Efɛzenya 4:24 - Nouveau Testament bété de Gagnoa

²⁴ 'A "zo 'nyɔkpɔ -lele sɛgbɛɛ 'koti -lele 'ye 'a -pla "me. "Ɛ 'nyɔkpɔ -lele ne 'wlɔ -see Lagɔ 'yɔbhɔ -wɛ. Gbɛklɛklɛ zoɔ "me 'ŋwinɛlenyɔ "ne 'wlewle.

Efɛzenya 4:24 Iomraidhean Croise

Luke 1:75

-a te 'gu -se -a "kɔ "ku lɔbhɔ- "me 'ŋwinɛleɛ "me "ne 'wlewle -koɛ "me, 'ɔyi 'yliku, 'anyɛɛ zikpɛ 'klekle "me.

Zezu Kli 'na 'Denaade ‑ye Zaa kɛle‑ ne lɛ 17:17

Gbɔ -se 'wa "kɛ -noa "zo gou gbɛklɛklɛ "me. -Neɛ' bhulɛweli -noɔ -lɔ gbɛklɛklɛ yɛ.

Wlomɛnya 12:2

'A te zikpɛ ne "ku 'na kosɛ -nyɛnye gɛlele-, -mɔ, 'a 'tale Lagɔ 'yi -se 'ɔ "kɛ 'anyɛɛ "nɛnoɛ -nyɛ zikpɛ "bhaa kɔ 'bhelia- gou. 'Ɛɛ "kɛ -lɔ -gbɔ "ne 'a "kɛ 'ce -lɔ -ye 'ɔ -wa -wɛ yibhlele-: 'Ɛ 'nɛne, 'ɛ lo 'ŋwɛnɛ "ku, "ne 'ɛ "ne 'nuɔsɔbhɔledɛ -kɛ gou.

Wlomɛnya 13:12

'Titiɛ yi -la "kubhiɛ, "ne zle "kɛ -lɔ ze. Zaa, -a ylilea- -ayi "nyɛnye -ye -a nole titiɛ "me -wɛ 'guɔ. -Se -a libhi 'togwe -li -ye -a -su zlegɛ -wɛ "ku.

Wlomɛnya 13:14

-Mɔ 'a -didale Anyinɛnyɔ Zezu Kli 'na nonoli. -Se 'anyɛɛ 'dlepɔsɛ -nyɛnye te kɛ 'anye "nyɛnye lo kɔmelea-.

Wlomɛnya 6:4

Zaa, batɛme "me, 'ɔ -nyɛ -anye "bhaa 'kwiɛ "me -ye -a -plɛ -lɔ. -Mɔ, To 'na 'bhɛloɛ -ɛ me 'ŋlu -golia Klise 'kwiɛ "me, -se -anye 'lelee, -a "kɛ zikpɛ -lele "ku ko.

Wlomɛnya 7:6

-Mɔ, -dɛmeda, -a -ylile -ɛ zia -anye 'nyɛze -wɛ "guɔ gou -Lɔ 'na "tenye -ce "me. Zaa, -a yi -la Lagɔ "ku lɔbhɔ kosɛ -lele "me, Zuzu Wlewle 'na 'plomezoɛ "me, "ne -a -ka -la Lagɔ -watɔ 'nasɛ -ce "ku lɔbhɔ- Moyize 'na -Lɔ 'na 'plomezoɛ "me.

Wlomɛnya 8:29

"Naa-, -ye Lagɔ -tɔ "kle "kucidɛku -wɛ, 'ɔ 'yɔbhɔ- "ɛ "kucidɛ 'ce "ku -gbɔ 'wa 'wlole 'ɔ Yowli, -se 'ɔ Yowli "kɛ -gligbɛ "yitɛ "ku 'na tɛtɛyu "zo.

1 Kolɛtenya 15:53

"Naa-, -anyɛɛ ku -ye -a -kɛ -wɛ zu -ɛ "kɛ -lɔ zu "bhuɔ "ne 'ɛ "kɛ -lɔ ku -lele -ɛ -ka zu -wɛ "me 'ylile-, "ne 'ɛ ku -ɛ "kɛ "ku ne, kɔ 'ye 'ɛ "kɛ -lɔ 'bheliɔ- "ne 'ɛ -ka 'ce -la "ku gou.

2 Kolɛtenya 3:18

-Anye 'klekle lokwi -pɛɛ "ne -anye "klo 'pe-, "naa-, Anyinɛnyɔ 'na 'ŋlu 'lelele -anye "klo sɛgbɛɛ 'pepleyi. Zaa, Anyinɛnyɔ -ɔ -noɔ Zuzu yɔ -wɛ, 'bhelia -lɔ -anye kɔ, 'ɔ "zoa -anye 'ɔnɛɛ 'wlolenya, "ne 'ɔnɛɛ 'ŋlu 'kpɔ 'ce -godogodo. Anyinɛnyɔ -ɔ -noɔ Zuzu yɔ -wɛ 'na libhɔ -ye 'ɔ no, 'ɛɛ -wɛ -lɔ.

2 Kolɛtenya 4:16

'Ɛnɛɛ za 'kwɛme "ne -lɔ -anye yɔle-. -Anyɛɛ ku kɛ se zlo- -ce, -ɛ -ko -anye "me -wɛ "zo 'lele -se zle ze 'yiɛ -wɛ.

2 Kolɛtenya 5:17

'Za, 'nyɔkpɔ -nyɛ Klise "bhaa 'wa "kɛ "ku -kole ne, "lele 'ye 'ɔ "zo -lɔ. "Naa-, -ɛ -noɔ "gɔgɔ yɛ -wɛ "ku 'ye 'ɛ -bhiɛ -lɔ, "ne -ɛ -noɔ "lele yɛ -wɛ -ko -lɔ lɔbhɔ.

Galatenya 3:27

'Anye 'klekle, Klise "me 'ye 'a -ylele -lɔ batɛme. "Ne 'a yi -lɔ 'ɔnɛɛ 'wlole "zo.

Galatenya 6:15

-E "diɔ- "ku 'oo -e "ne "ku "diɔ- 'oo, 'ɛyi -wɛ "ne -bɛɛ' "me -ko! -Mɔ -ɛ -ko -bɛɛ' "me 'pa- -lɔ -gbɔ: Lagɔ "zoa- -anye 'nyakpa -lelea.

Efɛzenya 2:10

'Diɛɛ, Lagɔ -no -lɔ -anye, 'ɔ 'wlɛ- -lɔ -anye, Klise Zezu "me, -se -a "kɛ -kɛ -li 'na -li no, -li 'na -li -ye 'ɔ -sɛ 'awɔ lɔbhɔ "kle -wɛ no.

Efɛzenya 2:15

"Ne 'ɔ yi -lɔ Moyize 'na -Lɔ -nyɛ 'ɔnɛɛ gbagbɛ "ne gbɛ "bhaa "ku bhia-. "Ne -wa -noɔ Zufonya 'waa "ne -wa "ne Zufonya 'waa -wɛ "bhaa, Klise yua -lɔ 'nyakpa -lelea -bholo "zoa- 'ɔyi 'wɔ "bhaa 'na "kukoleɛ "me. 'Soɔ -ye 'ɔ 'nɛme- -lɔ "kuwɛtɛ.

Efɛzenya 6:11

'A 'libhi Lagɔ 'na togwekosu 'klekle "ku, -se 'a "kɛ -kɛ Sata 'na ylonoli 'yliku 'nyenyi.

Tite 2:14

'Ɔ -ple 'ɔnɛɛ zikpɛ -anyɛɛ za, -se -anyɛɛ 'nyinyonoli 'na gbo "kɛ bhiɛ. 'Ɔ 'yɔbhɔ nɛ -gbɔ 'ɔ "kɛ nɛ -anye -zakpɛ -bholo "me 'wlewle "zoa-. 'Nyakpa -wa "kɛ 'ɔnoa "zo- -wɛ, -wa -ko lɔbhɔ -godogodo -se -wa "kɛ -li 'na -li no.

Eblenya 1:8

-Mɔ, Lagɔ -bhulɛle 'ɔ Yowli nɛɛ: E -noɔ Lagɔ yɔ, "ne -neɛ' 'kamaleɛ -ka 'ce "ku bhiɛ godogodo 'na dɛ. "Ne -e yi -neɛ' -gligbɛnya slu "meŋwinɛlesɛ.

Eblenya 12:14

'A tɛle- "kuwɛtɛ siɛ 'nyakpa 'klekle yɔko, 'anyɛɛ kosɛ 'namale- Lagɔ -gɛ. 'Ɛ "mɔ -soɔ -ko ne, 'nyɔkpɔ -ka Anyinɛnyɔ 'ylime 'ye.

1 Piɛle 2:2

Sɛgbɛɛ yua 'lelea 'na -ye -wa -gwɛle -dɛme ne, Lagɔ 'na bhulɛweli -ɛ -le sɛgbɛɛ 'nyeteŋu -wɛ 'na to -na lɔbhɔ 'anye. 'Ɛ -noɔ -lɔ 'nyeteŋu 'na -ɛ -ko 'wlele -wɛ yɛ, "naa-, 'a 'cɛ 'nɛmɔ-, 'a yi 'bhoɔ "ne 'a yi "po.

2 Piɛle 1:4

"Ɛ 'ŋlu -nyɛ 'bhɛloɛ ne "me, Lagɔ -plele -anye -bɛɛ' 'na "yitɛ -ɛ 'tɛ- 'kpɛ "ku -wɛ 'na weli kɔ. Zaa, 'a kɛ "ɛ -bɛɛ' -wɛ -yle ne, 'a yi 'ce zikpɛ -ɛ 'zu- ne "me 'na -bɛɛ' 'na -ɛnɛɛ to lɔbhɔ 'anye -wɛ "me 'bha, "ne Lagɔ 'ɔyigɛsɛ "bhaa 'a yi "ku kole-.