Efɛzenya 5:14 - Nouveau Testament bété de Gagnoa

¹⁴ "Naa-, -ɛ 'wlo zɔ 'klekle -wɛ, zle "ku 'ye 'ɛ yi -lɔ, 'ɛza 'wa no -lɔ nɛɛ: Glɔ! -Eyi -mɔ 'ŋɔŋo- -wɛ. "Sɔ "ku -glukonya 'glɛme, -se Klise "kɛ -eyi 'ɔnɛɛ zle "ku -lea.

Efɛzenya 5:14 Iomraidhean Croise

Luke 1:78

"Naa-, 'anyɛɛ Lagɔ 'na -see 'ɔ -wa 'anye kpɛnyee yɛ -lɔ. 'Ɛnɛɛ 'ylime, -zeli 'bhale "nɔgɔ "me "ne 'ɛ 'le -lɔ 'anye "ku, sɛgbɛɛ gluzɔwloylo,

Luke 15:24

"Naa- 'neɛ yu -ɔ -ko dɛne, 'ɔ "ku nɛ, "ne 'ɔ yi -lɔ glɔ-. 'Ɔ -bhli nɛ "ne 'e yu -lɔ yle. "Ne 'wa yi -lɔ -jajo -no -ku 'ci.

Zezu Kli 'na 'Denaade ‑ye Zaa kɛle‑ ne lɛ 8:12

"Ne Zezu yi -lɔ "kusɔ "ɛ 'nyakpa -wɛ bhulɛle- nɛɛ: «-Ame 'mɔɔ -noɔ -lɔ dodo ne "ku 'na zle yɔ. -Ɔ kɛ -ame lo -yili ne, 'ɔ -ka 'ce -la titiɛ "me 'nɔŋo, -mɔ, 'ɔ yi 'ce zle 'na -ɛ 'nyɛ zikpɛ -wɛ yle.»

Zezu Kli 'na 'Denaade ‑ye Zaa kɛle‑ ne lɛ 9:5

-Ye 'e -ko -mlɛ dodo ne "ku -wɛ, 'mɔɔ -noɔ -lɔ "ɛ dodo ne "ku 'na zle yɔ.»

Nonoli 13:47

"Naa-, -sɛne 'ye- Anyinɛnyɔ -bhulɛle lɛ -anye nɛɛ: 'E "zoa- -eyi -glɔ 'klekle 'na -zle. -Se -e "kɛ popoɛ dodo 'na 'wlizɔ bhiɛledɛ -nɛme.»

Wlomɛnya 6:13

'Anyɛɛ ku te -kɛ -la 'nyinyonoli "ku lɔbhɔ- sɛgbɛɛ "nyɛnye 'na nonoɛ. -Wa 'bha- 'kwiɛ "me "ne 'wa -yɛ -wɛ 'nasɛ, 'a lɔbhɔ- Lagɔ "ku. 'A 'libhi 'anyɛɛ ku "ku se 'a "kɛ -ɛ ŋwinɛle- "me -wɛ no.

1 Kolɛtenya 15:34

Zaa, 'a "pɔ -kɛ 'dle 'tee, -se 'a "kɛ ko, "ne 'a -ka -kɛ 'nyinyonoli no -wɛ! "Naa-, 'anyɛɛ 'glɛme 'na -bedia "ne -kɛ Lagɔ -yi zɛ. -Ye 'e bhulɛ -dɛne -wɛ, 'anyɛɛ zu yɛ -lɔ.

2 Kolɛtenya 4:6

Lagɔ nɛɛ: Zle le titiɛ 'jijɛku. 'Ɔyi -bhele -wɛ -le -lɔ -anye 'dlezɔ. 'Ɔ "kɛ gbɔ -se -a "kɛ Lagɔ 'na 'ŋlu -ɛ le Klise 'na "klo -wɛ yibhlele-.

Efɛzenya 2:1

-Watɔ -ce, 'a "ku- 'awɔ 'anyɛɛ "nyɛnye za, "ne -anyɛɛ 'nyinyonoli za.

Efɛzenya 2:5

'Ɛza, -anye -wa "ku- 'awɔ -anyɛɛ 'nyinyonoli 'na gbo "me -wɛ, Klise "bhaa 'na "kukoleɛ "me, 'ɔ 'je- -anye zikpɛ kɔ. 'Diɛɛ, 'a 'po- Lagɔ 'na "nɛneko 'ylime.

Kolɔsenya 3:1

Klise "bhaa 'wa -goliale -lɔ 'anye -glukonya 'glɛme, 'a -yi sɛ. Zaa, 'a tɛle- "nɔgɔ "me 'na -li 'siɛ, -dee Klise -ko, "ne 'ɔ 'gli- Lagɔ 'na lilikwlɛ -gbɔsɔ "ku -wɛ.

1 Tesalonikenya 5:6

Zaa, 'a -ya te -kɛ ŋɔŋo -wawɛ 'nasɛ, -mɔ, -a ple 'yli, -se -a ko lɔbhɔ, -se -a 'slu- -ayi 'tee.

2 Timote 1:10

Zaa, -Dɛmeda, "ɛ -jɔlo ne -gɔ la 'yli 'tee, -sɔɔdɛku -anyɛɛ 'Fuɔnyɔ Zezu Kli -yi -wɛ, 'ɔyi Zezu, 'ɔ -lu gazoɛ 'na 'bhɛloɛ to "me, "ne 'Denaade "me, "ne 'ɔ yi -lɔ zikpɛ 'na -ɛ -ka "kubhiɛ -wɛ 'nyakpa sloa.

2 Timote 2:26

"Ne 'wa yi lo yi, "ne 'wa "kɛ -lɔ Sata 'na -gbotu 'yli 'bha, -ɔ "zoa nɛ -jiɛnya -wɛ. 'Wa -kɔ -la "ku lɔbhɔ ne 'wa yi 'wayi 'tee slu.