Efɛzenya 4:5 - Nouveau Testament bété de Gagnoa

⁵ Anyinɛnyɔ -yle -bholo -kpee, 'dlekukɛleɛ -yle -bholo -kpee, batɛme -yle -bholo -kpee.

Efɛzenya 4:5 Iomraidhean Croise

Matie 28:19

'A me -glɔ 'klekle "ku, -se 'a bhulɛle- 'nyakpa 'neɛ "kukoweli, -se 'wa "kɛ 'neɛ gɛlenya "zo. 'A 'nyoa- batɛme To, Yu "ne Zuzu Wlewle 'na 'tɔ "me.

Nonoli 10:36

"Naa-, Zezu Kli "me 'ye Lagɔ -ylɛle -lɔ, "ne 'ɔ yi -lɔ Izlayɛleyua "kuwɛtɛ 'na 'Denaade -sɛle, 'ɔyi, -ɔ -noɔ 'nyakpa 'klekle 'na Anyinɛnyɔ yɔ -wɛ.

Nonoli 2:36

Izlayɛledu "me 'na 'nyakpa, 'a kɛle- 'ce 'dleku nɛɛ: "Ɛ Zezu -ye 'a 'lɔbhɔle- 'awɔ klowa "klo -wɛ, Lagɔ "zoɔ- "Bhenyɔ "ne 'Fuɔnyɔ.»

Wlomɛnya 3:30

"Naa-, Lagɔ -yle -bholo -kpee. 'Ɔɔ "kɛ -lɔ -wa 'diɔ- "ku "ne -wa "ne "ku 'diɔ- -wɛ "meŋwinɛlenya "zoa-, 'wanɛɛ 'dlekukɛle -ylime.

1 Kolɛtenya 1:13

'A 'pɔ bhɔ 'dle -gbɔ Klise "me 'ye 'ɔ 'dliɔdliɔle- bha? -Ame Pɔle 'wa -kole bhɔ klowa "klo 'anyɛɛ 'tɔ "me -a? Pɔle 'na 'tɔ "me 'wa 'nyɛ- bhɔ 'anye batɛme -a?

1 Kolɛtenya 1:2

-anye kɛle- lɛ Lagɔgligbɛ -ɛ -ko Kolɛte -wɛ "ku, "ne Lagɔ "zoa- 'wlewle Zezu Kli "me -wɛ, "ne -ye Lagɔ la -se 'wa "kɛ 'wlewle ko, "ne -wa "tule Anyinɛnyɔ Zezu Kli 'na 'tɔ "me moɔ 'klekle -wɛ "bhaa, -ɔ -noɔ 'wanɛɛ "Bhenyɔ "ne -anyɛɛ "Bhenyɔ yɔ -wɛ,

1 Kolɛtenya 12:13

Zufonya, Glɛkenya, 'juyua, "ne -wa -yele kɔ -wɛ "bhaa "ne -a -yle -lɔ batɛme Zuzu Wlewle 'ɔyikɔ "me, "ne -a yi -lɔ ku -bholo -kpee "zo. "Ɛ Zuzu -bholo -wɛ 'na 'ŋuwli 'ye -a 'nɔmɔle- -lɔ 'gɔme 'klekle.

1 Kolɛtenya 12:5

"Kulɔbhɔsɛ "ne muɔnɔ, -mɔ, Anyinɛnyɔ -bhele -wɛ yɔ -lɔ.

1 Kolɛtenya 8:6

-Anye, -anyɛɛ dɛku, Lagɔ yle -bholo -kpee. 'Ɔ -noɔ -lɔ To yɔ. 'Ɔyi -li 'bhale -lɔ "me, 'Ɔnɛɛ za -a -yɛ -lɔ. "Ne Anyinɛnyɔ yle -bholo, 'ɔ -noɔ -lɔ Zezu Kli yɔ. 'Ɔyi "me 'ye -li -le -lɔ. "Ne 'ɔyi "me 'ye -a -yɛ -lɔ.

2 Kolɛtenya 11:4

Sɛgbɛɛ, 'nyɔkpɔ bholo yi. "Ne 'ɔ bhulɛle 'anye Zezu 'na -vinɔ 'na weli, Zezu 'na -nyɔ 'na weli -ye -a -na 'ce -zɛ 'anye bhulɛle- -wɛ. "Ne sɛgbɛɛ 'a -yle 'lelee -lɔ zuzu 'na -vinɔ, zuzu 'na -ye 'a -na 'ce -zɛ yle -wɛ. "Ne 'lelee sɛgbɛɛ 'Denaade 'na -ye 'a -na 'ce -zɛ "me no gou -wɛ, 'ɛyi -wɛ 'ye 'a 'sa -lɔ kɔ.

Galatenya 5:6

'Nyɔkpɔ -nyɛ Klise Zezu "bhaa 'wa "kɛ "ku -kole ne, 'ɔ 'diɔ- "ku 'oo, 'ɔ "ne "ku 'diɔ- 'oo, 'ɛ "ne -bɛɛ' "me -ko! -Mɔ, 'ɛnɛɛ 'ɛ zi lɛ "ku -noɔ -lɔ -gbɔ -a 'tua -anyɛɛ 'dlekukɛleɛ 'na -se -a -wɔ -wɛ 'ylime.

Efɛzenya 4:13

Zaa, 'gɔme, -a yi 'ce 'dlekukɛleɛ -bhele, "ne Lagɔ Yowli 'na yibhleleɛ -bhele -yle 'je 'je. 'Ɛ kɛ 'bhiɛ -ka me ne, -a yi 'klecɛnya "yitia "zo, "ne -a yi Klise 'na -dee 'ɔ -gɛ -wɛ -ylɛ.

Filiponya 2:11

-Se 'nyakpa 'klekle "kɛ 'ce no nɛɛ: Zezu Kli -noɔ -lɔ Anyinɛnyɔ yɔ, -se -a To Lagɔ 'na 'tɔ "kɛ 'ŋlu me.

Filiponya 3:8

"Ɛ -ɛwɛ 'klekle ne, 'ɛ -ko -ame 'yliku sɛgbɛɛ -bɛɛ' 'na -ye 'e 'pɔ- 'kwlɛ "me Anyinɛnyɔ Zezu Kli za -wɛ. "Ɛ -ye 'e -yibhlele Anyinɛnyɔ Zezu Kli -wɛ, 'ɛ 'kpɔ- "ne 'ɛ -zi -li 'klekle "ku. Zezu Kli za, 'e 'bhale- -li 'klekle "me. 'E 'wolo -da "ku sɛgbɛɛ -didi, -se Klise 'ɔyikɔ "kɛ -bɛɛ' 'na 'ye 'e "kɛ yle -wɛ "zo.

Tite 1:1

-Ame Pɔle, Lagɔ 'na "kulɔbhɔnyɔ "ne Zezu Kli 'na "kɔlepɔnyɔ 'ye 'e -noɔ -lɔ. 'Ɔ -sɛ -lɔ -ame lɔbhɔ -se 'e "kɛ Lagɔ 'na 'nyakpa -ye 'ɔ -tɔ -wɛ 'dlekukɛleɛ kɔme- -se 'wa "kɛ gbɛklɛklɛ yibhlele-, -se 'wa "kɛ Lagɔ 'dle 'tɛle.

Tite 1:4

Tite, -eyi 'ye 'e 'kɛle lɛ "ku. 'Neɛ yu 'gbaa 'ye -e -noɔ -lɔ 'dlekukɛleɛ -ɛ -gbɔ "ne -a -kole "ku -wɛ "me: Zaa, To Lagɔ "ne -anyɛɛ 'Fuɔnyɔ Zezu Kli 'na 'tɔ "me, yle -jɔlo "ne "kuwɛtɛ.

Eblenya 13:7

'Anyɛɛ 'dle 'sibhɔ 'se 'anyɛɛ "yitia -gɔgɔa -wa -sɛle 'anye Lagɔ 'na 'Denaade -wɛ "ku. 'A wolo- -see 'wanɛɛ zikpɛ -bhiɛ 'wlizɔ -wɛ "ku, -se 'a 'didale- 'wanɛɛ -see 'wa -kɛle Lagɔ 'dleku -wɛ.

Eblenya 6:6

'ɛ -ko -sɔbhɔ, "ne 'wa -bhli zɔ, 'nyakpa -ka -la gbɔ "ne 'wa "kɛ "kusɔ kɔ 'bheliɔ-. 'Wanɛɛ dɛku Lagɔ Yowli 'wa -kole -lɔ "kusɔ klowa "klo, "ne 'wa ziɔ -lɔ 'dii 'nyakpa 'yliku.

Zake 2:18

'Nyɔkpɔ yi -lalɛce no -gbɔ: «-e -kɛ Lagɔ 'dleku, "ne -ame, 'e no -li 'na -li.» 'E yu lo 'yɔbhɔ nɛɛ: «sloa- -ame -see -neɛ' 'dlekukɛlesɛ "kɛ lele- 'ɛ "mɔ nonoli glɛglɛ-. -Se -ame 'e "kɛ -eyi 'neɛ nonoli "me 'neɛ 'dlekukɛlesɛ tua.»

1 Piɛle 3:21

'Anye 'lelee, batɛme -ɛ 'fuɔ -zeka 'anye -wɛ 'na didale yɛ -lɔ -tiaa. Batɛme ku yɔko 'na 'fe 'ye 'ɛ -na -kɛ lɔbhɔ -sɛ, -mɔ, Batɛme 'na yleyleɛ, Lagɔ 'na laweli 'na "kuŋunuɛ 'dlewɔtɛ "me yɛ -lɔ. Batɛme 'fuɔ -lɔ 'anye, sɛko -wɛ Zezu Kli 'wlo- -glukonya 'glɛme zɔ zɛ.

2 Piɛle 1:1

-Ame, Simɔ Piɛle, Zezu Kli 'na "kulɔbhɔnyɔ "ne 'ɔnɛɛ "kɔlepɔnyɔ, 'e kɛle -wa -yle -me 'dlekukɛleɛ -ɛ 'tɛ- 'kpɛ "ku sɛgbɛɛ -anye nɛ ne, Zezu Kli, -anyɛɛ Lagɔ "ne -anyɛɛ Fuɔnyɔ 'na 'dlewɔtɛ "me.

Zude 1:20

-Mɔ, 'anye, 'dleglɛtitoa nye, 'anyɛɛ zikpɛ 'ɛ 'gli 'anyɛɛ 'dlekukɛleɛ 'wlewle "me. 'A bhubhɔ- -se Zuzu Wlewle "kɛ 'anye kwɛle-.

Zude 1:3

-A 'tito -awale, 'e 'yɔbhɔ nɛ kpɛnyee -gbɔ 'e "kɛ 'anye "ku 'kɛle 'popoɛ -ɛ -noɔ -anye 'klekle nɛ yɛ -wɛ za. -Mɔ, -dɛmeda, 'e yi 'kɛle klepaa, -se 'e "kɛ 'anye 'kwɛme "tamalea-. 'A 'gwele- 'ayi kɔ, 'dlekukɛleɛ 'ye Lagɔ 'je- -godogodo 'na dɛ -wa -noɔ 'ɔnoa 'waa -wɛ kɔ za.