Efɛzenya 4:23 - Nouveau Testament bété de Gagnoa

²³ 'A "no "ɛ -li -wɛ 'wɔ sɛ -lele "me, Lagɔ Zuzu 'na -se 'ɛ 'yɔbhɔ -wɛ.

Efɛzenya 4:23 Iomraidhean Croise

Wlomɛnya 12:2

'A te zikpɛ ne "ku 'na kosɛ -nyɛnye gɛlele-, -mɔ, 'a 'tale Lagɔ 'yi -se 'ɔ "kɛ 'anyɛɛ "nɛnoɛ -nyɛ zikpɛ "bhaa kɔ 'bhelia- gou. 'Ɛɛ "kɛ -lɔ -gbɔ "ne 'a "kɛ 'ce -lɔ -ye 'ɔ -wa -wɛ yibhlele-: 'Ɛ 'nɛne, 'ɛ lo 'ŋwɛnɛ "ku, "ne 'ɛ "ne 'nuɔsɔbhɔledɛ -kɛ gou.

Wlomɛnya 6:4

Zaa, batɛme "me, 'ɔ -nyɛ -anye "bhaa 'kwiɛ "me -ye -a -plɛ -lɔ. -Mɔ, To 'na 'bhɛloɛ -ɛ me 'ŋlu -golia Klise 'kwiɛ "me, -se -anye 'lelee, -a "kɛ zikpɛ -lele "ku ko.

Wlomɛnya 8:6

-Sɔɔdɛku 'nyɔkpɔ -gɛlele 'ɔyigɛsɛ 'na 'dlepɔsɛ -wɛ, 'kwiɛ 'ye 'ɔ mele -lɔ lo, -mɔ, 'nyɔkpɔ "kɛ Zuzu Wlewle -gɛlele, zikpɛ 'ye 'ɔ mele -lɔ lo 'ɛ -nyɛ "kuwɛtɛ "bhaa.

Efɛzenya 2:10

'Diɛɛ, Lagɔ -no -lɔ -anye, 'ɔ 'wlɛ- -lɔ -anye, Klise Zezu "me, -se -a "kɛ -kɛ -li 'na -li no, -li 'na -li -ye 'ɔ -sɛ 'awɔ lɔbhɔ "kle -wɛ no.

Kolɔsenya 3:10

"Ne 'ɛ -ko sɛgbɛɛ 'koti -lele 'ye 'a -pla "me. "Ne 'ɔ 'wlole -lɔ 'ɔnɛɛ 'wlɛnyɔ 'yiɛ. 'Ɛ "kɛ -lɔ -gbɔ "ne 'a "kɛ -lɔ Lagɔ yibhlele- -tiaa.

Tite 3:5

"Ne 'ɔ yi -lɔ -anye fuɔ, 'ɛ "ne -kɛ -anyɛɛ -li 'na -li -ye -a no -ayigɛsɛ -wɛ za yɛ. -Mɔ, -see 'ɔ -kɛ -nyezedle za yɛ -lɔ. 'Ɔnɛɛ -ye 'ɔ -gwɛlele -anye "kusɔ -wɛ "zoa- -lɔ -anye 'wlele. "Ne Lagɔ yi -lɔ -anye zikpɛ 'na 'lele 'nyɛ Zuzu Wlewle "me.

1 Piɛle 1:13

'Ɛnɛɛ za, 'a 'luɔ- -kɛ! 'A 'fo 'yukwli! -Se 'a "zo 'anyɛɛ 'dletɛleɛ 'nyɛnyɛ -bɛɛ' -ye 'a "kɛ yle -wɛ "me, -sɔɔdɛku Zezu Kli "kɛ 'anye 'yliku 'sibhɔ.