Efɛzenya 4:22 - Nouveau Testament bété de Gagnoa

²² Zaa, 'a yi 'anyɛɛ -watɔ 'na zikpɛ -ce 'yi 'tale-. -Watɔ -ce, 'a -wa nɛ 'dlepɔsɛ -nyɛnye -ɛ no ylo, "ne 'ɛ lɔbhɔ nɛ 'anye "ku -wɛ. Zaa, -se 'a -ko 'awɔ -watɔ -ce, 'a 'tale -sɔbhɔ 'yi sɛgbɛɛ "koti -gɔgɔ.

Efɛzenya 4:22 Iomraidhean Croise

Wlomɛnya 6:6

-A 'no 'ɛyi ne "me 'tee: -See -a -ko nɛ -watɔ -ce, 'ɛyi -wɛ -koleɔ klowa "klo Klise "bhaa, zaa, 'nyinyonoli -ɛ -ko nɛ -anye 'nabhɛ "me -wɛ -bhiɛ "ku. Zaa, -a "ne -kɛ -la 'nyinyonoli 'na 'juyua 'waa.

Wlomɛnya 7:11

-Naa, 'nyinyonoli, gbagbɛ "me 'ye 'ɛ -ylɛle -lɔ, "ne 'ɛ yi -lɔ -ame ylo no-, "ne 'ɛ yi -lɔ -ame "kua- "ɛ gbagbɛ -wɛ "me.

2 Kolɛtenya 11:3

-Mɔ, 'a luɔ -kɛ! 'Tɛbhɛ -no 'awɔ -kɛ Ɛvo ylo yowlɛ "me. Zaa, 'e "gu -gbɔ 'anyɛɛ 'dlepɔsɛ "namanɔ -ɛ -ko 'wlele -wɛ te kɛ kɔ 'bheliɔ, -se 'a te kɛ Klise "guɔ 'ylile-.

Galatenya 1:13

"Naa-, 'a no- -see 'e -su nɛ 'ayi "ku 'watɔ -wɛ 'na 'de, -sɔɔdɛku 'e -ko nɛ Zufonya 'na Lagɔgligbɛ "me -wɛ. 'A -yi -se 'e -su nɛ Lagɔgligbɛ "ku 'kpokposɛ, "ne 'e 'gbapea nɛ, "ne 'e 'yɔbhɔ nɛ -gbɔ 'e 'cɛ nɛ "ku bhia-.

Efɛzenya 2:3

'Watɔ -ce, -anye 'lelee, -a ko -me 'awɔ "ɛ 'nyakpa -wɛ 'glɛme, -sɔɔdɛku -a -gɛlele 'awɔ -anyɛɛ 'dlepɔsɛ -nyɛnye -wɛ. -A "zo 'awɔ -anyɛɛ -kosɛ -nyɛ 'dlepɔsɛ -nyɛnye -wɛ "bhaa 'plome. "Ɛ -anyɛɛ 'nyɔkpɔ -kosɛ 'na 'ylime, Lagɔ yi nɛ -anye 'kɛle yɔko 'pɔle -wawɛ 'nasɛ.

Efɛzenya 4:17

'Ɛnɛɛ za, 'e bhulɛle lɛ 'anye -ɛne, "ne 'e 'totole -lɔ lɔbhɔ "me Anyinɛnyɔ 'na 'tɔ "me: 'A te 'ayi -slu sɛgbɛɛ -wa "ne "zo Lagɔ -wɛ 'nasɛ. 'Wanɛɛ 'dlepɔsɛ "ne -nɛmoa -bɛɛ' "ku.

Efɛzenya 4:25

Zaa, 'a te -ka -la 'yo 'wlɛ. -Ɔ 'kɔkokɔko bhulɛle -kɛ -la 'ɔluyu gbɛklɛklɛ, sɛko -wɛ, ku -bholo -ye 'a -glɛ -lɔ 'glɛ 'klekle.

Efɛzenya 4:31

'A te "nyɛnye -ye 'wa -no 'anye -wɛ 'dlezɔ kulɛle-, "klo nyɛneɛ, 'kɛle, "mekpɛɛ, 'yliyliɛ. "Nyɛnye 'na -se 'ɛ "mɔ -le "ne -se 'ɛ "kɛ -le, 'a 'ylialea- 'ayi "guɔ 'klekle.

Kolɔsenya 2:11

Klise "me -ye 'wa 'dile- 'lelee -lɔ 'anye "ku zɛ. "Ɛ "kudiɛ -wɛ, 'nyɔkpɔ 'na sɔ "me 'ye 'ɛ "ne -noɔ, -mɔ, Klise "me 'ye 'ɛ 'bhale -lɔ, 'ɛ -gbɔ "ne 'a no "nyɛnye -wɛ 'ye 'ɔ sɛ- -lɔ lɔbhɔ.

Tite 3:3

"Ne -anye 'lelee, bhlɛme, -a "ne 'awɔ "nɛ-, 'kpokponya 'ye -a -noɔ 'awɔ -lɔ, "kwlɛ -a -bhli 'awɔ -lɔ, -li 'klekle -ɛ "ne 'nɛne -wɛ 'ye -a no nɛ -lɔ, "ne -a -noɔ 'awɔ -lɔ konyinɛnya 'waa, "ne -a tu 'awɔ -lɔ -alua 'na -li "ku, "ne -a -gblegblele 'awɔ -lɔ, "ne -a no 'awɔ -lɔ -li -nyɛnye.

Eblenya 12:1

'Nyakpa 'na -zakpɛ "yitɛ -ye 'dlekukɛleɛ -ko "me -wɛ -bli -anye. Zaa, -anye -bhele ne, -a "pɔ -li 'klekle -ɛ gbɔ "ne -a "ne 'nyiɔ 'yuku -wɛ 'kwlɛ "me, -a "pɔ 'nyinyonoli -ɛ -bubɔ -anye -fa -wɛ 'kwlɛ "me. -A 'pa- 'sokwɛ -se -a "kɛ -dee 'wa ga -ce ylɛ-.

Eblenya 3:13

-Zeka -na zɛ, Lagɔ la 'anye 'yiɛ. Zle 'klekle "me, 'a "tamatamale- 'kwɛme, -sɔɔdɛku 'a no "ɛ laweli ne -zeka. Sɔbhɔ za 'nyinyonoli -ka 'anye ylo no, "ne 'anyɛɛ glɛme -bholo -ka 'ɔnɛɛ 'dle "ku 'gba 'nyinyonoli no -za.

Zake 1:21

Zaa, 'a 'tale- "nyɛnye "ne -li 'klekle -ɛ pla 'anye 'fe -wɛ 'yi, -se 'dlewɔtɛ "me, 'a 'sa weli -ye Lagɔ "zo- 'anye 'dlezɔ -wɛ kɔ, 'ɛ bhɛle -se 'ɛ "kɛ 'anyɛɛ zikpɛ 'fuɔ.

Zake 1:26

Zaa, 'nyɔkpɔ kɛ no -gbɔ 'ɔ -noɔ 'klecɛnyɔ 'na "namanɔ yɔ, "ne 'ɔ kɛ bhulɛ -ku "pulɔ, 'ɔyi 'nabhɛ 'ye 'ɔ no -lɔ ylo, "ne 'ɔnɛɛ -see 'ɔ 'nɔŋo- Lagɔ 'yliku 'tee -wɛ "ne -la -bɛɛ' "me -ko.

1 Piɛle 1:18

'A 'to 'wa 'to 'wɔ 'na kosɛ -nyɛnye -ye 'wa -sloa 'anye -wɛ "ne -bɛɛ' "me -ko. -Mɔ, 'a -yi -sɛ -gbɔ Lagɔ 'peɛle- "yitɛ "ku, "ne 'ɔ yi -lɔ 'anyɛɛ kosɛ -nyɛnye 'na 'galu 'di. "Naa-, 'ɔ "ne -li -ɛ nyimɔ -wɛ "me 'peɛle-, sɛgbɛɛ -badlɛ "ne 'dlasi.

1 Piɛle 4:3

'Diɛɛ, -watɔ -ce, 'a 'yɔbhɔ 'awɔ -gbɔ 'a "kɛ 'ayi slu- sɛgbɛɛ -wa "ne "zo Lagɔ 'nasɛ. 'A -su 'awɔ 'ayi -see 'a 'yɔbhɔ 'awɔ -wɛ, 'a -noɔ 'awɔ lɔbhɔzononya 'waa, no -gbi-nɔmɔnya 'waa. 'A mlɛ 'awɔ kpɛnyee, 'a -noɔ 'awɔ nogbinɔmɔnya 'waa, 'a "zo 'awɔ "fu 'na Lagɔ, -ɛ "ne lɛ 'nɛne gou.

2 Piɛle 2:13

'Kleyeɛ -ye 'wa "kɛ yle- 'wanɛɛ nonoli -nyɛnye za yɛ -lɔ. 'Wa -wa -se 'wa "kɛ 'wanɛɛ 'dlepɔsɛ -nyɛnye zlegɛ no. 'Wa -nyɔ 'wɔ "bhaa 'a "kɛ -jajo no ne, 'ɛyi 'wa ylɛle -lɔ "me "ne 'wa wlɛle -lɔ 'anye 'yo yɔko, "ne "ɛ 'wanɛɛ lɔbhɔ -koɛ -wɛ -le 'zu "ku.

2 Piɛle 2:7

Lɔte -ko 'awɔ 'nyakpa -wa -su 'wayi -gbeyi "ku -wɛ 'glɛme, -mɔ, 'ɔyi 'nabhɛ 'nyɔkpɔ 'na -ɔ ŋwinɛle- "me yɔ 'awɔ -lɔ. 'Wanɛɛ -kosɛ -nyɛnye 'gbapeɔ 'awɔ kpɛnyee.