Efɛzenya 5:11 - Nouveau Testament bété de Gagnoa

¹¹ Nonoli -ɛ -ko titiɛ "me -wɛ, 'ɛ "ne "tlo -la 'bhi 'na "namanɔ. Zaa, 'a te 'ɛyi -wɛ 'na 'didi "me 'ko me. -Wa no -wɛ, 'a -soa zɔ!

Efɛzenya 5:11 Iomraidhean Croise

Matie 18:15

-E "nɔwli kɛ -eyi "nyɛnye 'wli -no ne, me -se -e "kɔ 'ylime 'ye -se 'anye "sɔ 'a "kɛ bhulɛ, -se -e "kɔ bhulɛle- -gbɔ -ye 'ɔ -no -wɛ "ne 'nɛne, 'ɔ "kɛ -eyi 'yukwli -fo ne, 'e 'ya -lɔ 'e "nɔwli "fuɔ.

Luke 3:19

Zaa Batise -bhle 'awɔ Elode weli 'klo. "Naa-, 'ɔ "nɔwli Filiipo 'na 'ŋɔnɔ Elodiade 'ye 'ɔ -kwɔ 'awɔ -lɔ zɛ. Li "nyɛnye 'klekle -ye Elode -no -wɛ, 'ɔ -sɔbhɔle.

Nonoli 26:18

-Se -e "kɛ 'wanɛɛ 'yli "ku -vulu, -se 'wa "kɛ titiɛ "me 'bha, 'se 'wa "kɛ zle "ku 'sibhɔ. -Se 'wa te -kɛ -la Sata 'na 'bhɛloɛ "me ko, -se 'wa "kɛ Lagɔ lo 'yli. -Wa -kɛ -ame 'dleku -wɛ, 'wanɛɛ 'nyinyonoli 'na gbo yi "ku 'titliɔ-. "Ne 'wa yi Lagɔ 'na "gugbɛ 'na 'cibhɛ yle -me, -wa -kɛ -ame 'dleku -wɛ 'nasɛ.

Wlomɛnya 13:12

'Titiɛ yi -la "kubhiɛ, "ne zle "kɛ -lɔ ze. Zaa, -a ylilea- -ayi "nyɛnye -ye -a nole titiɛ "me -wɛ 'guɔ. -Se -a libhi 'togwe -li -ye -a -su zlegɛ -wɛ "ku.

Wlomɛnya 16:17

-Nyɔsɔwanye, -ye 'e 'yɔbhɔle 'anye "me lo ne lɛ: 'A 'luɔle- -kɛ 'nyakpa 'wa 'dlidlile Lagɔgligbɛ "me -wɛ "ku. 'Wa yi -kɛ 'dlekukɛlenya zɔ 'pɔ, -see 'wa -sɛ 'anyɛɛ -sloaweli -ye 'a -yle -wɛ 'bhulɛ "ku -wɛ za. 'A 'toa -kɛ -la gɛlele gou!

Wlomɛnya 6:21

Lɔbhɔ 'na dɛku, -ye 'a -ylele bhɔ "me -tiaa? -Zeka, zu 'lɔbhɔ 'anye, "naa-, 'ɛnɛɛ 'wlisɛledɛ, 'kwiɛ yɛ -lɔ.

Galatenya 6:8

'Nyɔkpɔ 'na -ɔ glo 'ɔnɛɛ 'dlepɔsɛ -nyɛnye 'na -ye 'ɛ 'yɔbhɔ -wɛ, 'ɔ yi 'ce -ye 'ɔnɛɛ 'dlepɔsɛ -nyɛnye tlo -wɛ -sɛ, 'ɛ sɛ zɔ nɛɛ: 'Kwiɛ. -Mɔ, 'ɔ kɛ -ɛ 'nɛne Zuzu Wlewle -gɛ -wɛ glo, 'ɔ yi -ye Zuzu Wlewle tlo -wɛ -sɛ, 'ɛ sɛ zɔ nɛɛ: Zikpɛ -ɛ -ka "kubhiɛ -wɛ.

Efɛzenya 4:22

Zaa, 'a yi 'anyɛɛ -watɔ 'na zikpɛ -ce 'yi 'tale-. -Watɔ -ce, 'a -wa nɛ 'dlepɔsɛ -nyɛnye -ɛ no ylo, "ne 'ɛ lɔbhɔ nɛ 'anye "ku -wɛ. Zaa, -se 'a -ko 'awɔ -watɔ -ce, 'a 'tale -sɔbhɔ 'yi sɛgbɛɛ "koti -gɔgɔ.

Efɛzenya 5:12

'Nyakpa -wɛ 'na -ye 'wa no 'diɛɛ "me -wɛ, 'ɛnɛɛ bhulɛbhulɛ -le 'zu "ku.

Efɛzenya 5:7

'A te -kɛ 'wanɛɛ sɛ "zo "me!

Kolɔsenya 1:12

'a bhɛle To: 'Ɔɔ -gbɔ -lɔ "ne 'a yi -lɔ -li 'na -ye 'ɔ -sɛ lɔbhɔ 'wlewle 'wanɛɛ "ku, 'ɔnɛɛ 'kamale zikpɛ "me 'na zle "ku -wɛ yle.

1 Tesalonikenya 5:7

-Mɔ, -wa ŋɔŋo -wɛ, 'sabo 'wa ŋɔŋo -lɔ, "ne -wa nɔmɔ -wɛ, 'sabo 'wa nɔmɔ -lɔ kpɛnyee.

2 Tesalonikenya 3:14

'Nyɔkpɔ "mɔ -kɛ "bɔgo -ye -a kɛle- ne 'plome "zo ne, 'a 'kɔbhɔ- 'yli, -se 'a 'di 'ɛ nyɔ -wɛ yɔko, -se 'zu "kɔ 'lɔbhɔ.

2 Tesalonikenya 3:6

-Nyɔsɔwanye, Anyinɛnyɔ Zezu Kli 'na 'tɔ "me 'ye -a bhulɛle lɛ 'anye: 'A 'ylile- 'nyɔkpɔ 'na -ɔ -su 'ɔnɛɛ zikpɛ bidibidi -wɛ, "ne -ɔ "ne 'wolo- -ye -a -sloa 'anye -wɛ "klo, 'a ylilo- guɔ.

1 Timote 5:20

'Nyakpa -wa "ne 'diɔle- 'nyinyonoli -no -za -wɛ, 'wa 'diloa -zejilɛ "me gbo. 'Ɛ dɛku -wa -ko lɔbhɔ -wɛ "kɛ -lɔ "nyɛnyenoɛ -gɛ "gu.

1 Timote 5:22

Te -kɛ 'nyɔkpɔ -sɔ 'wli 'piɛ paa. Te -kɛ -elua 'na 'nyinyonoli 'na 'didi "me -ko "me. -Eyi 'nabhɛ slu -kɛ -eyi 'tee.

1 Timote 6:5

'Kpɛlekpɛleɛ -ɛ "ne nenidɛ -kɛ, 'nyakpa 'wa "ne "nɛ -wɛ 'glɛme. 'Wanɛɛ 'dlepɔsɛ "ne 'tee -ko. 'Wa "ne -ɛ -ko gbaa -yi. 'Wa "pɔ 'dle -gbɔ Lagɔ 'na 'dlekukɛleɛ "koa -lɔ -klɔgbɔnya "zoa-.

2 Timote 3:5

'Wa yi ko sɛgbɛɛ Lagɔ 'wa gɛle me, -mɔ, -a 'cɛ "me 'veɛ ne, 'wa "ne Lagɔ 'na 'bhɛloɛ 'dleku -kɛ kplokplo. Soɔ 'na 'nyakpa -wɛ, gloa keyi.

2 Timote 4:2

-Sɛ Lagɔ 'na 'Denaade, 'titliloa 'yukwli "me, -se 'ɛ "mɔ "me -ko "ne -se 'ɛ kɛ "me -ko, bhulɛ 'yiɛ, "tamaloa 'kwɛme -se 'wa kɛ 'gbi 'to ne, 'jijaloa 'wli, -se -gbɔtɔloa "ku, -se 'piɛ -kɛ "bhle 'dle -se -e "koa -kɛ sloa -godogodo.

Tite 2:15

Soɔ 'ye -e "kɛ -lɔ bhulɛ, 'titliloa- -kɛ 'yukwli "me, te "gu, -mɔ, bhulɛloa -ye 'wa no "ne 'ɛ "ne 'nɛne -wɛ 'na weli. -Se te 'nyɔkpɔ 'yi 'tale, -se 'ɔ te -kɛ -eyi yua sɛ slu.

'Ylikloylɛleweli 18:4

"Ne 'e yi 'lelee -lɔ weli 'na -vinɛ -ɛ 'bhale "nɔgɔ "me -wɛ 'no, 'ɛ nɛɛ: 'A 'bha- 'du ne "me 'anye 'neɛ 'nyakpa 'klekle, -se 'a te -kɛ 'wanɛɛ 'nyinyonoli -wɛ 'na 'didi "me ko -me. -Se "ɛ gbapegbapeɛ -ɛ "koa yle -wɛ te -kɛ 'anye yle -me.