Efɛzenya 4:25 - Nouveau Testament bété de Gagnoa

²⁵ Zaa, 'a te -ka -la 'yo 'wlɛ. -Ɔ 'kɔkokɔko bhulɛle -kɛ -la 'ɔluyu gbɛklɛklɛ, sɛko -wɛ, ku -bholo -ye 'a -glɛ -lɔ 'glɛ 'klekle.

Efɛzenya 4:25 Iomraidhean Croise

Zezu Kli 'na 'Denaade ‑ye Zaa kɛle‑ ne lɛ 8:44

Sata -noɔ -lɔ 'a 'to yɔ, "ne 'a 'yɔbhɔ -gbɔ 'a "kɛ 'a 'to 'na -ye 'ɔ 'yɔbhɔ -wɛ no, -see 'ɛ 'bhale- "kucidɛku -ce, 'ɔyi 'nyakpa -lɔbhɔnyɔ yɔ -lɔ. "Ne 'ɔ "ne gbaa "me -ko, "naa-, gbɛklɛklɛ "no "me -ko zɛ. "Ne 'ɔ kɛ bhulɛ-, yo 'na -kpakpɛ yɛ -lɔ, "Naa- yonyɔ yɔ -lɔ, "ne 'ɔɔ 'wlɛ- -lɔ yo.

Wlomɛnya 12:5

'Ɛ sɛbhele -wɛ, -anye -kwleyia ne, ku -bholo -ye -a -noɔ -lɔ Klise "bhaa 'na "kukoleɛ "me. -Ɔkɔkokɔko -kɛ 'ɔnɛɛ -ye 'ɔ no -wɛ, -see ku 'na -dawli -ko -bholo -bholo -wɛ.

1 Kolɛtenya 10:17

-See "fɔlɔ -yle -bholo "ne -a lile 'gɔme -wɛ, sɔbhɔ -anyɛɛ ku -yle me 'lele -lɔ -bholo. "Naa-, "fɔlɔ -bholo -wɛ 'ye -a li -lɔ zɛ.

2 Kolɛtenya 7:14

"Naa-, 'ɔyi 'yliku 'a -sɛ -ame zu "klo "me, za, zu "ne 'lɔbhɔ -ame, sɛko -wɛ, -a bhulɛle nɛ 'ce 'anye gbɛklɛklɛ yiɛ, 'ɛza, -se 'a -sɛ -ame zu "klo "me Tite 'yliku -wɛ "namaleɛ -lɔ -tiaa.

Efɛzenya 4:15

-Mɔ, -a kɛ gbɛklɛklɛ bhulɛ -waleɛ "me ne, -a yi -li 'klekle "me 'kpɔmale Klise 'nasɛ, 'ɔyi -ɔ -noɔ ku 'na 'wli yɔ -wɛ za.

Efɛzenya 4:22

Zaa, 'a yi 'anyɛɛ -watɔ 'na zikpɛ -ce 'yi 'tale-. -Watɔ -ce, 'a -wa nɛ 'dlepɔsɛ -nyɛnye -ɛ no ylo, "ne 'ɛ lɔbhɔ nɛ 'anye "ku -wɛ. Zaa, -se 'a -ko 'awɔ -watɔ -ce, 'a 'tale -sɔbhɔ 'yi sɛgbɛɛ "koti -gɔgɔ.

Efɛzenya 4:31

'A te "nyɛnye -ye 'wa -no 'anye -wɛ 'dlezɔ kulɛle-, "klo nyɛneɛ, 'kɛle, "mekpɛɛ, 'yliyliɛ. "Nyɛnye 'na -se 'ɛ "mɔ -le "ne -se 'ɛ "kɛ -le, 'a 'ylialea- 'ayi "guɔ 'klekle.

Efɛzenya 5:30

-Ɔkɔkokɔko "ne bhɔ 'ɛ Klise 'na ku -wɛ 'na 'cibhɛ yɔ? Lagɔbɔgo "me 'na -ye 'wa zɛle "me ne lɛ:

Kolɔsenya 3:8

-Mɔ, -dɛmeda, 'a 'tale- "ɛwɛ 'klekle yi: 'Kɛle, 'kpokpo, -konyinɛ. "Ne 'slowli -nyɛ weli -nyɛnye -wɛ 'wɔ "bhaa te -la 'anye nu ylɛle!

Kolɔsenya 3:9

'A te -la yo yɔko 'wlɛwlɛle-. -See 'wa sɛ "meplakoti -gɔgɔ "me -wɛ, sɔbhɔ 'ye 'a 'tale- -lɔ 'anyɛɛ nonoli -nyɛnye -wɛ 'yi.

1 Timote 1:10

'Ɛ -Lɔ -wɛ -noɔ me 'nyakpa 'na -wa "ne gbezi 'ŋwenea "ne 'widia "me -wɛ nɛ yɛ, 'nyakpa 'na -wa 'tɛletɛle le siɛ -wɛ, "ne -wa pɔ 'juyua pɔloku -wɛ nɛ yɛ, 'ɛ noɔ me 'lele Yowlɛnya, "ne 'wa zligbɔ fu -wɛ nɛ yɛ. 'Ɛ noɔ me 'lelee -wa -su 'wayi 'kpetekli, "ne -wa "ne 'yɔbhɔ Lagɔweli 'na "meŋwinɛlesɛ 'na sloasɛ -wɛ.

1 Timote 4:2

'Nyakpa -gbeyia "ne Yowlɛnya yua 'wanɛɛ bhulɛweli "me ylo nole. "Ɛ 'nyakpa -wɛ, 'yo "mna 'wanɛɛ 'dlepɔsɛ 'wli "ku sɛgbɛɛ, leyi -sinɔ 'na -kpakpɛ.

Tite 1:12

'Wanɛɛ 'glɛme 'na "guɔkwɔmenyɔ "yitɔ -bholo nɛɛ: «Klɛte 'na 'nyakpa, -godogodo 'na yowlɛnya 'wa -lɔ, 'wa -ko -konyinɛ "me kpɛnyee, 'wanɛɛ 'mene 'ɛyikɔ 'wa 'pɔ -lɔ "ku 'dle, "ne 'wa 'gble-!»

Tite 1:2

-Se 'wa "kɛ zikpɛ 'na -ɛ -ka "kubhiɛ, "ne Lagɔ -ɔ "ne yo -kɛ no -gbɔ 'ɔ "kɛ -anye kɔ 'je -wɛ 'dleku kɛle- -godogodo -dee 'wa -na 'awɔ zikpɛ 'wlɛ -wɛ.

Eblenya 12:1

'Nyakpa 'na -zakpɛ "yitɛ -ye 'dlekukɛleɛ -ko "me -wɛ -bli -anye. Zaa, -anye -bhele ne, -a "pɔ -li 'klekle -ɛ gbɔ "ne -a "ne 'nyiɔ 'yuku -wɛ 'kwlɛ "me, -a "pɔ 'nyinyonoli -ɛ -bubɔ -anye -fa -wɛ 'kwlɛ "me. -A 'pa- 'sokwɛ -se -a "kɛ -dee 'wa ga -ce ylɛ-.

Zake 1:21

Zaa, 'a 'tale- "nyɛnye "ne -li 'klekle -ɛ pla 'anye 'fe -wɛ 'yi, -se 'dlewɔtɛ "me, 'a 'sa weli -ye Lagɔ "zo- 'anye 'dlezɔ -wɛ kɔ, 'ɛ bhɛle -se 'ɛ "kɛ 'anyɛɛ zikpɛ 'fuɔ.

1 Piɛle 2:1

'A 'tale -ɛ -noɔ -konyinɛ yɛ 'klekle -wɛ 'yi, 'a te 'nyɔkpɔ ylo no, 'a te -jijigbɛlɛ "zo, -se 'a te lɔbhɔzo no, -se 'a te 'alua 'na weli -nyɛnye bhulɛ.

'Ylikloylɛleweli 21:8

-Mɔ, -wa gu, -wa "ne Lagɔ 'dleku -kɛ, -wa no -li 'na "nyɛnye, 'nyakpalɔbhɔnya, 'gbozlɛnya, "gunya, -wa bɔbɔ "fu 'na Lagɔ, "ne yowlɛnya 'klekle, 'wayi -wɛ, -kosugbagbo "me -dee -biŋu -ɛ siɛ yɔko -ko -wɛ, 'wa "kɛ -lɔ 'gbapele-. 'Ɛɛ -noɔ -lɔ 'kwiɛ 'na ''sɔnɛ yɛ.

'Ylikloylɛleweli 22:15

-Mɔ, -wa "kɛ 'du keyi 'to- -wɛ ne lɛ: -Wa no -li -ɛ sɛ geji "ku, "gunya "ne -wa me 'ŋwenea lo 'kpɛtɛkli, 'nyakpalɔbhɔnya "ne -wa "zo "fu 'na lagɔ, "ne -wa -wa yowlɛɛ "ne -wa 'wlɛ yo.