'ye 'e -noɔ -me -lɔ -neɛ' sɛ, sɛgbɛɛ "nowlia -nyɛ -e "nɔyoa 'wɔ "bhaa -wa tɛle- Zezu Kli 'na bhulɛweli -ɛ -ko gbaa 'dle, "ne 'ɔ -tua 'nyakpa 'ylime -wɛ. Lagɔ 'ye -e "kɛ -lɔ "zo. Zezu 'na bhulɛweli -ye 'ɔ -tua 'nyakpa 'ylime -wɛ "me 'ye "guɔkwɔmenya 'na bhuleweli 'bhale -lɔ.