Efɛzenya 4:28 - Nouveau Testament bété de Gagnoa

²⁸ -Ɔ 'yli nɛ 'wi -wɛ te kɛ -la 'wi 'yli, 'ɔyi 'ye 'ɔ "kɛ -lɔ kɔ gwele, "ne 'ɔ "kɛ -lɔ 'ɔyigɛsɛ 'na libhɔ no 'tee. 'Ɛ kɛ -soɔ -ko, 'ɔ yi 'ce 'nyɔkpɔ 'na -ɔ 'tɛle 'kwɛle-kwɛleɛ 'siɛ -wɛ "ku yi.

Efɛzenya 4:28 Iomraidhean Croise

Luke 19:8

-Mɔ, Zase "kɛ "ku -sɔ ne, Anyinɛnyɔ 'ye 'ɔ bhulɛle- -lɔ nɛɛ: «"Bhenyɔ, 'e yi 'neɛ -li 'na 'cibhɛ nyɛzenya kɔ 'je, "ne -ye 'e -no ylo "ne 'e yi 'ɔnɛɛ 'dlasi li -wɛ, 'e 'yi ki -mɔɔnɔ "ku 'beme "zole.»

Luke 3:8

'A 'tlo- bhi, -se 'wa "kɛ 'sɛ yibhlele- -gbɔ 'a 'bheliɔ- kɔ. -Mɔ, 'a te -kɛ no -gbɔ nɛɛ: -Anye, Ablame 'na yua 'na yua 'ye -a -noɔ. Sɛne 'ye 'e bhulɛle lɛ 'anye nɛɛ: 'Tiyi ne, -ye 'a 'wolo dɛne "ku ne, Lagɔ 'yi Ablame 'na yua 'na yua "zoa-!

Zezu Kli 'na 'Denaade ‑ye Zaa kɛle‑ ne lɛ 12:6

Nyɛzenya za 'ye Zuda -na nɛ 'se "ɛ soɔ bhulɛ-, -mɔ, 'winyɔ yɔ nɛ -lɔ zɛ. 'Ɔɔ kulɛ nɛ -lɔ 'wanɛɛ dlasi 'na "zomɔ, "ne 'ɔ 'sɛ nɛ -lɔ "bhle 'wime.

Zezu Kli 'na 'Denaade ‑ye Zaa kɛle‑ ne lɛ 13:29

"Ɛ Zuda kulɛ nɛ -lɔ 'wanɛɛ 'dlasi zaa, -bedia 'pɔ- 'dle -gbɔ sɛne Zezu bhulɛlo- -lɔ nɛɛ 'ɔ me -se 'ɔ "kɛ -jajo 'na -li pea-, -se 'ɔ me 'lelee -se 'ɔ "kɛ nyɛzenya -bɛɛ' kɔ 'je.

Wlomɛnya 12:13

'A kwɛle- 'a "nowlia -wa -ko 'kplɛkplɛɛ "me -wɛ. -Wa yile 'anye lo -wɛ, 'a 'soa 'tee.

1 Kolɛtenya 4:12

-A 'kplɛle libhɔnoɛ kɔ. 'Wa 'yli -anye, -mɔ, -anye, -a 'poa 'ŋu. 'Wa 'gbapea -anye, -mɔ, 'ɛ -ko "ɛ soɔ "ne -a 'ŋunu "ku.

2 Kolɛtenya 8:12

'A kɛ 'dle "namanɔ "me 'nyɛle-, 'nyakpa yi 'anye 'tee 'sa, 'ɛ -nyɛ 'anyɛɛ -ye 'a -su -wɛ "bhaa. 'Wa -ka 'anye -ye 'a "ne -kɛ -wɛ lo 'yɔbhɔle-.

2 Kolɛtenya 8:2

'Wa ylɛle- 'kplɛkplɛɛ 'na 'kwleyi "me, -mɔ, 'ŋwɛnɛ lɔbhɔa 'ce kpɛnyee yiɛ. 'Wa -noɔ 'poɛnya 'wa, -mɔ 'ɛ -ko -sɔbhɔ "ne 'wa 'tale 'dlasi 'yi.

Galatenya 6:10

Zaa, -a -ka -namlɛ "tɛnye -kɛ ne, -a no -li 'na -li -alua 'klekle za, -wa -kɛ me 'dleku -anyɛɛ sɛne -wɛ za -tiaa.

1 Timote 6:18

'Nyoa 'de -gbɔ 'wa no -li 'na -li 'nyakpa 'wli -se 'wanɛɛ 'nɛnoɛ zimale-. 'Wa nyɛle 'walua 'dlewɛtɛ "me. 'Wa yibhlele- dli sɛ.

Tite 3:14

"Nowlia -nyɛ "nɔyoa 'wɔ -wa -noɔ 'klecɛnya -waa -wɛ, 'wa ciɛ -li 'na -li 'na nonoɛ, -se 'wa "kɛ 'walua kwɛle- 'wa kɛ kplɛkplɛɛ "me -ko ne, -mɔ, 'wa te "fu 'sɔ "me plaplalea-.

Tite 3:8

"Ɛ weli ne, 'ɛ -kɛ 'dleku kɛle- -sɛ. 'Ɛza, 'e 'yɔbhɔ -lɔ -gbɔ 'fo 'yukwli 'tee, -se 'nyakpa 'klekle 'na -wa -kɛ Lagɔ 'dleku -wɛ "kɛ 'wayi "kɔ 'tɔtɔle- -se 'wa "kɛ -li 'na -li no. -Bɛɛ' 'na -bɛɛ' -ɛ "kɛ 'nyakpa 'klekle kwɛle- yɛ -lɔ.