Efɛzenya 4:21 - Nouveau Testament bété de Gagnoa

²¹ 'Ɔnɛɛ "ku 'na weli 'wa -bhulɛle bhɔ 'diɛɛ 'anye? -Se 'a -noɔ 'klecɛnya 'waa -wɛ za, 'wa -sloa -lɔ 'anye gbɛklɛklɛ -ɛ -ko Zezu "me -wɛ

Efɛzenya 4:21 Iomraidhean Croise

Matie 17:5

-Mɔ, 'ɔ -le bhulɛ dɛku, "ne "nɔgɔjatlɛ yua -lɔ 'wli mlɔa-, "ne "ɛ "nɔgɔjatlɛ -wɛ "me weli yi -lɔ "bhle 'bhale-, 'ɛ nɛɛ: «-Ɔne 'neɛ -wawayu -ye 'e -sɛ lɔbhɔ 'ŋwɛnɛ -sɛku yɔ -lɔ, 'a 'fo 'yukwli!»

Luke 10:16

-Ɔ 'fo 'anye 'yukwli -wɛ, -ame 'ye 'ɔ -fo -lɔ 'yukwli. "Ne, -ɔ sɛ 'anyɛɛ lo -wɛ, 'neɛ lo 'ye 'ɔ sɛ -lɔ. -Mɔ, -ɔ sɛ 'neɛ lo -wɛ, -ɔ -lebhe -ame -wɛ 'na lo 'ye 'ɔ sɛ -lɔ.

Zezu Kli 'na 'Denaade ‑ye Zaa kɛle‑ ne lɛ 1:17

Lagɔ 'je- -lɔ Moyize -Lɔ kɔ, "ne 'ɔ 'yi -lɔ -anye -nɛme, -mɔ, -jɔlo -nyɛ gbɛklɛklɛ "bhaa Zezu Kli -nɛme -lɔ.

Zezu Kli 'na 'Denaade ‑ye Zaa kɛle‑ ne lɛ 10:27

'Neɛ wlia fo 'na weli 'yukwli. 'E -yua, "ne 'wa -gɛle -ame.

Zezu Kli 'na 'Denaade ‑ye Zaa kɛle‑ ne lɛ 14:17

'Ɔɔ -noɔ -lɔ Zuzu Wlewle, -gbaabhulɛnyɔ yɔ. -Tiaa 'nyakpa "ne 'bhɛle- "ne "kɔ kɔ 'sa, "naa- 'wa "no 'yli -gɛ "ne 'wa "no -yi zɛ. -Mɔ, 'anye 'a -yu, sɛko -wɛ, 'ɔ -ko 'anye yɔko, "ne 'ɔ -ko 'anye "me.

Zezu Kli 'na 'Denaade ‑ye Zaa kɛle‑ ne lɛ 14:6

"Ne Zezu yu -lɔ no nɛɛ: «-Ame 'mɔɔ -noɔ -lɔ -gwe -nyɛ gbɛklɛklɛ "ne zikpɛ "bhaa yɔ. 'Nyɔkpɔ "ne 'bhɛle- 'ɔ "kɛ To yle, 'ɔ "mɔ -ame "me -ylɛle.

Wlomɛnya 10:14

-Mɔ, -see -e "kɛ bhɔ Anyinɛnyɔ -eyi lo lale- -e "mɔ 'dleku -kɛ 'a? "Ne -see -e kɛ bhɔ Anyinɛnyɔ 'dleku kɛle-, -e "mɔ 'ɔnɛɛ "kukoweli 'no- 'a? "Ne -see -e "kɛ bhɔ 'ɔnɛɛ "kukoweli 'no 'nyɔkpɔ "mɔ -eyi 'ɔnɛɛ 'de 'sɛle-,

2 Kolɛtenya 1:20

"Naa-, -ye Lagɔ no -gbɔ 'ɔ "kɛ 'nyakpa 'ylime tua 'klekle -wɛ, Zezu "me 'ye 'ɛ 'wlole- -lɔ 'yli. "Ne 'ɔ -noɔ -lɔ 'ɛnɛɛ «-ɛɛ yɔ.» 'Ɛza, Zezu "me, -a no me 'lelee -lɔ «Amɛn.» -Se -a "kɛ Lagɔ lo keyi 'dile-.

2 Kolɛtenya 11:10

'Nyɔkpɔ -ka 'ce 'lelee sɔbhɔ 'na kokoɛ -ame 'dlezɔ -sɛ Akayi -glɔ ne "me. Klise -ɔ -ko -ame "me -wɛ za. 'E yi no -gbɔ -diɛɛ yɛ -lɔ, -soɔ 'ye 'e 'gbɔ -lɔ.

Efɛzenya 1:13

Klise "me, 'anye 'lelee, 'a no- -diɛnadiɛ 'na bhulɛweli "me, 'Denaade -ɛ 'fuɔ 'anye -wɛ. 'Ɛ 'ple- lɛ "bhuɔ ne, 'a 'kɛle- Klise 'dleku, "ne Lagɔ yi -lɔ 'anye 'be "klo "zo. 'Ɛ 'be -wɛ, Zuzu Wlewle -ye 'ɔ 'no -gbɔ 'ɔ yi yi -wɛ yɔ -lɔ.

Efɛzenya 2:17

'Ɔ -yi -se 'ɔ "kɛ 'Denaade -ɛ 'nyɛ "kuwɛtɛ 'anye -wa tlo nɛ 'dɛ, "ne -wa "ne 'lelee dɛtlo -wɛ 'wɔ "bhaa -sɛle.

Kolɔsenya 1:5

"Naa-, 'a "tɛle -ye Lagɔ -sɛ lɔbhɔ 'anyɛɛ za "nɔgɔ "me -wɛ 'dle. -Ye 'Denaade -ɛ -noɔ gbɛklɛklɛ -weli yɛ -ylɛ 'anyɛɛ -moɔ -wɛ, 'ɛɛ -gbɔ -lɔ "ne 'a yi -lɔ "ɛ 'dletɛleɛ ne yibhlele-.

Kolɔsenya 1:6

"Ɛ 'Denaade ne tlo -lɔ bhi, "ne 'ɛ 'ŋwɛne -lɔ -glɔ 'klekle "ku. "Ɛ sɛbhele -wɛ 'ye 'ɛ -ko -me -lɔ 'anyɛɛ mɛce, -se 'wa "mɔ 'awɔ 'anye Lagɔ 'na -jɔlo -de -sɛle ne, "ne -se 'a "mɔ 'awɔ "me 'no -gbɔ Lagɔ -wa 'anye 'diɛɛ.

Kolɔsenya 2:7

'A 'kɛle- -kpulu 'ɔyi "me, 'a 'sɔbhɔle 'anyɛɛ zikpɛ Klise "me, 'dlekukɛleɛ -ye 'wa 'sloa- 'anye -wɛ, 'a 'kɛle- kɔ klekle, -se 'a bhɛle Lagɔ -ka -ka -ka.

1 Zaa 5:20

-A -yi sɛ, Lagɔ 'na 'Yu -yi. 'Ɔ 'nyɛ -anye 'nɛnoɛ -se -a kɛ -diɛnadiɛ 'na Lagɔ yibhlele-, "ne "ɛ -diɛnadiɛ 'na Lagɔ -wɛ "bhaa -a -kole "ku 'ɔ Yowli Zezu Kli "me. 'Ɔyi, 'ɔ -noɔ -lɔ -diɛnadiɛ 'na Lagɔ yɔ, "ne 'ɔ -noɔ 'lelee -lɔ zikpɛ -ɛ -ka "kubhiɛ -wɛ yɔ.