Efɛzenya 4:6 - Nouveau Testament bété de Gagnoa

⁶ Lagɔ -yle -bholo -kpee, "ne 'ɔ -noɔ -lɔ 'nyakpa 'klekle 'wa To yɔ, "ne 'ɔ zi -li 'klekle "ku. 'Ɔ no 'loa -li 'klekle "me, "ne 'ɔ -koa "me 'klekle.

Efɛzenya 4:6 Iomraidhean Croise

Matie 6:13

Te -kɛ -anye 'yi 'tale- -se -a te -kɛ "mebeamɔ bhlile-, "naa-, -mɔɔ 'bhe- -lɔ kamaleɛ, 'bhɛloɛ "ne 'ŋlumeɛ -dɛme "ne -godogodo 'na dɛ. -Mɔ, -sɛ -anye sata 'wlime.»

Matie 6:9

'Anye ne, 'a bhubhɔ- sɛne: -A To -ɔ -ko "nɔgɔ "me, -neɛ' 'tɔ -ko wlewle. Gbɔ -se 'wa yibhlele-.

Zezu Kli 'na 'Denaade ‑ye Zaa kɛle‑ ne lɛ 14:23

"Ne Zezu yu -lɔ bhulɛle- nɛɛ: «'Nyɔkpɔ kɛ -ame -wa ne, 'ɔ yi 'neɛ bhulɛweli 'plome "zo. -Ame To yu wamale-, "ne -ame To "bhaa -a yu lo mele-, "ne -a yi 'ɔnɛɛ sueme 'glile-.

Zezu Kli 'na 'Denaade ‑ye Zaa kɛle‑ ne lɛ 17:26

'E -gbɔ "ne 'wa -yibhlele -eyi, "ne 'e yi -na -zɛ gbɔ "ne 'wa yi -eyi yibhlele- "yiɛ. -Se 'ŋwɛnɛ -ye -e -kɛ 'neɛ za "me -wɛ "koa "me -ko -me, -se -ame 'e "koa 'lelee "me -ko.»

Zezu Kli 'na 'Denaade ‑ye Zaa kɛle‑ ne lɛ 20:17

"Ne Zezu yu -lɔ bhulɛle- nɛɛ: «Te -kɛ -ame kɔ 'sa! "Naa-, 'e -namlɛ -a "To lo "gblɛle "nɔgɔ "me, -mɔ, -eyi, me -ame "nowlia 'wɔ bhulɛle- -ka -gbɔ 'e me -ame To yle -ka, -ɔ -noɔ -me lɛ 'a To yɔ ne, 'neɛ Lagɔ, -ɔ -noɔ -me lɛ -anyɛɛ Lagɔ yɔ ne.»

Wlomɛnya 11:36

'Diɛɛ, 'ɔyi 'ye 'ɛ 'bhale -lɔ "me 'klekle, 'ɔnɛɛ za 'ɛ -le -lɔ 'klekle, "ne 'ɔ 'bhe- -lɔ 'klekle, Lagɔ 'bhe- -lɔ 'ŋlu -godogodo! Amɛn!

1 Kolɛtenya 12:6

Nonoli "ne -bhele yɛ, -mɔ, Lagɔ -bhele -wɛ gbɔ -lɔ "ne 'ɛ noɔ -lɔ -ɔkɔkokɔko za.

1 Kolɛtenya 8:6

-Anye, -anyɛɛ dɛku, Lagɔ yle -bholo -kpee. 'Ɔ -noɔ -lɔ To yɔ. 'Ɔyi -li 'bhale -lɔ "me, 'Ɔnɛɛ za -a -yɛ -lɔ. "Ne Anyinɛnyɔ yle -bholo, 'ɔ -noɔ -lɔ Zezu Kli yɔ. 'Ɔyi "me 'ye -li -le -lɔ. "Ne 'ɔyi "me 'ye -a -yɛ -lɔ.

2 Kolɛtenya 6:16

Lagɔ 'na -bhudu -nyɛ "fu 'na lagɔ "bhaa, weli -bhele 'wa bhulɛ bha? "Naa-, -anye -noɔ -lɔ Lagɔ -ɔ -yɛ gbligbli 'na -bhudu yɔ. Sɛne Lagɔ -bhulɛ nɛɛ: 'E "koa 'glɛme 'gli, -se 'wa "kɛ -neɛ' 'nyakpa "zo -se -ame 'e "kɛ 'wanɛɛ Lagɔ "zo.

Efɛzenya 1:21

"Cifia 'na 'kamaleɛ 'klekle, "ne 'bhɛloɛ 'klekle, 'kwɛmetamaleɛ 'klekle, 'kamalenya "yitia 'klekle, -soɔ 'ye Klise gblua- -lɔ 'wlime. 'Ɔ 'gbli- -ɛ -le "kle -wɛ 'kwlɛ 'wlime, 'ɛ "ne -kɛ -zeka 'na zikpɛ ne 'ɛyikɔ yɛ, -mɔ, zikpɛ 'na -ɛ "kɛ 'lelee yi -wɛ -ko -me -kɛ 'bhle.

Efɛzenya 2:22

Klise "bhaa 'na "kukoleɛ "me, 'anye 'lelee, 'wa 'sɔbhɔle- -me 'anye "ɛ -bhudu -wɛ. "Ne -wawɛ 'klekle 'wɔ "bhaa, 'a "zo- -lɔ -bhudu -dee Lagɔ -ko -wɛ, Zuzu Wlewle za.

Efɛzenya 3:17

Klise 'ko 'anye 'dlezɔ 'dlekukɛleɛ "me! 'E 'yɔbhɔ -gbɔ 'a mi -kpulu -se 'a kɛlekɛlele kɔ -se 'anyɛɛ -waleɛ "tamale- "me.

Efɛzenya 6:23

To Lagɔ "ne Anyinɛnyɔ Zezu Kli -nyɛ "nowlia "ne "nɔyoa 'klecɛ 'wɔ "kuwɛtɛ, -waleɛ "ne 'dlekukɛleɛ!

1 Zaa 3:24

-Ɔ "zo Lagɔ 'na gbagbɛ 'plome -wɛ, Lagɔ 'ye 'ɔ -ko -lɔ "me, "ne Lagɔ -ko -me -lɔ "me. 'Diɛɛ, Lagɔ -ko -anye "me, Zuzu Wlewle -ye 'ɔ 'nyɛ- -anye -wɛ za.